الــلــغز الــرابــع

[فهد العايضي]

مساكم الله بالخير

ياجماعه هذا اللغز الرابع بس تراه اسهل من الألغاز اللي قبله


اللغز يقول :


أنشدك عـن رجلٍ يـدل الريـاجـيل ..... دربـه دهر ماينـبت اللي وطابه

أصقه عمى مايسمع القال والقيل ..... وليا حضر فك النشب والطلابه


وتقبلوا فائق إحترامي

[التركي]

اخوي الغريب ابرمعه يالذيب وشرايك بالقار الزفلت تحياتي لك اخوك تركي

[فهد العايضي]

اخوي تركي مالك لوا

حاول مره ثانيه انا حاس إنك أنت اللي بتحله

[°• قرنقش •°]

الكفر أو الدركسون ..

(محاوله)

[فهد العايضي]

للأسف بقول لك لا

بس إذا أنتي بدويه بتعرفينه

[°• قرنقش •°]

العصا ..

(محاولة)

للعلم تراني روقيه ..<-- معصبه غلطت عليها ..

[فهد العايضي]

لا لا لا ماعاش من يغلط عليك يابنت روق

لا تفهميني غلط ياقرنقش انا قصدي ان اللغز المطروح

البدو يعرفونه اكثر من الحضر لا يروح بالك لبعيد ...


وحلك الثاني للأسف خطأ

[ابن ثريان]

مساء الخير اخونا المتميز والرائع الغريب (اسماً فقط) ...!



الحل ياطويل العمر هو


الوسم ( كل قبيلة لها مطرق وشاهد)

[فهد العايضي]

مساك الله بالخير والعافيه اخوي ابن ثريان

أولاً : أشكرك كل الشكرعلى هذا الإطراء

الحلو اللي أخذ حلاوته من حلاوتك

ثانياً : صح لسانك صحيح الحل هو ( الوسم )

ثالثاً : قلت الغريب ( إسماً فقط ) وكأنك تسأل

لماذا الغريب وانا بين ابناء عمي وإخواني فمثل

ماقلت مجرد إسم ( مستعار ) وإخترت هذا الاسم

لأني احس به الاقرب الى نفسي ..


وتقبل فائق شكري وتقديري

( ابومشاري العصيمي )

[ابن ثريان]

اشكرك ابو مشاري جزيل الشكر

ونحن في انتظار الجميل والاجمل ...!

[°• قرنقش •°]

احلى ابو مشاري .. اكششخ ..

اقول لايكثر هاه بس ابغى اعرف الوسم هذا اللي يوسمون به الناقه ..؟

والا فيه وسم ثاني .. لاني يوم اقرا رد ابن ثريان ..

الوسم ( كل قبيلة لها مطرق وشاهد)

؟؟.. يعني شيخ القبيله والا اسم العايله ..

معليش تراي ماادبر بهالاشياء ابي توضيح ..

والله لو اقعد سنه ماحليت اللغز .. كنت احسب اني بجيبها ..

[فهد العايضي]

المقصود ياقرنقش بالوسم

يعني وسم الناقه يعني كل قبيله لها وسم

يختلف عن القبيله الأخرى .. وعشان كذا قلت

لك كانك بدويه بتعرفينه وكان قصدي التوضيح ...


مشكوره ياقرنقش المشاركه