عيد الوطن يوم الوطن وافق بنا شهر الصيام

[لسان الحاكي]

عيد الوطن هذا السنه وافق بنا شهر الصيام= و الخير سهمه مرتفع و الشر سهمه في حدور

يا عتيبه الهيلا عليكم من محدثكم سلام = نبغا لنا شاعر فصيح، و لا نبا عميان عور

[كــــآتــم المـــــعنى]

يالله حي لساني الحاكي
وصح لسانك واتمنى ان اكون الفصيح اللي طلبته
فاستلم:

يـــا مــرحبا باللّي لفــى فــي دارنا لــيـل الـقيام

وافــق مجيّه جــيّتي ثــم انــعكس نـور(ن) بنور

اعـــتيبه الـــهيلا مـــعك فالمـــبتدا لــين الـختام

والشاعر المطلوب حاضر سابح(ن) كل البحور

[ناصر بن سعدي]

الغاليــن ..

لسان الحاكي

و

فتى المعرفه


صحة ألسنتكم .. وافيــن .. وطاروق كايف في بدايته ..


وعلى القوه ..وتحديد الصف فيما بعــد ..:)

[كــــآتــم المـــــعنى]

اخوي ناصر بن سعدي:

مشكور على المشاركه الجميله واتمنى لنا ولك ولجميع أعضائنا التوفيق والسداد

ودمت بخير

[ناصر بن سعدي]

سلمت إخــوي فتى المعرفــه ..


وعساكم على القــوه ..:)

[لسان الحاكي]

الطيبين
فتى المعرفه و ناصر بن سعدي
حياكم الله و ما قصرتو


اي و الله اي و الله :)

اسمع اسمع:


إلك البقا و انتم هل العادات لا اشتد الحزام= انتم مدلهة الغريب انتم وسيعين الصدور

برقا و روق اليا مشو ينعد ممشاهم نظام= و كم موتر (ن) يمشي ولا تثنيه اشارات المرور

[كــــآتــم المـــــعنى]

صح لسانك وما قصرت والمعذره كان تأخرنا والمعذره كاتب الرد على عجله من أمري:
استلم:

كـــلمتك هـــاذي نــعتــــبرها فـــوقــنا عز ووسام=يالـــصاحب الـــلي فالمواقف مخلبك مثل النسور

كـــل القبـــايل يا رفـــيقي ما تـقـــصَر فـــالزحـام=مــعروف طيب الناس ما نقدر نــقول الحق زور

[مشعل العتيبي]

صح لسانك وما قصرت والمعذره كان تأخرنا والمعذره كاتب الرد على عجله من أمري:
استلم:
كـــلمتك هـــاذي نــعتــــبرها فـــوقــنا عز ووسام

يالـــصاحب الـــلي فالمواقف مخلبك مثل النسور

كـــل القبـــايل يا رفـــيقي ما تـقـــصَر فـــالزحـام

مــعروف طيب الناس ما نقدر نــقول الحق زور

الله الله


صح السنتكم


يالشعار


وفس صف

فتى

ولايهون قبيله

[لسان الحاكي]

أرجوك لا تقعد تقول نسور و طيور (ن) حيام= حنا صقور، و لا احسب العتبان، تجهل بالصقور

أحرار ....و النا بالجزيله حظ ....كان الحظ قام = و الصيد له موسم و موعد ..............و الصقور من النقور

:D

[كــــآتــم المـــــعنى]

استـــــــــلم يا غـالي واعذرنا على التأخير (مســـــــــــافريـــــــــن)

الــساني الــحاكي عــلامه باني بيوته خيام

أدنى هــبوب تهب تاخذها وتضرب فالجذور

أحرار والكم بالجزاله مار ماش الحظ نام

يــا بـادع الطاروق تــوك ناثرن حب البذور

[لسان الحاكي]

فتى المعرفه
لا مشكله في التاخير
تعرف كلنا عندنا مشاغل هالايام

ناصر بن سعدي
شكرا على الرسالة ياخوي و تراني حاولت ارد و الرسايل عندي ما تشتغل ( في نافذه تقول لازم 50 مشاركة علشان اقدر اراسل و انت تشوف هالحين عندي أكثر من 60 مشاركة و للحين مغلقه الرسايل... مدري وش السالفة)..

[لسان الحاكي]

بيوتنا ما هي خيام ......قصور و الها الفين عام= تبنى على السيسان.... و انته لا تلف و لا تدور

ما هي منازل بعض ناس ٍ من قلقها ما تنام = و ان هبها الاعصار شدو ....و الوطن صار امهجور

[كــــآتــم المـــــعنى]

افــــهم معانينا ولا فـــكـــرك يمــوج عن المرام

البيت بيت الشعر ما نقصد بيوت(ن) من صخور

الـــساني الحـــاكي يــــحد الخــصم لين الإرتطام

يــا عــلّها مرّه ولا نلــقـــى بعــدها مــن فــتـــور