@شعر غزلي@

[فهد العصيمي]

تذرف عيوني دمعها لي تذكرت .. شخصٍ على قلبي عزيزٍ وغالي
ياما على شانه تعبت وتنكدت .. اسهر طوال الليل جالس لحالي
ابحرت في بحر الهوى وليت ما ابحرت .. هبت علي ارياح شرق وشمالي
غيره وليفٍ يا اهي ما تخيّرت .. حبه بقلبي راسيٍ كالجبال
عني رحل غربٍ وانا عنه شرّقت .. اللي هويته بالمحبه صفالي
لي جيت بحكي قصتي للملا حرت .. ما اقدر اصوّر للملا ما جرالي
لو طالت الفرقا حشى ما تغيرت .. لصبر واذوق المر واقول حالي

[فهد العصيمي]

انشالله يعجبكم الشعر حقي وانشالله هناك المزيد من الاشعار وتحياتي للجميع

[** راس حربه **]

صح السانك يافهد ولاهنت

وتسلم يمينك على ماكتبت من ابياات جميله ورائعه

الى الامام دائماا طال عمرك

ننتظر جديدك

[فهد العايضي]

صح لسانك يافهد

ويامرحبا ويامسهلا ببن عاصم واللي معجبني اكثر

وجودك معنا يالسمي


وتقبل فائق إحترامي

[التركي]

صح السانك يالذيب وماقصرت قصيده رائعه اخوي فهد تحياتي لك يالغالي اخوك تركي

[فهد العصيمي]

صح بدنكم يالربع ويسلموو على ردكم الرائع وانشالله هناك المزيد وتحياتي لكم

[إبن ثعلي]

لو طالت الفرقا حشى ما تغيرت .. لصبر واذوق المر واقول حالي
فهد العصيمي صح السانك ما قصرت
تحياتي

[فهد العصيمي]

يسلم يمينك يابن ثعلي ومشكور على ردك الرائع وصح بدنك يالغالي وتحياتي للجميع

[جساس]

الأخ فهد صح لسانك على القصيده الرئعه والى الأمام نبي منك أكثر.

[فهد العصيمي]

يسلم يمينك على ردك الرائع وعلى مرورك يا جساس وصح لسانك وابشرك بالقصايد انشالله وتقبل تحياتي.

[النـايــــــف]

صح لسانك اخوي فهد العصيمي


وبيض الله وجهك يا الغالي



تحياتي لك ،،،،،،،،،،