فواز الشهيب
09-10-2008, 12:07 AM
بعد التحيه والسلام
أعضاء منتديات عتيبه
بكل فخر
يشرفني التواجد بينكم
وهذه أوّل مصافحه
عباره عن
قصيده متواضعه أضعها أمام أعينكم
وكلّي أمل أن تجد منكم ولو بعض القبول
من صبح يسبح في سما راسي غيوم = فى العين بارقها وفى اذني رعدها
صقر الفكر من حولها دوبه يحوم = وقدها ياصقر الفكر بالعرف قدها
وحذراك تهضم شي فى الوقت مهضوم = دوّر نوادرها ودوّر جددها
أمطر على اللي يسمعك در منظوم= خلّه من إعجابه يقوللك عدها
مقولة ان الناس معطى ومحروم = مؤمن بها في وقتي ومعتمدها
شفني لياشفت السما كلّها نجوم= دعيت ربّي قلت يارب زدها
مير الكلام اللّي يصحّي من النوم = أيّامنا ماسبتها مثل أحدها
فى الدرب تلقى واحد يطيح ويقوم = وتلقى اللذي يمشي على غير يدها
وتلقى اللذي يرقى الطويلات ويروم = وتلقى اللذي ينزل بعد ماصعدها
وام الولد لو حاولوا دايم الدوم = ما غيّروا من حبّها في ولدها
ياكم رضيعٍ ودّك يصير مفطوم= وكم روح حيّه تندفن في لحدها
وكم سيف له لمعه وهو سيف مثلوم= وكم نفس تتعب مير ضايع جهدها
وكم من ليالي تنتج إنتاج معدوم= ودّك لوّ ان اللي سهرها رقدها
مير انت ياقلبي على ويش مهموم = هذي بسيطه غيرها امر وادها
هذي علوم وباقي علوم وعلوم = يحلّها ياقلبي اللي عقدها
وماكل ماينقال واضح ومفهوم = لكن من دوّر عليها وجدها
أعضاء منتديات عتيبه
بكل فخر
يشرفني التواجد بينكم
وهذه أوّل مصافحه
عباره عن
قصيده متواضعه أضعها أمام أعينكم
وكلّي أمل أن تجد منكم ولو بعض القبول
من صبح يسبح في سما راسي غيوم = فى العين بارقها وفى اذني رعدها
صقر الفكر من حولها دوبه يحوم = وقدها ياصقر الفكر بالعرف قدها
وحذراك تهضم شي فى الوقت مهضوم = دوّر نوادرها ودوّر جددها
أمطر على اللي يسمعك در منظوم= خلّه من إعجابه يقوللك عدها
مقولة ان الناس معطى ومحروم = مؤمن بها في وقتي ومعتمدها
شفني لياشفت السما كلّها نجوم= دعيت ربّي قلت يارب زدها
مير الكلام اللّي يصحّي من النوم = أيّامنا ماسبتها مثل أحدها
فى الدرب تلقى واحد يطيح ويقوم = وتلقى اللذي يمشي على غير يدها
وتلقى اللذي يرقى الطويلات ويروم = وتلقى اللذي ينزل بعد ماصعدها
وام الولد لو حاولوا دايم الدوم = ما غيّروا من حبّها في ولدها
ياكم رضيعٍ ودّك يصير مفطوم= وكم روح حيّه تندفن في لحدها
وكم سيف له لمعه وهو سيف مثلوم= وكم نفس تتعب مير ضايع جهدها
وكم من ليالي تنتج إنتاج معدوم= ودّك لوّ ان اللي سهرها رقدها
مير انت ياقلبي على ويش مهموم = هذي بسيطه غيرها امر وادها
هذي علوم وباقي علوم وعلوم = يحلّها ياقلبي اللي عقدها
وماكل ماينقال واضح ومفهوم = لكن من دوّر عليها وجدها