سـلام الله علـى شـمـر وهيبتـهـا وفزعتّـهـا

[زيزفونة شمر]

سلام الله سـلامٍ مـن ضميـري يـروي العطشـان
علـى شمّـر ومـا ادراك مـا شّمـر وعزتّـهـا

بهـم عبـده والاسلـم ثـم زوبـع عالييـن الشـان
سـلام الله علـى شـمـر وهيبتـهـا وفزعتّـهـا

سلام أزكى مـن العفّـة يـا كـن الـدم بالشريـان
عزيـز ولا أبـد يمكـن تـزل الــروح عزّتـهـا

سلام العز والطاعـة سـلام أجلـب لـه الأعيـان
أعشـق المـوت مـن شانـك ليـا هبّـت مهبتهـا

سلام ياصل الموصول ويرجع واصـل(ن) بـرزان
نعـم غلبـا ليـا ثـارت بـروق المـوت حزتهـا

انا لـي لابتـن سلـت صقيـل(ن) باللقـى رويـان
سناعيـس هـلا النـخـوة آلا ياطـيـب نوختـهـا

سلام العز..وأركـان الشموخ..وسيـرة الشجعـان
سـلامٍ يحنـي الهامـه لجـل شـمّـر و هامتـهـا

سـلام الخيـل والمجـد التليـد وشيمـة الفرسـان
على الاسلم علـى عبـده علـى زوبـع و سيرتهـا

يدس..ايدة على بطن الخطا.... من يامـن البركـان
حريقه .. وش رجاه من الحرايق .. فـي نهايتهـا..

و شمّر ..فعل..مستقبل .. وحاظر ..مثل ماهو.. كان
لها ..الطاري .. كثر.. ماتذكر.. الدنيـا.. بدايتهـا..

بني عمي ...نجايب.. لابتي .. معصيّة .. الخـذلان
بها .. اسكر ..مِرّ.. واتلذذ..متى..جابوا..حكايتها...

طنايا السيف يـوم الملحمـه لـو يزعـل الزعـلان
طنايـا اللابـة اللـي راس مالـه فـي كرامتـهـا

لبسنا تـاج ملـك الجـود وافـي صافـي التيجـان
زهـت بـه خامـة العـزه وزادت فـي فخامتهـا

سلام العز،، لاهل العز،، والهيبـه،، هـل الميـدان
قبيلـه ضمـن ميـزان الـدول تنـقـاس نسبتـهـا

بدون اقْصور بالعالم ... صريـح القـول بالمليـان
تـرى مـن خلقـة الدنيـا وشمـر فـوق رايتْهـا

سـلام الله سـلامٍ يـرجـح الكـفـات بالمـيـزان
ســلامٍ لطنـايـا والطنـايـا فــوق همـتـهـا

هلي شمر كبار صحون وطعونـه علـى العـدوان
علـى طـول السنيـن مخيميـن بـعـز خيمتـهـا

شروق الشمس في لمعـة سيـوف العزوالشجعـان
وكم ا رضن بعيـده حيـل وحوافـر خيلهـم جتهـا

مثـل غيثـن نشاوارعـد تلاطـم و سيـل الوديـان
وسـلام الله علـى شمرفـي سـاعـات فزعتـهـا

طنايـا والطنـا عـاده وتشهـد قمـت الصـمـان
قبيلـه ويـش ضـل القـاب عــز ولاتسمتـهـا

رضانا يشبـه النسمـه وزعلنـا يصطلـي بركـان
وعطانـا يشبـه الغيمـه ليـا هـلـت سحابتـهـا

سـلام الله عليـكـم ياطنـايـا كلـكـم فـرسـان
تـراهـي قـربـت وتبـيـن العـالـم بساعتـهـا

انا بدعي عسا ربي يحفضكم فـي شهـر رمضـان
صـلاة الغايـب العربـان باخـر عشـر صلتـهـا



أتمنى تعجبكم
ولاهو قصور بالقبايل الباقيه


دمتم بخير
الزيزفون

منقول

[شموخ النايفات]

ونـــــــــــ‘‘‘ــــــعـــــــ‘‘‘ـــم بطــ‘‘ـــنــــايـــا شـــ//م//ــــر

زيزفونــة شمر


يعطيـــــــ‘‘‘ـــج الـــعــــ‘‘ـــأفيه

[ناصر بن سعدي]

ونعم بالطنايا .. والله ..


أختي زيزفزنة شمــر ..


لاهنت على القصيــده الأكثــر من رائــعه ,,

ويستاهلون الطنايا يابنت الطنايا ,,

بس أتمنى أعرف شاعرها ..

إذا لك.. مكانها مو هنا ..


وتقبلي خالص تحياتي ,,

[زيزفونة شمر]

شموخ النايفات @ ناصر بن سعدي

وماعليكم زود يالغلا
والقصيده منقوووله لكن مااعرف اسم شاعرها
لاعدمت هالطله

[ناصر بن سعدي]

وعشان نحفظ حقوق الغيـر أقل شي نكتب منقول ..



وكتبتها لك..


وتقبلي خالص تحياتي ,,

[قلب الريم]

والنعم بالطنايا


صح لسان شاعرها وسلمت يمينك زيزفونه على النقل


يعطيكي العافيه


لكـ وديـــــــ وورديــــــ ,,,

[الصقر2]

سلام العز والطاعـة سـلام أجلـب لـه الأعيـان
أعشـق المـوت مـن شانـك ليـا هبّـت مهبتهـا

صح لسانك
ونعم فى جميع القبائل