هيا بنت سرور االقساميه العتيبيه

[التركي]

هيابنت سرور وجهة هذه القصيده لاخيها من امها (ابوهايل)تركي بن متروك الفراهدي بن بني عطيه:

المملكه صارت بساتين وانهار

والفخر بالتاريخ عنها حكوبه

حررها اخونوره علي حسن ماصار

وخلف صقور ناهجينن دروبه

عاشو هل العوجا حكيمين الاشوار

مابه طويل شامخ الارقوبه

ويالله يامنجي محمد من النار

تفرج لعبد كاثرات ذنوبه

يامل قلب تجتلد فيه الافكار

كن الغضي باقصي ضميري شبوبه

في محجري عن لذة النوم مسمار

والعين عن حلو المنام مغصوبه

يامن يجهزلي علي جيب فكس ار
سواقه اللي فاهم في هروبه
سواقه الي دارس كل الابصار
ماهمه المشوار لوهو صعوبه
يهوس هوس اللي تبي طقة الطار
الجادل اللي دالق جيب ثوبه
ويفز فز غزيل..ترعي الاقفار
يخاف من ماس يمزع جنوبه

مافوقه الامزهبه بن وبهار

وخويمه من فوق شبك معصوبه

يازين سجه مع صراديح الابرار

مع البر يوم البر زانت عشوبه

خصه لقرم للمهمات جبار

في واجبه مايستشير امحبوبه

وياما علي يامسندي شبت النار

وكثر حطبها من رموث الدعوبه

زلو لماها من مطر صاف الاحجار

من سيل صيف تهشم نصوبه

في دلة الرسلان تجذا علي النار

فنجالها ينعشك ريحه وذوبه

في ماقع نبته زبيدي ونوار

ماحاسه الشاوي ولا راح صوبه

هذا طرات الروح يا واف الاشبار

يوم ان راع القصر كثرت عيوبه

هذا زمان الجار يقصر عن الجار
ومن صد عن جاره جزاه العقوبه

[فهد العايضي]

صح لسان الشاعره هيا

و الله يعطيك العافيه يالتركي على

حسن الاختيار

[** راس حربه **]

صح الساان الشاااعره هياا


وقصيده رااائعه يالتركي


وتسلم على حسن الاختياار يارائع


والى الامااام دائماا



دمت بود

[التركي]

الغريب راس حربه شاكر ومقدر اخواني مروركم وتقبلوا تحياتي اخوكم تركي

[إبن ثعلي]

التركي مشكور على حسن الاختيار والذوق الرفيع وصح السان الشاعره
تحياتي

[التركي]

حياك الله بن ثعلي ومشكور يالذيب علي المرور تحياتي لك

[النـايــــــف]

اختيار رائع اخوي التركي


بيض الله وجهك

[التركي]

مشكور يالنايف علي المرور وتسلم يالذيب تحياتي لك

[العويصاني]

اشهد بالله انها قصيدة يالربع

صح لسان الشاعر وتسلم يمين ناقلها (التركي)

[التركي]

تسلم اخوي العويصاني علي المرور تحياتي يالغالي اخوك تركي