نجد ,,, وماقيل فيه من الشعر

[سليل سيوف]

نجد اسم يعشقه كل من عرفه وعايشه

فهو معقل البطولات والشجاعه

والمكان الذي برزت منه طلائع هذه الجزيره

من غير اهمال للاوطان الاخرى..

فماذا قيل في نجد من الشعر ؟

اتمنى المشاركه من الجميع ببيتين على الاقل !

وهذه البدايه

يانجد كلن بك يسمي محله =واسمك على من لا يعرفك غثا جيب
يانجد ماغيرك بلادن يدله =واهلك يانجد المسمى هل الطيب
اهل مهارن ماتعرف الالجله =بظهورها دونك قضاتن قصاصيب
ليا قيلن بيض النسا بالاظله = مقيالهم في حاميات الملاهيب
وكم من شجاعن دونك السيف سله =ومنافحن دونك هل الزيغ والريب

من ضمن قصيده للشاعر ابن عياد الدلبحي

[صقر حمود]

صح السانك ولسان ابن عياد

[سليل سيوف]

صح بدنك صقر حمود

وننتظر مشاركتك




تحياتي

[** راس حربه **]

موضوع جميل ياسليل وتسلم :)


0
0
0



ياانجد إألك فالقلب قصرٍ مبنااا 00 لو طال عمره بالدهر مايهدي


لولا ظروف العمر ماصدفناا 00 لنصااك لو دونك يبحيوون سدي


عليك فكري لظلم الليل غناا 00 غنوة حبيب لوصل حبه يودي


ذكرتني ياصاحبي في وطناا 00 ارضٍ وعن ميعادها الحظ لدي


0
0
0

وسلامتكم



مجاراه من راس حربه

[سليل سيوف]

صح لسانك رأس الحربه

ومشكوووووووور






تحياتي

[سليل سيوف]

انا من نجد ويكفيني هواها=ويبري لوعتي شربي لـماها
وشــوفي من نبيـه ونـوده=غـزال تابع قلبي هـواها
غـزال ضيعـت عقلي وروحي=رمت قلبي وقلبي ما رماها
لها بالروح وفوادي مـوده=ولاشي من احـوالي خـفاها


محمد بن احمد السديري

[بن حدران]

.... مشكور اخوي سليل على هذا الموضوع الجميل ...


وحبيت اشارك بقصيده تركي بن سداح بن محيا اللي يقول :



يامن يبشرني واسوق البشاره= عسى على نجد الحقوق الشخاتير
دارٍ بها صقع الحدا والنذاره= اخير من دار الرخا والجواخير
نجد العذي الله يسقي قراره = مدهال زرفات البكار المغاتير



... وسلامتكم ....

[إبن ثعلي]

وقال العتيبي

يانجد والله ماخذيناك بسلوم=ولاانتي بملك اجدودنابالاوائل
خذناك عقب مدارك العمر بالسوم=سومٍ يخسر لابسات اللثايم
تحياتي

[سليل سيوف]

صح لسانك

يابن حدران

وصح لسانك

يابن ثعلي

ولاهنتوا على المشاركه

كثروا المشاركات يالربع لا هنتوا !




تحياتي

[عبدالله المطيري]

مشكور سليل السيوف

على ذوقك الراقي

[سليل سيوف]

العفو العفو

عبدالله المطيري

ونجد غالي على الجميع

وفي انتظار مشاركتك





تحياتي

[اسعدي الزلفي]

على طاري نجد هذا له راي اخر ..

اسمعوا وش يقوووول :

لكن البيت الاخير معبر ..


يانـجـد صيـفـك يقـطـع القـلـب حـــرّه = شتـان مــا بيـنـك ومــا بـيـن بـيـروت
أقـفــى ربـيـعـك بـالـفـرح والـمـســرّه = وصيفك وصل بالعج والحـر والمـوت
جـــوٍ سـمــوم الـقـيـظ دايــــم تــكــرّه = وإلـيــا ركـــد مـــا كـنــي إلا بـتـابـوت
وإلـيـا لحقـنـي فـيـك بـعـض الـمـعـرّه = إسمحلي أرحـل عـن فيافيـك بسكـوت
شهـريـن ابيـهـا مـنــك فـالـعـام مـــرّه = ألبس بها البنطال والبس بهـا الكـوت
آخـــذ عـلــى لـبـنـان والـشــام فــــرّه = وآكـل مـن الرمـان والخـوخ والـتـوت
وأشـــوف نـــاسٍ فـالـبـلـد مـسـتـقـرّه = ســوو لـهـم فـيـهـا مقـايـيـل وبـيــوت
وأمـــر دربٍ قــدمــي الــزيــن مــــرّه = ياكثـر مـا شفتـه يـجـي فـيـه ويـفـوت
زيـن وغـنـج وعـيـون حـلـوه وغــرّه = يمشي على كيفـه مـع النـاس مفلـوت
تـقـصـر فنـيـلـة فـاتـنــي دون ســــرّه = والنهد يرقص لـي علـى دقـة الجـوت
كــنّــه غــريــر ولاش عــلــمٍ يــغـــرّه = لا خـاف مـن ربـه ولاهــوب مكـبـوت
علـقـنـي بـسـحـرة وخـيــرة وشــــرّه = سحـرٍ ذكــر هــاروت شــرّه لـمـاروت
وإلـيـا إنتـهـى الميـعـاد بـتـرك مـقــرّه = واعصي هوى قلبٍ من الزين مبهوت
واحـزم شنـاط العفـش والـثـوب أزرّه =وارجع بشوقٍ من مدى شوق بخـوت
ويانـجـد صيـفـك لــو ذبحـنـي بـحــرّه = حييت في حضنك وفي حضنك الموت

وسلاااااااااااااامتكم

[سليل سيوف]

على طاري نجد هذا له راي اخر ..

اسمعوا وش يقوووول :

لكن البيت الاخير معبر ..


يانـجـد صيـفـك يقـطـع القـلـب حـــرّه = شتـان مــا بيـنـك ومــا بـيـن بـيـروت
أقـفــى ربـيـعـك بـالـفـرح والـمـســرّه = وصيفك وصل بالعج والحـر والمـوت
جـــوٍ سـمــوم الـقـيـظ دايــــم تــكــرّه = وإلـيــا ركـــد مـــا كـنــي إلا بـتـابـوت
وإلـيـا لحقـنـي فـيـك بـعـض الـمـعـرّه = إسمحلي أرحـل عـن فيافيـك بسكـوت
شهـريـن ابيـهـا مـنــك فـالـعـام مـــرّه = ألبس بها البنطال والبس بهـا الكـوت
آخـــذ عـلــى لـبـنـان والـشــام فــــرّه = وآكـل مـن الرمـان والخـوخ والـتـوت
وأشـــوف نـــاسٍ فـالـبـلـد مـسـتـقـرّه = ســوو لـهـم فـيـهـا مقـايـيـل وبـيــوت
وأمـــر دربٍ قــدمــي الــزيــن مــــرّه = ياكثـر مـا شفتـه يـجـي فـيـه ويـفـوت
زيـن وغـنـج وعـيـون حـلـوه وغــرّه = يمشي على كيفـه مـع النـاس مفلـوت
تـقـصـر فنـيـلـة فـاتـنــي دون ســــرّه = والنهد يرقص لـي علـى دقـة الجـوت
كــنّــه غــريــر ولاش عــلــمٍ يــغـــرّه = لا خـاف مـن ربـه ولاهــوب مكـبـوت
علـقـنـي بـسـحـرة وخـيــرة وشــــرّه = سحـرٍ ذكــر هــاروت شــرّه لـمـاروت
وإلـيـا إنتـهـى الميـعـاد بـتـرك مـقــرّه = واعصي هوى قلبٍ من الزين مبهوت
واحـزم شنـاط العفـش والـثـوب أزرّه =وارجع بشوقٍ من مدى شوق بخـوت
ويانـجـد صيـفـك لــو ذبحـنـي بـحــرّه = حييت في حضنك وفي حضنك الموت

وسلاااااااااااااامتكم


صح لسانك ولاهنت عز الله ان كلا مك كله معبر

الله يحييك يالعتيبي

تحياتي