لا ششت طشت وحشت كل الطرق حوش ..!! الشاعر / فيصل مفلح النخيش

[طارق النفيعي]

..

السلام عليكم ..

هذي قصيدة جميله للشاعر / فيصل بن مفلح النخيش النفيعي أتمنى أن تحوز على أعجابكم ..




لا ششت طشت وحشت كل الطرق حوش = وآمَشّي الشعّار بشويش بشويش ..!!
وانهش سوات الذيب لا طاش فالهوش = نهشه تشرّف فالمواقف دراويش ..!!
والشوش قد ششنا وحنّا هل الشوش = عشنا وششنا شوشت انخيش لنخيش ..!!
ويا عميش شف شوقي مشى مع هل البوش = شوق الحشا قفّى عن الدار يا عميش ..!!
لايكون ناشه شي .. لاناشه النوش ! = شوفه ..وانا وش لون أبا اشقى وأبا آعيش ..!!
شاريه شرّايه بلا شيك وقروش = شفقي شقاني شوق لا تقول لي ليش ..!!
جيوش شوقه دكّت ابشوقي اجيوش = جيشٍ غزا له جيش والشفّ هو جيش ..!!
وان شفت شكله طشت وتقول مربوش = وآشيش شوش انخيش دامي من انخيش ..!!



..

شعر / فيصل مفلح النخيش النفيعي العتيبي

وشاكرين للجميع ..

أخوكم / طارق النفيعي

[ناصر بن سعدي]

إخـــوي الغالي


طارق النفيعي ..


لاهنت على النقــل المميز ..


وصح لسان الشاعر/فيصل مفلح النخيش النفيعي العتيبي


وقصيـده رائعه ..


ولاتحرمنا النقل الجزل ..

وتقبل خالص تحياتي ..

[طارق النفيعي]

مشكور على تواصلك ولاهنت

وفي أنتظار تواصلك ..

[منال النفيعي]

الله الله

صح لسانه

مشكور طروق

[طارق النفيعي]

العفو وشكرا ً للتواصل ..