بسم الله ابدىواستعين

[شاعر روق]

بسم الله ابدى واستعين وكل مدسوسٍ يبين=مثل الديار اللي من القمرا يشعشع نورها
جتنا الاسامي من جنوب الدار مدري من يمين=واحدٍ تسمى باسم ناسٍ ماتفوح قدورها

[..الرشيدي..]

هذا الكلام المعتبر..باسم الله أبدا واستعين=وآحضر الهاجوس وأعطي كل كلمة دورها
أنت ابخص بنفسك وربعك والأوادم سالمين=وش عاد تفعل روق مع برقا..هذا مقدورها

[شاعر روق]

حضر وانا احضر لك ايه تخزي بليس اللعين=اليا قريناها الحيايا ماتطب جحورها
انا اعرف انك ما انت من هاك الرجال الغايبين=تلعب على الحبلين والعالم تحفر قبورها

[ناصر بن سعدي]

الغاليــن

شاعر روق


و

الرشيـدي


صحة إلسنتكم..وعلى القــوه


بدايه قويــه ورد وافي ..

والصف مع شاعر روق ..ولايهون الرشيــدي ..

[شاعر روق]

ارحب يابو تراحيب
نورت الصفحه والصف بوجودك عامر
لاهنت

[ناصر بن سعدي]

ياسلام عليــك يابو مهنــد ..





حضر وانا احضر لك ايه تخزي بليس اللعيـن
اليـا قريناهـا الحيايـا ماتطـب جحورهـا
انا اعرف انك ما انت من هاك الرجال الغايبين
تلعب على الحبلين والعالـم تحفـر قبورهـا


وبإنتظار الرشيــدي ..:)

[..الرشيدي..]

آيه ماهيب من الله المعبود..شعرة في عجين=لكن انا باعامل عتيبة على دستورها

ظنيت فيُ الظن الأقشر..وأنت جفن ورمش عين=لكن يمكن تنظر العالم على منظورها

[..الرشيدي..]

ناصر بن سعدي

حياك الله

ولاهنت

[شاعر روق]

ماوالله اقرى غير من دستور رب المسلمين=حتى محابيل الليالي ينكشف مستورها
قلبي دليلي يعرف القاصي وكل الاقربين=والعله اللي في ضميرك شافها دكتورها

[الطوفان]

الله الله


وتلاقى العملاقين


ابو مهند صح السانك


ابن عبس صح السانك وسعدنا بشوفتك


لله دركما



تحياتي

[شاعر روق]

ابو عبدالرحمن
مرحا ومسهلا
سعدنا بمرورك
لاهنت

[..الرشيدي..]

اليا قريت من السور سورة قرينا سورتين=والله ماوقف بالقراية لين أتم سطورها
مادام عندك قلبٍ يدلك ولك عقلٍ فطين=بالله أبا أنشدك المطية كم ياخذ كورها

[ناصر بن سعدي]

ياسلام ..

واصلــو .. وعساكم على القــوه ..

:)

[..الرشيدي..]

يامرحبا بصحيبي الطوفان............اللي فقدته من سنة جدي

[شاعر روق]

الياقريتوا سورتين اختم كتابي مرتين=لين السماء الدنيا تحير وحوشها و طيورها
اجل سوالك لين اعرف الغصن ابورمان وين=متعلقِ في شجرةٍ ماغذته بجذورها

[الطوفان]

يامرحبا بصحيبي الطوفان............اللي فقدته من سنة جدي



هههههههههههههههه

اجل خذ الرد

تبقا وانا مرسلك العنوان..........اتشوفني وتمر متعدي



المعذره يابو مهند ترى ماهو تدخل فى المحاوره

تحياتي

[شاعر روق]

لاعايدي يابو عبدالرحمن اخذ راحتك الصفحه لك

[..الرشيدي..]

صح لسانك ياشاعر روق

والصلاة خير من النوم


سبحانك اللهم وبحمدك أشهد أن لا إله إلا أنت
أستغفرك وأتوب إليك

[شاعر روق]

صح بدنك يالرشيدي واعذرني وانا اخوك ان كان
جا قصور ماغار تحقيق لا اكثر ولا اقل:)
كفيت ووفيت ولاهنت
تصبح على خير

[الطوفان]

بيض الله وجيهكم


ابو مهند@@وابن عبس


وفيتو وكفيتو وامتعتونا الله لايعوقكم بشر


تصبحون على خير جميعا

[شاعر روق]

وانت من هل الخير والجميع

[ناصر بن سعدي]

الغاليــن


شاعر روق

و


الرشيــدي ,,


بيض الله وجيهكم.. وماقصـرتو ..


وبإنتظار القادم ..