حــــــــنــــــــا سلايل هبس روس السلاطين // حكام قبل أنك تشيل البطاقه

[خالديه بنت شيوخ]

وهنا أبيات قد يعرفها الكثير هنا في هذا الصرح ..

أضع بين أيديكم بعد إن إجتزت عنق ( الرقابه ) والذاتيه ..

تفضلوا :





عدنان جدي وأنت قومك ( كريميـن )
والنعـم لكـن مانـت قـد العلاقـه
حنا مـوارث سيـف حـدّه بحديـن
ابـن الوليـد وعـز كـل الرفـاقـه
سيف الله المسلـول ياميّـت العيـن
خـل الهـروج الناقصـه والحماقـه
حنا سلايل هبـس روس السلاطيـن
حكـام قبـل إنـك تشيـل البطاقـه
حنا الجمـال اللـي تـدك المياديـن
وإلا أنت ماتاصل ولـو ذيـل ناقـه
يوم إنها بالسيـف والحـد تسنيـن
كم شيـخ قـوم ٍ محكميـن ٍ وثاقـه
ويوم إنها بالسيف يامزبـن الشيـن
معروف جـدك فـي ذرانـا علاقـه
حنـا بنـي خالـد كبـار العناويـن
للعـرف بـاب وللمواجيـب طـاقـه
حنـا الخوالـد للمراجـل مـوازيـن
نِحكِمْ جـلال الطيـب نحفـظ دقاقـه
حنا بنـي خالـد شيـوخ وثقيليـن
الطيـب عاشقنـا مـن الله عشاقـه
حنـا الخوالـد بالمواقيـف ساطيـن
كم واحد ٍ منـا عنـى الوقـت ذاقـه
حنـا الخوالـد بالمواجيـب وافيـن
نمـد كـف الطيـب ونسـدْ فـاقـه
قشر الوحـوش مشيّبيـن الغلاميـن
ماظـن لـك قـدره ولا فيـك طاقـه
حنا بنـي خالـد وضـد ْ المعاديـن
نقلط على الصعبـه بحـزم ولباقـه
نفزع إليا أوحينا على البعـد ناخيـن
يقدم حدينا لـو علـى كسـر ساقـه
لو هاش فينا الورع بيـن الوراعيـن
إن كنـت رجـاّل ٍ تـقـدّم ولاقــه
وأنت إستمع تعال رايح علـى ويـن
على السريـع مـن المواويـل باقـه
صحصح معي ياهوووه هذي على مين
تمـوت غفـوه ماتعيـش الافـاقـه
لا صبحت تاخذ لك على الريق كاسين
مـن خمـر قـل المعرفـه واللياقـه
إن كان نابت لك مع الوقـت قرنيـن
كم واحد ٍ صرنـا لـه الظلـع عاقـه
تبطي عظم يالهيس بالعسـر والليـن
ياواحد ٍ قِـدِره علـى الشيـن حاقـه
خذها وأنا من دبّـل الديـن بالديـن
ساق الصكوك ودفتـر الحـق ساقـه
خذها وأنا من ساس قـوم ٍ عريبيـن
ماهـي علومـك يازبـون الصفاقـه
خذها وأنا ماجيت ترقـص شياطيـن
مغيـر غنيـت اللحـن بإنسـراقـه
ماني بناقص طيب يابـن المياميـن
عندي جذور المجد وأصـل العراقـه
بطاش وأبطش بطش حسب القوانين
أضرب على الكايـد وشفـيّ عِناقـه
حريص بالممشى على صاحب الديـن
وأتـرك زبـون اللفلفـه والطفاقـه
توحون ياللي من على البعد مغضيـن
مانـي بحاسـب للحريـق إنحراقـه
ماهو بذنبـي يالضعـوف المساكيـن
إليا إشتهى المشعاب مثلـه وشاقـه
ماجيت حـده فاهمـه زيـن مازيـن
خبـل ٍ هبـود ودمْ معـنـاه راقــه





الجميع بخير

وأجمل تحياتي ..

:

[تركي ابن خالد]

::

كـفــو ..؛

صـح السانك والسآن شاعرها .. ولاهنتي على النقل ..؛

ويـعطيك العافيــه ..؛

تحياتي لكِ.

::

[البّدر]

"

صح لسـان شاعرهـا ..

مشكورة ياخالدية ع ذوقك الرفيع ..

[خالديه بنت شيوخ]

صـــــــــــــــــــــح بدنــــــــــــكـــــــ


والله يعافـــيكـ


مــشكـــــور ولاهــنــت

خــــــــــيـــو تـــركـــــــــي

[خالديه بنت شيوخ]

"

صح لسـان شاعرهـا ..

مشكورة ياخالدية ع ذوقك الرفيع ..


صــح بدنـــكـ


من ذوقـــــــكـ خيو الـــــــــبدر لاهنت

واشكركـ على تواجدكـ