مع فائق التقدير لــ ابو فهد ..

[الفــاروق]

مع فائق التقدير لــ ابو فهد


عديت ياسعدون راس الينوفي=واسهفت روحٍ ماتروم السهايف
وقفت فالهامة وطوّل وقوفي=لين اكتمل فالعين فلم الحسايف
ايه آه .. ياذكرى المجاريح روفي=ترى التوجد للمولع كلايف
يزمي له الماضي وعينه تشوفي=حقايقٍ ماداخلتها الوهايف
تودع ودايعها العدايل جنوفي=في شوف من واشع خشوم النوايف
شوفٍ يرق لشوف حال الطيوفي=يامن يبلغني بليغ الوصايف
اللي عليه مزايمتني ظروفي=ولافيه من يودع ثقالي خفايف
والحب يوهن مرهقين السيوفي=ودايم صويبه فالطويلة مهايف
يسبل سبيله من حشاه القنوفي=وتطرخ بشبله فالطويل الهفايف
وان جا ظلام مفرقات الحلوفي=والليل مرخ ٍ من سواده سفايف
لجلج رزيمه في جنوب الكهوفي=كنه رعد صيفٍ مزونه زهايف
عرضت له اطياف الحبيب العيوفي=وانهى جماله في حدود التزايف
شيخ البنات مخضبات الكفوفي=اللي عليه عبار قلبي عطايف
شوفه بلغ حد التناهي بنوفي=لين أسرجن شم الضمير العفايف
هذي ترى حالي وهذي وصوفي=الحظ ماخلا لمثلي خلايف
لاواه .. يانار ٍ توقد بجوفي=فيها انت ياسعدون ويش انت شايف
يالهرس أنا من دون غاية شفوفي=تزمي قصادير السراب وتنايف
لحيت بك ياللي بالاوجاب توفي=لحة طريح مصقلات الرهايف
تاطاه صم الخيل وطي الخفوفي=وعليه عقبان المراقي تضايف

فاروق بن فهد الكسر

[ناصر بن سعدي]

حجـــز ملكي لـ القراءه ..


ولي عــوده ..

[** راس حربه **]

الله الله يالفااااروق

صح الله السانك يافاروق على هالجزله

لاهنت لاهتت

ولاتبخل علاناا

دمت كما يحبه الله ويرضاه

اخوك راس حربه

[الفــاروق]

ناصر بن سعدي

بارك الله فيك .. وحياك الله

كل التقدير

[الفــاروق]

راس حربه

بارك الله فيك .. ولاهنت على الكلام الطيبّ

صح بدنك

وكل التقدير

[ناصر بن سعدي]

شاعرنا الرائــع

فاروق بن فهد الكسر


صــح لسانك..


قصيــده وافيــه من وافي ..


وأبو فهــد يستاهل ..وإستمتعنا بـ سماع الصـــوت الرائع ..


وبإنتظار الصدى ...

وتقبل خالص تحياتي ..

[نادر النمر]

صح لسانك يافاروق مدد ..

جزلة من شاعر جزل ومتمكن ,,


ويستاهل ابو فهد ..


صح لسانك بلا عدد ..

ولاتحرمنا جديدك ..


وتقبل خالص التقدير ..

..

[ابوسـعد]

يستاهل ابوفهد..وماقصرت رائعة..يالفاروق..صح لسانك على هذه المقطوعة الفذه...وياهلاااوغلاااا