مشكلة لبنان - عبد الله السميري

[طارق النفيعي]

هذي قصيدة للشاعر المتألق / عبد الله السميري وجدتها في أحد المنتديات وحبيت أني أضعها

وإن شاء الله تحوز على أعجابكم ..



امانه معك وصلـي سلامـي ياخلـف مشعـان=على الدوحـه ومسقـط والمنامـه والسعوديـه

وعلى ابو ظبي والكويت واشمل ساير الاوطـان=سـلام اليعربـي ومـن انتـمـاه للعروبـيـه

وسلم لي على محمـد خلـف لاهنـت ولاهـان=سـلام الله ورسلـه والديـانـات السمـاويـه

وقبـل راس ابـو خالـد محمـد زايـد نهيـان=وقل عبدالله يقـول الـك يـارب احفظـه ليـه

علـى ذكـره تفتـح للسعـاده والفـرج بيبـان=يلوذ الهم عـن قلبـي ولـو كثـرت طواريـه

بعدها اسمع كلامـي للاخيـر وبالفـم المليـان=محيط البحـر يكفـي عـن موانيـه وشواطيـه

تريح ياخلـف واستهـد بالله والعـن الشيطـان=بعيـد عـن التنرفـز والتـوتـر والعصبـيـه

وعلى ابن الذيب وابن فطيس ياضيدان بن قضعان=تحياتـي وشكـري واحتراماتـن خصوصـيـه

يابن ريفـه يابـن شايـق وياعبـدالله عبيـان=جنوبيـه وانـا مـن نجـد واحـب الجنوبـيـه

يابن وسـام يالافـي حمـود وياسعـد جـدلان=يابن شلحـاط يانايـف صقـر يافيصـل العيـه

يابن مربح ياعلي بلال ياحبيـب يابـن حوقـان=يابو شيبـه يابـن علـوش يافرعـون اللفيـه

يابن عون ويابـن مبـرد وياعبـدالله العتقـان=يابـن سلمـي ياتركـي يارشيـد النيـه النيـه

ياشعار الجزيره دون اقول افـلان هـو وفـلان=عليكـم مـن جزيـل الشعـر معنـاه وقوافيـه

ماتوحون الزمان يقـول عبـدالله بـن فيحـان=نجـم يصنـع نجوميـه ماتصنعـه النجوميـه

ماهو جاين من الهند ولاهو جاين مـن اليابـان=معاليـقـه سمـاريـه شراييـنـه عتيبـيـه

امثل دار ابـو متعـب وامثـل ربعـي العتبـان=وامثل كل جمهور الشعـر فـي ذي وفـي ذيـه

توكلنا علـى الله والكـلام الـي بـلا برهـان=ماهـو منـا ولابـنـا ولانعطـيـه اهمـيـه

تبي تثبت وجـودك ساحـة الميـدان ياحميـدان=واسد الشعر يعرف من سباعـه مـن حصانيـه

اذا غيري وسيع ابطان انا خلقه بـدون ابطـان=مالد العيـن فـي كـل المحيـط الـي حواليـه

امشي غلطة الجاهـل واقـدر غلطـة الشيبـان=وهـاذي ميزتـن رب الخلايـق حطهـا فـيـه

ياعالم يابشر يالي لكـم سلطـه وجـاه وشـان=فوايدكـم شـعـارت وخطابـاتـن سياسـيـه

وقضية تورا بورا جت بعدهـا مشكلـة لبنـان=وحزب الله يهـدد كـل صبـح وكـل عصريـه

وسفير انجلترا في نيورك يتهـدد سفيـر ايـران=وسفيـر البنجـلادش بينـهـم لاذي ولاذيــه




شعر / عبد الله السميري

.. أخوكم / طارق النفيعي

[أم جنيب]

امشي غلطـة الجاهـل واقـدر غلطـة الشيبـان
وهـاذي ميزتـن رب الخلايـق حطهـا فـيـه

شاعر ياعبدالله .
وصح لسانه ولا يهون الناقل ..

عطنا من قصيد عبدالله كل أبو دايم :)

[** راس حربه **]

صح السانك الشاعر عبدالله

وتسلم على النقل والذوق الطيب ياطارق

وننتظر منك النقل الطيب

دمت كما يحبه الله ويرضاه

اخوك راس حربه

[طارق النفيعي]

أبشروا أبشروا ..

وماسوينا غير أقل من الواجب ...

وشاكرين تواصلكم ..

[ابوسـعد]

لاهنت ياطارق على النقل...وصح لسان الشاعر السميري,,,وياهلاااوغلاااااا

[..{غ ـير البشـ}ـر..]

صح لسانك ياعبدالله ولاهنت ياطارق على النقل

[طارق النفيعي]

الله يسلمكم ويعافيكم ...

[سفير حرب]

صح لسان السميري

وسلمت اناملك ياطارق على النقل

[طارق النفيعي]

شكرا لتواصلك ..

[ناصر بن سعدي]

أخـوي الغالي ..


طارق النفيعي ..


نقل رائع..


وقصيــده رائـعه ..وصح لسان الشاعر الرائع/ عبدالله السميري ..



ولـ الجميــع خالص تحياتي ..

[طارق النفيعي]

العفو وشكرا ً للرد والتواصل ..

[الآـدمـــآس]

صح لسان الشاعر عبدالله السميري

ولاهنت ياطارق على النقل الرااائع

دمت بخير

محبكم

الادماس

[طارق النفيعي]

الله يسلمك وشكرا ُ للتواصل ..