ما انتي مثل نوت وانا ماني عقاب... اطلالة اولى

[أبو خالد العنزي]

يسرني ان اشارك مع اخواني في منتديات عتيبة وهذا شرف كبير ان اتواجد بينهم ...



تقبلوا متواضعتي بعين الرضا ..




ما عاد باقي لك مشاريه وعتاب= ما دام بالعشرة عتاب ومشاريه

ان كان هذي فعلة احباب باحباب؟= ما عاد باقي للعدو ما يسويه

ما ارضى نعيش الحب في شرعة الغاب= الله , ولا عشق جلب ذل راعيه

شمس الغلا غابت وبدر الغلا غاب= يعني نهار الحب يشبه لياليه

اول اقول :الهجر عادة للاصحاب= لو ما يجيني تالي اليوم لا اجيه

اخفض جناح الوصل من باب الاعجاب= ويخطي , واعاتب من يحاول يخطيه

واقول : يا ما احلا خطا تلع الارقاب= واعد سيات الغضي من حسانيه

لكن صحيت وكل غلطة لها حساب= ( بعض العرب لا تمونه تبتلش فيه )

اصبح سكوتي ذل واعجابي ارهاب= فاهم غلط ( والعقل من حظ راعيه )

وش جاب لين الحب للذل وش جاب؟= صحيح .. ( كل إناء ينضح بما فيه )

روحي بدربك جعله ورود واعشاب= وانا طريقي جعل الازهار تكسيه

لا انتي مثل ( نوت ) وانا ماني ( عقاب )= كلن عسى الله في طريقه يهنيه

لو ما بقا في كوكب الارض جذاب= بدري عليك انكس الراس واحنيه

عزي ومقداري وراسي وانا شاب= حتم علي من المذلات لا احميه

طبع من الله لا تطبع ولا اكذاب= والسيل ماله غير سابق مجاريه



اخوكم خلف الغريب العنزي
ابو خالد

[عبدالله المرشدي]

صح لسانك


ياخلف العنزي

وعلى شانك

وحياك الله

وننتظر المزيد

[الجعفري]

لو ما بقا في كوكب الارض جذاب = بدري عليك انكس الراس واحنيه
عزي ومقداري وراسي وانا شاب = حتم علي من المذلات لا احميه
طبع من الله لا تطبع ولا اكذاب = والسيل ماله غير سابق مجاريه

صح لسانك يابو خالد العنزي ورائع دائماً

[ناصر بن سعدي]

الغالي


ابو خالد


صــح لسانك..


قصيــده وافيــه من وافي ,.

صــح لسانك..


وبيض اللـه وجهك..


وتقبل خالص تحياتي ..

[ضيف الله السميري]

صح لسانك يابو خالد



تقبل تحيتي