رد الشاعر الأسطورة كديميس بن صالح العصيمي العتيبي على المدعو محمد بن خلف الخس

[زيزوم برقا]

من يبي الإنصاف لايقصد رواسي=منبراً مسلوبـة ٍ منـه الحقيقـه

العداله مالهـا بأرضـه مراسـي=والضلاله في المنصه والحديقـه

والإداره وضعها غيـر متواسـي=ولجنة التحكيم كلن مـع رفيقـه

صفوا الشعار من فوق الكراسـي=وقتهم يحسـب عليهـم بالدقيقـه

وصوتوا حسب النظام الدبلوماسي=وكل شاعر لاقصد يعطـى وثيقـه

والذي قدم علـى كـل الجناسـي=لاهو اطيبهم ولا امثلهـم طريقـه

قدموه بموجب الأمـر الرئاسـي=وحققوا له مركزن صعب اتحقيقه

وقال هذا هو قصيدي واقتباسـي=وقام ينكـث فالهناديـب العتيقـه

وصار في بعض العلاقات التماسي=والتماس السلك يبعث له حريقـه

وان نظرنا فايل الخس الأساسـي=له سوابق تفضح الخس وتعيقـه

لا شجيع ولا كريـم ولا سياسـي=ولا يفرج عن رفيقه يوم ضيقـه

ماذكر له موقف ٍ يجلى العماسـي=وله مجال ٍ فالطواريـق الرقيقـه

الهوى والغي منهجـه الدراسـي=كم طويل ٍ مع هوا نفسـه يويقـه

وياصف الأجساد من تحت اللباسي=ياصف اجساد الهويه والصديقـه

وفالمجابه والقسى ماهوب قاسي=لياتلاطمت الحجج يشرق بريقـه

ويوم جاته من بعيدين المماسـي=انحنى كنه يوايـق فـي خريقـه

علموه بقول مرشد كـان ناسـي=يوم سقط لـه خوابيـر ٍ عميقـه

قال له ياابن خلف راسك وراسي=والوعـد قـدام والغبـه غميقـه

استعد لرجـل راسـه مايراسـي=وان حداك الخوف جنب عن طريقه

وصار فالخس انكماشه وانتكاسي=وفضل الذله علـى ردت وسيقـه

وشاعر المطران صلح له اركاسي=واحتمى الضلع المسمى مع فريقه

ولبسه بشت ٍ مفصـل بالمقاسـي=لو يموت الخس ورثـه لشقيقـه

وش يريد الخس لحاس التباسـي=وش عليه من البحر والا غريقـه

مايقول القول عن دافع حماسـي=مقصده شـي ٍ يحطـه فالعليقـه

لا حصل له مدت ٍ لو هي طفاسي=حطها فالمحفظه مـدري بريقـه

والمنافق دايما ً خاسـر وخاسـي=لو تظاهر بالعفاف عن السريقـه

[روقي قرم]

صح لسانه والله

ماهي غريبه على شاعر كبير ان يرد ويدافع عن قبيلـته

لاهنت يازيزوم على ماجبت

اطلق التحايا

[عادل العصيمي]

صح لسان الشاعر كديميس وبيض الله وجهه

ولا هنت يازيزوم

تحياتي

[فهيد مقعد الرويس]

لقي مايستحق

هذا ماجره عليك لسانك يالخس

وتبقى مطير قبيله عزيزه ولايقع الوم الاعلى صاحبه

لاهنت على النقل يازيزوم عتيبه

وصح السان ابوصالح

الله يعطيه طولت العمر

تحيتي

[فلان الفلاني]

صح لسانه

والخس


اكلها ..



لا هنت

[المطاري]

السلام عليكم ورحمة الله وبركاته
للاسف شاعر مثل كديميس العصيمي يكتب مثل هذه القصيده لان الهجاء مذموم في كل أحواله ورداًعلى روقي قرم حينما قال أنه بقصيدته هذي دفاع عن قبيلته لاوالله إنما هي هجوم على قبيلته لان عتيبه هي مطير ومطير هي عتيبه وبقصيدة كديميس يمثل نفسه ولايمثل غيره وأنا أعتقد أن القصيدة ليست لكديميس وإنما هي مكتوبه على لسانه لكن ستبين لك الايام ماكنت تجهله
وللاسف الشديد أن الاخوة ألاعضاء مثبتين الموضوع بدلاً من حذفه
لان السب والذم والقدح لاوجود له في مثل هذا المنتدى العريق الذي يحمل أسم قبيله تتمنى بعض أفراد قبيله أخرى الأنتماء لها
ولكن للاسف كل قبيله يوجد بها مدرك ومجنون وعاقل وسفيه،
وأرجو أن العقلاء أكثر من السفهاء والمدركين أكثر من المجانين



ودمتم بخير وعافيه

[زيزوم برقا]

وعليك السلام ورحمة الله وبركاته

حياك الله أخوي المطاري معنا أخ عزيز وضيف مكرم

لو تأملت معي أخي

بارك الله فيك

في قصيدة الشاعر كديميس العصيمي

كديميس لم يسب قبيلة مطير في هذه القصيدة ولم يتطرق لهذا المجال

إنما كان غضب الشاعر على فعل الشاعر محمد بن خلف الخس

الذي أساء للقبيلة عتيبة إساءة لوجستية لم تكن واضحة لمن

كان قصير رؤية

وتلك الإساءة قوبلت بالاستهجان من شعراء القبيلة

ومنهم كديميس

الذي صب جام غضبه على محمد الخس والقناة الداعمة

وأما

تطرّق كديميس لهجاء قبيلة مطير

نقول كديميس لم يأتي بحرف واحد يمس مطير بسوء

ونحن نعلم من قبل أن قبيلة مطير حمران النواظر

قبيلة عزيزة على قلوبنا وبيننا وبينهم سلوم وعوايد

وحنا وياهم جيران وعواني وأنسباء

أتمنى تقبل ما ذكرت


ولك فائق التحية


أخوك

زيزوم برقا

[زيزوم برقا]

الأخوة المشاركين


لكم فائق المودة

نورتم الصفحة


أخوكم


زيزوم برقا

[سالم المنصور]

يســـــــــــــــــــــــــــــلم لســـــــــــــــانك

[ذيب الينوفي]

الله يعافي ابوصالح وقفاته معروفه


وانت يازيزوم برقا لك جزيل الشكر على النقل


ونقول للخس عليك من الله ماتستحق يامن تدس السم في العسل

[مطيـر تاج راسي]

الســـلام عليكم ورحمــة اللـــــه وبركاتـــه

مرحبا جميعــاً

عفواً برد على الأخوه جميعاً فيمن تكلم على قصيدة الشـــــاعر الكبيـــر والموقر محمــد بن خلـــــف الخــــس
أولا: محمد الخس رجل يستحق الكتابه والدفاع من اجله لأنــه تكلم عن الإرهاب ومن يمس الإسلام بصوره خاطئه ويمثله سوء التمثيل فرمز الى احداث زمنيه ربما لم يعاصرها ثلاث ارباع من تناول هذا الموضوع في المنتدى, ورمز فيها الى شخصيه كانت تتزعم الإرهاب تلك الفتره ولما تجرأ عليه بن جهيمان بدخوله الحرم الكي حاملا السلاح في بلد يتضاعف فيها الإثم فكيف القتـــــــــــل ولأنــــاس ابرياء .

ثانيـاً: لم يتعرض الشاعر الكبيـــر محمد الخـــس حفظه الله لقبيلــة عتيبه لأي أذى أو تهجم كما فعلــه بعض الشعراء هنا

ثالثــاً: لم يذم بن جهيمان بأي ذم كما فعله بن كديميــس حيث وصف الخس بأوصاف مناقضــه لشخصــه الكريم وصفاته العظيمــه وانما الذي فعله الخس هو انه رمز لتلك الحقبه والإرهاب بالشخص الذي تزعم تلك الحركه.

رابعاً: قبيلتي عتيبــه ومطير متقاربتين فمن العار الرد على هؤلاء الأشخاص الذين يتمادون على الغيربالسب وشكرهم على فعل يزيدهم هم عاراً ووبالاً امام خالقهم حيث انهم يصفون اشخاص بغير صفاتهم ويتبلون عليهم اما بن جهيمان فهذا الشخص تشهد عليــه جميعا القبائل وليست سوى مطير حتى ان عتيبه بنفسها تشهد عليه

اعتـذر عن الإطــاله ولكن لابد للحق ان يبين وان كان امام سلطان جائـــــر

[ابوغازي]

يعطيك العافيه وصح اللسان ابن عاصم

[عــمـــر]

يعطيك العافيه

وصح لسان الشاعر الاسطورة

وماهي غريبه عليه ولا على شعراء عتيبه

لاهنت يالذيب