ابو فهد الثبيتي مرحبا

[الطوفان]

السلام عليكم جميع ومساكم الله بالخير

ابو فهد شفت اسمك وابي الزمك ههههههههه

اررر حب يالغالي واستلم




عد مالاحت بروق وعد نسمات الهبايب= مرحبا ياشاعرٍ للعرف مانطلب بدلها
الثبيتي غايبٍ عنا ولاادري ليش غايب= مختفي له وقت والارزاق ابو بطنين اكلها

[ابو فهد الثبيتي]

وعليكم السلام ورحمته وبركاته
وحياك الله وشلونك بشرنا عنك
وشلون صحتك وش الاخبار
والله يخارجنا منك
واستلم

عد ما لاحت بروق وعد همال السحايب=البقابالشاعراللي مثل الحله واهلها
مايغيب الا فقيد الموت من تحت النصايب=والله اللي وزع الارزاق وعباده كفلها

[عادل العصيمي]

الطوفان صح لسانك

ابو فهد صح لسانك

عساكم على القوة

[ابو فهد الثبيتي]

ابن عجلان
صح بدنك
ومن قال يقوى

[محمد العرادي]

الطوفان
،
،
،
ابوفهد الثبيتي
،
،
،
صحت السنتكم
،
،
،
متابع !!!!!!

[الطوفان]

هلا وغلا يابو فهد

ابشرك بخير وكيف حالك وابرك الحزات اللي شفناك فيها

واستلم



قالو القطب الشمالي مختلف والثلج ذايب=كل خوفي لاتعود كارثه ماشي مثلها
الصراحه مطلب الفريس فى ايام الحرايب= والسعه مثل الخليه والحلاوه في عسلها

[الطوفان]

ابن عجلان


صح بدنك


منور بحضورك


تحياتي

[الطوفان]

محمد العرادي

هلا وغلا

اسعدنا مرورك



تحياتي

[ابو فهد الثبيتي]

اختلاف الكون عده ثامن السبع العجايب=وانت روحك ماتواتي حتفها قدام اجلها
انت يامحمد تدور للمشاكل والطلايب=والمثل يقول ماشال الحمول الا جملها

[الطوفان]

طيب طيب



كان قيصر جاء بفرسانه على ظهور النجايب=عان كسرى مرتكي بالموت واشنابه فتلها
لي ظن ولك ظنون وظننا ماهوب خايب=يوم ترضى من رضا بقعا وتزعل من زعلها

[ابو فهد الثبيتي]

المعارك ماوراها الا الكوارث والمصايب=تدرك العقال والجهال تجهل من جهلها
اضنون اللي تجيب الشر مابين القرايب=وكل نفس محاسبه وبفعلهاتلقى عملها

[ابن مسلم]

ابو عبدالرحمن

صح لسانك

ولسان ابوفهد

وعلاك ابه يالثبيتي تراه مستفرس

ماركسرقرونه

[الطوفان]

مابقي فيها خيار الذيب في سد الزرايب=غير هاذيك الذياب اللي تعاوى في جبلها
لاتكبرها ترانا كلنا ربع وحبايب=مشينا في الدرب الايمن والدول تحمي دولها

[الطوفان]

ابو ضيف الله

ارررحب وصح بدنك


والله اعلم بالمستفرس هههههه


مار الله يعينا عليك انت وصاحبك


نورت بحضورك



تحياتي

[ابو فهد الثبيتي]

انت تدري بالبلا وانت السبب وانت السبايب=المصيبه من جلبها والفعايل من فعلها
القضيه واضحه بين السرايا والكتايب=العرب تمشي على وضح النقا وانت اتختلها

[ابو فهد الثبيتي]

اشكر جميع الاخوان على المتابعه
وصحت ابدانكم

شاعرن الخلوق ابو عبدالرحمن تشرفت باللعب معك

ولنا لقاء قادم انشا ءالله
وتصبح على خير انت وجميع الاخوان

[الطوفان]

صح بدنك يابو فهد


سعدت الليله بلقائك



صح السانك مليون


وتصبح على خير انت والمتابعين




تحياتي

[شاعر روق]

ابو عبدالرحمن صح لسانك
وصح لسانك يابوفهد وحياك الله
طاروق جزل من شعار اغنياء عن التعريف