ممكن خدمه يا اخواني الشعار

[الــــعتيبي]

بسم الله الرحمن الرحيم

مساكم/ صبحكم

الله بالخير جميعا

اخواني الشعار انا ابي خدمه لي فوق والله الثلاث اشهووور

وانا ادوور قصيده بندر بن سرووور اللي يقول فيها

يا راكب اللي ما يداني الصفيري

الصراحه ماني حافظ القصيده زين بس من الابيات اللي يقوول

رجليه بالحره وصدره

صراحه ما احفظ القصيده وارجوا من اللي يعرفها يكتبها

لاني بحثت بالنت ولم اجدها كامله

وجزاكم الله خير الجزاء

[.. شِيخَ إلِمرِآجّ ـلُ ~]

تفضل يا بــع ــدي ،،



يا راكب اللي ما يداني الصفيري=هميلعن من نقوة الهجن سرساح

امه نعامه واضربوها بعيري=جا مشبهاني على خف وجناح

عليه خرجن من سلوك الحريري=وسفايفه مثل الغرابين طفاح

يسرح من الطايف ويمسي البصيري=والسوق والبصره دهجهن بمرواح

مزهبك يا راعيه تمر ومضيري=واحذر تشب النار يجفل من الضاح

والى ورد يشرب ثمانين بيري=غرافهن تسعين ودليهن ماح

رجليه بالحره وصدره يسيري=ويشرب براسه من على جمة رماح

يا ويش هو طويلن قصيري=يسبق زعاجيل الهوا يوم تنداح


تــح ــيــآتي لك :)

[بريف هارت]

اخوي ا بن مشيب القصيده هذي ماهي ل بندر اخوي هذي قديمه وعلى ما اظن انها ل بن حميد

[طير ابن برمان]

الله يرحم القصيد واهله

القصيده اعلاه لابن حميد تركي

موجها لابن هادي شيخ قحطان وقد رد عليه ابن هادي بقصيده منها هالشطر
يا تركي ابن حميد وش ذا البعيري=000000

[.. شِيخَ إلِمرِآجّ ـلُ ~]

هلا هلا

يخوان انا ما كتبت انها لابن سرور ولا قلت لتركي

يا حبكم لتدوير الزله بعدين الرجال طلب القصيده الي بها البيتين

الي في موضوعه وجبتها له لا اكثر ولا اقل واذا تبون رد ابن هادي

ترا جبته لكم وريحتكم بلمره :)

[الــــعتيبي]

تسلم يا ابن مشيب وبيض الله وجهك

ويارجال الخطاء مني انا انا مضيع بين تركي و بندر

العذر والسمووووووووووووووووووووووووووووووووووووحه

وبيض الله وجهك يا ابن مشششششششيب ما تقصر

بس هل القصيده كامله او بس هذي الابيات

شاكر ومقدر