الخلاف على الاراضي-قصيده

[زبن]

صدر مؤخرا قصيده جميله لشاعر المبدع المهندس/حسن الزيادي على موقع ميدان الشعر يدور معناها حول قضية الخلاف والوفيات التي حصلت بالطائف نتيجة نزاع على ارض

عسى ان يكون منها فائده للجميع


تشابكن كل الافكار فـي ساعـه=شي من الغرب وشي من الشرقي
واصبح صليب الراس في ضاعه=مواقف مايفرحن يكـود حرقـي
لقيت بالمحكمه هـوش ونزاعـه=للورث وحلوق النـاس شرقـي
نشدت يا نـاس وش البضاعـه=قالو صحـاري لنـاس طرقـي
قلـت البـلا خبـل وذراعــه=والا دليل الشرع ما فيـه فرقـي
ابليس يعـدي ويـدور اتباعـه=ويلقى من الناس وجه همرقـي
ارجالكم ياصـاح لابـد سناعـه=لابـد بالطيـب تمشـي وترقـي
ذاك الصغيـر يطلـب شفاعـه=وبنـت تغطـت بسـود خرقـي
هذه اخو والا قريـب لرضاعـه=والا على البيت ضيف وطرقـي
هـذا زمـان شانـت اوضاعـه=لابـوك ياعـرق منتـه بعرقـي
ولا عادك الله يادنيـا الطماعـه=لا صار بالورث نهـب وسرقـي

منقول

[صنداح الزلامي]

اخي زبن شكرأ على النقل

ولكن لي ملاحظه / أرى ان فيه خلل في وزن القصيدة

ياليت لو تعاد بصياغة افضل ......... تحياتي

[زبن]

يا هلا بك يا صنداح ومشكور على الرد

لكن ونا اخوك القصيده ماهي لي وانا اللي اعرفه شاعر القصيده من بحور الشعر حامل لقب شاعر المواقف بعد خلف بن هذال لكن رايك يجب اخذه في الاعتبار وارجوك تذهب الى منتدى ميدان الشعر وتبين ملاحظتك على القصيده لكن هنا هي منقوله ونقدها يسئ الى المنتدى وشعار عتيبه

[صنداح الزلامي]

زبن انا لاقول في شاعرها انه ليست شاعر

وجهة نظري يمكن من الاخطا الطباعي يحدث هذا

ارجو المعذرة ان اخطاءت وجهة نظري فقط لا تسى

بالمنتدى ولا بالشاعر .......... شكرأ لك على حسن تعبيرك