مرحبا يابدر وحياك الله واستلم لاهنت

[الطوفان]

مرحبا اخوي بدر وحياك الله

ولي الشرف بالتعلم منك والله يوم شفتك انها افرحتني شوفتك

وخذراحتك اذا عندك ارتباط كذا ولاكذا نكملها في وقت ثاني

واستلم يالغالي




هلا يا مرحبا مليون مره قلتها وازيد=تراحيب الوفاء يابدر فى اولها وتاليها
تراها ليلة بيضاء وليله من ليال العيد= بعد شفنا الرجال اللي طويلات يمانيها

[العاصف]

صح الاسانك


يالطوفان


وصح السان


بدر مقدما


متابع !!!!!!!


تقبلو تحياتي

[الطوفان]

العاصف صح بدنك


ومنور بحضورك لاهنت



تحياتي

[ظافر العتيبي]

صح لسانك يا الطوفان وننتظر بدر


متابع

[الطوفان]

ظافر صح بدنك


ومنور بحضورك لاهنت



تحياتي

[الدماسي 2007]

وينكم يابدر الليل الليل

صح السانك بالطوفان

[بدر الشاطري]

ابقاك الله اخوي الطوفان وبيض الله وجهك على الترحيب الوافي من الرجل الوافي ولي الشرف في الانظمام لهاذا المنتدى الشامخ .
وانت استاذ في الشعر ونتعلم منك الله يعطيك العافيه .
والمعذره عن عدم الرد البارح لن الاتصال عندي انقطع بسبب غير معروف .
واستلم لاهنت يابو عبد الرحمن ونكمل الليله في الساعة التاسعة والنصف اذا ماعندك شغل .



يدوم الك البقاء يالي تمجد وأحسن التمجيد=تراحيب الرجال الي تمجد سلم ما ضيها
تعنينا وجينا والجمل يمشي بليا قيد=على شان الرجال الي مسمات(ن) بساميها

[بدر الشاطري]

العاصف

ظافر العتيبي

الدماسي 2007

مشكورين على المرور

واعتذر عن التأخير بسبب انقطاع الاتصال .

والوعد الليله

تقبلوا تحايا

بدر الشاطري

[محمد العرادي]

الطوفان............بدر الشاطري



صحت الالسنه والابدان



وعساكم على قوه

[الطوفان]

صح السان يابدر ومساك الله بالخير



انا ماقلت غير الحق عن ما تسمعه ماحيد=حقايق للرجال اللي تعزوى في عزاويها
عسى ربي يحييكم مشينا والمكان بعيد=وانا خابرك رجل وتمسك الجره بثاريها

[الطوفان]

محمد العرادي صح السانك

ومنور بحضورك



تحياتي

[ابن مسلم]

صح لسانك ياابو عبدرالرحمن

وصح لسان بدر والله يحييه

وعلاك إبه يابدر تراه معاقبني عقوبه ماصدقت على الله يجي واحد يشغله عني

[الطوفان]

صح لسانك ياابو عبدرالرحمن

وصح لسان بدر والله يحييه

وعلاك إبه يابدر تراه معاقبني عقوبه ماصدقت على الله يجي واحد يشغله عني



طيب طيب يابن مسلم



ضربني وبكى وسبقني وشكى



بس لاتحارش تراني انا وبدر من منطقه وحده



يعني مارايح تلقى اذن صاغيه لقولك هههههه



علاك بشاعر روق اللي مايقول معك لا


ههههههه


نورت بقوه يابو ضيف الله


تحياتي

[بنت الكرزان]

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
°ˆ~*¤®§(*§*)§®¤*~ˆ° السلام عليكم..............الماسي شنووووو؟؟؟؟؟؟؟؟؟؟؟ °ˆ~*¤®§(*§*)§®¤*~ˆ°

[بدر الشاطري]

صح بدنك .. والله يمسيك بالعلم الغانم يابو عبد الرحمن

الله الله


نبا نسري سوى ياصاحبي نطرد شرود الصيد=مدام إن العواني ماتخالف مع عوانيها
بعد شفت القصور الشامخات مشيده تشييد=نبا ننشدك يالطوفان من هو ساكن ٍ فيها

[بنت الكرزان]

http:// ةةhttp://~*¤ô§ô¤*~*¤ô§ô¤*~font=Tahoma] الدماسي روقي؟؟؟؟؟؟؟؟؟؟؟؟؟؟؟؟[/font]~*¤ô§ô¤*~*¤ô§ô¤*~

[بدر الشاطري]

ابن مسلم

صح بدنك .. والله يبقيك يالقرم

بالنسبه للوصاه ... أنا مبا المثل ينطبق علي ..

اللي يقول .. أعلمه الرمايه كل يوم ٍ فلما اشتد ساعدهـ رماني هههههه

لكن خلك قريب يمكن نطلب امداد مظلي ههههههه

تقبل تحايا

بدر الشاطري

[الطوفان]

الليل هههههههههههههه

الجو الليله عاصف يابدر هذا والله العلم





انا اشوف الطيور اللي تغرد فى السماء تغريد= ولادري جات من نجران ولا من ضواحيها
ليا طالت بك المده تبا تعرف بلا تحديد=وتعرف ساكنين الدار قاصيها ودانيها

[بدر الشاطري]

ههههههههههههههههههه

العاصف تسبق المطر يابو عبد الرحمن

الله الله


بعد شفت الطيور موقعه في راس هاك الحيد=علامك يالعتيبي من ورى الريعان ترميها
أخاف أكبر الطاسه وزود من حليب الديد=وخلق الله ثلاث اكواب يالطوفان تكفيها
هههههههههههههه

[عـقاب]

صحت السنتكم مبدعين

ومتابعين


مار بنت كرزان وش بلاها خاشه عرض :(

[الطوفان]

هههههههههههههههههههههه

الله يستر من اخرتها



عساها ماتكون بكاش ماحلى البيع بالتقصيد=انا ماشفتها بالعين مير اسمع مناديها
وظني فى القضيه كايده من شلة اهل الكيد=لكن اسمع كلامي لاتحرى في حراويها

[عـقاب]

الطوفان ههههههههههههههه


متابع


:)

[الطوفان]

اررحب ياعقاب



وصح بدنك



وان ماطاعك الزمان طيعه ههههههههه


تحياتي

[بدر الشاطري]

هههههههههههههههههههه

ياكافي ياكافي


ليا منك شريت الطايره يمكن تبا تجديد=لكن اشتر يابو داحم وتلقاء كل خافيها
سمعنا قبل عام ٍ فات عن قصة فريسة زيد=وصاد الصيده اللي جودة عصما بذانيها
هههههههههههههههههههههه

[بدر الشاطري]

عقاب

حياك الله ياهلا

منور

صح بدنك

تقبل تحايا

جبل صايد

[الطوفان]

هههههههههههههه

طيب طيب



لاوالله كيف نشريها ومليان البلد حسيّد=ولااضمن ويش يسوي خالها ولا بناخيها
ترى الدنيا عجيبه كل يوم تزيد بالتعقيد=عسى ربي يكافينا ويكفيكم بلاويها




اخوي بدر


صح السانك مليون


اللعب معك له طعمه الخاص ولكن يشهد انه وراي سفر غدا


ولنا جولات قادمه هنا ولا هناك هههههههههه


اشكرك على سعت صدرك وجزالتك المعهوده


كما اشكر كل من شاركنا هذا اللقاء


وتصبحون على خير

[بدر الشاطري]

الطوفان

صح لسانك وصح بدنك ...

الله يطول بعمرك يابو عبد الرحمن على طاعته ويسمح دربك ..

والله ياللعب معك ينومس يالقرم ..

والأيام طويله متلاحقين ان شاء الله

تروح وترجع بالسلامه

لكن صل ركعتين وسجد سجود السهو يالطوفان هههههههههههه

تصبح على خير

تقبل تحايا

بدر الشاطري

[ناصر بن سعدي]

الغالين

الطوفان
و

بدر الشاطري


صحة ألسنتكم .. وعلى القــــوه ..

[فهيد مقعد الرويس]

صح السانك

يابوعبد الرحمن

ولايهون الشاطري

طاروق كايف لاهنتو

تحيتي وتقديري للجميع

[ظافر العتيبي]

صحة السنتكم يالنشاما


اطربتونا الله يسهل امركم


تحياتي

[شاعر روق]

ابو عبدالرحمن صح لسانك وسلمت يمينك
وانا وابو ضيف الله متحالفين مار ماادري يا متى والظاهر ماهيب مطوله:)
__________________________________________
بدر الشاطري
مرحبا ومسهلا والله يحييك في محلك
ومثلك نسعد بتواجده بيننا

واصلوا

[الطوفان]

صح بدنك يابوسعود


ويالنسبه لاستمرار حلفكم انا متأكد انه مارايح يطول

ههههههههههه

اللي ماهوب لله يضيع


تحياتي