الليل ياعاسف القاف

[تركي شجعان]

السلام عليكم ورحمة الله وبركاته

استلم ياعاسف القاف


يامرحبا ترحيبة اهل الطيب والمعنى يطيب=ياعاسف القاف ابدع القاف افهم العلم افهمه

ياذيب ياذيب الخلا قابلت في مسراك ذيب=ذيبٍ عوى في راس مشراف افهم العلم افهمه

[ناصر بن سعدي]

الغالي


تركي بن شجعان ..


ومبــداء كايف ..

وبإنتظار عاسف القاف ..



وعلى القــوه ..

[عادل العصيمي]

ياسلام

صح لسانك يا تركي بن شجعان

بدعة ممتازة

وننتظر عاسف القاف

تحياتي

[براك المري]

ابــن سعــدي ,, ابــن عجــلان ,, متــابعتكم شــرف

استـــلم يا تــركــي ويشــرفنــي اللعــب معــك



دام البقا لك يا عميل الخير وابشر بالنصيب = قافن يهيض كل من شاف افهم العلم افهمه
ياذيب ياذيب الخلا جيتك على صوتك خبيب = والذيب لاجيته ترى خاف افهم العلم افهمه

[تركي شجعان]

الله يعطيك العافيه ياعاسف القاف ويسعدني محاورتك
واستلم



ياجرح ياللي في صدور الناس عيا لا يطيب=سبعه سمان وسبعه اعجاف افهم العلم افهمه

العد عدٍ للروا معمور واشرب ياشريب=واخلاف ماهو حاصل اخلاف افهم العلم افهمه

[تركي شجعان]

مديرنا الغالي

مرورك اعتزاز وفخر

وتعليقك وسام اتشرف به

[تركي شجعان]

مشرفنا الغالي

الممتاز هو كلامك الطيب

ومرورك تشريف لنا

والله لا يهينك

[براك المري]

استلم يالغالـــي



الله يعين اللي صبر ويداوي الجرح العطيب = والجرح كل الجرح ينعاف افهم العلم افهمه
نارد على العد القراح ونقهر الضد ويخيب = وكل النفوس تعود خفاف افهم العلم افهمه

[تركي شجعان]

يالمري اللي علتك عيا يداويها الطبيب=بلاك في راسك والاطراف افهم العلم افهمه

ما حاصلٍٍ لك يابن مره لا صبوح ولا حليب=لاكن غط العلم بالحاف افهم العلم افهمه

[براك المري]

لا والله الا طيبا" وبخير لكنك صويب = قريت عنوانك من غلاف افهم العلم افهمه
العب على وضح النقا والله من فوقي رقيب = العب عدل واللي مضى طاف افهم العلم افهمه

[تركي شجعان]

انته سواة الهامل اللي من شعيب اليا شعيب=والوسم فالخدين ينشاف افهم العلم افهمه

راحت حياتك كلها بين المنادي والمجيب=يام العريقه ماهم اشراف افهم العلم افهمه

[براك المري]

خلـــوهـــا


وانته سواة الفاطر اللي ساقها رجلا" عريب = من بعـد ضربه بالعصا راف افهم العلم افهمه
الله يعين الكوره اللي من لعيب اليا لعيب = عتيبه الهيلا ترى اتلاف افهم العلم افهمه

[شاعر روق]

شعراء مبدعين وجزلين
صحت السنكم ودام ابداعكم

[نسمة غلا]

اي بالله صحت السنتكم وسلمتوا ولا هنتوا

[براك المري]

شـاعــر رووق ,, مــرحبــا بـــك ,, والابــداع ليــس الا مــرورك



اتشـــرف بمتــابعتــك يا الغالــي



نسمــة غــلا ,, هــلا بــش ,, ومــتابعتــش شــرف


لاهنتـــي

[تركي شجعان]

انته تبا نجران لكنك تعود من طريب=تمشي قدم ثم ترجع اخلاف افهم العلم افهمه

حنا ترانا ياولد مره مدلهة الغريب=لو كان فيهم شي ينعاف افهم العلم افهمه

[براك المري]

اللــه يعيــن ابن العتيبي يشتكي حر اللهيب = من يوم جيت الملعبه عاف افهم العلم افهمه
انشد من التاريخ تدري ويش ربعي يا الحبيب = وانته تخطف النعل خطاف افهم العلم افهمه

[إبن ثعلي]

صح السان الشاعرين ولايهونون المتابعين

[براك المري]

ابــن ثعلــي ,, ارحــب تــراحيــب المطــر



متابعتـــك شـــرف يا الغــالي

[تركي شجعان]

البندقيه في يدي ياذيب لا تقنب قنيب=لكن لا تسعى وتطاف افهم العلم افهمه

اليا نشدت الناس تدري عن منزحة الحريب=والمكرمي حاف العرب حاف افهم العلم افهمه

[تركي شجعان]

صح بدنك يابن ثعلي

ومرورك شرف ومتابعتك فخر

[براك المري]

البندق اللي في خباها ثورت ولاتصيــب = والذيب عـدا بالعشا وطاف افهم العلم افهمه
غيمة هجوسك شفتها ماعاد تملى لك قليب=ماعاد تمطر كون تفتاف افهم العلم افهمه

[تركي شجعان]

اعلوم ياعاسف تخلي راسك الاسود يشيب=وانته ولد والقلب شفاف افهم العلم افهمه


انته على الوجهين تمشي فيك شك وفيك ريب=وانا اكتف المجنون بكتاف افهم العلم افهمه

[براك المري]

اللي حواه القدر عيا ما ظهر وامره صعيب= بساعدك بعطيك مغراف افهم العلم افهمه
لا لا تحلل للعرب والمشكله منت بخطيب = قدام لايدرون الاوقاف افهم العلم افهمه

[تركي شجعان]

ياللي غرفت القدر تاكل منه يالوجه الغضيب=ياليت لو شلناك باسعاف افهم العلم افهمه


لو كنت خصمي كان رديتلك بالسيف العطيب=من يوم ما عودتوا احلاف افهم العلم افهمه

[براك المري]

كحلتها واعميتها يا صاحبي وامرك عجيب = تحتاج لك يا هيه بف باف افهم العلم افهمه
وين انت غادي ياعميلي يوم انا عندك قريب = الناس يا ابن الناس اصناف افهم العلم افهمه

[تركي شجعان]

كلٍ على قدره وماجوبه ويرضى بالنصيب=تحتاج لك ضربه فالارداف افهم العلم افهمه

الله حسيبك يابن مره يوم كلٍ له حسيب=سببت وسط العالم ارجاف افهم العلم افهمه

[تركي شجعان]

وين انت غادي ياعميلي يوم انا عندك قريب = (الناس يا ابن الناس اصناف) افهم العلم افهمه

اخوي عاسف القاف الشطر هذا فيه كسر

اتمنى منك مراجعته ولك تحياتي

[براك المري]

يا باني البيت المعـرج يلزمك عنـدي تريب = ولا اسرقه دام انت حواف افهم العلم افهمه
الفاطر اللي ساقها يا سامعي رجلا" لبيب = ياليتها تكثر في الاعلاف افهم العلم افهمه

[براك المري]

اخــوي العــزيز تــركــي بن شجعــان ,, البيــت راجعته من قبل كتابته ,, ولا فيه اي حاجه ,, واذا فيه شي اعتقــد بأنــه ثقــل وليس كســر ,, واللــه اعلــم



نكتفــي الــى وصولنــا الــى هنــا ,,لانـي ما اعتــقد راح اتــواجــد هــذا الاسبــوع لضــروف خــاصــه


بيــض اللــه وجهــك ,, وانــا اتعلــم منــك ياتــركــي...



وعـــز اللــه انــه طــاروق ممتــع معــك


لنــا لقــاءات قــادمــه انشـــاءاللــه