المعنى في بطن الشاعر

[لاقي طيب]

عينت الصاحب اللي ضيّع الصحبه بدون أسباب = أخاف انه على ماقيل حاميها حراميها
عزمني صاحبي في حلته ماشرّع الأبواب = وهو خابر رجال الطيب مشهوره باساميها

[ناصر بن سعدي]

إخـــوي الغالي


لاقي طــيب ..


وطاورق رائــع .. ومبداء كايف ..


وبإنتظار أقـــرب شاعر ..


وعلى القــوه ..

[عادل العصيمي]

استلم يالاقي طيب

ومرحبا مليون



هلا يامرحبا بالصاحب اللي عاتب الاصحاب = نبا ناخذ بحقك والخطية ما ندانيها

نبا ننشد عن المطلوب وش سوى مع الطلاب = ترى بعض الطلايب تب تعود يم راعيها

[عادل العصيمي]

ناصر بن سعدي

مرحبابك منور

تحياتي

[ناصر بن سعدي]

لاهنت يا إبن عجلان ..



وعساكم على القــوه ..


وبإنتظار مزيداً من الإبداع ..


متابع ..:)

[لاقي طيب]

أسعد الله مساك يابن سعدي واحتزم يابن عجلان ليلك طويل

[لاقي طيب]

استلم يابن عجلان 0000؟


أنا لوما غلا الأصحاب ماابذل دونها الاتعاب=ولاأنشد عن خبرها عند صاحبها وعانيها
يقولون اللحا دايم تعدي دونها الاشناب=وانا اقول البيوت العامره تعرف مبانيها

[تركي شجعان]

ابن عجلان

لاقي طيب

الله يعطيكم العافيه

طاروق جميل ورائع

وانا في صف ابن عمي بدون قصور في الاخ لاقي طيب

[لاقي طيب]

لاهنت ياتركي شجعان وانا ولد عم مثله0 لكن احتزم لاخلص طاروقي مع بن عجلان

[عادل العصيمي]

على هونك ترى كثر الحساب يضيع الحسّاب = ولاقي طيب ياكثر اللحون اللي يغنيها

بعد بكره تبين وتعرف الصادق من الكذاب = وانا ماني مصلي لي صلاتٍ ما تصليها

[عادل العصيمي]

تركي شجعان

الله يعافيك

درب الصف وازهل الباقي

[لاقي طيب]

بن عجلان أمرح ورانا دوام ( لاتستعجل على رزقك)

[لاقي طيب]

ترانا ناصل الحروه ترانا نحسب الف حساب=ونعرف وشهوا اولها ولانرضى بثانيها
يعيش الصقر في وكره وينعق فالعشاش غراب=غراب البين لاياصل غروسك ثم يفنيها

[عادل العصيمي]

ترى ما يضهر الرجال غير الماقف الغصاب = وانا عيني تشوف الاوله وتشوف تاليها
ترى من عاش فالدنيا تعلم والليال كتاب = ومثلك لا قرى الكلمة تفكر في معانيها

[لاقي طيب]

أنا بنشدك يومنك حضرت لمجلس النواب= عسى حصلت فالمجلس غنايم في صوانيها
عسى الله يرحم الاجواد ذاقوا لقمة الاحباب=وعانوا من معاناتن عسانا ما نعانيها

[لاقي طيب]

تحياتي لابن شجعان وابن سعدي ما نشوف تعليقاتهم ؟؟؟؟

[ذايع]

لاقي طيب صح الله لسانك،،، ابن عجلان صح الله لسانك

مبدعين ونحن متابعين

[تركي شجعان]

لاقي طيب

الله يعطيك العافيه وما قصرت وواصل ابداعك

وانا ما زلت في صف ابن عجلان

[عادل العصيمي]

ليا مني دعيت لكرمة الاجواد ياشباب = حضرت ولا حسبت احساب طابخها وشاويها

تقوله وانت ياراع العلوم اللي قرصك الداب = قرصك الداب قرصة منت لاقي من يداويها

[عادل العصيمي]

ذايع

صح بدنك وحياك


تركي شجعان

الصف منور بوجودك

[لاقي طيب]

تقرب راسك المشعاب جعله فدوت المشعاب=وانا راسي سلم والنار تحرق رجل واطيها
الا يافزعت الله فوق منهو يشعل المشهاب= يشب النار في ثوبه ولا يقدر يطفيها

[عادل العصيمي]

يالاقي طيب لو تسمح تراجع شجرة الانساب = هل الزلّة عسى المشعاب يضرب بين اذانيها

علامك ياعميلي رحت لقمه بين ضرس وناب = ترى البلوه على البلوه تجمعلك بلاويها

[براك المري]

لاقــي طيــب صـــح اللــه لســانــك يا مبــدع وانــا فـي صفــك



ابــن عجــلان بيــض اللــه وجهــك مبــدع



وليـــس غريــب عليكــم الابــداع



متـــابـــع

[عادل العصيمي]

عاسف القاف

وجهك ابيض يالمري

وحياك الله

[لاقي طيب]

ألا يادافع البلوى حمامه في طريق عقاب= لعل الله يسلمها لعل الله ينجيها
أخوك اللي بجنبك حدك وجا من وراك أجناب=ترى من يامن الدنيا تحطه في علابيها

[عادل العصيمي]

يقولون الفتى لن طاب طيبه من خواله طاب = ولن ما طاب قالو من خواله والسبب فيها

تطول السالفة والريح لن هبت نسد الباب = على قيس النوايا ربك الرحمن يعطيها

[لاقي طيب]

علامك ياولد عمي عكست الباب بالمحراب=توقع في طريقك والحفر لاتنكفت فيها
وأنا ماارضاعلى عينك وأنا ماارضا على الاهداب=لاكن احذر عيونك لاتكحلها وتعميها

[لاقي طيب]

الأخ بن عجلان الظاهر اني قفلت القاف بالشيش ؟؟ ومشكور على الفزعه ولا تعلم أحد؟؟؟

[عادل العصيمي]

لاقي طيب

العفو ماسوينا الا الواجب

لاهنت وتقبل تحياتي

[! الروقي !]

بيض الله وجيهكم جميعا