دن رعاد الخيال وهلت مـزون القريحـه....؟؟

[احمد الزايدي]

دن رعاد الخيال وهلت مـزون القريحـه=وأنهمل غر السحاب اللي تكاشح به بروقه

أحذر أنته تأكـل المترديـه والاالنطيحـه=والتزم في واجبات الله وكمل له حقوقـه

[طير ابن برمان]

يا عسى ربي يعز الدين والنفس المليحــه=والبنادم في حياته كل شيء ٍ فوق موقــه

والله اللي خالق ٍ مسلم وكافر بالفسيحــــه=والعرب فيها طربها والكفر منها معوقـــــــــــــه

[احمد الزايدي]

أشهد أنك شاعر فاهم وهقواتك صحيحه=والبنادم لن صبر ياصل لمطلوبه وشوقه

من عبدربه يفوز بجنته وأخذ النصيحه=أجتنب ماحرم الله والدك أحذر عقوقه

[طير ابن برمان]

النصيحه طيبه والناس فيها من يريحــه=صاحب الحق وفضيلة عالم ٍ دينه عموقــه

بس في دورالتقدم كل واحد من نضيحه=النفاق مع الربأ فوق الاوادم حط سوقــــــه