سجل الغياب وندا عجل اولآ عيد الجماعه

[حدود الوقت]

والله العضيم لي كم يوم جالس افحط في المنتدى ماعينت احد

ماصدقت اشوف الشايب عيد الجماعه والعارفه عمي ابن ثعلي من هنى يكون النداء على المطولين علانا ونشوف اخبارهم وسبب غيابهم


1-حضر عيد الجماعه
2ابن ثعلي
3استاذي القدير الحاضر الغايب النايف
4-الباشق
5-ابوسعد غياب متكرر وينك فديتك

[ابوسـعد]

هذا
الموقع
له مكانه ولو الود ودي ما طلعت منه ابد الابدين لكن الظروف تحكم..وغصب الغياب والمشكلة اني مسافر بعد يومين خارج في مهمة عمل ..وتذكرت قول لشاعر
والله والله وبحق الذي نزل ......صحايف الكتب والفرقان لتالي
ان لك بقلبي محل حل ما ينحل...وان حل بالقاع رجاف وزلزالي

..وياحدود الوقت اطلع يوميا على مواقع متعددة وهذا الموقع بدون مجاملة افضل منتدى شفت والي عندة اخر يجيبه تراني احب المقارنات لانها اساس التطوير..ونتوق الى الافضل دائما...ولاتنزعج ترى الظروف فقط هي الي تحكم...والشغل ولاتنسى حدود الوقت مهوب اسمك بارك الله فيك..
وشكرا لسؤالك وانت وغيرك من اعضاء المنتدى ينطبق عليكم البيت الانف الذكر...وعيد ما يحتاج تحطه الاول هو قبل في الصدارة

[حدود الوقت]

ابو سعد يعطيك العافيه يمر وقت ما ني بلاقي احد من الاخوان في المنتدى وتعرف الواحد وده يتطمن علاكم وبعدين عيد الجماعه له فتره ماشفنا طخته وانته وباقي الاعضاء والمشرفين في قلوبنا وتعرف اخوك لزقه مايعرف الا هل المنتدى رايح جاي رايح جاي وبعدين تفكى اخوك الغه العربيه عنده رايحه وطي يعني خاطبني بلي نفهم

ح

د
و
د
شوف الغياب اليوم

1-مرودع

2-نوسه

3قرنقش

[صلوا على محمد]

حدود والله اني غايبه لظروف قلتلك عليها انا احاول قد مقدر اني اكون متواجده وياكم

[طالع]

ياهلا والله


انا معكم لاتخافون



ههههههههههههههه


ياحدود انا عندي اختبارات وغثا بس ماعليه وقت الفراغ اخذلي فره في المنتدى

المهم دعواتك لنا بالتوفيق يالغالي

[ابوسـعد]

ادعو ياجماعة لعيدنا بالتوفيق في دراستة وما دام انه طالب علم وهدفه الدراسة فهذا هو ديدننا وان شاء الله يظله الله في ظله يوم لاظل الا ظله..وبالتوفيق ياعيد ونحتفل بك في المنتدى بعد نجاحك ان شاء الله

[حدود الوقت]

الله ويفق عيد الجما عه ويحيب الشهاده الكبيره وان سويله عزيمه من اعضاء ومشرفين منتدياتعيبه ويرده سالم غانم للمنتدى وزي مقال الغوي الكبير خالي ابوسعد فديته وفديت قبايله ادعو من قلوبكم للجميع
وخاصه الاختبارات على الابواب

الي ينجح اله عندي هديه

اهم شي
مايكون فيه
دواوير
حمر


تحياتي للجميع

[ابوسـعد]

افطنوا للغة واقراءوا قبل العرض هداكم الله..حدود الوقت انا اعرف انها اخطاء مطبعية ولكن النجاح في المنتديات هو جزء من النجاح في الاختبارات الي لها دواوير حمر...وبالتوفبق انشاء الله لعيد ولك ولنا وللجميع ..تحياتي

[°• قرنقش •°]

ايه والله فاقدينهم بقوووه ياليتهم يرجعون ..

[طالع]

يامال العافيه يابو سعد انت وحدود


لاهنتم


الله يوفق الجميع وكثروا من الدعاء في ظهر الغيب واصدقوا الدعاء والله اني اعيش ازمه نفسيه من طاري الاختبارات الله يخارجنا منها

[ابوسـعد]

اسمع النصيحة ومن مجرب يا عيد الاخنبارات لاتهمك ولاتشيل لها هم..المهم الاستعداد الها الجيد والتوكل على الله واعقلها واتكل..وثق انك في القلب مذكور وبالدعاء مكرور وشد حيلك ولا تكود حيل

[حدود الوقت]

اقول عيد الجماعه زين العلوم من بدري راجع وكتب ورتب زي مايقولون منول التوفيق من الله سبحانه واذا اديت الي عليك الباقي على الله

الله يوفقك ويوفق الجميع لما يحبه ويرضاه

[السعار]

كلنا الان على بداية الصيف وبدء موسم الرحلات والاجازات في منتصف الكوره الارضية الشمالي واكيد يبي يكون هالمنتدى راكد مثل العام ولكن الله يكتب اللي فيه خيره.. وانا سوف ابدى في الغياب المتقطع من اول هذا الشهر .. مادام ابو سعد بداء في الغياب فسوف اخاويه في رحلاته بدون مايدري .. وين مايكون سوف اكون وراه .. خاصة لانه قادم من عالم المحنطين .. (الفراعنه) .. بيني وبينكم انا بصراحة اظنه وكيل فرعون مصر قبل بداية التاريخ ..عساه يدلني على كنوز الارض..

[النـايــــــف]

مشكور يا حدود الوقت



على السوال


ومعك الحق


بس انا ادخل كل يوم ساعه واحده


ويمكن إني ما ارد على الموضيع كلها بس ارد على بعضها



واعذروني على الغياب لاني انا الان غير موجود في ديرتي


انا الحين في العاصمه الرياض


وادعو لي إن الله يوفقني واحصل على عمل



تحياتي لك ،،،،،


اخوكم الحاضر الغائب نايف المغيري

[حدود الوقت]

النايف الله يوفقك ويستر عليك وترجع سالم غانم



*
*
*
*
*
*
*
*
*
*
*
*
*
*ابن ثعلي جالس لاخر اليل ادور علاه عندي كم سوال ودي اسئله ولاكن امرح وهو مابين الله يهديك ياجدي ابن ثعلي مدري وين التروح

[°• قرنقش •°]

عيد ذاكر زين وماراح تعيش ازمه ..

جد الاختبارات متعه ..

بس انا اعرف العتبان كلش ولا الدراسه ..

الله يارب تساعد عيدالجماعه وتنجحه وتخليه ذخر لابوه وامه ..

وذخر لنا .. ونفرح بنجاحه ..

واذا نجحت .. بسويلك حفله بالفور سيزون حقت الوليد بن طلال بس انجح ..

تكفى عيد لاتنجح ترى توهقني .. مااعرف اسوي عزايم .. لا وبعد بالفور سيزون ..

[السعار]

الحق ياعيد انجح الله يرحم والديك انا ابي اجي للرياض لكي احظر الحفلة كمتطفل .. خاصة اذا كان احسن من حفلة الوليد .. الله يستر علينا من حقين الهيئاتت.

[النـايــــــف]

قرنقش


اكيد انا من المعزومين في الحفله