محمد العريــدي
05-13-2008, 04:36 PM
هذه القصيدة للشاعر / حمود بن محمد الأزهر العريدي .. كتبها عندما ضاع طيره ( لاهوم ) والسبب في ضياعه إبنه راشد . .. أأمل أن تنال إعجابك .. وترقى لسمو اذواقكم ..
الله من عيني حريب لها النوم = وافرح ليا انباح الفجر من ظلامه
من شان اعدي في شفا كل مرجوم = واشوح بالملواح فوق العدامه
كوده يجيني عقب الاياس لاهوم = عوق الخصيم ليا انتقى بانعدامه
واطيري اللي ضيّعه راشد اليوم = فك السبوق وفك معه الحمامه
حر علم بالصيد من غير تعلوم = ابيض وفي طارف جناحيه شامه
الطير راح لماكره وابعد الحوم = هني مربوط فرح بالسلامه
يبا يشرف في شفا كل مزحوم = وإن حلقت بيض الثنادي غرامه
كنه ولد هندي ليا هد بالقوم = يضرب بحد السيف دوم الجهامه
مايقطع الأ روس نقالة الزوم = قطاع راس الشيخ راع العمامه
محلي سروج الخيل بالسيف صاروم = لاشبت الهيجاء تعرفه خصامه
شيخ ظهر صيته وراء الترك والروم = خيال نجد ايام ضيعة نظامه
الله من عيني حريب لها النوم = وافرح ليا انباح الفجر من ظلامه
من شان اعدي في شفا كل مرجوم = واشوح بالملواح فوق العدامه
كوده يجيني عقب الاياس لاهوم = عوق الخصيم ليا انتقى بانعدامه
واطيري اللي ضيّعه راشد اليوم = فك السبوق وفك معه الحمامه
حر علم بالصيد من غير تعلوم = ابيض وفي طارف جناحيه شامه
الطير راح لماكره وابعد الحوم = هني مربوط فرح بالسلامه
يبا يشرف في شفا كل مزحوم = وإن حلقت بيض الثنادي غرامه
كنه ولد هندي ليا هد بالقوم = يضرب بحد السيف دوم الجهامه
مايقطع الأ روس نقالة الزوم = قطاع راس الشيخ راع العمامه
محلي سروج الخيل بالسيف صاروم = لاشبت الهيجاء تعرفه خصامه
شيخ ظهر صيته وراء الترك والروم = خيال نجد ايام ضيعة نظامه