(( والله ما الوم اللي عيونه تدامع ))

[ابن عاصي]

بسم الله الرحمن الرحيم



قصيده رثائيه في الفقيد الشيخ / عبدالعزيز ابن جامع
امير الفوج الخامس بالحرس الوطني وشيخ قبيلة الروسان من عتيبه .
رحمه الله واسكنه فسيح جناته آمين




مرحوم ياعبدالعزيز بن جامع=شيخٍ رحل وأحزن عتيبه رحيله

رمز الوفاء للدين والطيب جامع=امير فوج ونافلٍ كل جيله

راتب خويّه ماطمع فيه طامع=من عصبته والا من أية قبيله

للخير مفتاح وللشر قامع=شيخ صناديد الرجال تعنيله

مخلف هقاوي من تهقوى ورامع=ومن لايشيل الحمل حمله يشيله

والله ما الوم اللي عيونه تدامع=لو جاء يكف الدمع مافيه حيله

يالله ياللي للدعاء دوم سامع=إجعل مقره فالجنان الظليله

وإدعوا لإبو خالد بكل الجوامع=عسى موازين حسناته ثقيله

عسى الخيال اللي بروقه تلامع=يمطر على قبره ويسقيه سيله

ماهيب دعوة راهبين الصوامع=دعوة هل الإسلام وأهل الفضيله

ولوغاب نجمه طالعٍ نجم لامع=يطلع محل النجم نجم مثيله

ابناءه واحفاده وكل الجوامع =اهل الكرم واهل الفعول الجزيله

وجامع مثل عبدالعزيز بن جامع=الله يمهل له سنين طويله[/QUOTE]

شعر : منير سويلم العازمي العتيبي

[عــمـــر]

الله يرحمه ويغفر له ويسكنه فسيح جناته

صح لسان الشاعر

والف شكر لك اخوي الغالي

[بنت العجمان]

صح الله لسان كاتبها وناقلها

والله يرحمه ويسكنه فسيح جناته

تحياتي ..

[ރالزيــاديރ]

سلمت يمناك على هذه القصيدة الرائعه..تحياتي لك..

[إبن ثعلي]

صح السان منير بن سويلم والله يرحم بن جامع ويدخله فسيح جناته

[ناصر بن سعدي]

إخوي الغالي


إبن عاصي ..


لاهنت على النقل المــميــز ..


وصح لسان الشاعر/ منيــر بن سويلم ..


والله يرحم إبن جامع ..ويسكنه فسيح جناته ..


ولـ الجميــع خالص تحياتي ..

[شموخ النايفات]

اخوووي بن عاصي


صح لسان بن سوويلم والله يرحم بن جامع ويسكنه فسيح جناته


يعطيك العافيه

[الجآآرح]

الله يرحم ابن جامع
صح لسان كاتب القصيده وناقلها

[حالم الهيلا]

صح لسان قايلها وناقلها

والله يرحم ابن جامع وكل موتى المسلمين














حاااالم في اروووع عاااالم

[ولد حرٍب]

صح لسـأنك


والله يرحمـه ويرحم إموإت المسلمين