سلام من شمر ياصل للعتبان

[الفداغي الشمري]

قصيدة محمد بن جروح الشمري
يقول منها :

يامل قلب صايبه نوع هوجاس= تدلي هواجيس بقلبي رهيبه
من قوها عيا يجي عيني انعاس= أسهر تقل حدا القوايم صويبه
سهري ولع بالللي لهم بالوفاء ساس= وافعالهم عند القبايل عجيبه
أفعالهم ماهي حروف بقرطاس= كل يعرف أفعالهم ويحكيبه
أفعالهم تشهد لها قب الأفراس= وتشهد لهم عوص المطايا النجيبه
وتشهـــد سيوف تقطع المتن والراس= وتشهد رماحا ما تشهد صويبه
وتشهد لهم نجد جباله والأطعاس =وتشهد لهم خلج يغذي حليبه
أهل الكرم والمجد والصبر والباس =ياقيل منهم قلت تراهم عتيبه
عتيبه اليا منه تكاظمن الأضراس =وشان اللقا بين الحريب وحريبه
عدوهم يبشر بالأعيا والأفلاس= وعدوهم يا كود يقصر نصيبه
وياكود يشرب قاعد الصبر بالكاس= وتضيع هقواته لو انه مصيبه
وينصاب من عادا عتيبه بوسواس =ولوه شباب كود يزداد شيبه
حامين نجد قبل عنتر وجساس= يوم العرب مستعربين وعريبه
من سام ابن نوح لهم كرسي وساس= وعند العرب لهم مقام وهيبه
قبيلة ماله مع الناس أجناس= تقهق ضواميها وتسقى قريبه
قبيلة العتبان ماهي مع الناس =من شرقي الدنيا لغربي غريبه
خويهم يرفع على عالي الراس =وتثنا له الحمسه ويدفق سريبه
أهل بيوت مايركب بها أجراس= مفتوحة لجل الضيف تهويبه




والقصيده هاذي لا توفي بحق عتيبه فهم وشمر بدون شك احباب وابناء عمومه والسلام عليكم ورحمت الله وبركاته

[ناصر بن سعدي]

الغالي


الفداغي الشمري ..


بيض الله وجهــك ..


شاعر .. كفو ... ومن قبيله غاليه .. وعزيزه علينا ..


والله إن لهم معزه وتقديــر ..


وماعليكم زود ..

وتقبل خالص تحياتي ..

[إبن ثعلي]

بيض الله وجهك يالفداغي وبيض الله وجه قائل القصيده ويعلم الله ان قبيلة شمر لهم معزه خاصه عند العتبان كاقه
وتحياتي

[عادل العصيمي]

الفداغي الشمري

ماعليك زود

وصح لسانك

تحياتي وتقديري

[فهيد مقعد الرويس]

يامرحبا ماهب ذعذاع نسناس= وماغنت الورقابراس الجذيبه

وماخط حرفٍ بالقلم فوق كراس=يامحمد الي بالوفا زاد طيبه

من روس قومٍ طيبهم ماله قياس=رجالهم يوم الجهل يندعيبه

شمر سناعيس الطناياهل الطاس=واهل الدروع مع الرماح العطيبه

الشمري صح السانك

مدد بلاعدد

ولاعليكم زود

وهذي ابيات

على عجل يامحمد

نيابه عن ربعي

فالوقت الحاضر

في ضل وجود كثير من الشعار المعروفين

تقبل تحيتي وتقديري

[سلطان بن دحيم العطاوي]

محمد الشمري




ما تكن شمر لعتيبه الا نفس الشعور من عتيبه لشمر والشواهد كثيره...



انت صح لسانك وعلا شانك وافي وعتيبه تستاهل

وشمر السناعيس ما عليهم زود

[ابن مسلم]

الفداغي الشمري ..


بيض الله وجهــك ..

وصح لسانك

والله يحييك بين إخوانك

[عبدالله المرشدي]

الفدعاني


صح لسانك

وعلى شانك

وبيض الله وجهك

لاهنت

لاهنت

تحيتي لك

[عادل العتيبي]

ماعليك زود يالشمري


ونعم براسك طال عمرك

وصح الله لسانك ملايين


لاهنت وتقبل تحياتي

[إشراقات]

قصيدة محمد بن جروح الشمري
يقول منها :

يامل قلب صايبه نوع هوجاس= تدلي هواجيس بقلبي رهيبه
من قوها عيا يجي عيني انعاس= أسهر تقل حدا القوايم صويبه
سهري ولع بالللي لهم بالوفاء ساس= وافعالهم عند القبايل عجيبه
أفعالهم ماهي حروف بقرطاس= كل يعرف أفعالهم ويحكيبه
أفعالهم تشهد لها قب الأفراس= وتشهد لهم عوص المطايا النجيبه
وتشهـــد سيوف تقطع المتن والراس= وتشهد رماحا ما تشهد صويبه
وتشهد لهم نجد جباله والأطعاس =وتشهد لهم خلج يغذي حليبه
أهل الكرم والمجد والصبر والباس =ياقيل منهم قلت تراهم عتيبه
عتيبه اليا منه تكاظمن الأضراس =وشان اللقا بين الحريب وحريبه
عدوهم يبشر بالأعيا والأفلاس= وعدوهم يا كود يقصر نصيبه
وياكود يشرب قاعد الصبر بالكاس= وتضيع هقواته لو انه مصيبه
وينصاب من عادا عتيبه بوسواس =ولوه شباب كود يزداد شيبه
حامين نجد قبل عنتر وجساس= يوم العرب مستعربين وعريبه
من سام ابن نوح لهم كرسي وساس= وعند العرب لهم مقام وهيبه
قبيلة ماله مع الناس أجناس= تقهق ضواميها وتسقى قريبه
قبيلة العتبان ماهي مع الناس =من شرقي الدنيا لغربي غريبه
خويهم يرفع على عالي الراس =وتثنا له الحمسه ويدفق سريبه
أهل بيوت مايركب بها أجراس= مفتوحة لجل الضيف تهويبه



وعليك السلام ورحمة الله ..

لله درك ..

ومثل ماقلت عتيبه وشمـر أحباب وأبناء عمومه ..