المجلس

[ناصر بن سعدي]

أحبتي ..إليكم هذه الفاتنه لـ الشاعر الرائع/ فراج بن وسيود الكرشمي ..



المجلس اللي وجودي فيه مثل عدمه=والله ماامره ورجلي ماتوقف عليه
وش عاد لو نص خلق الله شهد لكرمه=كرامتي تاج راسي ترفضه ماتبيه
من لاهضمني بديهي مستحيل اهضمه=ياسامعي علمه ياسامعه علميه
ومن لايراني مااراه أكبر من السمسمه=الحال بالحال والموقف ومايقتضيه
ومن لايجازي يقولون الرجال رخمه=والعارفه مايسوق الطيبه للكريه
ماني دنوع يجي لو إن محد عزمه=يرمي بنفسه رماه الله وخليت يديه
اعز نفسي وعز النفس عندي سمه=واروح واقفي واعبد الله مااعبد الوجيه
اروح للمجلس اللي من يجيه حشمه=راعيه تسمع تراحيبه قبل لاتجيه
وليا لفيته يفز ومرحبا في فمه=والعود الازرق وماياتي وراه ويليه
قلبه كما الشاش ولسانه مافيه بلمه=نزيه لو قيل مابالوقت هذا نزيه
حكيم مايعترض فالحلق والزردمه=صدوق ماصدق الحاقد وهرج السفيه
خصيم ماياخذ الخصم العنيد سهمه=نبيه واليوم مايعتاش غير النبيه
أيمن ليا قام في موضوع صعب حسمه= مافيه ميزه تمناها ولاهيب فيه
معك معك ون قدمت لعلم معك قدمه=ماقام عنك يتدرق ب أي شي يحميه
هذا ومثله ليا مااقبل يحث قدمه=والله لحث القدم يمه مااقول احتريه
اجيه واحب خشمه جعلني مااعدمه=وآخذ طرايف علومه قبل اسولف عليه


الشاعر/ فراج الكرشمي

[شذى العصمه]

الله الله

فعلا قصيده راائعه وجزله

كلها حكم .....

صح لسان شاعرها ..

ولاهان ناقلها ..


ناصر بن سعدي

شكرا لك امتعتنا بهذي القصيده ..

انتقاء رائع ..



دمــــــــ بسعادة ــــــــــت

[إبن ثعلي]

اختيار موفق يابو تراحيب وصح السان الشاعر فراج الكرشمي

[راع المحاني]

ابو نايف شاعر حكيم وشعره جزل ويعجب اصحاب الذائقه الشعريه العاليه

شكرا لك ياناصر

[ناصر بن سعدي]

مشرفتنا الرائعه ..


شذى العصمه ..


سعيــد بمرورك ويستحق الثناء الشاعر الرائع


فراج الكرشمي ....



تقبلي خالص تحياتي ..

[ابوسـعد]

لاهنت ياابن سعدي على النقل الرائع لهذه القصيدة الجميله تسلم وصح لسان الناقل والقائل وياهلااااااوغلاااااااااااااا

[طيفٌ و أستدَار]

صح لسان شاعرهــا
عزة النفس سيدة الموقفـ هُنا


ناصـر بن سعدي

لاشلتـ يمناك ولاهنت
أختيار رائـع ’,

[عادل العصيمي]

صح لسان

الشاعر فراج

ولا هنت يبن سعدي

قصيدة جزلة ومعاني جميلة

تحياتي

[رشيد الكسر]

قصيدة جزله ومن شاعر جزل
والكراشمه فيهم شعراء ماهم بسيطين امثال رشيد الاوصاعر وغيره

صح لساااااااااان الشاعر ابن ووسيود

ولاهنت اخي ناصر على النقل الرااائع


كل التقدير

رشيد الكسر

[شموخ النايفات]

صــــــــــــــح لســـــــان الشاعر فراج الكرشمي...


ولاهنت يابن سعـــدي على هالنقل الرئع


يعطيـــــــــك العــافيه

تحياتي لكـــ

[ناصر بن سعدي]

الغالي

إبن ثعلي ..

سعيــد بـ مرورك الرائع ..

وصح لشان شاعرها ..

وتقبل خالص تحياتي ..

[اسيرة الوجد]

ياسلام
روعه وربي

يسلم ذووووووووووقك

ياكل الذووووووووووووق

لاهنت

[ناصر بن سعدي]

الغالي

راعي المحاني ..

تشرفت بمرورك..

وأبو نايف يستاهل كل خيـــر ..

جزل ونشمي ..

وتقبل خالص تحياتي ..

[سلطان بن دحيم العطاوي]

يا سلام


كذا الشعر والا بلاش


ايو الله

ناصر

صح نقلك وذوقك
وصح لسان فراج

[ولد حرٍب]

ابيــــــــــأت جميله وتستحق القرإءه


لأهنت علي النقل