موضوع للنقاش...!!!

[ابوفيصل الروقي]

السلام عليكم ورحمة الله وبركاته
إخواني عندي موضوع حبيت أطرحه عليكم وأبيكم تتفاعلون معه
ابي وجهة نظركم بكل صراحه...

نخش في الموضوع على طول.. اذا علمت ان اباك متزوج ....بالسر..
ولفتره ليست بالقصيره..... ماهو ردة فعلك...؟؟

[[]دلو.ـعـ.ـهـ[]]

اول شئ:.الله لايقولهـ.
ثانيـ شئ:اذا فعلا صار... ماعندي الا اني اتزوج عرفي اقهرهـ<<فلمـ مصري:D
لاوالله الجد يعني بعيد الشر عن داد.. وربي لزعل زعل:mad: وخليهـ يعرف ان فيهـ ناسـ كانت تحبهـ وخسارتهمـ مو هينهـ..بس ماطول الزعله..:(<<مسويهـ عقلـ..
لاتفكر ان تصرفيـ اللي في هالموقف انه عين العقلـ...ابدا
والتصرف العقلاني اي ثينكـ زعله ماتطول يومين وتعاتبهـ وانهت القضيهـ اكيد له وجه نظر واسباب اضطرتهـ لفعل هالتصرفـ ..اهمـ شئ لاتكون اناني وحاول تتعمق جواته وتعرف وش الاسبابـ.. وبســـــــــــــ..:) اتمنى اكون افدتكـ.. ثآآآآآنكـــ×مآآآرهـ

[ابوسـعد]

والدي عليه رحمة الله لم يتزوج سرا..والزواج السري خطاء كبير...ويمكن للانسان مناصحة والده كما في قصة ابراهيم عليه السلام مع والده في طريقة المناصحه( ياابتي....)...فلا بد من الاعلان عن الزواج وعدم اخفائه...لأن قد يكون بينهما رضاعة او غيرها...وهو شرط اساسي لصحة الزواج......وياهلااااااوغلااااااابأبي فيصل الروقي

[قلب الريم]

الله لا يقولها يارب ولا اوقف مثل هالموقف


بس من وجهة نظري المتواضعه ممكن اكلم بابا واواجهه


وافهم وجهة نظره في موضوع زواجه مو في موضوع السريه


وشكرا لكـ ابوفيصل الروقي على طرحكــ


لكــ وديـــــــ وورديـــــــــ ,,,,

[عادل العصيمي]

طالما ان الزواج على سنة الله ورسوله

باقي الأمور تهون

لا يوجد اي ردة فعل لسبب بسيط ( لانه اب )

لا يعقل ان الأبن يحاسب ابوه

هذه ردة الفعل الطبيعية من وجهة نظري الشخصية

تحياتي

[بنت الشيخ]

ان لو تصير رغم اني عارفه عودنا ماعاد بقى فيه حيله للحريم
ماراح ازعل او احتج او اعترض
الزواج حلاااااااال
وانا ماأسأل ابوي او اعاتبه على الغلط منه
فما بالك بالصح
ثم بأعتقد بما انه ابوي فهو للحكمه اقرب مني
اذن كان ورى مافعل هدف وله عذره

[ابوسـعد]

ياجماعة الخير الزواج السري لابجوز بنص قول الرسول في وجوب الاشهار بالزواج ....فيه ناس تزوجوا اخواتهم من الرضاعه....القضية مهوب على الكيف...انتبهوا الله يحفظكم...انصحوا اباؤكم من عمل يخالف قول الرسول عليه الصلاة والسلام......

[الدَعْجَانِـيـْةِ]

أنا أتساءل الرجل الذي لايقوى على اشهار زواجه ليه يتزوج ؟!!

طالما هو ماسوا شيء غلط ولا ارتكب ذنب وهو يمارس حق من حقوقه

،

كل الأسباب لاتعطيه الحق في اخفاء زواجه

مجرّد رأي

.

[الماجــد]

أخاك أخاك فإن لم يكن لك أخٌ ......... كساع ٍ إلى الهيجاء بغير سلاحي

[أميرة]

مرحبا ..

بالنسبه للوالد - حفظه الله - ليس بحياته ما يسره عنا ..

ولا أعتقد بأي حال من الاحوال انه يقدم على هكذا خطوه دون

اعلام .. فيما لو أقدم .. :)

ولكن أن كنت تطلب الرأي والمشورة ..

جل القضيه في ( عدم تصريحه برغبته في الثانيه )

فهي ما تحز في النفس ..

وأن كنت معاتبه .. فسأعاتبه على ذلك وحسب ..

فأخطاء الامور تتم عادة بالسر .. والزواج الثاني ليس خطأ ..

ولا عيبا .. ولا حراما .. وهو موقف لا ارتضيه لوالدي ..

ان يتلصص ذهابا وايابا لزوجته الثانيه ..

عدى عن تغافله لامي ولنا ..

فالصراحه والشجاعة فيها امر مطلوب .. كما أشارت اختي الدعجانيه

اما مسالة الزواج الثاني فلا مجال للتناقش فيه ..

فله مطلق الحريه في الزواج بثلاثه على والدتي ..

لا بل اشد على يده .. لو عُرضت له الاسباب .. وكان ذا قدرة ..

لما لا ؟

:) ( أعتقد امي بتبرى مني بعد هالرد )

رد للاستاذ ابو سعد ..

المساله ليست في الاشهار وعدمه .

المسأله في اهل بيته .. أقرب الناس له ..

فقد يكون أهله وذويه يعلمون بزواجه ..واهل الثانيه ايضا ..

ومسألة الارضاع .. هذي قديمه .. ونادره حاليا ..

وبالوقت الحاضر من نوى اثنتين ..

هج ودج ..

شرّق ان كان غرب .. وغرّب ان كان شرق ..

يعني مافي مجال لا للارضاع .. ولا في الاحلام ..

هو لو رضع معها او رضعت معه ؟؟ كان هذا حاله :) ..

وللبنات - ولو انه يبعد قليلا عن الموضوع - اللاتي نظرن بحنق على زاويه الزواج بثانيه تحديدا ..

نحن بنات .. ولدينا اخوات ..

هل تضمنين أن لا تكوني انتِ أو أختك يوما ان زوجه ثانية ؟

دمت بود الروقي ..

[ظافر العتيبي]

بسم الله الرحمن الرحيم


في نظري انه ليس خطأ اذا كان على سنة الله ورسوله، ولكن لكل مقام مقال فلربما انه أخفى زواجه لسبب ما وهو ادرى بذلك واعرف بما يفعل، وسوف تكون ردة فعلي ابارك له واذا يبي وحده ثالثه بعد يبشر باللي يبي سر والا علن <<< يبي يقهر بعض الناس ههههه

المهم انا السالفه مافيها شيء سر والا علن الأهم ان تكون على سنة الله ورسوله وتكون الزوجه من ناس اصل وفصل...

تقبل تحياتي يا ابو فيصل الروقي

[ابوفيصل الروقي]

الف شكر للجميع وانا آسف على لعدم مقدرتي على
الرد على ردودكم لغيابي الطويل عن المنتدى
لظروفي العمليه
والآن نرجع لمناقشه الموضوع من جديد
نريد اكبر واكثر تفاعل مع الموضوع والموضوع ليس من نسج الخيال
بل هو واقع ملموس
في انتظار ردودكم

[الذئب]

والله أنا أبزعل عليه وأقول ليش ما عزمتني لعرسك هذي آخرة الأبوه .

[ابوفيصل الروقي]

هههههه
ردك دبلوماسي يالذئب
اهم شيء ترضي ابوك ..... طيب وامك ... يمكن تزعل

[رحيل الشوق]

اصلا هو ليه تزوج بسر هااااا مو قد الحركه لايسويها قال زواج سر هالسنوات الاخيره صارو الرجال يتفنون بزواج مره سر مره مسيار ؟!

بنسبه لي باباتي الله يرحمه مايسويها اعرفه كككككك بس لو صار مراح اكون مثاليه وقول هو ابوي وعلى كيفه بيصدمني يمكن انهار وبحاسبه او اناقشه لانه معودني على الاخذ والعطا واني اقول له رائ بكل صراحه وانتقده ,,

مدري تخيلت ان صار لي الموقف يوه ويكون عندي اخوان ايش موقعهم من الاعراب اخوان السر ؟!

شكرا لك سيدي ,,,