فضفضاااااااااااااااااااااااااات

[ظافر العتيبي]

السلام عليكم

اشكر القائمين على
هذا المنتدى الراقي على
اتاحتهم لنا الفرصه لكي نفضفض
عن صدورنا، وارجو ان تحوز
هذه الصفحة على اعجابكم
واستحسانكم، وإن لم
تعجبك هذه الصفحة
فما عليك الا ان
تغلقها وستجد
لأفضل ان
شاء الله.


نويت اجفا كما تجفا= وابادلك الجفا واجفاك
وصرت اجفا الجفا واقفا= وبدل ما اجفاك صرت اهواك
وجيتك وانت لي ملفى= دخيلك لايذٍ بحماك
ابي قربك اريد ادفا= احس البرد من جفواك
ابيك تظمني تكفا= اعيش احلى العمر وياك
حبيبي كامل الوصفا= ترى مقدر على فرقاك

[ظافر العتيبي]

ياعيني اللي جارحٍ دمعها الخد= ماهو على شوفة وليفٍ طرالي
ابكي على وقتٍ مضى واتوجد= ابكي على خوة زحول الرجالي
اللي لهم في قمة المجد مصعد= مثل الحرار اللي بروس العوالي
رجالهم في ساعة الجد من جد= ياقف معك مهما حصل مايبالي
صديق وقت الضيق مامرة صد= ماهي صداقة عابدين الريالي
اللي صداقتهم على كثرة المد= وان قل مدك بدلوبك بدالي

[ظافر العتيبي]

مريت انا يومٍ حظي رماني= مريت بيت اللي به الله فتني
راعي الجمال اللي بحبه سباني= اللي سهومه بالظماير سطني
سقاني بكاس الموده سقاني= سمٍ يخلي صاحي العقل جني
هذي ثلاث سنين وانا اعاني= من حب جاير بي سهومه سطني
لا اعرف موده.. لا.. ولا اعرف حناني= عايش لحالي مع همومٍ ولني

[ظافر العتيبي]

ياكثر ما تطري على القلب طرياك= تطري على بالي وارحب بطاريك
حتى بنومي ما قوى القلب ينساك= اتخيلك بالنوم من كثر ما اغليك
وارحب بشوفك واهلي بلاماك= واقضي معك ليلي بحلمي واناجيك
الله يعيد احلامي اللي بها القاك= اللي تجيبك لي بنومي واراعيك

[ظافر العتيبي]

لاتشكي احوالك على غير مولاك= شكواً لغير الله تراها مذله
ماعند خلق الله دفعٍ لبلواك= هذا القدر مكتوب ماعنه لله
اشتك على الله واكتم الهم جواك= صندوق صدرك للبشر لاتفله

[ظافر العتيبي]

ياكثر ماشفتك بنومي وفزيت= افز من نومي واذا قمت ما القاك
دايم على بالي ان اصبحت وامسيت= يامشغلٍ بالي عسى القلب ينساك
ياليتني من دلتك ماتقهويت= ولا شربت الحب من كف يمناك
انشهد اني من غرامك تأذيت= وانشهد اني ذقت هجرك وجفواك

[ظافر العتيبي]

لاتعتذر مليت من كثر الاعذار= ماتنفعك لخطيت كثر المعاذير
مليت من عشرة مخادع ومكار= لاخير في حب يذل المناعير
انس المحبه بيننا وانس الاسرار= يالله فمان الله تصبح على خير

[ظافر العتيبي]

ياعيوني لو بكيتي ياعيوني= مايفيد بكاك طول الليل كله
الحبايب ياعيوني حاربوني= واشلعوا حبل الموده من محله

[ظافر العتيبي]

ياقلب وش ذكرك بالزين= اشتقت ياقلب لاحبابك
ياقلب ناسيه لك عامين= وشلون ترجع على اعقابك
كم مرةٍ قلت لك ياشين= مالك ومال اللذي سابك
جز واترك متابع المقفين= ريح ولا تحرق اعصابك
لكن ماطعت يامسكين= في دربهم متعب ركابك
تطرد ورى عالمٍ سالين= مافكروا يوم وش صابك

[ظافر العتيبي]

يانوال الراس شاب= من قبل حل المشيب
شاب وهو توه شباب= يانوال امرٍ غريب
وذاب ذاب القلب ذاب= ذاب وانتي له طبيب
من جمالك به صواب= انظري جرحه عطيب
جرح عذبني عذاب= عالجي جرحي يطيب

[ظافر العتيبي]

حسبي على الجوال والنت واللاب= هذا الثلاثي طللع براسي الشيب
شيبت يا خالد وانا توني شاب= لو كان ماب الشيب عيب وعذاريب
عزالله اني غصت في بحر الانشاب= اصيح وانادي ولاحولي مجيب
وقتٍ غريب وعالمٍ كلها اغراب= يالله دخيلك من زمان التعاجيب

[ظافر العتيبي]

عز الله اني بعد زين التواصيف= لا ميتٍ ينعا ولاني بحيا
عايش وكني عايشٍ عيشة ضعيف= يرجي حنان الوقت والوقت عيا
راح وتركني صاحبي باول الصيف= يقول تال الصيف اجيلك هنيا
واليوم لي عامين والزين ماشيف= وانا على الوعد القديم اتريا

[ظافر العتيبي]

يالربع عندي سؤال مختصر= هل صحيح الحب للعاشق عذاب

[ظافر العتيبي]

http://www.5zna.com/download/3455482d35ecf3020.jpg

انظر لهذه الصوره واغمض عينيك

وحاول الدخول في هذه الأجواء

وسوف تجد في نفسك السعاده

[ظافر العتيبي]

يالكابرس والله لبدلك بالجيب= الا ان راسي حال من دونه الطوب
لا واخسارة ما صرفته من الجيب= عزالله اني منخدع بك ومغلوب
لو اني اعلم بالمقادير والغيب= ماجيت سوقٍ فيه جابوك مجلوب

[ظافر العتيبي]

ماني بتايب


من قال عني غبت وانته على البال؟= لا والله الا منت عني بغايب!
انت بخيالي دايم الدوم تختال= ممزوج بكريات دمي وسايب
متوزعٍ في كل جسمي والاوصال= مابه خليه منت فيها بذايب
ياذنب ياللي تركك صعيب ومحال= تأكد اني عنك ماني بتايب

[ظافر العتيبي]

دعوة للتفكر
تفكر بخلق السماوات والارض!!= تعرف مدى قدرة عزيز الجلالي!!
كم سمكهن؟ كم طولهن؟ كم هو العرض؟= كم بينهن من ميل؟ ياهملالي!!

[ظافر العتيبي]

جيت الطبيب اللي على الصدر مختص=اباه يعمل لي على الصدر تشخيص
ثم حط سماعه على الصدر قال اص=اسمع لي بصدرك حساس ووصاويص
نبي نسوي لك اشاعه ونفحص=ونمحص اللي داخل الصدر تمحيص
سوى الاشاعه قال ياصاحبي بص=لا يدخل بصدرك احد دون ترخيص
لقيت في صدرك مواطي قدم لص=والقلب مقصوص من الصدر تقصيص
وانته عن اللي سارقٍ قلبك ابخص=قلت ايه داري به وعن وضعه ابخيص
هذاك ما يرخص لو الناس ترخص=وانا بعد عنده ترى ماني رخيص
بيني وبينه قلبي النص بالنص=لا والله الا كله بدون تنقيص
يرص ويوزع واقول امش ما اقص= مافيه تكويشٍ ولا فيه تخبيص
مادام هذي علتي ياطبيب اص= ماني بفي حاجة علاجٍ وتشخيص

[ظافر العتيبي]

بيتين قلتها وانا اصوت للشاعر يوسف العصيمي يوم كان مشارك في شاعر المليون


لو انك عصيمي وانا من بني روق= وانا سعودي وانت من دولة عراق
ابرسل التصويت والطاق مطبوق= ماني عليكم باخلٍ يا ابن رزاق
وانخا عتيبه كلها غرب وشروق= وتجيلك الهيلا تسابق تسبٌاق

[ظافر العتيبي]

امر بيته كل ما اصبحت وامسيت= ما ارتاح لين امر واشوف بيته
ارتاح لامني على البيت مريت= حتى لو اني بالنظر ما رأيته
لامن طرالي تالي الليل فزيت= كم ليلٍ اظلم لجل حبه سريته
مراتٍ اسري له وانا مامعي ليت= ومراتٍ اسري له على ضو ليته

[ظافر العتيبي]

مهما طال غياب الاخ الشاعر المبدع (عبدالله المرشدي)

فلن ننساه وسوف ننتظره بشوق



يالربع من شاف عبدالله= غايب عن المنتدى مده
المنتدى اشتاق له كله= المرشدي بس من قده

[ظافر العتيبي]

حتى ايش لوصديت عني وقفيت= ماني على شوفتك ميت من الشوق
تراك عادي عندي ان رحت وان جيت= معتوق ياسيد الغنادير معتوق

[ظافر العتيبي]

ليت الصدر له عن هوا البيض مفتاح= والله لصكه عن هوا كل مزيون
واريح القلب الشقاوي ويرتاح= وابعد عن الي زينهم به يمارون
مامن ورا طرد المزايين مصلاح= الا شقا نفس وعنا قلب وغبون
مثل السراب بعين ضامي ليا لاح= وان جا مكانه ميحصل ولا لون

[ظافر العتيبي]

اللي رصيده ماغير اصفار عزي له= ماله مع الناس قيمه وقتنا الحالي
محدٍ على حالته يشفق وياويله= ما كنه ابن البلد تقول بنقالي
وليا طلب مطلبه محدٍ يلبي له= لو يطلب رخيص كنه يطلب الغالي

[ظافر العتيبي]

رح ياعساها روحـة مقيـط ورشـاه=لاتحسب ان مابه من الناس غير انت
كم واحـدٍ قبلـك رحـل مارجينـاه=ولا نثـرت الدمـع لاجلـه ولا لنـت
من لايبيني حالـفٍ ماطلـب رضـاه=يحرم علي تبع المقفين يابنت

[ظافر العتيبي]

هيه يالي كل ماطيفك عبر=لك حمام الشوق بالفرحه يطير
والظلوع الممحله تنبت زهر=والحياة تدب فانحاء الضمير

[ظافر العتيبي]

اغيب ايام وشهور وليالي= واعود لك من الغيبه بشوقي
لانك منتدى بالحيل غالي= وحبك جاريٍ داخل عروقي
تضم احباب قلبي والغوالي= عتيبه كلها برقا وروقي

[ظافر العتيبي]

تعبت اطرد سرابٍ لاح لي في جرهدي البيد= على اول مالمحته بشرت عيني به الخفاق
توقعته قريب وكل ماقربت راح بعيد= تعبت اطرد وراه ولا حصل لي منه غير ارهاق

[ظافر العتيبي]

محدٍ ملكني غيرك
الله يجازيك
ملكتني من راسي
لحد الاقدام
طوعتني واصبحت
ريموت بيديك
تامر وتنهاني وانا
اقول قدام قدام قدام قدام

[ظافر العتيبي]

تدري وش الي حدني عنك لاجيك؟؟؟
خوفي من الله,,,
والحيا,,,
والمشاريه..
وتدري وش الي محرقٍ قلب مغليك؟؟؟
انك عليه بعيد,,,
ماتطولك ايديه:11:


:17:

[ظافر العتيبي]

تعال فضفض لي عن الي فبالك
قلي وش الي داخل الصدر مخفيه
لاتخفي اسرارك على راس مالك
ياراس مال الي يحبك وتغليه
صوتك بشتت هم قلبٍ تهالك
وهمسك يداوي جرح قلبي ويشفيه

[ظافر العتيبي]

ياهلى ترى قلبك سلى عن حبايبك؟=بعد الفراق الي بلاذنب واسباب
والا لهم مشتاق والشوق يجذبك؟=مشتاق للرجعه بعد طولة غياب
من غيري لياغبت عني يداعبك؟=من الي يسليك ياسيد الاحباب؟
منته بلاقي غيري احد يصاحبك=ولاني بلاقي مثيلك فالاصحاب