المرشدي وجاره فالرياض

[ابن مسلم]

كالعاده شاعرنا الكبير جزل القصيد/ عبدالله المرشدي يضيء صفحة خزامى الصحاري بجريدة الرياض في هذا اليوم بقصيده نبع الشعر

على هذا الرابط

http://www.alriyadh.com/2008/03/18/article326740.html

بالتوفيق لشاعرنا والف شكر للقائمين على هذه الصفحه على مايبذلونه من جهود

[فهيد مقعد الرويس]

كل جار في فعل جاره يماري

لابدا للطيب ذكر ومفخرا

الردي ما هو على الماجوب ضاري

لو يغيب شهور ابد ما يذكرا
الله عليك يابومرزوق

ابداع متجدد

سلمت يابن مسلم على نقل الخبر

تحيتي وتقديري للجميع

[عبدالله المرشدي]

بن مسلم لاهنت على ايراد الخبر وبيض الله وجهك

وسيع البنايد صح بدنك

ولاهنت على المرور

تقديري

[نسمة غلا]

يعطيك العافيه اخونا ابن مسلم

دائما سباق لنشر ماهو جميل عن ادباؤنا وشعراؤنا

جزاك الله خير على نقل الخبر وايراد الرابط

وبالتوفيق لشاعرنا عبدالله المرشدي

فكل معنى الجمال الادبي انصب في قالب هذه القوافي والاوزان



لاهنت لاهنت يابن مسلم

[ناصر بن سعدي]

إخوي الغالي

أبن مسلم..

لاهنت على هذا التنويه ..

ولاجديد ..شاعرنا الرائع/ عبدالله المرشدي ..

كالعاده يتواصل مع جمهوره ..


عبر صحيفة الرياض ..

ولكم خالص تحياتي ..

[رعــ الهموم ــد]

ابن مسلم

يعطيك العافيه

وصح اللسان ابوبدر


ولاهي غريبه عليه دايما يكتب ماهو جيد

ومبدع




رعــــــــــــــــــــ الهموم ــــــــــــــــــــد

[سلطان بن دحيم العطاوي]

ابن مسلم

انت وافي صح نقلك وذوقك


وابو بدر يستاهل شاعر كبير

[قوت القلوب]

ابن مسلم يعطيك العافيه
وانقول لشاعرنا
صح لسانك مليون
ولا تكفي
شاعرنا دائم متألق
في سماء الأبداع

[نادر النمر]

يا قصيدي دام نبع الشعر جاري
في حقوق الجار وضح ماطرا

دام به للطيب بياع وشاري

قدمه قدام ما يرجع ورا

قله اني لجل مرضاته اداري

وافتديه براحتي لو مادرا

الوفا للجار ما هوب اختياري

والتردي فيه عيب ومنكرا

وصل جيرانك ترا فعل اجباري

لا تقصرَّ فيه لو مهما جرا

كل جار في فعل جاره يماري

لابدا للطيب ذكر ومفخرا

الردي ما هو على الماجوب ضاري

لو يغيب شهور ابد ما يذكرا

حق جارك بر والا في حواري

واجب توفيه لو تعسرا

احفظه في ليل والا في نهاري

احفظه في سر والا بجهرا

غض طرفك لا تشوف ام الخزاري

لا بدت لك جارتك لا تنظرا

انتبه لحوال جارك وانت ساري

انتبه له وقت عسر وميسرا

بر باللي من يمين ومن يساري

وسابع الجيران له حق ترا

ثابت حقه بصفحات البخاري

الصحيح اللي ينور من قرا

عن رسول الله يقرا كل قاري

حق واضح ما يجي فيه افترا

تمت الابيات من نظم ابتكاري

في حقوق اللي على الطيب قصرا



صح السانككككككككككككككككككك والله ياابو بدر ..


وعساك دايم بهالابداع والتميز ,,


ومنور الجريده يالغالي ..


ومزيد من الانتشار والتألق .


..


تقديري وخالص الووود


,,

[عبدالله المرشدي]

لاهنتو جميعا

وصحة ابدانكم

تقديري

[فارسة العرب]

ونعم والله

[ذيب الينوفي]

ابن مسلم لاهنت على التنويه وصح لسان الشاعر عبدالله المرشدي