***نايف المحينيش *** يفجرها مع بنـت النـت

[طالع]

هذه قصيده للشاعر نايف المحينيش والاخ نايف يتمتع بشاعريه فذه الى جانب عزة نفسه الملحوظه في قصائده




قالت احبك واعشق الشعر واهواك=واهوى الزمان اللي يسمى زمانـك
يالشاعـر اللـي مالقينـا حلايـاك=ابدع لنا بالشعـر واطلـق عنانـك
قلت ارحبي واهلا ً هلابك وحياك=وتربعي في وسـط قلبـي مكانـك
قالت وش اللي تكنزه في خفايـاك=قلت العذر يابنـت ماهـو بشانـك
قالت علامك ياولد روق وش جاك؟=ويش اخلفك عني وغيّر حنانـك.؟!
قلت البلا واصل البلا من محيـاك=لاتكثـر علومـك ويكثـر جنانـك
روحي وانا لي دنية ٍ غير دنيـاك=حتـى امتنانـك مانبيـه امتنانـك
وان كان قصدك دخلت النت وياك=وإنّي اطارد في هـواك وحنانـك
النـت والله مادخلـتـه لعيـنـاك=تخسين والله مادخلتـه عشانـك

[إبن ثعلي]

مشكور ياعيد الجماعه على حسن الاختيار وصح السان الشاعر نايف المحينيش
تحياتي

[صلوا على محمد]

وان كان قصدك دخلت النت وياك
واني اطارد في هواك وحنانك
النت والله مادخلته لعيناك
تخسين والله مادخلته عشانك


البيتين الأخيرين قويييييييييييييييه في حقها

[حدود الوقت]

عيد الجماعه يكفي الشعر طرياك


انته كما اشيكات يقوى ضمانك


البيت مجارها مني لقصيدة نايف المحينيش


وموجاله لعيد الجماعه




**********حدود الوقت***********

[العريدي]

اخي عيد الجماعة شكرا على الاختيار الرائع و صح السانك و السان الشاعر / نايف المحينيش و يعطيك العافية / العريدي

[** راس حربه **]

صح السااااااان شاعرهاا


والله لايعينك على النقل طال عمرك


اخووك / راس حربه

[عتيبيه كول]

وااااااااااااااااااااااااااااااااااااااااااااااااا اااااو عيد الجمااااااعه تسلم يمينك

وصــــــــــــــــح لسااااااااان الشـــــــــــــــــــاااعر القصيده رهيبه

وخصووصاااا ....

روحي وانا لي دنية ٍ غير دنيـاك
حتـى امتنانـك مانبيـه امتنانـك
وان كان قصدك دخلت النت وياك
وإنّي اطارد في هـواك وحنانـك
النـت والله مادخلـتـه لعيـنـاك
تخسيـن والله مادخلتـه عشانـك

[طالع]

ياهلا يابن ثعلي وشكرا لمرورك

[طالع]

ياهلا يانوسه

لاعدمت مرورك العطر

[طالع]

ياهلا فيك ياحدود ولاهنت الله يبيض وجهك

[طالع]

العريدي شكرا لحضورك يالغالي

[طالع]

ياهلا ياراس حربه


بس انتبه للحروف تراك لخبطت تبي تقول الله لاهينك قلت الله لايعينك


انتبه مره ثانيه لاحد ياخذ فكره ان بيننا شي

[طالع]

ياهلا ياكول


شكرا لمرورك يالغاليه

[المحيــنــيــش]

عيد الجماعه

لاهنت والله ياعيد الجماعه

والله مدري شقول لك لكن احرجتني

بطيبت قلبك ياغلا روحي

تحيتي لقلبك النقي ايها النقي

والله لايهينك

دمت بود

[جساس]

الله لايهينك ياعيدالجماعه على النقل
وصح لسان الشاعر نايف .
ونبي منك توسط لنا عند نايف يعطينا من قصيده الجديد .

[التركي]

صح السان الشاعر وتسلم يد الناقل وبيض الله وجهك يالذيب تحياتي لك اخوك تركي

[عبدالله المطيري]

وان كان قصدك دخلت النت وياك
وإنّي اطارد في هـواك وحنانـك
النـت والله مادخلـتـه لعيـنـاك
تخسيـن والله مادخلتـه عشانـك


صح السان الشاعر

ولاهنت على النقل عيد الجماعه

[فهد العصيمي]

يسلم يمينك يا عيد الجماعه قصيده رائعه وقويه الصراحه وصح لسانك يانايف المحينيش وعيد الجماعه اختيار رائع وجميل واعجبني بيتين والله والي هم ... قلت البلا واصل البلا من محيـاك
لاتكثر علومـك ويكثـر جنانـك
روحي وانا لي دنية ٍ غير دنيـاك
حتـى امتنانـك مانبيـه امتنانـك .

[النـايــــــف]

اختيار رائع اخوي عيد


وصح لسان الشاعر نايف المحينيش

[عاشق الغربه]

قصدية رائعه من شاعر متمكن لكن هل يوجد من يطبق هذه القصيدة من الشباب لا اعتقد ذلك

تحياااتي