مادام المسألة خرابيش

[إبن ثعلي]

وكم من كاتب يكتب مقالا000وقوقل عنده الخبر اليقينا

والا خلوها

وكم من شاعر يكتب قصيده 000 وقوقل عنده الخبر اليقينا

[إبن ثعلي]

لاتعذلوني على الاسراف 000فعل لأبويه وجداني
الضيف يلقى عشى والحاف000وافرح بشوفه ليا جاني

[إبن ثعلي]

القل ماقيد هل العزم باسلاك 000والمال ماسر البخيل الهداني
والخبل مايعطيك عود من الراك000لوكان كنزه كبر ضلع اذهلاني
ان كان ماتشفي رفيقك ليا جاك000بالمال والا الحال والعمر فاني
لاخير فيك وخاب من هو ترجاك000الموت اخير من الحياة الهواني

[إبن ثعلي]

يالعابره قدمـك بحـورغزيره = ماانتي بقـادرةٍ وراهـا تعـبرين
امواج واهوالٍ بدربك عسيره= واسماك قرش شوفها يرعب العين
مير اصبري والصبر محمود سيره=عقبه يعلق فوق صدرك نياشين
والا ازبني حكام شعب الجزيره=حكم الشريعه عندهم قرة العين

[إبن ثعلي]

جبينها كنه البراق=تسوى جميع المزاييني
لوهي تعرَض على العشاق=تقلب جميع الموازيني
مااخونها والله الخلاق=مادام ظلي يباريني

[إبن ثعلي]

بالله ياكحيلان دورعلى شمس=بنت الرجال معربين الجدودي
لوشفتها ماظنتي تلحس الخمس=يمديك في جوف الكفن واللحودي
يازين جلستها على الباب في الجمس=الجيد كنه جيد ريم النفودي
واقول باطراف المدينه لها رمس=منها وفيها ماتعدى الحدودي

[إبن ثعلي]

المناسبه مسابقه في هذا المنتدى نظمتها احدى الأخوات وهي عباره عن صوره تختارها وتختار الشخص الذي يعلق عليها بأبيات وكانت الصوره منظر ديرة ميته من الدهر فكانت هذه الأبيات

عسى السحاب اللي نشأ من مناشيه = يمطر على دار من الوقت يابسه
على الجبل والعرق تسري مساريه= والصبح كل اربوعها السيل دابسه
صيف وربيع وكل يوم مباديه =على مراعيها جـديده ودارسه
وتخضر وتزهرواطيب الطيب تعطيه=من عقب ماهي شينة الشوف عابسه
وذكر الحيا يبين والكل يطريه=وتسابقوه اللي ماهم بالخمايسه
اللي يشب النار والنجر توحيه=واللي مكاويع على الزل جالسه
في ظل فيٍ ينشط اللي جلس فيه=على غديرماش مخلوق حايسه
وهذي طراة البر واجمل لياليه= واللي مايعجبهم ترى ناس خايسه

[إبن ثعلي]

اذا رأيت سئ الخلق فأدع له بالشفاء
واحمد الله الذي عافاك مما ابتلاه به

[عبدالعزيز بن حشيان]

بن ثعلي

يعطيك العافيه اختيارات موفقه

[إبن ثعلي]

مشكور يابن حشيان وهذا القسم بدون ردود خاص بحفظ الخواطر الخاصه
ووتحياتي لك