شوارد الفكر

[فهيد مقعد الرويس]

السلام عليكم ورحمة الله وبركاته

خطوه مباركه من الاخوان ويسعدني المشاركه معهم بمالدي

واعرض امامك بعض شوارد الفكر


عيت يديني لاتخلي معي شي= ماظم بوكي نفدني ايديني

اهبال ولاطيب طبيعة في= وش غاديلك عندنا يالدويني

[فهيد مقعد الرويس]

الله من عينٍ عن النوم شايمه= تسهر ايلين الصبح تبدي علايمه

لاغمضت عين المريح من الملا=تكت على قلبي هموماً تزايمه

والعين ماترتاح والقلب مشتقي=والقلب مايرتاح والنفس هايمه

في حب من حبه تغلغل بمهجتي=لاينسي حبه ولاني ملايمه

[فهيد مقعد الرويس]

نقاط الوقوف الحرج وسط الدروب العوج=تضيع هقاوي كل من هومشى معها

دروبٍ تضيع بها المساعي بلامنتوج= وساع المداخل ضيقاتٍ مطالعها

[فهيد مقعد الرويس]

الله على الي يقرب نازح الديره= بنزٍ على المملكه برلين صدرته

مدفوعةٍ قيمته قدام تصديره= حتى تكاليف شحنه فوق باخرته

وموثقاتٍ من المصنع فواتيره=ماخذ عليه المحرج حق سمسرته

منوة سواتي تنحتبه مقاديره =واظروف وقته عن اغلى الناس شطرته

[فهيد مقعد الرويس]

قالو تقول وقلت مايطفي الشوق =الاعشيراً وين داري ووينه

بيني وبينه ضلع وسهال واعروق=وبحراً يبيله شهر فوق السفينه

والا مجال الثالثه عنه مغلوق=والرابعه في وسط جوفي دفينه

بيني وبينه ماتخص اي مخلوق= اقولها لاشفت بالعين عينه

[فهيد مقعد الرويس]

ياحي صوتك وحياكا=لوهوفالاسلاك ينحبي

يالين العود مغلاكا=لايابعد من خلق ربي

لوشفت فالقلب مبناكا=مايلحققك شك في حبي

امابردالكبدمن ماكا=ولابتعد لاتلاعبي

[فهيد مقعد الرويس]

ياهيه يالي تدعون الرجوله=لالمرجله بلكم ولانتم باهلها

تريحو والطيب مانتم بحوله=ماكل من راز الثقيله حملها

ولو يرفع الرجال هرجٍ يقوله=كان الثريامن بغاهاوصلها

[فهيد مقعد الرويس]

يابدر مايلام من صاح مبلي=لوشفت شيٍ شايفه يابدر صحت

نوطاًتهبل مولع القلب هبلي=ياطيب طيبي يوم شفته ولاطحت

[فهيد مقعد الرويس]

رسالة من مجهول قبل سبع سنوات ولاتزال عالقه في ذهني
مع العلم انه يعرفني ولكن لم اتمكن من معرفته حتى الان وااتيت بها لطرافه فقط .


انا شاعر وابا اشاعر اشيل فوق واضربه=وانالي ماش فالعربان مثلي شاعرٍ ثاني

واناشوفك سوات الضب لاسلقي عرف ربه=وموتك من يديني لورفعت ايديك تنخاني


مردودي عليه

توقع قدم تاقع في طريقٍ ظيق تحشربه=يحول بك على راسٍ يسوقك سوق شيطاني

اليامنه تعرضلي سواتك نافخٍ ذربه=تعقبته بمشعابٍ يصكه بين الاذاني

[فهيد مقعد الرويس]

قد قيل قبلي فالمثل ماصح غيرالي صحيح=والحق حق ولاش به عند الرجال مجامله

ياصاحبي وان كان تجزع يوم انا رجل صريح=روح وتالقالك مطبل يالمطبل عامله

مع ادلي دليت دلوي يرتفع ولايطيح=ان ارتفع من مسهمي وان طاح شفت الخامله

[فهيد مقعد الرويس]

الناس دايم تبكي الحي لامات =مار البلاحيٍ بكاله على حي

[فهيد مقعد الرويس]

يالجيب لوزاد حرك حامي الكنه=ماحصللك مع المطراش مقيالي

عودت منكف وانا في خاطري لنه=اونس بصدري كماتونس من الصالي

دام القريب معاذيره يديننه=والي مطرف تعذر دون مدخالي

النفعه الي تجيني دونها منه=مغنيني الله عن اولها مع التالي

[فهيد مقعد الرويس]

اليازبنت ازبن على مثل ماقيل=روس الجبال النايفات الطوالا

واليانخيت انخ الزحول الحلاحيل= الي لهم على الثقيل حتمالا

لاتنخدع في شوف بعض الازاويل=حتيش لونه كبير الخيالا

فالمعضله لونه اكبر من الفيل =مهوب فيدٍ للحمول الثقالا

[فهيد مقعد الرويس]

لفئه معينه من الناس(المتسلقين على اكتاف الغير)

من عرض قصيده


يامدور الشهره كسبت الفوايه=تجيبها تجميع حامد ومحمود

حطيت لك صوره بعال البنايه=كيان حلم الوهم اله وقت محدود

ماله ثوابت وانشد اهل الدرايه= يبي يشوفه يوم راعيه مهدود

هذي ترا لهل التصنع نهايه=والكذب ذنب وفيه عيبٍ ومنقود

عند الرجال وناقص العرف تايه=يبي يحصل شي من دون مجهود

اناوغيري كاشفين الحكايه=لاتحسب ان الناس من حولك رقود

بالمختصر قرار كلن ورايه=روح وسولف لك على لمت هنود

[فهيد مقعد الرويس]

ان جيت ما قلنا هلا=وان رحت نقصٍ ياهذاك

شرواك معطيهم جلا=روح ودور لعملاك

ماني بوياك عملا=دامه تبينلي رداك

[فهيد مقعد الرويس]

رفقيك الي لابغيته لقيته=احساب شيكٍ وسط مخباك مفتوح

عيبٍ تجنب لازمه ماقضيته=ابذل معه جهدك ولاجهدت مسموح

مايلحقك عقب اجتهادك شميته=ولاحدٍ تحمل فوق ماطاقة الروح

[فهيد مقعد الرويس]

قالوعلامك يابس(ن) كنك القد= والحال كنه منك باريه باري

عند الدكاتر كان تكشف توكد=اوتاصل العمري اخافه مباري

قلت البخيص بحالته ماينشد=واناعن الي في خفاالروح داري

اناجنوني ياعرب ماتهود=لوجاءمع العمري ثمانين قاري

ياناس كملي صابرٍ واتجلد=امشي بقلبٍ دبرته عند غاري

ماجور ياقلبٍ شكا جاير الود=يفوح فوح ملقمات الغواري

[فهيد مقعد الرويس]

الهديه منك ياروح روحي غاليه=لوها بريال تسوى كنوز سويسرا

يشهد الله مايعادل غلاك الماليه=وهبة الله مالها سوق باع ومشترا

بانيلك في حشايه قصوراً عاليه=مالكٍ قلبي وعقلي وعيني ماترا

في اللبني مثلك ولالك شبيه محاليه=مع جميع البيض فالمدن ولافالقرى

[فهيد مقعد الرويس]

من عرض قصيده

مجبور لوتكثر الزلات نغفرها=دامك تعذرت يالمجمول فالحالي

يابوعيونٍ سواد الليل غامرها=وخداً كمااليت يوضي من تحت شالي

روحٍ تناصرك بسم الود ناصرها=كانن قلبك من صدوف الهوا خالي

خلك قصيده وانا البيطار شاعرها=واجرلك في توال اليل موالي

والثانيه في ضميري وانت خابرها=في ساعةٍ نجمع اولها مع التالي

هذي ترا رغبتي كان انت قادرها=ولا بفالك وانا بروح في فالي

[فهيد مقعد الرويس]

ياهجوسي حضري من شرد الفكر الجزيل=حضريلي كل عذب وكل سهلٍ ممتنع

لاالرجال الي تفرق بين عدل وبين ميل=غيرهم ماهمنا يقتنع مايقتنع

[فهيد مقعد الرويس]

ياعاذلي لاتحسبن الك تأثير=ارتح وريح خاطري لاتغثه

تراي منصت غارقن فالتفاكير=ماني بيم الهرج حتى تبثه

[فهيد مقعد الرويس]

شكري وتقديري لمن قال مبروك=وللي بعد ماقال لامر شكري

مبدا التعامل له حسن سير وسلوك=اعرض على الانظار منتوج فكري

والراي عندي لاهل العرف متروك=وانكان ماخلدت بالجزل ذكري

يحرم عليه ما انقد ريال فالبوك=بوكٍ يبيعه لااهل الامثال شكري

شكري
الاخير عامل
يبيع ابواك مخصصه للشعر:)

[فهيد مقعد الرويس]

لابغيت النوم جفن العين عيا=والسبب من بعد معدوم الحلايا

ماتشوف العين من جنسه حليا=ووسط قلبي ساكن(ن) كل الزوايا

[فهيد مقعد الرويس]

فتحت باب احزان واغلقت شباك=شباك مدخول الفرح في حياتي

من عقب عرفك مانبي غير فرقاك=يامسهرٍ عيني وغيري يباتي

[فهيد مقعد الرويس]

من المحفوظات


انايوم جيت التوب وامشي مع الطريق= واكب الموده واتجنب طرايقها

عرضلي صغيرةٍ عليهاتفك الريق= على جرح قلبي كن ابوها معرقها

الشامخ

[فهيد مقعد الرويس]

خابرك كملك من ايميني تحراها=لكن انا النفس عن شكلك مشيمها

ابوي للطيبه يفعل ويلقاها=وانته اوبيك على قلبه يليمها

غير الضحيه ماقيل فلان ذكاها=نقيصته فالسنه عوداً تهالمها

[فهيد مقعد الرويس]

قال ماعندك خبر قلت وشهوبه=قال مابه طرق ماهوب مطروقي

قلت راع المعرفه بين اسلوبه= ولوتوافق نص نطقه ومنطوقي

قال وافرض داخل السوق للجوبه= ان ماجبته من الغير مسروقي

قلت لوقاله ابو راس مقلوبه=جبت فراق السلع داخل السوقي

[فهيد مقعد الرويس]

احسن النيه ولاتظمر لاحد=شر وعمل خير وانته تستريح

[فهيد مقعد الرويس]

الرجل لاهدالك مشوره هديه=قله جزيت بخير لو مانت قنعان

هرجه وقلها مانت خسران شيه=وان جاز رايه قله اشكرك يافلان

هذي تراها لك يامقعد وصيه=بعد الصلاه وماتعلق بالاركان

رجلٍ بليا دين ماله بغيه=لوقيل له في ساعة الضيق بلهان

واياك تقبل من حدٍ محقريه=وردك على الناقص من الناس نقصان

وباقي يامقعد للوصايا بقيه=حق الخوي والضيف والجار لاهان

وباقي وباقي واليالي مديه =لكن هذي جات من فكر عجلان

وان قلت وش طراه طرا عليه=صحيح فالاريا هزيلات وسمان

[فهيد مقعد الرويس]

زمان الاجهزه


النفس عن هرجة الجهال ضابطها = ولاقولي كلمةٍ مهيب مضبوطه

علي اقيس اهدومي قدم اخيطهـــــا = مالبس اثيابٍ بغيرقياس مخيوطـــــه

من يجهل الخيل مايعرف مرابطهــا=والحرف قاريه يعرف ماضع نقوطه

قامت تمادى المسبه في تخبطـــــــــها = ناسً يبابون والهداف مغطوطـــــه

اوحي لغاهاومقفي عن مشايطها = ولاني بهايب لو الارياق مشطوطه

عندي صعوط المجنن واقدراصعطها= مار البلا الي على الارقاب محطوطه

حدبٍ تهاب اليماني من تسلطـــــها=واحكامها كلها بألشرع مربوطــــــه

واعمال شيطانها الرحمن محبطها = على الردا اهل الردامهيب مغبوطه

واللحيه الي قليل العز شامطــــــها = قدام عيني بوسط السوق مبطوطه

ولاهيب همي ولويكثر مهايطها = وعسى البشركلبوها تعيش مبسوطـــــــه

دعواً للدنين والقصين سافطها=ماقلتهامن ضميري غير مسفوطه

ابيوت شعرٍاسواها مايخلطــــها = من راس صاحي على القرطاس مخطوطه

[فهيد مقعد الرويس]

ياصاحبي بين المخاليق مادحك=ودون الخطامفتوح باب التشره

لكن على ماقلت ربي يسامحك=ظلمت نفسك مالحقني مضره

[فهيد مقعد الرويس]

هاضت هجوس الضماير للقصيد=ودرت ذهني للتماثيل الجداد

من بنات الفكر تنظيمٍ جديد=وعن مسار اللغير ممشاهن حياد

لويوافق طرقهن طرق النشيد= قاطعين الشك عنهن بالوكاد

لافرقهن راعي العقل الرشيد=الخدوش اخدوش ماهي فالمراد

[فهيد مقعد الرويس]

بعض مما قال هتاش الهروال ابوعواد يلقى في قصيده فوايد


ياصافي النيه ترى الوقت مقلوب=خافيه بان ولابقابه غرابه

وقتٍ هواه وماه مهوب مرغوب=وجّه قبيحه والمليح اللتهابه

ماعاد فيه اثنين بخلاق وسلوب=وجل الشكوك تثور بين القرابه

وحبل الوصال يجذ بيدين جاذوب=مستخدمٍ للسانيه والحطابه

يلقون فالماضي مناقيد وعيوب= والحاضر ادها لوشافو عيابه

ومن عرض ماقال


كل ماقف للسعاده فالقبول=لليمين تروح وابقى فاليسار

عشة في حضن الندم عشرين حول=ماكتبلي في مغازي انتصار

درت بلدان العرب عرضٍ وطول=اتنقل من مطار الي مطار

في طلب هيماً على مثلي جفول=ترتكب عني اليا اقبلت الفرار
ودللت غيري بزينات الدلول=تختصرله طايل الدرب اختصار
وفرشة له عقر داره بزلول=وجعلة له مع هل الاشوار شار

واللبستهم فوق زين البس للول=واشعلة له في سواد الليل نار

وارخصة مقدار ذربين الفعول=ماتعاينهم بعين الاعتبار

لعنبوها مالهاطرفٍ خجول= سعد منهو من بلاويهامجار

مارمةبه في المزالق والوحول= كل مايرقا تذبه بنحدار

واهني منهو بعشرتها جهول= اوتركها مع قصيرين الاعمار

ماشكى منها على حاله ميول=ولاحجز فيها على الدور انتظار

مل منها صاحب القلب الملول=حارفيها واختنق والدم فار

مثل حالي كم شكى منهازحول=الرجال الي الهم قدروقار

مامشة معهم على حسب الاوصول=عاكستهم بالوقوف وبالمسار

ولبستهم من قديمات السمول=وحذفتهم بين غار وبين نار

فرقة بين البدايد والشمول =واخلت والاوكار من شقر الحرار

واغلقة من دونهم صم القفول=وتركة بعض المراسم والاثار

ذكرياتٍ للنواشي ماتزول=مثل جزلات السوالف والاابار

بس اظن عيون بعض الناس حول=مايهمه لوتعداه القطار

كنه الي ضاربٍ كاس الكحول=ضاع بين المشترا والمستعار



ايضاً


ماتشيب النواصي قبل سن المشيب=كود من حسةٍ تلحق بركب الشباب

لوبعض المواقف فيه شيً عجيب=يسعد الروح مره والف مره عذاب

اّمنً في رجوعه وادري انه صعيب=يالله انك تحل الي وراه الصعاب

يمكن الله يحل المشكله عن قريب= ويتبين محياً سد ذاك الاحجاب

اتحرى شروق الشمس عقب المغيب=والخطايا خذتني لين ضاع الصواب

كل مارمي حبالي مع ورودالقليب= يقصراً الحبال ولاحصلي شراب

واتحمل ضماى ولاطلبت الشريب=فزعته لواصدر ماسقيت الركاب

والله ني تعبت ولاحصلي نصيب = اذهبتني هويدا جعلها بذهاب

صوبتني صوابٍ قص عظمٍ صليب=بس من حمد ربي مالحقبي عياب

وجرحتني جرح فالضماير عطيب=واعرضة عن سوالي ماعطتني جواب

واوقفتني لاودي واوقفتني لااجيب=واحرمتني طلوعي فوق شم الهضاب

قضبتني على ماقيل بطن الشعيب=واحجبة عن الرؤيا كتام وضباب

لاتشوف العيون ولالصوتي مجيب=كود في خرمسي الليل صوت الذياب

بس انا ماعلي لوعوى كل ذيب=مال سرحان عندي غير حد الحراب

حربتي في يميني ماغدربي حريب=والاعداء ماتهاب منازلت من يهاب

ومن نصب لي كمينه ماحسبته صحيب=حتى لوكان ذاك الشخص حضرة جناب

مايروم المعالي من دناله حضيب=كود من لايحسب للتوالي حساب

واحدٍ مايخلي حجة لطليب= فايزٍمادخل في جولة الانتخاب

[فهيد مقعد الرويس]

فالحلم دارت حرب خلف الكواليس=وصحيت من حلمي واثرماجرى حرب

اعوذبالله لاحضر عندي بليس=ولياعطا مع درب عطيت مع درب

[فهيد مقعد الرويس]

يجذبني الشوق ومعه اروح متحادي=من غير ماشعر إللين اقف على بابك

ومن قال وين انت رايح قلت له غادي=قلبي وانشد عنه قال انشد اصحابك

[فهيد مقعد الرويس]

العذر والمشروه وجهينٍ اضداد=ولااسوقهٍ على الضعوف الرخومي

ابدي بواحد لان ممشاهن افراد= اليادعى داعيه على القرومي

[فهيد مقعد الرويس]

من ذكريات مزاين الهيلا


عابر سبيل وشفت نـور المزايـن=ماكـنـي الا داخلـلـي مديـنـه
اخذت ساعه واقفٍ بس اعايـن=للي يسـار الخـط والـي يمينه
جمع يزيد اهل الغبايـن غبايـن=في كل وقتـِ كاسبين الثمينه
عتبان ماننقـل خبـاث الضغايـن=يموت منا الرجـل مابـاع دينـه
ودون الوطن درع وقلوعن حصاين=من فضل ربي والولـى حافظينـه
لاال السعود وضد من كان خايـن=لو لد فينا ناقـص العـرف عينـه
ودا وجـاب وكلبوهـا هـوايـن=الامر للهل الامر وش فـي يدينـه
يمكن على بعض الصحيفات ماين=ولاالاسد يبطي ماهاجم عرينه

[فهيد مقعد الرويس]

والله اني خابرٍ عمري ثقيل=لين سلهم طرف مقطوع الرجا

واحدٍ ماشفت لرموشه مثيل=دون ماشعر قلت يابدرالدجا

قال كيف وقلت اناديلي زميل=فالعمل وسمه هذا بدر الدجا

[فهيد مقعد الرويس]

قالوترقيت قلـت الشكـر للـي لـه=علـي بعـد الله الـرازق معاريفـي
طيبه غمرنـي وبالمعـروف مثنيلـه=جامع كبير البخت طيـب مواقيفـي
فالفوج كلٍ بطـول العمـر يدعي لـه=لـه سمعة(ن)بثناءمهيـب تزييـفـي
وله منهج فالعمـل مايقبـل الميلـه=راع السنـع بالثقـه يزدادتشريفـي
احشمـه وان تكلـم معـه يصغي لـه=وياقف معه فالقسى مايلحقـه حيفـي
وراع الحيل مايمشى قدمـه الحيلـه=عند ابوتركي تظيق به المحاريفـي
وعنـه يتجـاوز لتقويمـه وتعديلـه=من حسن ذاته ولاذكر شي ماشيفـي
عن واجب الفوج مالهنـه مشاغيلـه=شـال المهمـه وزوع بالتكاليـفـي


عن عاتق الي عسى الايـام تمديلـه=حر(ن)مباديه في روس المشاريفـي
شيخٍ الياكبرت القاله رجح قيله= اشهر من النار في راس اطول منيفي
ومن ضامه الوقت بعـد الله يعنيلـه=يفزع بجاهـه وبذلـه للمصاريفـي
ماحصي فعوله ورمزاً صعب تمثيله=ماحد(ن)جهل به من السيفي اليالسيفي
بيته على الـدرب بينتـةٍ مداخيلـه=قصر ابن جامع ولايحتاج توصيفـي
صرحٍ على العز مسرجـةً قناديلـه=من ترثة امجادمرويـن المراهيفـي
فالقرنـه اســس ابوخالدمنازيـلـه=عـزاً للربعـه وللعانـي وللضيفـي
واطلب من الله عسى الايـام تمديلـه=حرً مباديه فـي روس المشاريفي

رحمك الله يابوخالد

مرة بي الذاكره على هذه القصيده التي مضى عليها ثمانية اشهرفقط وكاني اراك امام عيني وانت تستمع لي حينها

ونا لله وانااليه راجعون

هذه سنة الله في خلقه

ومن ذهب وخلف مجداً مثل مجدك سوف يبقى في ذاكرة تاريخ عتيبه مابقيت

ونسأل الله ان يجبر عزانا

ويعوضنا خير في من بعدك

[فهيد مقعد الرويس]

الله لايذكرك يالورق بالخير=كانك علي مسلطٍ بالحنيا

تنوح مايصلحلك النوح ياطير=النوح خله للقلوب الحزنيا

[فهيد مقعد الرويس]

خله على نيته تهفيبه الذمه =وانا معزز جناب ومع عزيزيني

والحمد لله احبالي تلحق الجمه=اشرب واصدر وغيري ناس مضميني

[فهيد مقعد الرويس]

ياهيه ماذيه ترا حول ذيه=مابينهن مثل الثرى والثريا

الطيبه مهيب مثل الرديه=هذي يعرفها الغبي والذكيا

وان استوت قدام عينك كذيه=اعرف على عمرك تراك الضحيا

[فهيد مقعد الرويس]

حصرياً لشوارد الفكر

في منتدى ابداع بلا حدود

ابيات يزيدعمرهاعن ستون عام


لوّنا على السحق زارعيني= عند.....ونبذر العيش صيعان

ساعه نسوق وساعةٍ موضعيني=ومركزين اغروبنا فوق عمدان

من شان شوف الي ربى فالبّطيني=عنقه طويل ومدمج الساق ريان

قواد ريم ومتقي مايبيني=ماخبلك ياطرادها بام نيشان

اقفى بقلبي والعرب غافليني=ونقض عليه من غثى الوقت ماكان

وياليتنا عن ديرته راحليني= قدام يلحقنا الوشل مثل عثمان

اظني الحق لابتيٍ منتحيني=مرباعها الصمان يتلون قطعان

معهم هنوفً حبهامبتليني=ماقضبوها المسوقه بين ثيران

تشرب حليب مجروعات الحنيني=مذوقهاعقب السحر سور حيران

ابوفهيد

[فهيد مقعد الرويس]

بقدمه ولابدون مقدمات=عمارةٍ تبنى بحسب مخططي

اناالمهندس وانت يلزمك السكات=هواعجبك ولانقول الانبطي

وهذي علشانك خبيرٍ فالغات=عيد الخطا واسمع الياعدت غلطي

[فهيد مقعد الرويس]

هليت بك من عرض ناسً يهلـون=واناعيوني يـم غيـرك تلـدي
ماقدر اعاين فيك واموت مغبون=من شوف عكشٍ سهمهٍ مايصدي

[فهيد مقعد الرويس]

هات القلم واكتب على الطرس مازان=قافٍ عن المضون تنبي سطوره

من شرد الاذهان للباب اللذهان= ماجالها قدمي مع الناس صوره

اصوغها معنى وقيفان واوزان=واخذبها مع دارت الفكر دوره

[فهيد مقعد الرويس]

رميتها طياروطار سعودماهدي=وكرية ماتوسع صدر ناقلها

ياسعود متعشي إبلياهاومتغدي= خل الوكارى تعودفي مداهلها

[فهيد مقعد الرويس]

لوالرسايل تطّفي شـوق قاريهـا=مامات قيس الملوح من هوى ليلا
لكن روحي بعين العطف راعيها=يكفيني الي بعثته مـن مراسيـلا

[فهيد مقعد الرويس]

راع الردى مايحسن الظن فالناس=لانه يحسب الناس مثله رديه

[فهيد مقعد الرويس]

هواك اسم جملة حروفه ثلاثه=وياقل من بسمك من البدو سمى

عليك قلبي عايث الهم عاثه=اليامتى وانا ارتجي ليت واما

[فهيد مقعد الرويس]

ياهن ود العلم ياهن هذي=لانك تعرف العلم ياهن كله

واحذر يشوفونك خباثٍ مواذي=خّل العيون الحاسده بألخّله

[فهيد مقعد الرويس]

طبع الردي مايحسن الظن فالناس =لانه يحسب الناس مثله رديه

والياسمع له كلمةٍ جاه وسواس=قالت تقصدني وهرجتك فيه

قله عساك ابخير ماجور لاباس=انته مريض وعلتك باطنيه

واعرض عنه توميبه اخماس واسداس=خلك حكيم وهويلاقيه زيه

لاتزعل الاجواد من شان هلاس=الصدق واضح والعوارف ذكيه

ماينقص ارجال الوفا ذم الانجاس=ولاعانقت شقر الحرار الحديه

لوحلقت فالجومهيب قرناس=لاشافته ضاقت عليها الفضيه

والعلم اله مدخال من بين الاقواس=يارد ورود الضاميه للركيه

الياتحيزم بالفشق كل قباس=قلت السلام الغيرك المقدريه

[فهيد مقعد الرويس]

حلفت بالّي من عدم موجد الحـي
انه فلاغيرك على البـال يطـري
والبيض عندي غيرك انتي ولاشي
عفواً ولكـن الغلاشـي فطـري

[فهيد مقعد الرويس]

تراك لا ملزم ولاانته بمجبـور
ياصاحبي لاعاد تبعث رسايـل
اترك غلاك بداخل القلب محفور
يجوز ولاليـش مانـي بقايـل

[فهيد مقعد الرويس]

انا الي عشيراً لاتغيّبت عنـه اسبـوع
تزايدهيـام القلـب والنفـس تنّعـلـي
ملكني غرامه ياعرب غصب ماهو طوع
اناصافيٍ له واريـش العيـن صافلـي

[فهيد مقعد الرويس]

نهيت قلبي عنـك عيايطيعـي
يقول مااسمع في هوايه ولاطيع
’’’’’’’’’’’’’’’’’’’’’’’’’’’’’’’’’’’
تغيّب نديمي للكتابه على اخر حرف
واناكيـف بغيابـه انتـج محارفهـا
,,,,,,,,,,,,,,,,,,,,,,,,,,,,,,,,,,
احداً ركب له جيب لكزز واحد رنج
واحداً مع الصحراء يقرقـع ونيتـه
,,,,,,,,,,,,,,,,,,,,,,,,,,,,,,,,,
نامت عيون الناس وفهيد مانام
وراك ياغض النهد تسهر فهيد

[فهيد مقعد الرويس]

كسابت النوماس وان قلت منهم=من غير نقصٍ فالقبايل عتيبـه
برقاوروق مزبنت من زبنهـم=ومن فعلهم كم شيخ قومٍ غديبه

[فهيد مقعد الرويس]

ضاق الفضا في عيني البارحه ضاق=اضيق على ماقيل من ثقب الابره

سهير مني بيحت كل الاخلاق=تزاحمت فالجوف ضيقه وعبره

[فهيد مقعد الرويس]

هجرة البلد يومن بعض العرب خلاه=على شان ماشوف الرسوم وتذكرني
تذكرني الي مابعد شفـت اناحليـاه=عسى الله يجيب الي بشوفه يبشرني

[فهيد مقعد الرويس]

هواك لاجـيً ياريـش العيـن جـوى=وسط الضماير منطبع يالغضي طبع
ليتك تشوف بحالتي ويـش سـوى=حتى تعـذر فهيـد ياقاسـي الطبـع

[فهيد مقعد الرويس]

هل هو على كيفك الياقلت ان هذا ما حصل
ياصاحبي بيني وبينك لاتوصلها العناد

ياخلي ارفق بالفواد انته طبيبً للعلل
انشهد ان مقابلك افضل علاج للفـواد

[فهيد مقعد الرويس]

ياحسين الوصف ياباهي الجمال=عن عيوني بالمواصل لاتغيـب

ياقديم العرف ياعسـر المنـال=والله اني خابره مطلب صعيب

[فهيد مقعد الرويس]

مابه عقيله لقيته واسمه الغادي=مفرود مرجان ماغيره يحاليله

يفد مابه هجارولابه قيادي=مع ساقة الزمل اظنه فاترً حيله

احداه يم السناد ويحدرالوادي=ياحيلت الله يابومشعل وش الحيله

ياشاعرً لك مع العرّاف مقعادي=والقاف لاجاك مايجهلك تحليله

مانيب اسند لكل من قيل قصادي=ولاقول انااللي بشعره سابقَ جيله

ولانيب مشهور في التلفاز والرادي=ولاكل ماسمع واشوف البال يصغيله

الغث سمعه وشوفه غث الكبادي=والجزل لوهو قليل الفكر ينحيله

واليا حداني لبدعه ياسعد حادي=الشعر ماني بغاوي في مداخيله

مع منهج اهل المعرفه نهجي حيادي=ومنتوج فكري منزهةِ محاصيله

واجديد العرف ماحطيته ستادي=وانته ومثلك يابومشعل نعنيله

العلم حتى يجي مردود الاوكادي=لاشفت بعض العرب في منهجه ميله

ياشاعرً لك مع العراف مقعادي=وصلك موجز كلام وهات تفصيله

[فهيد مقعد الرويس]

هذاه سر المحبه كـان ماتـدري
ياجاهل الود لاتنشد عنه غـاري

تراي عندي تجارب فيه من بدري
واليوم فاسوق لابايـع ولاشـاري

[فهيد مقعد الرويس]

ناحت الورقاء على الغصن الخضر=ونقضت جرح الفؤاد بنوحها

كل جرحٍ لويطيب مع الدهر =المحبه ماتطيب جروحها

ياوليفي قبل اموت من القهر=لي عيون العطف لد شبوحها

منك ساعه عندي تعادل عمر=ساعة كبدي تبرد فوحها