هواجيســـــــــي

[عادل العصيمي]

بسم الله الرحمن الرحيم


شيء من ما جادت به القريحة

من ارشيف قلبي



انكسر نور الجبين اللي يشع بنوره = واكتسى صبح المودة ثوب ماهو ثوبه
وإبتدا ليلٍ تضيع النفس وسط بحوره = كيف اشوف الدرب وعيون الرجاء معصوبه

[عادل العصيمي]

عكس الإتجاه




الصاحب اللي يجنّب حزة الضيقه = احذر تجنّب عنه لن ضاقت ادروبه

الشوك فالورد لو فاحت معابيقه = يمكن يعرف الخطا ويكب عذروبه

[عادل العصيمي]

نافذة



انا فالماقف الغصاب اشيل السيف ابو حدين = على يمناي واليسرى بها من شجرة الزيتون

هذه طبعي ليا مني وقفت آقف على الثنتين = احسب حسابها والناقد يطالع بعشر عيون

[عادل العصيمي]

سني علا بعض الطواريق شايب = لو كان عمري ما تعدى ثلاثين

[عادل العصيمي]

يااللي تغلــى تحسبني هويتك = قلبي عن اشكالك منزّه ومحشوم

[عادل العصيمي]

القلب يحكي قصته للهواجيس = اما فرح والا بلوعه تلوعه

ويحرك الهاجوس كل الاحاسيس = وتنقاد له كل الاحاسيس طوعه

حتى الطليقة تنتخي بالمحابيس = وتكسر قيود الاسر وتسد جوعه

وتترجم الأفكار فوق القراطيس = جمالها مثل البدر في طلوعه

[عادل العصيمي]

نفسي عزيزة ما رضة بالإهانة = واللي يريدلها الإهانة تهينه
عندي عن اسباب الإهانة حصانة = ورجلي عن دروب المذلة حصينه

[عادل العصيمي]

جيتك وانا قلبي على كف عفريت = امشي ورجلي بالخطاوي سريعة

يوم انت ناوي بالسفر ليش حبيت = والا انت قاصدها وهذي طبيعة


ياليتني ما رحت يمك ولا جيت = دام الوفاء عندك جزاه القطيعة

انا احسب انك روضتي يوم شديت = واثرك خريف القلب منت بربيعه

تعبت من طرد المقفي ومليت = اللي على الهفوات نفسه شجيعة

ان كان نفسك ظالمة يوم صديـت = بكرة على نفسك تضيق الوسيعة
والله ما سامحك لو انـت رديـت = من باعني بالرخص والله لبيعـه

[عادل العصيمي]

*·~-.¸¸,.-~*من الأرشيف*·~-.¸¸,.-~*




البارحة ماذقت حلو المنامي = سامر لحالي والمخاليق رقّاد
يسريبي الهاجوس مدري علامي = والنار في قلبي توقد توقّاد
الليل كله مونس الا عظامي = لا ذقت لا راحه ولا ذقت مقعاد
والنفس صدت عن لذيذ الطعامي = والها ثلاث ايام ماذاقت الزاد
كله من المزيون ولد الحشامي = ولد الرجال اللي على الطيب تنقاد
اللي عرضلي ثم رد السلامي = صدفه وصدفه خير من الف ميعاد

[عادل العصيمي]

http://www.otaiby.com/vb/uploaded/11866_1208268471.jpg

هذي الصورة من عدسة جوالي



كل ما جاالليل ولعت الشموع = وانتظر رجعت حبيبي وارقبه
اشخط الكبريب واذرف بالدموع = واندفن بين الحسايف وكتبه
القمر وسهيل صارولي ربوع = والشجر يبخل عليه بحطبه
يابياض الصبح عجل بالطلوع = حسبك الله يامدير الكهربه

[عادل العصيمي]

ياللي تعرضلي هنا وهنيه = عيني علا غيرك وعينك ليه
عيني على اللي مشغلن تفكيري = هذاك يسوى عند عادل ميه
ابو عيون وساع لا سلهمها = يزيد كيات الزمان بكيّه
وان فتّح اعيونه وطالع فيني = غديت في بحر العيون اشويه
واخت في مركب حنانه جوله = على شواطي بحره السحريه
وليا ضحك يازين ضحكت سنه = ثلج وظلام وشفتن ناريه
وان هب نسناس الهبوب الغربي = قام يتلاعب شعره بحنيه
رفرف على متنه وزاد اعجابي = وحول على خدينه الورديه
ياساكن الريان دور غيري = قلبي غدابه ساكن الشرقيه
قلبي مع اللي مشغلن تفكيري = هذاك يسوى عند عادل ميه

[عادل العصيمي]

آهـٍ على آهـٍ وآهـٍ على آهـ = كان الوفاء في وقتنا ما يقدّر

الصاحب اللي بالمحبة عطيناهـ = يوم اكتمل عمره علينا تكبّر

بانت عذاريبه وبانت خفاياهـ = وفي كل يوم تزيد اكثر واكثر

[عادل العصيمي]

غالي ومن بد المخاليق مغليك = غالي وتبقى طول الأيام غالي
تبا الصراحة . صرت متولعن فيك = طيفك معي دايم وكنه ظلالي

[عادل العصيمي]

ياقلبي أصبر فالهواء صبرٍ جميل = واحذر تفكر فالسنين الفايته
واحذر مع التيار ياقلبي تميل = يضحك علينا من عذابك غايته
أصبر على دنياك لو حملك ثقيل = واسمع كلام العود واخذ وصايته
راح الكثير ولا بقي غير القليل = قفى زمان اول وهاذي نهايته
الصبر مفتاح الفرج مالك بديل = الحزن لا يفرض عليك ولايته
بكره يذوق المرّ من نفس الصميل = ويردلك مهزوم رافع رايته
يبكي وهو ندمان والعبرة تسيل = اليا لمح زولي بوسط مرايته
ماهو بنا اللي فالهواء يحسب قتيل = والا ضعيفٍ يحتمي بحمايته

[عادل العصيمي]

حضي معك يامسك ياعنبـر = يبكي ويشكي حظه العاثـر
ياغايتـي يامنيتـي واكثـر = قدام عيني رحـت واكابـر
تطري عليّـه دوم واتذكّـر = وابحر على ذكراك واسافـر
واتذكر المرسـام والدفتـر = صغير سن وخفت لا غامـر
عندي طموح كبير واتشطّر = احاول الفت يمـي الناظـر
شفت الرضا فالمبسم الاحمر = خّدي روى من مزنك الماطر
مالوم قلبـي يـوم يتحسّـر = انا اشهد اني فالهواء خاسـر

[عادل العصيمي]

«®°·.¸.•°°·.¸¸.•°°·.¸.•°®»قصيدة انتزعتها من بين الظلوع«®°·.¸.•°°·.¸¸.•°°·.¸.•°®»

الإنتكاسة«®°·.¸.•°°·.¸¸.•°°·.¸.•°®»


انا ماكنت اضن اني بعد هاك السنيـن القـاه = وعايش دنيتـي مرتـاح لا هـاذي ولا ذيـه
طويت اكتيب الماضي واحسب ان الزمن يمحاه = واثاري طيتـي مطويـة ولا هـي بمطويـه
لقيته بعد عشر سنين ما عرفه وشال غطـاه = يذكرنـي بحـبٍ فـات فـايـام ٍ شقـاويـه
وقفت ارجع الماضي واعيد اللي مضى ويـاه = لقيت الذكريات اللـي مضتلـي كلهـا حيـه
تقـول العـام لا والله تقـول اليـوم لا والله = تقول اقرب من احساسي هو احساسي وما فيه
تذكرته صغير ٍ كنت احبه واعشقـه واهـواه = تجـاورنـا تعارفـنـا تحاببـنـا بعفـويـه
صغير ٍ يعشق العفة وملبوس الشرف يزهـاه = حفظه الله عن ادروب الزلل ما ناشتـه سيـه
صحيح صغار لاكنا عرفنا الحب وش معنـاه = فرشنـا دربنـا بالـورد والأحـلام ورديـه
تفارقنا غصب عنا وانا ما كنت ابـي فرقـاه = احبه حيل ميـر النفـس مامـوره ومنهيـه
وانا في غمرة التفكير واسمع تمتمـة بشفـاه = يقول ان الصدور اقبـور وان الـدار محميـه
وقامة ترجف اعظامي وقلبي يرجف من اقصاه = انا وش جابني ياليتنـي مـا جيـت موليـه
تعبـت ادور انفاسـي وتخنقنـي دمـوع الآه = ولولا العيب عبراتي جرت من فـوق خديـه

[عادل العصيمي]

محتاج اشوفك كل ليلة واحاكيك = ما ملّ من شوفتك والاّ محاكاك
ياجعل عيني ما يجي يوم تبكيك = والا تشوف الدمع من فوق مبكاك
بيبان قلبي للعذارى مصاكيك = كم حاولو فيها تلكك تلكاك
انت الذي لقيتها لك مفاكيك = حسنك لصلبات المتاريس فكاك
من زود حبي قمت اكثر مراكيك = انته لحالك جالسن فوق مركاك
يافاتنه بالحسن ماني مزكيك = قلبي ومر كل الجوارح وزكاك
بعد الهنا ياوقت ما عاد ابا اشكيك = ربي رزقني بالهنا عن مشاكاك

[عادل العصيمي]

ياويل قلبي بعد ما راحو احبابه = يصبح ويمسي عليه الحزن وهمومه
متلبسه مثل لبس الرجل لثيابه = والله لو ينقسم نصفين ما لومه

[عادل العصيمي]

صدّقت حبك واثر ما عندك شعور = تافه حقير وكل حبك فبركه
تلعب على الحبلين ومسوّي غيور = غشاش ومنافق ولا فيك بركه
من علمك درب الرذيلة والفجور = من علمك درب الستيرة تتركه

[عادل العصيمي]

تغيب تغيب ثم ترجع وثم ترجع تغيب تغيب = وانا مجنون في حبك لكنك متلف احساسي

تزعلني تفرحني تزعلني وبالترتيب = حياتي كلها اكشن معك يا قطعت الماسي

تعال وشوف راسي يابعد راسي طلعلي شيب = ولو قلت السبايب من غيابك يابعد راسي
أعاني من غيابك في غيابك مالقيت مجيب = تعذبني وتتركني الا ياقلبك القاسي

ابي ارتاح في قربك عسى بعض الجروح تطيب = وصالك يحيي غصونٍ بعد غيبتك يبّاسي

تعال وخلنا نفرح ونمرح والحزان تغيب = اضمك ضم لين اسمع نفسك وتسمع انفاسي

صواديف الزمان تدور ما نعلم بما فالغيب = تراك اوعدتني ترجع وتبقى ماني بناسي

[عادل العصيمي]

ياقلب مالك ومال الحب = مالك ومال التغربالي

مالك وماله ماله طب = الحب ياقلب قتالي

لن طحت به والله لتنشب = يشبك وحباله اطوالي

[عادل العصيمي]

صباح الخير قلتلها وقالتلي صباح النور = بعدها صار حالة صمت مدري ويش اقوللها

كلام اكثير ضيعته وقف كل الحكي فالزور = احاول انطق الكلمه ولا ادري كيف اوصلها

تواعدنا على بكره . وبكره ما عليه قصور = رجعنا نفس حالتنا غريبه كيف اغازلها

مصيبه كيف أعبّر عن شعوري والحياه شعور = جريمه يسجن الإحساس في نفسي يغربلها

غبينه يازمان الصمت يقفي خاطره مكسور = انا وش ذنبي أتألّم ونفسي ليه أحمّلها

على كلمة ( احبك ) ينتهي حلمي على الحنجور = وش اللي يبيصير ان كان هالكلمه نبدلها

على هونك ياقانون المحبه غيّر الدستور = بدل ما قول ( احبك ) ليه ما الزمها واقبلها

[عادل العصيمي]

تدلّل كان لك حاجة تدلّل = ولن ما عاد لك حاجة تعلّل
مصالح وقتنا هذا مصالح = قليل اللي على غيره تجمّل

[عادل العصيمي]

ليتك تجي وتشوف وش صار فيني بعد ممشاك = اموت واحياء كل ليلة عسى ربي يجازيك

كنت احسب ان الصبر يقدر على بعدك وفرقاك = ما عاد فيني صبر ما غير افكر بك واناديك

تصدق . اني صرت شاعر بعدك امدحك واهجاك = كل القصيد اللي كتبته تراني كاتبه فيك

[عادل العصيمي]

ياحمام الشام منت من الحمام=والله انك غير عن كل الطيور
العيون كبار ترمي بالسهام=والخدود اللي بها باقة زهور
والكلام الله عليه احلى كلام=ليت نوحك ناح في كل الثغور
قالها صقرٍ تعلى ثم حام=واطلق الجنحان ناوي بالعبور
صب عمره يم دارك ثم شام=ما يبي يغرق بغبات البحور
اربع وعشرين ساعة بالتمام=ذكرها في داخل القلب امحفور
ياحمام الشام ما هذا القوام=لو تباها . منك يازين الغرور
والله انك ياحمام الشام خام = كامل امكمًل ولا يلحقك زور
كمّلك ربي مثل بدر التمام = كملك بالحسن ما فيك القصور
ليت هذا الحسن من فوقه لثام= يحفظه من كل نظرات الشرور

[عادل العصيمي]

انت وينك صارلك يومين غايب = والله انا ما تعودنا غيابك

[عادل العصيمي]

الليالي في غيابك سود واحزان وفراغ وهم يقفى هم مدري غم يانور الليالي =والله اني ما شكيتك للجدي والا الثريا ما شكيتك غير لخوك البدر يابدر وينه
عطرك اللي في ثيابك فاح باقي فالشماغ يفوح مدري ويش عذري يوم انا جالس لحالي=يوم جيتك عند بيتك حظي المقرود عيا يوم شفت ابوك واقرا القول كلّه وسط عينه

[عادل العصيمي]

لن غبت عني قمت اعاتب محلي = وان جيت ياخلي عشايه نسيته

افرح ليا شفتك وارحب واهلي = وانسا العتاب اللي منوّل نويته

[عادل العصيمي]

لن كان نفسي للمعاصي حدتني = وثقتها بعقال وعنان وخطام

عقلّتها بالصوم لن عاندتني = وعنانها وخطامها نص الأسلام

[عادل العصيمي]

الطيب يثمر فالرجال المناعير = سيفٍ على جور الليالي تسلّه
هذي مواريدٍ وهذي مصادير = يافاعل المعروف جوّد محلّه
معروف ماهو بأدهن السار ويسير = طبع الردي ما يعرف الطيب لله

[عادل العصيمي]

http://www.otaiby.com/vb/uploaded/11866_1211386181.gif






صارله يومين طيفه ما يجيني = وانشغل بالي عليه وقلت ازوره
رحت يمّه لن طيفه يحتريني = قال ياعادل عسى نفسك صبوره
المقدّر حال ما بينك وبيني = لا تلوم النفس والنفس امعذوره
مير سامحني وانا وش في يديني = جعل روحي عند خالقها طهوره
واسمع امه والبكا . واشيب عيني =يوم شفت ابوه ومواسى حضوره
وقتها صدّقت قوله باليقيني = غاب حلمي قبل يفرحني ظهوره
الألم والحزن والحرمان فيني =غارقٍ فالحزن واسبح في بحوره
آه واويلاه ياباقي سنيني = انكسر قلبي ولا تجبر كسوره
كل ما مريت قبره يحتريني = دمعتي من فوق خديني حدوره
ينتظر ويقول ياعادل تجيني = صاحبك بالله لا تنسى تزوره

[عادل العصيمي]

الطيب لهل الطيب والعز والجاه = والا الردي ما هو محصل ولا طيب
من يعطي بيسراه ويدس يمناه = هذاك يستاهل كبار المشاعيب

[عادل العصيمي]

اشره على الطيّب ليا جات زلّه = واهل الردى مالي عليهم مشاريه

[عادل العصيمي]

سلملي على عينك ورمشك والأهداب = سلملي على زقمك وكثّر سلامي


:D

[عادل العصيمي]

العشق للعشاق مصدر وميراد = يارد عليه اهل القلوب الوليفة
ماهو بصد وهجر وافراق وابعاد = مشاعر الإنسان جداً رهيفة

[عادل العصيمي]

ياما علا شان الحبيب تعنيت = وارخصت روحي لجل عينه وخده
ليته قريب عندي البيت فالبيت = اتعبني المزيون لا رحم جده

[عادل العصيمي]

يابنت انا ماني من اللي يحبون = حبٍ مؤقت وارتجي به مصالح
انا ليا حبيت حبيت بجنون = وافجر الاشواق من قلب صالح
ارتاح في دنياي وبليس ملعون = ثوبي قديم ولو لبست المشالح

[عادل العصيمي]

اذكر الله لا يجي قلبك حسود = اذكر الله قول ماشالله عليك

[عادل العصيمي]

لي صاحبٍ ما عاد يسأل عليّه =من يوم سافر ما وصلني كتابه
ما غير سامر واشرب الشاذليه = لا واعذاب القلب لا واعذابه

[عادل العصيمي]

http://www.otaiby.com/vb/uploaded/11866_1212541051.gif

[عادل العصيمي]

اصعب اللحظات عندي يوم تطري بالرحيل = الفصول الأربعة كل الفصول الأربعة

[عادل العصيمي]

حبيبي عايشٍ في نجد في ديرة طوال ايمان = وانا صوب الحجاز اللي به البيتين مبنيّة

الا ياطير ياطاير دخيلك عطني الجنحان = ابا ازاور حبيب الروح يم الديره الحيّة

[عادل العصيمي]

صارلي يومين مدري وين اروح = مات حيلي في خيوط العنكبوت

[عادل العصيمي]

راح الونيس ولا بقي غير طاريه = يالله يامعبود عجل رجوعه
من دونه المجلاس ما عاد ادانيه = نفسي على بعض السوالف جزوعه
اللي فهم قولي وترجم معانيه = روحه تجاوبني ولا هي قطوعه
دايم يسليني وانا دوم اسليه = يسد جوعي مثل ما سد جوعه
تدرون ويش اللي بعيني محليه = ويميزه عن كل باقي ربوعه
قلبه نضيف ابيض عسى الله يخليه = واللي يدوم من البنادم طبوعه
اللي بقلبه ينطقه ما يخبيه = البغض والله ما سكن في ظلوعه
وشلون ما حبه وقلبي يهذريه = من لامني ياجعل بقعى تصوعه
اخاف لن ما عاد . انا وين الاقيه = ليلي غطاليسه تنادي شموعه

[عادل العصيمي]

ان كان تقصد بالرصيد الملايين = صاحبك يجمع في رصيدة قناعة

[عادل العصيمي]

ياهيه ياللي معصّب من صباح الله = الدم فاير وكن لابسك شيطاني
وش فيك وش فيك وش صايبك من عله =الناس تصبح تهلل وانت زعلاني

[عادل العصيمي]

الجادل اللي يشع النور من خده = وده يسافر على بحر الهواء وده
وانا بعد فالهواء نفسي تراودني = والقلب يقنب قنيب الذيب من مده
فرصة وجتني وانا ماني برافضها = واللي يبا قربنا والله ما رده
وش عاد لو صاحبي فيه الحلا كله = مقبول في وصله ومقبول في صده

[عادل العصيمي]

عادي ترى ماني بزعلان من شي = كلٍ على كيفه يفصل هدومه

ماني بقايلك افا ما هي بهي = لو كان ثوبك قاصراتٍ كمومه

[عادل العصيمي]

ودي اعبر عن شعوري تجاهه = واكتب احاسيسي من اولها لتاليها

[عادل العصيمي]

http://www.otaiby.com/vb/uploaded/11866_1215376202.jpg



اليوم والليله وبكره وبعدين = وانا انتظر والقلب يصلاه صالي
ابا انتظر يازين ياكامل الزين = انا عتيبي مير قلبي شمالي

[عادل العصيمي]

هادي ولو في داخل القلب بركان = مافيه حل الا اني اكون هادي
اضحك واسولف والحشى فيه نيران = كلي امل بالله يحقق مرادي

[عادل العصيمي]

http://www.otaiby.com/vb/uploaded/11866_1215645906.gif



ياما تمنيت الحلايا والوصوف = والله على حسب الطلب لي جابها
لو اوصفه تعجز عن الوصف الحروف = ذابت حروفي يوم شفت كتابها

[عادل العصيمي]

مشتاق لك مشتاق لك ياشوق = شوقي بدون حدود ياشوقي

[عادل العصيمي]

بليز ياصاحبي ايام اتز هير = البيبول اكثير لكن كني الون
صاحبك قلبه يرفرف كنه الطير = العالم الله بحبك صرت مجنون

[عادل العصيمي]

http://www.otaiby.com/vb/uploaded/11866_1215735694.jpg



سبحان من صورك ياكامل الزين = عزالله انك كاملٍ بالصوفي

[عادل العصيمي]

الهنوف اللي علاها العلم ياعبدالله = اشغلت قلبي وفكري ياعصابة راسي
صرت انا خارم علاها خرمتي للدله = دلة اللي يحمسون البن بالمحماسي
النوايا بيض لله ما دخلها عله = والقلوب الطاهرة ما تقرب الانجاسي
المشاعر من جيوشه كلها محتله = لو تحرر من قيودة تفقد الاحساسي
قانع وراضي وسجن حبيبي ما مله = الحنون الذوق كله والشديد الباسي
طلته تربش وترمش عيني من الطله = لعن ابوها طلته طلت عقود الماسي
اشهد انه غير في عاداته وفي دله = انتشي من عطره اللي جابه النسناسي
كل ما عقّدت لي حبلن يجيه يحله = صار قلبي في يدينه كنه الكراسي
الهنوف اللي علاها العلم ياعبدالله = اشغلت قلبي وفكري ياعصابة راسي

[عادل العصيمي]

كان الهواء بلوى فنا مبتلا فيه = من شاف عادل قال هذا هواوي
مجنون ليلي قبلي الهم طاويه = يصبح ويمسي دالهٍ بالمناوي
ياما تمنى قيس واشهر مناويه = ياليتني كنت الطبيب المداوي

[عادل العصيمي]

يامرحبا باللي له القلب يرتاح = يقعد على ركبه وركبه ركزها

[عادل العصيمي]

كان الهواء بلوى فنا مبتلا فيه = من شاف عادل قال هذا هواوي
مجنون ليلي قبلي الهم طاويه = يصبح ويمسي دالهٍ بالمنـاوي
ياما تمنى قيس واشهر مناويه = ياليتني كنت الطبيب المـداوي
وانا على درب المحبين وامشيه = ماهو على كيفي ولا كنت ناوي
مكتوب والانسان حظه يلاقيه = من بعدها ماني على البعد قاوي
احس قلبي طاري الحب يحييه = كني على ظهر السحاب متساوي
اعيش في جوي ليا اوحيت طاريه = مالي ومال الناس سارح وضاوي
اسمي مع اسمه فاخر الوقت عديه = ياشجرة العشاق مع كل راوي

[عادل العصيمي]

احيان احس اني هنا بلحالي = وان البلد مهجور كنه خالي
ياخي انا مااطلب احد من ماله = ريال سلفتك ترد ريالي
بعض العرب نوخ ذلوله واقفى = ماله ومال الناس والغربالي
اشغل عباد الله وريح نفسه = ما كن منزاله مثل منزالي
لكن انا عندي طريقه سهله = اتجاهل المقفي واريح بالي
واللي يسلفني برد ديونه = ووفيه من ماله ماهو من مالي

[عادل العصيمي]

غبت يوم وجيت ياطول الغياب = في نظام اهل الهواء كنه سنة

[عادل العصيمي]

:)


اشره على الطيب واعد المشاريه = شرهة خوين عاتبن من خويه
يمكن بعد مدة مع الناس يوحيه = يعرف خطاه ولا يعيد الخطيه

[عادل العصيمي]

البارحة سمعتلي صوت ويقول = اصبر ترى في تالي الصبر خيره
كل شي ياتي يبن عجلان بوصول = واحذر تبيح اللي خفا فالسريره

[عادل العصيمي]

http://www.otaiby.com/vb/uploaded/11866_1216252464.jpg



ان كانت الدعوى على الابداع والقول الثمين = انت السبب ياملهم الشاعر وسر ابداعه
اشوفك بقلبي تناظرني وانا قلبي حزين = ياروضت القلب الحزين وشربه ومرباعه
اليوم انا ما قول غير الله يعين الصابرين = بصبر عسى الفارس بعد مدة يشيل قناعه

[عادل العصيمي]

لن كنت تدري بالمحبة . زين = مير المصيبة كان ما تدري
لن كنت تدري طيّب وبعدين = لن جيت اسولف قلتلي بدري

[عادل العصيمي]

مساء الخير يانزف الجروح وبلسم الاوجاع = مساء الخير ياكل الجمال وجوهر العفّة

[عادل العصيمي]

احلى سلام ارسل عليك احلى سلام = من وردة الطايف وهتان الهدا

[عادل العصيمي]

:rolleyes:


:rolleyes:


:rolleyes:


الله اللي يعلم بما فالصدور = والمحبه فالقلوب المقفلة
كل مااهديتلك انا باقة زهور = راحت الدعوة علينا مشكلة

:D

[عادل العصيمي]

ليتك قريب العرق والدم = من خال والا من عماما
والله لو انك ولد عم = لقلط على الربع الحشاما
والشمل ياالمحبوب يلتم = بين الضحية والصياما

[عادل العصيمي]

http://www.otaiby.com/vb/uploaded/11866_1216739292.jpg




يابنت قلبي من هواكم مربع = أمن الربيع الهم ماعاد ينشاف
ثراه من وبل الحنان متشبع = الورد ينبت لو على ظهر صفصاف

[عادل العصيمي]

اشره على عيال الحلال اللي يحبون الحرام = واعجب من عيال الحرام اللي يحبون الحلال

[عادل العصيمي]

حررت في داخلي هاجوس كان محبوس = كسّر قيوده ورفرف وانطلق بالجناح

[عادل العصيمي]

اشم ريح الياسمين ان هب نسنـاس الهـواء مـن يمّـك = وامشي بعكس الريح ابا آصلّك لو ان الريح يضرب بنحري
قصدي ومطلوبي وشفّي يابعد كـل البشـر فـي ضمّـك = ياغايتي يامنيتي يابلسـم اجروحـي وياشـوف نظـري
انته كما بدرٍ تجلى فالسمـاء . ليـل الدجـاء مـا همّـك = نورك كشف دربي وسراني بليل . امشي على كف قـدري
اعجبنـي اسلوبـك ومنطوقـك ويازينـك بخفّـة دمّـك = لو قالوا العذال عادل حـب غيـرك قلّهـم عـادل بـري
حلمت فيك البارحة سامـر معـك كمـّي يلامـس كمّـك = لمست كفّك لعن ابوكفٍّ ماهي كفّـك يابـو كـفٍّ طـري
ياويل ويلي يـوم شفتـك تبتسـم ولبانتـك فـي فمّـك = دارتبي الدنيا مـن اولهـا لتاليهـا وانـا مانـي جـري
ياليتني من ربعكـم ياصاحبـي واقـرب لبـوك وعمّـك = في ذمتي ما يقربك غيـري يطـول العلـم والا يقصـري

[عادل العصيمي]

ياوجودي وجد من دور على الماء ما لقاه = صار له مده يدور ما يشوف الا السراب

يرجي الرحمن وعيونه تراقب في سماه = كن هذا الكون ربي ما خلق فيه السحاب

[عادل العصيمي]

http://www.otaiby.com/vb/uploaded/11866_1216941374.jpg


هذي هدية توني شاريها = للي اسر قلبي انا بهديها
اخذ الهدية وانت تستاهلها = ياللي اسرت الروح ومعنيها

[عادل العصيمي]

ياذوق وين انته من العام ياذوق = اشوف طيفك وانت عني بعيدي
ما تدري ان القلب لاعبه الشوق = شوفت حبيبي كنها يوم عيدي

[عادل العصيمي]

http://www.otaiby.com/vb/uploaded/11866_1216997365.jpg


:rolleyes:


:rolleyes:


:rolleyes:







ادري عن احساسك تدري عن احساسي = يازينه احساسي لن ترجم احساسك
لا تحسب احساسك اكبر من احساسي = ثم احسب احساسي اكبر من احساسك
لا يتعب احساسك ثم يتعب احساسي = ياويله احساسي لو يفقد احساسك

[عادل العصيمي]

ياحمامه وصلي مني رسالة = للحبيب اللي يداويني وصاله
ما اعرف العنوان لكن ريح عطره = فاح من كل الورق فاخر رساله
شمي العطر الفرنسي ياحمامه = واعرفي راعيه ما ودي بداله

[عادل العصيمي]

دندني ياهجوسي واعزفي بالقصيد= لحني بالحروف الابجدية لحن

[عادل العصيمي]

قد قلت لك يازين قدام مدّه = ان الهواء مضفي على القلب ثوبه
لا لا تقلّب فالوجع ثم تردّه = وقتٍ مضى ما ودي الد صوبه

[عادل العصيمي]

استدارة كلّها والكون كلّه يستدير = ما درينا مير حنا فالحقيقة نستدار

[عادل العصيمي]

اللي تمثل بالهواجيس نوحيه = ودي على وده ولا اريد صده
اله الغلا والود والعين ترجيه = ابو حبيبت خال من فوق خده

[عادل العصيمي]

الدروب طوال والسكة بعيدة = والسنين ايام ما تحصي عددها

[.. شِيخَ إلِمرِآجّ ـلُ ~]

مسـآء الـخ ـير..؛


هـذآ مقطـع بصـوت الشـآعر إبن عـجلآن


أتمنىآ أن يـروق مسـآمعكـم ..؛


بعنـوان [ الهنــوف ]


للأستمـآع أضغط هنـآ ..؛ (http://up5.m5zn.com/4vyv4839djbl/____________.mp3.htm)



http://www.otaiby.com/vb/uploaded/904_1217594946.mp3

مـع تحيـآتي ..؛

[عادل العصيمي]

والله اني ما نسيتك ولا يمكن انساك = طال الزمن والا قصر يبقى هواك بداخلي

[عادل العصيمي]

احس قلبي صار متولعٍ فيك = مدري هذه احساس والا حقيقه
مير الأكيد انه يحبك ويغليك = وده يعبرلك بأية طريقه

[عادل العصيمي]

عندي طلب وارجوك حقق مطلبي قبل الفوات = مهما تقول الك العواذل لا تصدق قولها

[عادل العصيمي]

كل يوم يزيد في عيني حلاك = لين صرت بنظرتي كلك حلا
كل يوم يزيد في قلبي غلاك = لين حزت بداخلي كل الغلا
صرت مثل الورد واتنفس شذاك = قلبي وقلبك على الود عملا
كني الضامي على قرهود ماك = وانت مثل الواحه اللي بالخلا

[عادل العصيمي]

http://www.otaiby.com/vb/uploaded/11866_1218034633.rm



راح الونيس ولا بقي غير طاريه = يالله يامعبود عجل رجوعه
من دونه المجلاس ما عاد ادانيه = نفسي على بعض السوالف جزوعه
اللي فهم قولي وترجم معانيه = روحه تجاوبني ولا هي قطوعه
دايم يسليني وانا دوم اسليه = يسد جوعي مثل ما سد جوعه
تدرون ويش اللي بعيني محليه = ويميزه عن كل باقي ربوعه
قلبه نضيف ابيض عسى الله يخليه = واللي يدوم من البنادم طبوعه
اللي بقلبه ينطقه ما يخبيه = البغض والله ما سكن في ظلوعه
وشلون ما حبه وقلبي يهذريه = من لامني ياجعل بقعى تصوعه
اخاف لن ما عاد . انا وين الاقيه = ليلي غطاليسه تنادي شموعه

[عادل العصيمي]

الك الغلا والود والك المعزة = والك الوله والشوق والحب كلّه

[عادل العصيمي]

اخاف . والا اقول . لا ماهو بخوف = يمكن حيا يمنعني اجيك يازين

[عادل العصيمي]

http://www.otaiby.com/vb/uploaded/11866_1218101091.rm



كان الهواء بلوى فنا مبتلا فيه = من شاف عادل قال هذا هواوي
مجنون ليلي قبلي الهم طاويه = يصبح ويمسي دالهٍ بالمنـاوي
ياما تمنى قيس واشهر مناويه = ياليتني كنت الطبيب المـداوي
وانا على درب المحبين وامشيه = ماهو على كيفي ولا كنت ناوي
مكتوب والانسان حظه يلاقيه = من بعدها ماني على البعد قاوي
احس قلبي طاري الحب يحييه = كني على ظهر السحاب متساوي
اعيش في جوي ليا اوحيت طاريه = مالي ومال الناس سارح وضاوي
اسمي مع اسمه فاخر الوقت عديه = ياشجرة العشاق مع كل راوي

[عادل العصيمي]

http://www.otaiby.com/vb/uploaded/11866_1218105289.gif



هاك قلبي ياحبيبي واحفظه عندك أمانه = احفظه في جوف صدرك كل يوم اكشف عليه
من صدق في حب خلّه لا يخاف من الخيانه = ومن كذب في حب خلّه لا يجي ويقول ليه

[عادل العصيمي]

تنسج الأوراق وتخيط الحروف = لين تتقن فالنسيج كتابته
الشعور اللي بقلبك يالهنوف = لاح برقه وامطرت سحابته
قلت اخيله ما دريت اني شغوف = جاك قلبي والمشاعر لابته
جاتك الأشواق مع قلبي صفوف = واظهرت حبٍ بقلبي كابته
كان تسمعني وعينك لي تشوف = والمشاعر في خفوقك ثابته
ضمني ضم الحنيّن للهوف = هات صدرك ودي برحابته
ما منعني عنك ياكود الظروف = والسؤال اللي لقيت اجابته

[عادل العصيمي]

اسري واسرّي هاجسي تالي الليل = نور القمر يجلا الظلام ويزيحه
يشدني نوره واجرّ المواويل = نور القمر سر النفوس الجريحة

[عادل العصيمي]

انتفض قلبي ورفرف بالجناح =وارتفع بالفكر من فوق السحاب

[عادل العصيمي]

انت وينك صارلك مدة تغيب = ما تعرف انه يفرحني حضورك

[عادل العصيمي]

شفتلي شوفه غريبه والسبب مجنون ليلى = شفتلي جمّال معه بعير شايل حمل غيره

[عادل العصيمي]

الله لو تدري عن اللي فالخفوق = يمكن يصيبك من سبب هذا كبر
لكني ابصبر واغني بالطروق = واكتب على بيض الصحايف بالحبر
يمكن بعد مدة يروق اللي يروق = واجيك طاير يالصديق المعتبر

[عادل العصيمي]

ياطير سلملي علي سيد الأحباب = اللي يحلي كبريائه هدوئه
اللي يحس بلوعتي كل ما غاب = القلب يعلن للحبيب لجوئه

[عادل العصيمي]

مشتاق لك بالحيل بالحيل بالحيل = تعال يالمحبوب طف اشتياقي

[عادل العصيمي]

ادري لكنه لجل عينك يهوني = درب الخطر ماهمني دام ياصلك

[عادل العصيمي]

سلام . كيف الحال . عساك طيب = وين انت ما شفناك لك عدّت ايام
انته قريّب مير منته قريّب = ترا النبي وصى على وصل الأرحام

[عادل العصيمي]

فتحت لك بيبان قلبي من العام = تدخل على كيفك وتطلع بكيفك

[عادل العصيمي]

لا تشيل بقلبك الطيب صواديف الحياة = ادمح وسامح وخل الطيب طبعك والسماح
المهم اني غريقٍ وانت طوقي للنجاة = ما يهم الماء هماج ان كان والا من قراح

[عادل العصيمي]

اروي عطش فكري من حروف الهجاء لين ارتوي = وانوّخ ركابي ليا مريت بحلال الشبب

[عادل العصيمي]

خوفي على قلبي تزيد ابه الجراح = نرجع كما كنا بعد قلبي برا
لكن بغامر بعد ريح العطر فاح = عطره يشتتني عن اللي قد جرا

[عادل العصيمي]

ليه تزعل وانت بادي بالخطاء = ما تعرف ان الخطاء فعله خطاء

[عادل العصيمي]

صوتية ( ياقلبي اصبر )

اتمنى تنال اعجاب كل من يمر من هنا

للإستماع اضغط هنا (http://up5.m5zn.com/lw35vw4jo0vi/___________1.mp3.htm)

[عادل العصيمي]

الصاحب اللي له زمانين غايب =يفوح عطره لن حضر سيد الاحباب
ما يدري انه عندي اغلا الحبايب = افرح بشوفه واتبهذل ليا غاب

[عادل العصيمي]

الحزن بعض احيان يثر على الروح = والروح لن جاها الحزن ما تفكه
لو كان قلبك ياهوى الروح مجروح = باب التفائل والأمل لا تصكه

[عادل العصيمي]

ياهل الهواء ويش اسوي فالحبيب اللي مقامه رفيع = قلبي يحبه ما غير اصبّره ياجعل ياتي فرج
ما عاد فيني صبر باح الصبر والحظ عيّا يطيع = حظي منوّل صحيح الساق مير اليوم حظي عرج
قلبي تصبّر على جور الليالي لين ما يستطيع = يوم المشاعر تنادي وين محبوبتك لين انحرج
ضيقت صدري بحرمانك وانا والله صدري وسيع = ابيك واخاف هرج الأبكم الأصم لو ما هرج
مشتاقلك شوق راع الضان والبل للمطر والربيع = والشوق يزداد في قلبي وقلبي بالمحبه درج
انا على الحب باقي وانتظر دام الوفاء ما يضيع = ياليت قلبك يحس بشوقي اللي من خفوقي خرج
كنت احسب ان الهواء بيني وبينه قام سدٍ منيع =واشغلني الزين لين ان الهواء تحت الظلوع اندرج

[عادل العصيمي]

ياصباح الخير ياشمس الصباح الناعمة = ياصباح الخير يانور الصباح المشرقي
ياصباح الخير واحس المشاعر داعمة = للهجوس اللي على قلبي وفكري تبرقي

[عادل العصيمي]

صوتية

اضغط هنـا (http://www.tntup.com/audio/view.php?play=fcaddd6336e15746b71a4954a4ac5a87)




ياهل الهواء ويش اسوي فالحبيب اللي مقامه رفيع = قلبي يحبه ما غير اصبّره ياجعل ياتي فرج
ما عاد فيني صبر باح الصبر والحظ عيّا يطيع = حظي منوّل صحيح الساق مير اليوم حظي عرج
قلبي تصبّر على جور الليالي لين ما يستطيع = يوم المشاعر تنادي وين محبوبتك لين انحرج
ضيقت صدري بحرمانك وانا والله صدري وسيع = ابيك واخاف هرج الأبكم الأصم لو ما هرج
مشتاقلك شوق راع الضان والبل للمطر والربيع = والشوق يزداد في قلبي وقلبي بالمحبه درج
انا على الحب باقي وانتظر دام الوفاء ما يضيع = ياليت قلبك يحس بشوقي اللي من خفوقي خرج
كنت احسب ان الهواء بيني وبينه قام سدٍ منيع =واشغلني الزين لين ان الهواء تحت الظلوع اندرج

[عادل العصيمي]

القلب الشغوف ( صوتية )




اضغط هنـــــا (http://www.tntup.com/audio/view.php?play=8c23fd3b0ec7482f15db4cf1b1ac771a)


تنسج الأوراق وتخيط الحروف = لين تتقن فالنسيج كتابته
الشعور اللي بقلبك يالهنوف = لاح برقه وامطرت سحابته
قلت اخيله ما دريت اني شغوف = جاك قلبي والمشاعر لابته
جاتك الأشواق مع قلبي صفوف = واظهرت حبٍ بقلبي كابته
كان تسمعني وعينك لي تشوف = والمشاعر في خفوقـك ثابتـه
ضمني ضم الحنيّن للّهوف = هات صدرك ودي برحابته
ما منعني عنك ياكود الظروف = والسؤال اللي لقيت اجابته

[عادل العصيمي]

سولف ترا قلبي يحب السواليف = السالفة مثل العسل من شفاتك
عطني سواليفك بليا تكاليف = خلك طبيعي لا تغير صفاتك

[عادل العصيمي]

صوتية


اضغــــــــــط هنــــــــــــــا (http://www.tntup.com/audio/view.php?play=09874b840ad1d0fd0af1d16655589cd1)





صرت عايش بين اكون او لا اكون = شاشة الأيام همي تعرضه
صار حزني سر بيّن فالعيون = تعشقه عيني وترجع تبغضه
كيف تحكم وانت تجهل يافتون = لو نطقت الحكم قلبك يرفضه
ليه تظلمني وتحكم بالضنون = ليه تستعجل وحكمك تفرضه
كيف قسّتك الليالي ياحنون = ويش ذنب القلب حتى تمرضه
ليلي الغامض يحلّيه السكون = دام ليلك من سكونه يقرضه
صاحبك مغليك عنده ما تهون = وانت تدري عن كثيره وبعضه
هاجسي يرسم مع اللي يرسمون = روح واتجول بداخل معرضه
بين اكون وبين مدري ويش اكون = شاشة الأيام همي تعرضه

[عادل العصيمي]

الشوق يلطم فالحشاء لطم الأمواج = مشاعري يمكن تلاقي غرقها

[عادل العصيمي]

تعال واسمع . قرب شوي! وشفيك ؟ = مابي احد يسمع كلامٍ نقوله

[عادل العصيمي]

قالت من انت وقلت انا شخص عادي = يكتب على بيض الصحايف همومه
قالت وش انت وقلت من هالبلادي = ربعي بحر يصعب على النذل عومه
قالت تعرف الحب والا حيادي = قلت الهواء بيني وبينه خصومه
قالت وش اللي سبب الإبتعادي = قلت الوفاء ما عاد له من يرومه

[عادل العصيمي]

مع الصباح اشواقي تغـرد تغاريد الطيور = اسمع صدى تغريدها اسمع صدى تغريدها

[عادل العصيمي]

كفكف دموع الحزن من فوق خدك = حرام خدك تبهته كثر الأحزان

[عادل العصيمي]

ياحبني لك . يابعدهم كلهم = ياصادق الإحساس ياعذب الشعور

[عادل العصيمي]

شفت العنب لكـنّ مانـي طايلـه = لو كنت حاسـب للعنـب جمايلـه
طعمه ليا شفته تلاعب فـي فمـي = ويرفـرف لسانـي بقـولٍ قايلـه
واقوم اسولف في علوم اهل الهوى = لين الهوى يلـوي علـي حبايلـه
وابحر بفكري وسط غبـاة البحـر = والشوق في قلب المسافر شايلـه
واقوم اهوجس والهواجس تجتمع = مثل المطر يوم انتشـت مخايلـه
قلبي خضر والحب يرعى فالحشاء = ويداعب احساسـي بقـوة هايلـه
هذا العنب ياناشـدٍ عـن العنـب = يامـا تمنيتـه ولانـي طايـلـه
ودي بشوفه كـل ليلـة وابتـدع = ويغني الهاجـوس مـن مثايلـه
ابيـه قدامـي وقلبـي يعشـقـه = مانـي مـدوّر فالهـواء بدايلـه

[عادل العصيمي]

اكبح جماح الشوق في داخل الروح = حتى يجي وقت التلاقي بالأرواح

[عادل العصيمي]

سود الليالي علمتني والحياة اكبر فصل = عشت التجارب والمهمّ آخذ من دروسي عبر

[عادل العصيمي]

متى تجي من يم نجد التباشير = تقبل على قلبي تسابق خطاها
دستور يابنت الرجال المناعير = بنت الشيوخ اللي يذري ذراها
طال الفراق ولا بقيلك معاذير = والنفس تعبت ما تحقَقَ مناها
تبرير. نفسي ماتبي منك تبرير = أدخل على الله لا تزوّد غثاها
صبري نفذ والشوق فيني طوابير = والبعد يبعد عن عيوني كراها
انا من امس العصر لا والله عصير = هموم قلبي وسط قلبي تباها
هاذيك تسكن به وهاذي مسايير = والأولة تبحث للأخرى خفاها
القلب ضايق والتهي بالمشاوير = الضيقة اللي ما لقينا دواها
من القهر حسدت حتى العصافير = اللي تطير من الفرح في سماها
مصيرنا يابنت محتاج تقرير = دام العدود المروية جف ماها
وشلون بصبر ماني بسالم الزير = ماغير نفسك نفس أدوّر رضاها

[عادل العصيمي]

ازعل . انا ماازعل .. انا قلبي كبير = مثل الرواسي والهواء ماهزها

[عادل العصيمي]

اعجبني اسلوبك ومنطوقك ويازينك بخفّة دمك = لو قالوا العذال عادل حب غيرك قلّهم عادل بري

[عادل العصيمي]

العشق للعشاق مصدر وميراد = يارد عليه اهل القلوب الوليفة

[عادل العصيمي]

كل ما شفتك اعيش بجو ثاني = والمشاعر تنتفض داخل عروقي
فاض قلبي بالمحبه والحناني = غنت هجوسي على كل الطروقي

[عادل العصيمي]

لي صاحبٍ طيّب ومرهف ومرموق = ثوب الحزن صاير سمه من سماته
يقطع ضمى الأشواق باسلوبه الذوق = اذا حكى ذاب الحكي من شفاته

[عادل العصيمي]

احبها ماقلت انا ما احبها = واحب من زود الغلا مندوبها

[عادل العصيمي]

يابدر وسّع خاطرك ياالزيادي = والراي يرجح يابدر بالمشورة
تراك عندي منت بأنسان عادي = أخ وصديق ولك مشاعر غيورة
في موقفك حازم ولا انت بحيادي = القاك دايم يابدر فالضرورة

[عادل العصيمي]

لي صاحبٍ مرهف ومترف ومرموق = طبـع الحزن صاير سمه من سماته
يقطع ضمى الأشواق باسلوبه الذوق = لامن حكى ذاب الحكـي مـن شفاتـه
قلبه من الأيـام مرهق ومحــروق = عزي لحالـه كيف عايـش حياتـه
ليت الفـرح سلعـة وتنباع فالسوق = أشريـه لجـل اريحـة من عناتـه
ابيـه يستانـس بدنيـاه ويـروق = ويعوّض اللي من عنا الوقت فاتـه
اصبحت انا واياه عاشق ومعشوق = في كل يوم يمر تكثر غلاته
لو كان قلبي بين الأظلاع مشنوق = حبه برا قلبي وسبب شفاته
يابلسم جروحي ويامنبع الشوق = يادجلة القلب العنى يافراته
باب الأمل مفتوح ماهو بمدروق = الحزن لا يجمع بقلبك شتاته
قديم قالوا كل مطرود ملحوق = من يزعلك لا تلتفت في رضاته

[عادل العصيمي]

صار سري شي واضح فالعيون = ليت خلي من عيوني يفهمة

[عادل العصيمي]

ويش اسوي في زماني دام عيا لا يطيع = اتركه ! وليا تركته كيف اعيش بلا زمان

[عادل العصيمي]

الطعون اللي بقلبي ما لقيت الها مداوي = والطعون اللي بقلبك صرت انا بلسم دواها

[عادل العصيمي]

ياهجوسي سلّي سيوف الغرام بلا هواده = الهوى والعشق بلوة ما يحس ابها محايد
اشتعل منها خفوقي كل يومٍ في زياده = جمرةٍ تكبر وتكبر واصبحت مثل الوقايد
والبشر كلٍ بحاله كل منهم في بلاده = والليالي عيشتني عكس انا ما كنت رايد
ماني من اللي تحدّر دمعته فوق الوساده = العزيمة تنجي الرجال في وقت الشدايد
ترجمي احساس قلبي لين يتحقق مراده = ثم زفيلي بيوت الشعـر في ثوب القصايد
كل طيرٍ ما يبيّن غير في حزة هداده = والعرب تعرف تميّز كل طيرٍ ويش صايد
واوصفي خلٍ هويته مير متعبني عناده = الحلا في صاحبي من بين خلق الله زايد
ياحبيب الروح لو تسمح انا عندي شهاده = ودي انشرها على التلفاز والا بالجرايد
ما اجامل يوم اقول ان الحلا تحتك شداده = وانك احلى من رأة عيني وللغزلان قايد

[عادل العصيمي]

السراب بعيد والبيدا بريّه = من شعاع الشمس ماهو من ثراها
الخطاء يحسب على راع الخطيّه = ليه نظلمها وهو ما هو خطاها
العزاء ياجرح انك من يديّه = والجروح احيان ما يلقى دواها
انت ليّه ياحبيبي أو عليه = الدروب ثنين مير أختر حداها

[عادل العصيمي]

يالربع انا شاعر وعندي طموحات = صدري حطب والنار من قدح راسي
شاعر ولكن توني فالبدايات = يمكن هدوئي ما يبيّن حماسي
أترجم أحساسي بكل العبارات = وأرقى بفكري فوق روس الرواسي
اشوم عن كل العلوم الهزيلات = وإن كانت الدعوه سياسة سياسي
ابحر بفكري فالبحور العميقات = واشرب من إدلالٍ تطير عماسي
وآرد على عد الروى كل ما جات = حزّة هواجيسٍ علاها لباسي
اما علاها ثوب لهل المروّات = والا علاها ثوب صعب المراسي
ماني بجايبها على كيف ما جات = اتعب وافصّل ثوبها بالمقاسي
واعدها عد الذهب والجنيهات = تمشي تتابع كنها عقد ماسي
وآخذ على هاذي وهاذيك سجات = واروي بها غصنٍ منوّل يباسي
وان هب ريح المسك والورد ما بات = قام يتكهـرب هاجسي بالتماسي
ثم اتغزل فالعيون الكحيلات = يالبّــا قلب أم العيون النعاسي
ابطي وانا ليلي هموم وتنهّات = واعيش في جو الحزن والمأسي
من نسج تفكيري وتعبير للذات = اقضي على مشاكل الإحتباسي
ارخي عنان الشعر في بعض الأوقات = وأوقات شعري ينقلب دبلماسي
صغت القصايد والبيوت الجزيلات = صوغ الذهب ماهو بصوغ النحاسي
اشرب بحور الشعر شرب البيالات = والبيت ما يبنى على غير ساسي
اقولها من راس مليان طنخات = ماقلتها طامع بمنصب رياسي
الشعـر واسع والمشاعر سلالات = هواجس الشعار ماهي سواسي

[عادل العصيمي]

:)



والله غريبه ! مير ابصبر وابصبر = اللي صبر حقق مناه ومراده

[عادل العصيمي]

ياسهيل اسمع كلامي ياسهيل = مالك ومال القمر لا تقربه

[عادل العصيمي]

الفكر سكّة والهواجيس سواق = والشعر موقف والقصايد تكاسي

[عادل العصيمي]

:eek:




البارح اهوجس ولا عندي أحد = ثم دق باب البيت والدنيا سكون
قمت وفتحت الباب لقيته ولد = قال انت عادل ؟ قلت عادل ! من تكون


:rolleyes:

[عادل العصيمي]

^
^
^
^

:eek:



دخل وصك الباب ثم راح وقعد ! = قال السوالف بعد شرب اليانسون
قلت انت مين ؟ وقال انا شيخ البلد = اللي ملايين البشر له يدّعون


:rolleyes:

[عادل العصيمي]

العشق ماهو مشكلة ما بين الأجناس =المشكلة تهوى وليفٍ ما درا عنك

[عادل العصيمي]

العيد قرّب ما بقي غير يومين = والقلب يغلي بين الأظلاع غليا
مشتاق لك يامهجة الروح والعين= مشتاق شوق عناد لعيون عليا

[عادل العصيمي]

الصحبة اللي ما تسرّ فعولها = وقت الشدايد ما تشيل حمولها
مثل الرصاصة شلتها في محزمي =وقت المزاحم ما نتج مفعولها
صحبة بلا معنى خسارة تستمر = يغيب صاحيها على مهبولها

[عادل العصيمي]

كل عام والجميع بخير



العيد بكرة وابتدت فرحة العيد = الله يعيد العيد عامٍ بعد عام

[عادل العصيمي]

اليوم عيد وحب والناس فرحانه = ومعايده بين القرايب والأصحاب
مشاعر الإنسان بالحب رويانه = الله يديم الحب ما بين الأحباب

http://www.otaiby.com/vb/uploaded/11866_1219663660.gif

[عادل العصيمي]

أقدّر الكلمة وانا بين الأجناب = وآزن كلامي قبل ينطق لساني
كيف القريب اللي يعدّ من الأقراب = اكيد له تقدير من نوع ثاني

[عادل العصيمي]

كل ما اذكرها تونّ بداخلي ونّة غريبة = ثم تبداء مرحلة ياليت في ذروة طموحي
وأرسم الأحلام والفارس يدوّر للحبيبة = يمتطي صهوة جواد العشق والعاشق جموحي

[عادل العصيمي]

وصل الحبايب ياأريش العين حسنه = ليتك كسبت الأجر فيني والثواب
صاحبك يوم العيد ما تنشد عنه = ما تدري انه ينتظر منك الجواب

[عادل العصيمي]

القلب يعزفلي على نغمة الشوق = والفكر يطرب يوم يسمع لحونه

[عادل العصيمي]

ياشبيه اللغـز ياكلّ الألم = ياصفاء الروح يانزف الجروح
فالمكان المرتفع مثل العلم = ياحمامٍ ناح بالأحزان نوح
فكرك الدفتر وهاجوسك قلم = والسحاب اللي على قلبك يلوح

[عادل العصيمي]

البارحه حلمت فيك البارحه = شفتك وشفت اللي على كتفك بعد

[عادل العصيمي]

مو غريب اني اشوف اللي تشوفه = الغريب انك تشوف اللي اشوفه

:)

[عادل العصيمي]

فـزّ يالطايف على حيلك وقوم = أختر أحلى ثوب عندك والبسه
أصعب من الحلم تحقيق الحلوم = لو حلمت أني بلامس ملمسه
شفت نور البدر من بين الغيوم = مرّني راكب على ظهر فرسه

[عادل العصيمي]

والله إني صرت حاير كيف أسوي = صار تفكيري مشتت ياجماعه
كل ما جيت ابتدي وآشب ضوي = والمواقف ما تبي غير الشجاعه
شان حال الطقس من تأثير جوي = واختلف طبعي بعد شانة طباعه
كل ماشفت الحبيب قلت توي = وأبذل المجهود خايف من ضياعه

[عادل العصيمي]

تدري إني صرت أحبك ؟ مدري ليه = يمكن عيونك تذكرني بشي

[عادل العصيمي]

ياصباح الورد مدري ياصباحك = ياأطيب من الطيب وأنت الطيب كلّه
استبحت الطيب والطيب استباحك = وأعتليت القلب . والقلب يحصلّه ؟

[عادل العصيمي]

ثورة البركان ما تحصل كذا يوجد سبب= اغتنم فرصة وجودي بين ربعي وأعلنه
الحياة دروس والدنيا تعلمنا غصب = هكذا طبع البشر رغم اختلاف الأزمنه
البنادم لو اكلّه في حياته كم مطب =ما هو بعيب المطب العيب حلمه يدفنه
لن بغيت اظرب مثال اقول عنقود العنب = ينوكل حبه ورى حبه ولا يشبع منه
احد يفهم بأهون الأسباب وأحدٍ بالتعب = المهم إن الوجع يكشف ويعرف مكمنه
اعترف ان البنادم في حياته في نشب = بين صرخات التطور في جميع الأمكنه
ما يقارن وقتنا الحالي بوقت أبو لهب = عاشوا الأعراب والطيّب يبين معدنه
لا إذاعة لا فضائيات مع شح الكتب = تنتشر أخبارهم على ظهور الأحصنه
القدر خلا النحاس أصفر مثل لون الذهب = الأكيد إن الذهب يفرق بزينه وثمنه
الفصاحة هي أساس الشعر عنوان الأدب = من ملكها يعتبر شعره مهيمٍ هيمنه
ما أقول إني ملكة الشعر كلّه ياعرب = لو فرضنا الشعر عشر سنين أنا فأول سنه

[عادل العصيمي]

أدري إني كنت جافي والجفى ماهو بمني = الظروف أحيان تمنعني أجي يمّك وأشوفك

[عادل العصيمي]

استبحة الطرف الأكحل باقي القلب العنيد = يمكن إن القلب قاسي بنتظر حتى يلين

[عادل العصيمي]

القدر سيفه على كل الرقاب = والبشر من تحت سيفه تنحني

[عادل العصيمي]

أصعب الأوقات للعاشقين الإنتظار = الثواني رغم سرعتها صرت أعدها

[عادل العصيمي]

البارحه هاجوس فكري ياعلي = خيّم على راسي وعيّا ينجلي
يسكب سحابه مثل همال المطر = فكري من اسبابه يغيض ويمتلي

[عادل العصيمي]

أحيان ياخذني الأمل الى حدود المستحيل = وأضحك على نفسي ويأتيني من أفكاري مدد
وأحلم على قدر الأمل وأعيش فالحلم الجميل = وأدخل بجو الحلم وأستانس ولا عندي أحد
وأقوم أغني والأماني تجتمع مثل المخيل = وأبني طموحاتي على سقف التمني بلا عدد
وأسمع صهيل أحلامي بصدري ويزداد الصهيل = وأرسم على كشكول فكري حلمٍ بعيد ألأمد
واضرب عناق الهم بأحلامٍ كما السيف الصقيل = وأزرع بقلبي وردة النرجس تكون أله السند
وأروي ضماها لين يصبح عطرها يبري العليل = تكبر وتنثر عطرها في داخلي إلا الأبد
حلمي مثل وقت الفجر هادي ونسناسه عليل = حلمي مثل وجه القمر ابيض ولا به عيب أبد
حلمي من الظلمى يعاني كنّه ريال البخيل = حلمي تعب في داخلي يشكي من أسباب الكبد
حلمي أسير بكبريائه ما هو بحلم الذليل = حلمي على الفطرة ترعرع ما عرف درب الحسد
اليوم أبا أعلن انطلاقة رحلتي فالألف ميل = أبا أتكل بالله ومن دوّر على العليا وجد

[عادل العصيمي]

كل ما فرمتّ فكري شفت طيفه فالمنام = ثم رجع فكري مثل ما كان قبل الفرمته
صرت حاير كيف اسوي فاستعادة النظام = كيف أبا أمحي ذاكرة توجد عليها بصمته
كل ما فرمتّ ذاكرتي يجي ( كلّش تمام ) = وأكتشف أن البرامج ما تفرمت بسمته

[عادل العصيمي]

اشتاق لك وأرجع أدور لي عذر = حتى ولو كان العذر مشتاق لك

[عادل العصيمي]

على الهون ياللي .تعرف التغلي = أبد لا تغلا . تراك انت غالي
ليا رحت عنا .نكفنا لهلنا = ورحنا وطنا . تراك انت غالي
تجمع جموعك . وتنخا ربوعك = وتحبس دموعك . تراك انت غالي

[عادل العصيمي]

تذكرتها وأبطى ضميري يوني = الا واعذابك ياضمير المعنا

[عادل العصيمي]

ويش اسوي دام أنا طبعي خجول = مالي الا اكتم شعوري داخلي

[عادل العصيمي]

أول أفكر فيك في بعض الأحيان = واليوم ؟ طول اليوم وأنته على البال

[عادل العصيمي]

الفكر تايه والمشاعر محابيس = والقلب يغلي فوق نار المحبة

[عادل العصيمي]

هو صحيح أن الهوى عسر الدروب = والله اني ما دريت الا أولا

[عادل العصيمي]

قلبي حكالك قصته والقلب مفتاح الحياه = ياللي حياتي في غيابه ضايعٍ مفتاحها
اليوم انا غارق بحبك وانتظر طوق النجاه = وش لون تتركني بغبة ماني بسباحها
مشاعري ضاعت بعد غيبتك ياعذب الشفاه = سرحتها من داخلي واقفت على مسراحها
خليتني مشغول فكري حايرٍ كيف السواه= حتى طموحاتي بدت ترفع عليّ سلاحها
وين أنت يادرب الفرح تعبت من درب الشقاه = نفسي تصيح ولا لقت منهو يرد صياحها
تبي تشوقني . أنا مشتاق يامال الغناه = انشد مكاتيبك انا مدمن على فوّاحها
في ذمتي لو ما احبس دموعي عن عيون الوشاه = يمدي عواذيلي لها مدة تقيم أفراحها
أرجع وريحني مادام القلب يعلن لك ولاه = والروح منصاعة بعد جيش الغرام اجتاحها

[عادل العصيمي]

ينطفئ كل شيءٍ بقدومك


الا نورك


يضل مشرقاً رغم همومك


يامن سكنتي برجك العاجي


وشرياني التاجي


لن الوم الزمان ولن الومك


اعلمي اني اتغذى بنورك


واغرق في بحورك


ولا يسعني صد هجومك


انا سعيد رغم صوابي


ورغم عذابي


وسأظل اراقب نجومك


اسمحي لي آنستي


آنستي


آنستي طاب يومك





/

[عادل العصيمي]

أخيل براق الهواء من مدّه = عسى الورود الظامية يسقيها

[عادل العصيمي]

يانجد وانا اخوك انا ظلع الحجاز = ظلع الحجاز اللي بغرب المملكه
بين الظلوع اونست رجه واهتزاز = والقلب من شوقه ما غير اله حركه
يفز فز اللي على عشرين فاز = شيٍ يهفه للرياض ومصمكه
اما تجي يمي وادورلك ملاز = والا نجي يمك وجيرتك بركه
قربك عزاز وقربنا كلّه عزاز = وانا العزيز اليا لقيته ما اتركه
الاصل فيني وانت فيك الإمتياز = والطيب فيك وفيني الجود املكه
الله خلقك تكون نقطه وإرتكاز = وأدركت شيٍ محد قبلك يدركه
كلٍ يحوز وكل منا حاز حاز = اصبح صباح الخير والليل اهلكه
ما بيني وبيك حدود ولا جواز = من يوم اخو نوره سطع نجم فلكه
لمّ الشتات وفاز في مسعاه فاز = من يذكر الله يسر الله مسلكه

[عادل العصيمي]

قصيدة


نجد والحجاز


اضغـــــط (http://www.tntup.com/audio/view.php?play=12e541567d91b4c3c1785bd1b5920600)

[عادل العصيمي]

صوتـــــــــــــــــــــــية


اضغط هنــا (http://www.tntup.com/audio/view.php?play=3cc251359d1a63c2656bba90b15738e3)



يالله ياربي ورب الناس والكون الوسيع = طالبك تهديني بهديك للسراط المستقيم
خلقتني عبدك على عهدك ومؤمن بك واطيع = اقراء كتابك وأتّبع سنّة نبيك ياعليم
وأجعلني من اللي رسول الله يقف عنهم شفيع = يتشفعك تغفر لهم من كربة اليوم العظيم
في يوم تترك كل مرضع خلفها الطفل الرضيع = في يوم يبعث من بقبره لوعظامه من رميم
في يوم يحشر كل خلق الله فالمحشر جميع = في يوم تشخص فيه الأبصار اللهم يارحيم
في يوم كلٍ ياخذ كتابه وفعله ما يضيع = في يوم تسئل كل نفسٍ عن جديد وعن قديم
انت الاله الواحد القهار والفرد السميع = راجيك ياسامع دبيب النمل فالليل العتيم
اغفر ذنوبي لا تحمّلني بمالا استطيع = وادخلني الجنة وبعّدني عن النار الجحيم

[عادل العصيمي]

على آخر صدى صوته أعيش الحاضر المجهول = افكر فالزمان اللي علينا كشّر أنيابه

[عادل العصيمي]

ياللي تعذبني ترا قلبي ماهو ناقص عذاب = تبي تعالج له جروحه يالغضي وتزيدها
اصك باب وينفتح فالقلب لك خمسين باب = سبايبك كل المشاعر تشتكي من قيدها

[عادل العصيمي]

تلاقت لهفة أشواقي . بقوة نعمة النسيان = وثارة معركة في داخلي وانتصرت أشواقي

[عادل العصيمي]

أسابق الخطوة ولا أحسب للحسود أية حساب = أطلق عنان المرجلة للطيّبة وأسعالها
أفرد جناحي للفضى وأرقى على هام السحاب = وأروي خيالي من هجوسٍ ما تجف حبالها

[عادل العصيمي]

http://up.damasgate.com/files/xx6t26ye2lq53uko5ghj.jpg (http://up.damasgate.com/)

الشامخ اللي في شموخه معتلي روس الجبال = يرقى على صمّ الجبال الشامخة ما هابها
لو كان شاور قبلها قالوا هذا شيٍ محال = وأرخوا عزومه لين خلوها تشم ترابها
قوّ العزيمه والطموح تطول شيٍ ما يطال = بعض النصايح ما تسرّ ولا تفيد اصحابها
حتى ولو قالوا . قبل تشرى النصايح بالريال = هذي سوالف خلّها و لا تحسب حسابها
هذا قبل . في وقتنا الماضي ولا فيها جدال = يوم البيوت مشرعّة ولا تصك أبوابها
تلقى الجواب اللي تبي قدّام تنطق بالسؤال = ناسٍ فهيمه فالحياة ولا أختلط مشرابها
اليوم كل ٍ ينصح ولو كان في راسة خبال = يبدي بها حتى ولو ما جالها طلاّبها
هذي حقيقه حاصلة في وقتنا ولا تزال = بعض الظواهر تنتشر ولا نعرف أسبابها
الشامخ اللي يستغل الفرصة ان جاله مجال = يفرد جناحه للسماء ويكون ضمن اسرابها

[عادل العصيمي]

دنيا عنيدة والحلا بعنادها = ياحلوها اللقمة لياجت بالتعب

[عادل العصيمي]

كل يوم أكتشفلي فيك حاجة جديدة = قلبك كتاب يشبه ألف ليلة وليلة

[عادل العصيمي]

دام الخطا منك ماني قايلله خطا = فعلك خطا . مير في عين الهواوي صواب

[عادل العصيمي]

قدرك على راسي يابعد راسي = انت الوحيد اللي عرف مكانه
لو طالت الأيام ماني ناسي = أطيب وأعذب قلب في زمانه

[عادل العصيمي]

الصراحة . كان ودك بالصراحة


هي ترا للقلب راحة ,, لو تبي تكثر جراحة


أجرحك وأكون صادق ... أو أجامل بالكذب


لا وربي .. الصراحة ذوقها مرّة .. ولا سكّر وقاحة


أجرحك ما هو لأني أكرهك .. او لأني ما أحبك


الصراحة طبع فيني ما أكبه


الصراحة من علامات المحبة


مو غريبه ؟ :)


جيت أبيّن شي فيك .. ولا دريت // إني أعلن شي عنّه ما دريت

[عادل العصيمي]

http://www.cars-club.com/up/8-2-1/carsclub_37334894.jpg

أصارع الأمواج فالبحر الغزير= والريح يوم الله أراد معاكسه
يافزعة الله لا بشير ولا نذير = ساري لحالي والليالي دامسه
لا يابحر لا تقتل الحلم الصغير = تكفيني سنين الزمان العابسه
تعبت مجاديفي ما غير ألها زفير = مدري متى عيني تشوف اليابسه
ياطير ياللي للسماء تبغى تطير = ودك جناحك للسحاب تلامسه
مدري يصير مناك والا ما يصير = ما دام همي كل ثوبٍ لابسه
لن ضاقت دروبي بصلّي واستخير = والحّ لين الدمع يتعب حابسه
واللي تيسرلي من المعبود خير = لن كان بيت الشعر . ابا العن خامسه
ماني مفكر في صغير وفي كبير = الحق لأهل الحق ماني باخسه
ماهمني لو كان ممشايه عسير = ممشي بدرب الا وفكري دارسه
حقي ولا لي به طليب ولا خشير = الشكر للي في ضميري غارسه

[عادل العصيمي]

ليا منك بغيت تروح بالله لا توادعني = انا ما اقدر على لحظة وداع القلب خلانه

[عادل العصيمي]

قصيدة لا يااااابحر


صوتية


هــــــنــــــــــــا (http://www.tntup.com/audio/view.php?play=af3f6d349ea7146196fc0974f9467d8d)

[عادل العصيمي]

تصدق كل ما تطري على بالي يثور إحساس = أنا مقدر أوصّف . مير أحاول أشرح إحساسي
أذا لامست سلك بسلك ذا كهرب وهذا ماس = هذا نفس الشعور اللي يجيني . كنّه الماسي

[عادل العصيمي]

http://www.cars-club.com/up/8-2-1/carsclub_87700538.jpg

البرد يعصف بالشفا = والنار مافيها وفا

ياهل ترى ياصاحبي = تكرم عليه بالدفا

[عادل العصيمي]

ياما بنيت أحلام وتعوّد أوهام = لكنّ مثلك حلم أنا ما بنيته
أنت أكبر من الحلم وأضغاث الأحلام = أنت السحاب الصادق اللي هقيته

[عادل العصيمي]

مفتااااااااااااح الح ـــــيااااااااااااة


صوتية


here (http://www.tntup.com/audio/view.php?play=ead1a9018290ada7f0bfac4b42de510c)

[عادل العصيمي]

قصيدة ( دستووووور )


للإستماع


هنـــــــــا (http://www.tntup.com/audio/view.php?play=316667fe0a23f8e1913e3371b0fd2b3e)

[عادل العصيمي]

كل مطرود ملحوق



اضغط



هنــــــــــــا (http://www.tntup.com/audio/view.php?play=ba19c3f9d248cace42bba7f4db4af19a)

[عادل العصيمي]

علمتني ياصاحبي معنى الكتابة والحروف = علمتني وشلون اخط الحبر من فوق الورق

علمتني أن القلم يضرب كما ضرب السيوف = فالحالتين يصيب قلب الخصم لآمنه زرق

علمتني كيف الرسايل تندرج وسط الظروف = علمتني وشلون اخيل البرق لو هو ما برق

[عادل العصيمي]

تعبت ما عاد فيني حيل = سيوف الأيام قطاعة
تجمعت مثل ظلع هذيل = هموم . وهموم فزاعة
لن جيت ابا احصي عددها . سيل = أكثر من اللي قبل ساعة
تكثر . وتكثر ليا جاء الليل = ويصيب قلبي كما الراعة

[عادل العصيمي]

ليتك تعلمني وش اللي مزعّلك = ياللي دموعك في العيون تحبسها

[عادل العصيمي]

لا تعذر وانت ما عمرك قسيت = القسى ياصل لحدّك ثم يلين

[عادل العصيمي]

تصدق ! طيفك البارح مصحيني بنص الليل = وعشت أحلا وأجمل واعذب اللحظات في عمري
مواعدني يجيني كل ليله مع طلوع سهيل = انا شفني من الفرحه بروح أنام من بدري

[عادل العصيمي]

المشكلة . تدري أنا وش كثر مغليك = والمشكلة قلبي تعلق في حبالك

[عادل العصيمي]

ياللي تبسّم لي وأشوف الحزن بعيونك = واقول ليش الحزن وتقول . أنت من جدك !
ابا أسألك سؤال جاوبني وممنونك =وش جاب كحل عيونك الحلوة على خدك

[عادل العصيمي]

ياطير وصلّي سلام وتحيات = للصاحب اللي عندي أغلى من الناس

[عادل العصيمي]

ما يغث القلب غير الجاهل المتعلم = تحسبه فاهم ولن دار النقاش تعافه
ولا يحز النفس غير الصاحب المتكلم = يسرق النظره وهو ملابسه شفافه

[عادل العصيمي]

جيت ابا اشاورك والدنيا مشورة = رحت عن عيني بسرعة واختفيت

[عادل العصيمي]

بسم الله الرحمن الرحيم



طريق النجاح

http://www.tntup.com/audio/audio/6b06e5c771527ae15a99e1e52db4e931/طريق%20النجاح.mp3




اغرس الشجرة وواظب بالسقاية = كل شي بهالزمن صعب البداية
طعّم أحلامك بشيء من العزيمة = وأترك الباقي لخالق كل آية
وأغنم الفرصة مادامك في شبابك = لن تعبت أتعب وريّح فالنهاية
أجتهد وأصبر وفكر في حياتك = الكتابة ما تجي قبل القراية
النجاح اللي يجي باهون وسيلة = مثل طفلك يوم تعطيه اللهاية
تفرحة لكن بعد فترة بسيطة = يطفش ويرجع على نفس الحكاية
من تعب في شي لا بدّه يصونه = ما يفرط به ويوليه العناية
أحتزم بالصبر تجتاز الصعايب = وأعرف أن الأمر يؤخذ بالدراية
أرسم الخطّة وواصل في مسيرك = وأطلق أقدامك على درب الهداية
حقق أحلامك ولو كانت بعيدة = وانقش أسمك وأرفعه في كل راية
كل غاية فالزمان الها وسيلة = والوسيلة ما تجي من دون غاية

[عادل العصيمي]

هزّي غصون الشوق وأجني ثماره = وأروي عروق القلب لن جاك ظامي

[عادل العصيمي]

اليوم عيد وكل الأحباب مجتمعه = واللي بقلبه حاجة العيد يمحاها

[عادل العصيمي]

العيد محتاجك تكمّل معانيه = وتروّض احزان الليال القديمة

[عادل العصيمي]

ياصاحبي ياللي من العام زعلان = مني وأنا ما جاك مني خطيّة
تراك غالي قدر عندي ولك شان=نفسي من اللي في ضميرك بريّه

[عادل العصيمي]

شدني موج البحر والجو هادي = النسيم يهب والموجة خجولة

[عادل العصيمي]

قولوله اني صرت متولعٍ فيه = حرام يترك صاحبلّه مولّع
أصبح على طاريه وأمسي بطاريه = والقلب من فرقى وليفه تشلّع

[عادل العصيمي]

ما يشب النار من عاش بعتم = ولا طفت نار الكريم ابن الكريم
والخطا ماله عذر بعد الندم = الندم يقبل من القلب السليم
الله اللي يخلق الشي من عدم = غير هذا عدّه الله بالغشيم

[عادل العصيمي]

تبطي وأنا ما أبطي ولا عندي بطا = لولا البطا ما أبطيت عنا يابطي

[عادل العصيمي]

شابت عيون الصباح ولا بقي غير المساء = والمساء طفلٍ صغير وفي يدينه مرضعة
يلتفت يميّ ويضحك . يااااعسى بليس يخسا = بنتظر حتى تمر ابه الفصول الأربعة

[عادل العصيمي]

كوكتيل قصائد


http://www.tntup.com/audio/audio/a2421a78857ee2c09960472290ad519e/كوكتيل%20قصايد.mp3



اذا ما اشتغل

اضغط هنـــا (http://www.tntup.com/audio/view.php?play=a2421a78857ee2c09960472290ad519e)

[عادل العصيمي]

اخطيت في تقدير بعض المواضيع = مير الخطاء ماهو خطاء لن تصلّح
أشري من الحسرات والهمّ وآبيع = نسيت قبل المعركة لا آتسلّح

[عادل العصيمي]

تعال صبّ الماء على جمرة الشوق = لا تاكل أحلام السنين بلهبها

[عادل العصيمي]

http://www.tntup.com/audio/audio/e41d6e3d2716c9190659608c3c421feb/فنجال.mp3


أو اضغــط هنــــا (http://www.tntup.com/audio/view.php?play=e41d6e3d2716c9190659608c3c421feb)





في نخبة النخبة تساق التباشير = ياربعي العتبان وين البشاره
في فيّة الميّة للأبل المغاتير = فنجال حقق غايته وانتصاره
المركز الأول بكل المعايير = كمّل وجمّل وأستحق الصداره
منقيةٍ تسوى الذهب والدنانير = من ساقها ما هو بويّا الخساره
ما تفرق أم حوارها والمعاشير = الجبر فيها مستوي في عياره
لن طبت الميدان جاتك طوابير = مثل البرد بيضٍ وفيها نظاره
نوادرٍ ما من وراها مخاسير = تستاهل اللي لجلها شبّ ناره
مبروك يافنجال تستاهل الخير = واللي سعى للطيب يقطف ثماره
تستاهل الناموس وبكل تقدير = فوزك يشرفنا ونرفع شعاره
الفوز لك وأسمك علا فالمنابير = فنجال بن سلطان فاز بجداره

[عادل العصيمي]

غالي وتبقى طول الأيام غالي = لو كان قلبك قاسيٍ بعض الأوقات

[عادل العصيمي]

ما هو بكيفك تسرق القلب وتروح = ردّ الأمانة لي وبعدين روّح
صحيح أحبك وأنت لي مهجت الروح = لكنّ قلبي معك دمه يفوّح

[عادل العصيمي]

شبيت نارك في حشاي وتدفيت ؟ = لن جيت ساري يالغضي طفّ نارك

[عادل العصيمي]

الحمد لله ربعنا شرفونا = اللي لهم في موقف الطيب عادة

[عادل العصيمي]

آآآه منّك يالصغيّر آآآه منّك = الحلا والزين . مير القلب قاسي
كل ما قربت منك . أبعدت عنّك = ليه ودّك يالغضي تقتل حماسي

[عادل العصيمي]

بسم الله الرحمن الرحيم




http://www.tntup.com/audio/audio/31ea730c783c1a10ec5b27744177642c/ازعل%20على%20كيفك%20بن%20عجلان.mp3


تحميـــلـــ (http://www.tntup.com/audio/view.php?play=31ea730c783c1a10ec5b27744177642c)




أزعل على كيفك ولاني مراضيك = ما صرت أفرّق بين زعلك ورضاك
خلّك كذا تزعل وترضى تماتيك = ماني بعايشلك على كيف دنياك
هوّنت أنا من يوم هذي مباديك = النفس طابت منك ما عاد تبغاك
منته مهنيني ولا ني مهنيك = ماني مضيّع باقي العمر ويّاك
دوّر طريق بعيد عني يوديك = روّح وتلقى بالهناديب شرواك
تلقى غريب أطوار مثلك يهاويك = الله يعين اللي تودّه ويهواك
والله يعوّض قلب من كان يغليك = ويسوقله منهو يخليه ينساك
جعل السحاب اللي معه سيل قافيك = يسقي ديارٍ ما أرتوت بعد ماطاك
ما عاد أبي شوفك ولا أسمع بطاريك = أحس كبدي تنقلب عند طرياك
يافاقد الإحساس بانت مواريك = ماني بذارف دمعتي عند ذكراك
أندم على وقتٍ مضى كنت معطيك = قلبي ولا به شي فالقلب يخفاك
اليوم زال اللي بعيني محليك = ما عاد باقي بالصدر غير شلفاك
خذها وروّح لا تقرب مماشيك = لا شوف زولك جاي وتسحّب خطاك

[عادل العصيمي]

كل السوالف تفتخربك وتزهاك = بين الظلوع العوج خابر مكانك
جعل البلاوي ما تمسك .. تعداك = لو جارت الأيام مرفوع شانك

[عادل العصيمي]

يامرحبا باللي له القلب مشتاق= لولا الغلا والحب ما هزّه الشوق

[عادل العصيمي]

راع الجفا خلّه وحذرا ترجاه = لو صحتله بالصوت ما يسمع الصوت
لو كنت غالي عنده أوحى المناداه = وأهل الهواء فالعشق ما تروح الموت

[عادل العصيمي]

ياطيب طيبك طاب طيبك على الطيب = طبطب عليّ بطيب من طيب طيبك

[عادل العصيمي]

حتى منامي ما اهتنيت بمنامي = وأنته مخدتك الحرير اشتكت منك

[عادل العصيمي]

أزعل على كل البشر . والا الغضي ما ازعل عليه = أدري بقلبه ما يشيل الا العفاف بداخله

[عادل العصيمي]

القلب يسألني ولا أدري ويش اقول = ضاعت من أفكاري جميع الأجوبة

[عادل العصيمي]

http://www.cars-club.com/up/8-2-1/carsclub_54685841.jpg

[عادل العصيمي]

الليل والقمراء وبرد الشتاء القاسي = والفكر والهاجوس كثرة سحايبها
ياكثر ما تفتر الأفكار في راسي = آخذ بعضها وابتعد عن نشايبها
اجمع حطب واشب ناري بمقباسي = وأردم حطبها لين تكبر لهايبها

[عادل العصيمي]

ياما حلا ذيك الليالي والأيام = قلبي تذكرها وجرّ الحسايف

[عادل العصيمي]

ياليل سلملي على صاحبي حيل = اللي على شوفه نسوق البشاير

[عادل العصيمي]

بسم الله الرحمن الرحيم




http://www.tntup.com/audio/audio/61d4488f23424ecb3dab7a1380eb8a52/بن%20عجلان%20يموت%20الشوق.mp3


للتحميــلــ (http://www.otaiby.com/inf/voices.php?action=show&id=101)




يموت الشوق في قلب الهواوي = ويصبح قلبه من الشوق خاوي
اذا كانت جروح القلب تنزف = وعينه ترتجي شوف المداوي
ولكنّ المداوي صك بابه = وخلا صاحبه يلويه لاوي
تخلا عنه في وقت الشدايد = ولا فادت معه كل الشكاوي
وصار القلب يجفل من همومه = وهمّه ذيب جوف الصدر عاوي
أكيد يموت شوقه ما تحرّى = خويٍ بالدوى ماهو بناوي
لكنّ الشوق في قلبي مغاير = على قسوة فصول الحب قاوي
انا شوقي تغذيه الأماني = وطيفٍ مع مطيح الشمس ضاوي
انا شوقي يزيد بكل ليلة = واحاسيسي ما غير الها عزاوي
ولا يمكن يموت الشوق فيني = وقلبي بالهوى والحب راوي
سحابة صاحبي يمطر مطرها = قراح أحلا من العد الرهاوي
يعيش الشوق في قلبي ويحيى = ولو مات الهوى ماني بهاوي

[عادل العصيمي]

شي يقهر ما حصل في غزة = البشر تقتل وتدفن فيها
التخاذل ما يجيب العزة = والشجاعة ضيعت راعيها

[عادل العصيمي]

افتقدتك قلت اجيك أسأل عليك = ياسبب جرحي ويابلسم جروحي

[عادل العصيمي]

حظي أقشر ياهلي ! مدري هذه من حظها = كل ما جيت أمسح دموعي مسحت دموعها

[عادل العصيمي]

اجهل الأسباب فيما صار واللي قد جرى = الإجابة تقفل أبواب العتب والأسئلة
السحابة ودّها تمطر ولا تلقى ثرى = الثرى مامن ثرى يوم السحابة مذهلة
العيون اللي عليها الكحل في عيني ترى = بالهدب تطفي لهيب القلب مدري تشعله
الزمن هذا كفيل يعلم اللي ما درى = والليالي تكشف أسرار القلوب المقفلة
يازمن ماني لحالي كلنا فيه خشرى = من يحل المشكلة يامن يحل المشكلة

[عادل العصيمي]

يكفي ألم يكفي حزن يكفي بكى يكفي دموع = يكفي حكي نبغى فعل يكفي كلام بلا طعم
أطفال غزة مزقوا تحت المدافع والدروع = الوضع محتاج الدواء ما هو مسكّن للألم
الله وأكبر كيف عشرة عادلة ناس وجموع = وش لون تكتب هذي الأرقام وبأيت قلم
الحل يوجد ياعرب بين التشهد والركوع =ماهو صحيح اللي حصل والدين سيفه ما انثلم

[عادل العصيمي]

أدري أنّك تشعر أنّي أشعر أنّك شي مهم = والحقيقه أنّي أشعـر أنّك أسوء من رأيت