هواجيســـــــــي

[عادل العصيمي]

بثوب جديد



http://www.snnam.com/upload/uploads/files/snnam-ab96bb2ede.mp3


,

[عادل العصيمي]

سلم لي على ذيك الليالي والأيام = عوضها ياجعله فالليال القريبة

[عادل العصيمي]

ما هي بصوبك لكن أعرفك شكاك = ياكثر ما شكيت في زرّ ثوبك

[عادل العصيمي]

قدام تكثر علومك يارفيع القدر = السالفة كل ابوها ما لك ومالها
تخيل برقٍ سرى يبرق يسار الحفر = يابعد وسط السعودية عن شمالها
ما يحملك تستعين بزيد والا عمر = وتخاشر الناس يبن الناس في مالها
أبا ألتمس لك عذر لن كان باقي عذر = والله يحاسب جميع الناس بأعمالها

[عادل العصيمي]

الغدر واحد لكن أسواء غدر طعنات الظهر = لو فيه للخاين دواء طعن الظهر ما له دواء

[عادل العصيمي]

ياضبي لا تجفل عليك الله وأمانه ياضبـي= من شاف عينك فكر وشاور وخاير وأستخار

[عادل العصيمي]

دنياك ما تسوى المعاصي والآثام = لمحة بصر بين الشباب ومشيبة

[عادل العصيمي]

وش حدّ بعض الناس يخطي على الناس = غير أن بعض الناس ما هو بصاحي
ذهنه صغير وخاشره فيه وسواس = ياجعل بعض الناس يمحاه ماحي

[عادل العصيمي]

شيلة هنــــا (http://www.otaiby.com/inf/voices.php?action=show&id=199)



يابنت أنا خابرٍ ودّك على ودّي = والودّ ودي أحفظ الودّ وآصونه
لكنّ وقتي صعيب وواقفٍ ضدّي = يداحم الحظ لين يكسر متونه
أشوفك ونفسي أعانقك وآهدي = اذا ذكرت الزمان وكثرة طعونه
خلاني الوقت اذا من شفتك أصدي = وأنا عيوني تفيض بكل مكنونه
ما ودّي أظلمك في دنياك ما ودّي = وش ذنب الأشواق فيك تعيش مسجونه
أبكي فراقك وأنا خدي على يدي = بعت الفرح بالشقى والحزن عربونه
رضيت بعدك وأنا يابنت منحدي = ضحيت لجلك وروحي معك مرهونه
ضحيت بالحب لجل الحب والودي = والودّ ودي أحفظ الود وآصونه

[عادل العصيمي]

تطل بوجهك الثاني تبيني أغفر الزلاّت = واذا سامحتك بزلّه تطل بوجهك الثاني

[عادل العصيمي]

عادي تروح أو ما تروح الوضع عادي = ما أنته بلا مكسب ولا أنته بالخسارة

[عادل العصيمي]

,


http://www.snnam.com/upload/uploads/files/snnam-58457e8691.mp3

[عادل العصيمي]

هو صحيح ان كل واحد له ظروفه = منت لاقي شخص ما عنده ظروف
وأكثر الأحيان للناس معروفه = ماش ظرف اليوم ما هو بمعروف
من زمانه قام يجلاه ويحوفه = لا تلومه والزمن صعب ويحوف
ولن بغيت الصدق ما فيها حسوفه = مرحلة عدّة وأنا ما ني حسوف
لا متى والشعر نجمع في حروفه = كل ما نجمع تزيد بنا الحروف
الثمر يانع وفي موسم قطوفه = يضمر من الشمس ما جاه القطوف
والعرب كلٍ يكرم في ضيوفه = من يفك الباب يلفونه ضيوف
المعزب لازم تحبحب كتوفه = كان ودك ترتفع فوق الكتوف
يوم كلٍ قام يجمع في صفوفه = فيه ناس تحب تفريق الصفوف
ترفع الطايح وتملاله كفوفه = والوفي ينهر ويصفع بالكفوف
واقع ولا هو بنا اللي بس أشوفه = كل خلق الله بعد مثلي تشوف
جيش كامل في الفلا تبرق سيوفه = لو حسبناها مغار أربع سيوف

[عادل العصيمي]

http://www.viafy.com/uploads/a32ec84528.gif (http://www.viafy.com)



شيلــــة (http://www.otaiby.com/inf/voices.php?action=show&id=200)




هذا فراق وحل بيني وبينك = لا تسأليني ليه يابنت الأجواد
حظوظنا ما تجتمع شوف عينك = من يجمع الحظين اذا كانو بعاد
عيا البخت لا عاد تتعب يدينك = ياكثر ما حاولت لكنّ ما فاد
مكتوب أعيش العمر وأذكر سنينك = وآحن لك وأشتاق في كل ميعاد
أشتاق لعيونك وطلّة جبينك = وأفكاري تسافر من بلاد لبلاد
أهيم في عالمك واصبح رهينك = رهين ومحرّم علي لقمة الزاد
يا ما حلمت تكون من راحتينك = ويا ما تمنيتك للأفراح ميلاد
وياما حلمت أكون فارس حنينك = ويا ما ويا ما لكن الوقت ما جاد
الله يعين القلب والله يعينك = والله يعين اللي يبا يعيش نشّاد
بنشد عن أخبارك وأبا أقول وينك = وأطلب من الله صوبك الحظ ينقاد

[عادل العصيمي]

مساء الخير


http://www.snnam.net/upload/uploads/files/snnam-25c5e3fb07.mp3



الوقت يقسى بعض الأحيان ويجور = ويضيق لين النفس تاصل مداها
ويضيق منه صدور ويفجر صدور = وصدور يكشفها ويبحث خفاها
ما جور ياللي عشت فالوقت ماجور = من غير خوّة تلتوي في ذراها
خوّة نشامى ساعة اللازم تفور = يقلب موازين الليالي نباها
ميقاف فزعتها مثل طلعت النور = يشوش راسك يوم تلقى وفاها
ما يلحقك من وقتك الجاير قصور = تزيح عن كبدك مواري غثاها
تفرح ليا شافتك رايق ومسرور = وتضيق لو نفسك تبين عناها
ما هي بخوّه فالمواقيف ديكور = وقت اللوازم خاب من هو رجاها
معذور لو بان الوجع فيك معذور = نفسك توجّع وأنت تعرف دواها
دوّر على اللي بالمواقيف مذكور= اللي ليا من قال كلمة حماها


,

[عادل العصيمي]

الله يمسيكم بالخير


بويتات أرجوا أن تنال اعجابكم


http://www.snnam.com/upload/uploads/files/snnam-0f46fbfe21.mp3




الوله فالقلب رعاده يدني = صوب من شفّه يناسب دوم شفي
أشغل بزينه ضميرٍ مستكني = وأشتعل قلبي وعيّا لا يطفي
كل ما مديت كفي راح عني = لين خفت من البعاد أمد كفي
أمتلت عيني وفاضت بالتمني = من زمان العام عيني له ترفّي
كل ما ظنيت يطلع حسب ظني = ما لقيت الا عفيفٍ مستعفي
يعرف أني أعرف أنه يعرف أني = حافظٍ حبه وقلبي له يظفي
من غلاته قمت أهوجس له وأغني = والقوافي في وصوفه ما توفي

[عادل العصيمي]

آآهٍ على آهات نفسٍ صبورة = عليك ياللي ما توفيك آهات
لو جرّة الآهات نفسي معذورة = تضاعفة بيني وبينك مسافات

[عادل العصيمي]

جيت الرياض وفز قلبي من الشوق = والشوق صحى ذكرياتٍ قديمة

[عادل العصيمي]

ياللي لبست الثوب الأحمر والجكيت = دمعتك منها كل هـ العالم سكت
ياصاحبي ما تعرف أنك لو بكيت = كل العيون اللي تناظر لك بكت
وش مشغلك حتى على أوراقك شكيت = لين الدفاتر من أحاسيسك شكت
ليتك قبل لا ينهمر دمعك حكيت = ما ودي أن عيونك النجلا حكت
تعال فضفض لي همومك كيت كيت = النفس من دمعك على الطيب مسكت
لو ما ني بقدّ المهمة ما أرتكيت = الروح لو تجزع من الهم بركت
صاحبك ما يجهل أصول الأيتيكيت = ياكم دموع بروح صاحبها فتكت

[عادل العصيمي]

تذكرتك ولا أدري ليه لكني تذكرتك = من أول ما مشينا وأنت يالغالي على بالي
وصلنا وأبتدا هاجوس فكري يلعب بكرتك = رسم لي صورتك ياكثر ما زولك تهيالي

[عادل العصيمي]

غابت ولا بعد الغياب الا السهر والململة
................ وأنفاس ضيقة حايرة صوت الحنين باُفها

[عادل العصيمي]

عزي لمن يشكي مع الليل همه = همه كبير ولن تغشاه معذور
لن هلّة دموعه مسحها بكمه = يتيم وجناحة مع الناس مكسور

[عادل العصيمي]

اشكيك والا اشكي زمانٍ يطريك = والا اشتكي قلبٍ يدوّر لطرياك
أسوي أني ما ني بحيل هاويك = وأنا متيم فيك من كثر ما أهواك

[عادل العصيمي]

:11:




الصيف حل وكل عام يحل صيف = اجهّز شناطي وهو ما قد بدا
وأحتار بين البندقية أو جنيف = واذا طرت باريس . لا والله بدا
التمشية فيها على هاك الرصيف = فالشانزلزيه الليل يغدي سرمدا
الماء والخضار والجنس اللطيف = تمش واستانس ولا عندك حدا
واذا تبون الصدق قد حل الخريف = وأنا هنا حدي ظلاعين الهدا

[عادل العصيمي]

ما عاد فيني خلق ياراع اللثام


....................... ما عاد فيني خلق لو جالي مجال


مرات تبدي لي على أحسن ما يرام


....................... ومرات تصدمني بكثر الأحتيال


يابنت . مدري آنسة . مدري مدام


....................... حبك بدا . واليوم قرّب للزوال

[عادل العصيمي]

لو أفترضنا أن الكلام اللي تقولونه صحيح
......................وش رايكم في حلّ يرضينا ويرضيكم سوا
البارحة سمعت شيخ يقول بلسانٍ فصيح
.................... من باب تيسير الأمور وقفل بيبان الغــوا
يجوز للمزيون أنه عند عوده يستريح
........................ وأبو شنب يجوز له يقلط اذا منّه نــوا
واذا مع الأيام صار الوضع لا والله مليح
........................ مال للبعير الا يشيل الحمل كان أنه قوا
كلام شيخٍ ما ظهر للناس بالوجه القبيح
........................ اذا تكلم كلمتــه علــــى ضمايرنـــا دوا
الله وأكبر يازمن صار الشجن مثل النبيح
.................... الكل ينصت مع نبيح الكلب لا منـه عـــوا




تكرمون

[عادل العصيمي]

ياصاحبي هات عنوانك
................حي الشفا والا فالبطحا
عشان لن جيت من شانك
.............. اقول من شاف لي شقحا

[عادل العصيمي]

سلام ردية وفاء لأهــل الوفـاء وأهـــل المحـــلا
....................سلام ياهل الحلــة اللــي نــورها شــع وتجـــلا
سلام ياهل العرف واهل الطيب والعلـم الأجــلاء
....................والنــاس تاخـــذ باليميــن ولا تمــد الا اليميــن
ياويش عودٍ يذبح ويصلخ وهو جوف المصـلا
....................يهابــه اللــي يجهلــه واللــي يعرفــه مـا يمـلا
من صطوته ما يسلم اللي مرتخي واللـي تعـلا
....................في ما مضى يستخدمونه في حروب المسلمين

[عادل العصيمي]

ما قلت لك يا ناعس الطرف الكحيل
................................. الاّ الموادع لا تجيني شايله

[عادل العصيمي]

تدرين ويش اللي محليك يابنت = ومعطيك ميزة للفتاة الجميلة
عيونك اللي كل ما شفتها أيقنت = من كبرها تدور فيها تريلة

[عادل العصيمي]

ما دريت أنّك حنون وفيك لمسة عاطفية = ولا دريت أنّك كبرة وصرت مصلح أجتماعي

[عادل العصيمي]

( يقولون ليلى في العراق مريضة )
........................ الله يشفيها ولا يبتلينا :)

[عادل العصيمي]

لا تكشّر جعل هالدنيا فداك = أضحك وخل الفرح باين عليك
أنس همك يالغضي وأرمه وراك = وابتسم واللي مقدّرلك يجيك
الفرح لو كان له عين وتراك = كان يترك هالبشر ويعيش فيك
يوم تسأل من يحبك عن غلاك = من يحبك ما لك بقلبه شريك
أنت من حَبك يموت ولا نساك = وأنت من باعك يعوّد يشتريك

[عادل العصيمي]

http://www.5reb.com/5ra2eb/swer-3ejbah-5rebah/1206025028_prikol15.jpg
http://www.3rb.4uloads.com/images/up/img/3rb_4uloads_30_6_2009_11_31_15_AM.jpg


مسكين مسكين ياعصفور ما تستاهل اللي حصل = واقف على عود ومسرّح ولا تدري وش اللي وراك
أمك على طول ماتت يوم طاري موتك الها وصل = وأبوك محتار هو يبكي على أمك والا يبكي علاك

[عادل العصيمي]

مبروك كلمة نطقناها بخمسة حروف = كلمة تترجم مشاعرنا وأحاسيسنا
عنوان يكتب بلون الورد فوق الظروف = تستاهل اللي على راس الطويلة سنا

[عادل العصيمي]

http://www.wasfatsahla.com/uploadedpics/4821104.jpg

يم يم :11:

[عادل العصيمي]

ياقاطعه حبل المودّة بيمناك = ليتك قبل لا تقطعيه استخرتي
انتي هويتينا وحنا هويناك = نعطيك وأنتي بالعطايا أدخرتي

[اصايل]

ماادري هل يحق لي الرد ام هي زاويه خاصه بصاحبها ..


عموما بالامكان حذف الرد ..


/


عادل العصيمي وشاعريه فوق الوصف تبارك الله

لاول مره اكون هنا ولم اقرأء الا اليسير

بحق شاعر رائع


سلمت وسلم حسك ..

[عادل العصيمي]

أصايل


سلمتي ودمتي وألف شكر على اطرائك


المحل محلك وتشرفين في أي وقت


تقديري


,

[عادل العصيمي]

ياهاجسي لحظة قبل لا تطلق حبال القصيد = قررت أغيّر وجهة البث الجنوبي للشمال
ما هو بكرهٍ فالجنوب اللي محبتهم تزيد = الاّ معزّة للرجال اللي يميلون العقال

[عادل العصيمي]

أسعد الله أوقاتكم وتقبل الله منا ومنكم صالح الأعمال


نوم العوافي والهناء ! توّك صحيت = هذي قديمة عمرها ميّة سنة
والا أنت نايم فالعسل ساعة دريت = والجرح علمك الطبيب بمكمنه
تصدق أنّك يالصغيّر لو قريت = حتى لو لسانك يطول الألسنة
وتصدق أنّك يالصغيّر لو عديت = عدي الجيوش السابقة وألأحصنة
وتصدق أنّك يالصغيّر لو جريت = جري الضواري في جميع الأمكنة
في ناظري طفلٍ صغير ولا خطيت = طفلٍ يحب الفرفشة والولدنة
يا صاحبي لن كان مع وقتك نسيت = أسأل مجرّب والكلام يثمّنه
أسأل عن اللي كل ما شافك شكيت = يفرد يدين الود وأنته تزبنه
وأسأل عن اللي كل ما شافك بكيت = يشتال في يمناه سيفه وكفنه
واليوم يوم أنك تشبّعت وقويت = صاحبك الأول قمت تتبرا منه
يا جاحد المعروف يومني عطيت = المجد والتمجيد أنا ما أبحث عنه
ما همّني كانك وفيت أو ما وفيت = كلٍ يبين فالمواقف معدنه
ما هو حسافة كم من وقتي خذيت = جعله فدا خشمك جميع الأزمنة
من واجبي ما دام للحمل ارتكيت = أحمي دخيلي وأكرمه وآمّنه
ما هو على شانك تحزّمت ورضيت = أكون في يمناك سيفٍ تضمنه
عهدٍ من الأجداد أصونه ما حييت = وأستغفر الله كان يوم آمنّنه
نوم العوافي والهناء ! توّك صحيت = رح نام أحسن لك وخل الشيطنة

[عادل العصيمي]

http://www.wasfatsahla.com/uploadedpics/4852721.jpg

الله على كيلو كنافة = ياحبذا كنافة القشطة

[عادل العصيمي]

http://www6.mashy.com/uploads/TF/Ua/TFUam9TsSiZ8rNT8WzDVTg/mulberry-juice.jpg



لن كنت صايم ونفسك في عصير التوت = لن طاحت الشمس أخذ كاسة ورا كاسة

[عادل العصيمي]

أنا أشهد أنّك تعرف أشلون تختار = أخترت من بين الفرايد فريدة
مخلوقةٍ بين الكواكب والأقمار = الله خلقها في مجرّة بعيدة
بالعين ما تنشاف تحتاج مسبار = ولن شفتها . مكتوب فرصة سعيده
لن قلت لك بيطار . هذا أنت بيطار = ياللي تعرف تقيس ثوب القصيدة
تأكد أنّك صرت محط الأنظار = يالشاعر اللي نستفيد بجديده

[عادل العصيمي]

عيوني تخجل من اللي يناظرني وهو مزيون = ولولا خوف ربي كان أحط العين في عينه

[عادل العصيمي]

ياراعي البيتين ما فيك حيلة = عليك راهنت العقل والتفاكير
واعي ولا ينطق لسانك هزيلة = أنا أشهد أن أهلك ناسٍ مناعير

[عادل العصيمي]

تدرون ليه أحب هتلر وصدام = لأنهم عرفوا مكان الخطورة
هتلر عرف بأن الحكم صعب ما دام = المال في كف اليهودي يدوره
وصدام خانوه الزناديق الأقزام = يوم الخميني قاد فـ أيران ثورة
ثم نفذوا أثنينهم حكم الأعدام = في شرذمة على الخلايق عقورة

[عادل العصيمي]

مبارك عليك العيد يا عز الأصحاب = وكل عام وأنت بخير والعالم بخير

[عادل العصيمي]

اليوم آخر يوم في شهر رمضان = واذا أنتهى رمضان جاء عيد الفطر
هل ياترا القاه في نفس المكان = مدري . وش المكتوب في لوح القدر

[عادل العصيمي]

السلام عليكم ورحمة الله وبركاته



قصيدة في الرافضي ( ياسر الحبيب ) والذي أحتفل قبل أيام بموت أم المؤمنين عائشة بنت أبو بكر رضي الله عنهما


صلوا على محمد


الأم وحدة والحثالة ميّة = والنور طافي داخل حسينيّة
ثم عوشرو ياجعلهم للماحي = ذولا بشر بعقول حيوانية
واللي يجي من فعل ذيك الليلة = هذاك ( ملاّ ) ماش واحد زيّه
حطوه مرجعهم ونعم المرجع = وحطو بجنبه خزنة المالية
يامر وينهى مثل شيخ الديرة = متلبسٍ عباية وكوفية
نتاج فاسد والرذيلة ساسة = يالعِن ابوها حوزةٍ دينية
هذا أنت يا ياسر وهذا أصلك = لو كان قلت أصولك كويتية
دار الكويت أضحت تبرا منّك = ما عاد لك فيها ولا جنسية
أخذوا بطاقتهم عيال الشايب = وخلوك ضايع فالكره الأرضية
يامدعي بالدين وأنته جاهل = ومحَرفٍ فأصولك الشرعية
حتى رسول الله تلحّق عرضه = في عائشة الزوجة المرضية
أحب زوجات النبي في قلبه = هذيك ما هي أمراءه عادية
لا أنته ولا ربعك تساوي ذرّة = ذرة تراب برجلها ما طية
منت بمَلك ولا رسولٍ مرسل = حتى تقول بشمس والا فيّة
صعلوك ومشرّد ولا لك ملّة = ولا تنتمي للطائفة الشيعية
أنتم روافض والروافض شلّة = أسلامهم مكتوب بالعبرية
في كربلاء بنيتوا الكم كعبة = وفي دينكم حللتوا الشركية
دس اليهودي في صحنكم سمّه = حتى وصلتوا لهذي العقلية
حتى مصالحكم تجي مرتبطة = وتخططون لحرب اعلامية
بتطفون نور الله ونوره باقي = وحنا جنود الله نهار الهية

[وليد المقاطي]

.
.
استاذنك اخي عادل بكسر القوانين واقول لك :-

مريت واسجّل اعجابي على ركنك
من صاحب ٍ لو يطول الوقت ما باعــك
تعال .. قرّب.. بهمس همسة ٍ بأذنك
مُبدع وركنك دليل ً دوم بـ ابداعك
.
.

= )

[عادل العصيمي]

يامرحبا ياوليد أذنك معك أذنك = اقلط على اللي كفيل يحقق أشباعك
همستك هذي تبرهن ذوقك وحسنك = ومشاعرك يالمقاطي تعكس أطباعك
ولن مر طاري ولد عجلان في ذهنك = حط المؤشر هنا ثم أضغط أصباعك
ياشجرة الركن بالله كبري غصنك = حتى المسيّر يجي ويشوف مرباعك

[عادل العصيمي]

يامسافرة متى على الله ترجعين = مليت من كثر الصبر والأنتظار

[عادل العصيمي]

ياللي تحسب أن هالدنيا على كيفي = واللي بشفي يجي من حين ما أومي له
أنا لحالي لو أني شايلٍ سيفي = الوقت جبار يامكثر مصاقيله

[عادل العصيمي]

من عرفته يغار ومن عرفني يغار = ما يعرف ان حبه ساكنٍ فالضمير

[عادل العصيمي]

ياقلب لا تحزن على مهجة العين = ما فيه نفس من المصاب محرومة
محدٍ مخلد كل الأمات فانين = ومحدٍ يجيه الموت قدام يومه

[عادل العصيمي]

تطري علي ويعشق الفكر ذكراك = يسرح بمخزون الشهور القليلة
يذكر سواليفك وروعة محياك = والغيرة اللي يوم غيرك أجيلة
لو هي علي والله ما ودي أنساك = بعيش في ذكراك فترة طويلة
في كل يوم أسمع حلاوة مناداك = وأجاوبك لو كان ما معي حيلة

[عادل العصيمي]

عام وقضى ما باقي الا تواليه = ما هو مثل باقي السنين القديمة
عشنا على مرّه وعشنا بحاليه = لين أستوى طعم النصر والهزيمة

[عزيزة الجناب]

عادل

الله يعوضككم خير ويصبر قلوبكم

جيت اقدم تعازي ف الفقيده

ورحمها الخالق وجبر قلوبكم

والله يا اختك ما قد صعب ع الموقف مثل الان

ويطول بعمرك وعمر امها ويمنحكم العوض

[عادل العصيمي]

رمانة الطايف


جزاك الله خير اختي والله يقبل دعائك وشاكر لك مشاعرك النبيلة


تقبلي شكري


,

[عادل العصيمي]

يامستريح البال والبال مشغول = متعلقٍ بين الثرا والثريا

[عادل العصيمي]

لو قلت لك تكفى وش اللي تقوله ؟ = تب تعتذر والا تبا تقول لي تم
تبا تمررها بيسر وسهولة = والا الخجل يجعل حروفك تلعثم

[عادل العصيمي]

ياكفّة أيام الدهر ليه مايلة = تبطين وأنتي بالصواديف شايلة
لو لا كتاب الله ولولا سكينته = منك البنادم قاصف العمر طايله

[عادل العصيمي]

ياكفّة أيام الزمن ليه مايلة = تبطين وأنتي بالصواديف شايلة
لو لا كتاب الله ولولا سكينته = منك البنادم قاصف العمر طايله
أشكيك للي يعلم السر والعلن = الواحد اللي ما نعدد فضايله
وأطلب من المولى يخفف من الحمل = حتى يزيل الهم عنا مخايله
ويمدّنا بالصبر فالضيق والقسى = ويعيننا نذكر ونشكر جمايله
عزاي يوم الله كتب فيك رحلتي = لجنةٍ ما هي مع الوقت زايلة
اللي دخلها ما يعدد وصوفها = واللي حرم منها سبايب فعايله
ياجعل مثوى والديني بجوفها = في يوم ينسى كل واحد سلايله
وياجعل مثوى من فقدنا غصونها = تلوذ عنا يوم تصعب مسايله
راجيك يارحمن تقبل شفيعتي = يوم الحساب اللي تشيّب هوايله

[عادل العصيمي]

هزيت جذع وطاح بيديك تمرة = لا تترك الباقي للأيام يظمى
لو قلت ليه أقول من خوف ضمرة = محدٍ يعيش بدون ما يشرب الماء
أشعلت ياعذب السواليف جمرة = تضوي سماء ليلة من الوقت ظلما
يجتاحني فرحة ونشوة وغمرة = لن ناض براقٍ على جبال سلمى
وأشعر بخمرة لو ما ذقت خمرة = وأشوف حدبات المصاقيل ثلما
ما عاد أفرّق بين همسة وزمرة = ينطق لساني وأكثر الناس بلما

[عادل العصيمي]

لن كنت متعافي وطيب ومرتاح = تراك في نعمة كبيرة من الله

[عادل العصيمي]

لو للقلوب لسان يمديها حكت = ولو للسان أذان تسمع ما سكت
نار الهوى ياصاحبي دخانها = يعمس وأظنّك تحسب عيوني بكت

[عادل العصيمي]

ياصادق الاحساس ممشاك بالهون = يظفي على سكّرك سكّر زيادة
من يستمع للناس واللي يقولون = ما هو محصّل من حياته فيادة

[عبدالعزيز الفرج]

من يستمع للناس واللي يقولون = ما هو محصّل من حياته فيادة


عادل صح لسانك وأشهد انك صادق بهالبيت


صح لسانك ملايين ولاتسدك يالذيب ،، سجل إعجابي

[عادل العصيمي]

عبدالعزيز


شرفتني بمرورك واعجابك محل تقدير طال عمرك


صح بدنك ولا هنت


,

[عادل العصيمي]

مرحبا بك يالمسير يوم جيت = أسعد اللحظات يوم أنا نشوفك

[عادل العصيمي]

حتى اتصالي قام يضرب مقصات = من يوم شاف أم العيون الكحيلة
امقابل الجمهور فوق المنصات = اهون من امقابل فتاة جميلة

[عادل العصيمي]

ياصاحبي خل العتب والمشاريه = غير الوفاء بالعهد وش جاك مني
أنت السبب في كل ما صار ياهيه = ياللي قطعت الحب والود عني
معقول أبا أطلب فاقد الشي يعطيه = خل العتب ياصاحبي يستكني
مات الغلا يوم أنقطع وصل راعيه = أبطى وهو في كل ليلة يحني
غصنٍ خضر دوب أطلعت به نواميه = أصبح علاه الصبح عود متثني
واليوم جايه بالمشاريه تسقيه = تشيل صكات الليال متعني
من مات ياراع الوفاء كيف تحييه = خلّك من اللي فات لا تمتحني
لا تعتذر عذرك أنا وين أوديه = خلاص يكفيني عتاب وتجني
جرحك تراه بخافقي لا تصحيه = أقل شي خلّك على حسب ضني
ما شفت زولك يوم الايام تدميه = ياكثر ما صارعتها وصرعنّي
ارقب متى زولك يجي والتوي فيه = وأرسل مظاريف الوله ما يجني
واقول يمكن جاير الوقت منسيه = واصبر ولو صبري عليه يمني
صبرت لين الحب بانت مساويه = والعاشق الولهان قرّب يجني
ما كنت أظن ان انت بالذات تشقيه = وانا احسب اني صرت معك متهني
أخطيت في فهم الزمان وبلاويه = أثر الأماني ما تجي بالتمني

[عادل العصيمي]

يامرحبا باللي يسيّر من العام = أسمه مسجل في سجل الزيارة
ياكثر ما شفته على الطيب حوّام = يحوم من ليله وحتى نهاره
عاقل ومتربي على دين الاسلام = لكنّ أنا أحيان أحب اختباره

[عادل العصيمي]

http://s.alriyadh.com/2010/12/22/img/313346238943.jpg

الله يجيرك يابو متعب من الباس = والله يردك للبلاد ولهلها

[عادل العصيمي]

الله خلق كل الأوادم من الطين = وأعطى لكل أنسان قدر ومكانة

[عادل العصيمي]

أسبوع وأكثر ما طرا لك تسيّر = تحت الغصون اللي تظلّك من الشمس
تصدق أنك ياحبيبي تحيّر = تحب قربي مير تجفل من اللمس

[عادل العصيمي]

السلام عليكم ورحمة الله وبركاته

الله يمسيكم بالخير

http://www.snnam.com/upload/uploads/files/snnam-47e2d6819c.mp3


يالله عليك الأتكــال وما لنا غيــــرك معيــن = نــرفع يدينا للسماء في عسر والا في رخاء
أنت الإله الواحد المعبــــود رب العالميـــن = وأنت السميع المستمع للنمل في ليل الدجى
وأنت المعين اللي ليا ضاقت بعفوك نستعين = وأنت الكريم المعطي اللي ما قفل باب العطاء
يالله على بابــك وقفنا كــل ابـــونا طالبيــن = في مــد جـودك يالآه الكون معقــود الرجـاء
تشفي مليك المملكة خــادم بــلاد الحرميــن = وتمــد في عمره سنين وتدفع أسباب البـــلاء
الله يجيرك يابو متعب من صواديف السنين = ويرجعك سالم لشعبٍ ما ذخر لأجــلك دعــاء
يدعي لك بطول الحياة الهانية في كل حين = من باب بــرّ وباب حــب وباب تقدير ووفاء
الشعب كله ينتظر رجعتك ياذرب اليميــن = في رجعتــك سالم يساقــن البشاير وبسخــاء
ياكبر قدرك عند شعبك والعرب والمسلمين = ويامعظــم أجرك عند خلاق السماوات العلا
لــن كنت طيّب ياملكــنا كــل أبونا طيبيــن = شوفتــك متعافــي تزيــح الهــم عــنا والعناء
لا باس يانسل الملوك اللي على تقوى ودين = اللي موارثها شرف وأجلال من رب المـلاء
الله مشــرفكــم وخــلاكــم لدينــه وارثيـــن = خــدام بيــت الله وحفــاظ الكتـــاب المنـــزلا
الله يحفظكـــم كثــر ما أنتــم لدينه حافظين = ويعــزكــم بالدين والشعــب المعاهــد بالولاء
يــدوم عزك يابلادي رغم كيــد الحاقديــن = الخـــايبيــن المفلسيــن الهـــــامليــن الهمـــلا
لن قاله الله فالوغى حنا السواعــد واليدين = حنـــا جنودك فالحرايب نلطــم عيون العـدى
أقولهــا بأســم الرجال العاملين المخلصين = اللــي تسـر فعولهــم في وسط ساحات الوغى
حنا الحرس لن ثارت الهيجاء وقفنا ثابتين = لو هي على الموت الحمر نقدم ولا نرجع ورى
في غزوة الخفجي لنا تاريخ يروى كل حين = يشرح تفاصيل الشجاعة والبطولــة والفـــداء
دارت رحانا مع رحاهم لين خلتهم طحيــن = والحـرب كـر وفـر وسياسـة وتكتيـك ودهـــاء
من دون حدك ياوطن ندحر جيوش المعتدين = سقــم العــدى حنـا ومخلفـت الهقــاوي والمنى
نارد على حوض المنايــا للشهــادة طامعين = تحت أمر حكام الجزيرة كـل ما نادى الــنداء
واليــوم حنــا فــي وطنــا نحمــد الله آمنيــن = من فضل ربي ثم ابو متعب بخير وفي رخاء

,

[عادل العصيمي]

يوم أشتكي لك منك وأشكي من جفاك = صرت أنت قاضينا وصرت أنت الخصم
ياليت عدلك يالغضي يدفع بلاك = واذا حكمت تكون عادل فالحكم
أقل شي أن جيت عاني من غلاك = قدر مجيي ثم سولّي خصم

[عادل العصيمي]

بأعترف لك . بس هاه بيني وبينك = لو جرحتك ياعسى ربي يعينك
يوم حبيتك تراني كنت صادق = ما أنكر أني كنت في فترة رهينك
لكن اللي ودي أنك تعرفينه = قبل تسرح بك وتمضي بك سنينك
ما عجبني فيك ياكود البساطة = ما عشقتك ياحبيبي لجل زينك

[عادل العصيمي]

انتظرتك قلت يمكن . وأثر يمكن بس عندي = أحسب أن الناس مثلي لن زعلت أرجع وأسامح

[عادل العصيمي]

http://www.snnam.com/upload/uploads/images/snnam-0bc4339155.jpg


في كل يوم أروح في نفس المكان = اللي جمع قلبي وقلبك في جسد
أتأمله وأتذكره وش لون كان = الحب جدرانه وعمدانه عهد
وأتذكر اللي صار في ذاك الزمان = قدام تلمحنا عيون أهل الحسد

[نايف تراحيب]

اتأمله واتذكره وش لون كآن
الحب جدرانه وعمدآنه عهد :)


//



كم انت مبدع يا صديقي عآدل
وكم انا استمتع بهذه المدونه

لا تحرمنآ من هذا الآبدآع يا عزيزي


كن دائماً مبدع



احترآمي



/



،

[عادل العصيمي]

نايف


مجرد مرورك من هنا . مرورك فقط شرف لهذا المتصفح المتواضع


فكيف تسجيل اعجابك واشادتك بما نعبر به عن بعض ما يلوج في صدورنا من هواجيس عابرة


دمت ودام مرورك ياصديقي :)


,

[عادل العصيمي]

ما نلحق الشرهات كود الرياجيل = اللي لهم عند الرياجيل قيمة
ما ني بـ ملحقها الجروم المهابيل = لو كان أبا أكسب من وراها غنيمة

[عادل العصيمي]

خذني معك يازين لن كنت رايح = لن رحت مالي يااريش العين مقعاد

[عادل العصيمي]

سلام الله على اللي حبها فالقلب له عامين = وداخل عامه الثالث وعقبال العمر كله

[عادل العصيمي]

أدري جرحتك يالغضي . لو بعتذر ما لي عذر = خطاي لابسني من علوّي ليا حد قدمي
تعال عاتبني أنا مؤمن وراضي بالقدر = تعال أبا أنطق لك كلام سنين حاير في فمي

[بنت أبوهآ]

^^

:.[ كنت هنا ]:.

[عادل العصيمي]

بنت ابوها


حياك الله . شرفتي


,

[عادل العصيمي]

من غير ما حدد وأسمي أسامي = فاقد كثير من الحبايب والأصحاب
كنا هنا نجلس بكل أحترامي = صدورنا ميدان وقلوبنا كتاب

[otaebi]

اسمح لي ابدي اعجابي بقلمك وتميزك واسلوبك الراقي وتالقك

[عادل العصيمي]

هلا بك اخوي عتيبي


مرورك وتسجيل اعجابك شرف لي طال عمرك


الله لا يهنك


,

[عادل العصيمي]

اذا سمعت أذان ربي يناديك = أرم اللحاف وقوم وألحق صلاتك
لا تعطي الشيطان فرصة يغوّيك = ألعن بليس ولا تضيّع حياتك

[عادل العصيمي]

كان لي الشرف في القائها في حفل دعم أخونا الشاعر / على العضياني





ما جيت غير اقول كلمة ياعلي = أسم العتيبي فالمواقف يعتلي
وأنته تمثل لابتك وأنته كفو = في مجتمع ما هو من الطنخة خلي
فيه الرجال اللي لها وقفاتها = وقلوبها للسيف تطبخ وتغلي
أكرب حزامك يالعتيبي وأستعد = الروس من فوح الحميا تصطلي
لن كانها بالشعر فأنته قدها = شاعر وصدرك بالمعاني ممتلي
وان كانها بالدعم حنا ها هنا = ولا اجتمعنا غير لجلك ياعلي
اقولها باسمي وبأسم اللي حضر = يوم اجتمعنا نب نقرر ما يلي
حنا نسدك فالسواري والدعم = وأنته علاك تشيل مصقول الحلي

[عادل العصيمي]

نثرت في صدري بذور المحبة = يوم أينعت ما جيت تقطف ثمرها

[عادل العصيمي]

جيتي ولا كنّك من العام غايبة = وأنا رموشي من فعايلك شايبة
يابنت أنا ما كنت داري عن الهوى = لين الهوى خلا الشرايين ذايبة
ذابت من عيونك وخدك وروعتك = والقلب من بسمتك شبّة شبايبه

[عادل العصيمي]

أنتهت رحلت محبه دامت أكثر من سنة = طفت فيها كل بقعة من بقاع أهل الغرام

[عادل العصيمي]

الطيب ما تلقاه في كل رجال = صعبة مداهيلة وعسرة دروبه
ما هو بضاعة سعرها جنيه وريال = لن شافه الرجال خم خم جيوبه

[عادل العصيمي]

تدري وش اللي ما قدرت أقوله = يوم التقينا والمشاعر ذابت
( كلمة أحبك ) ما هي بمعقوله ! = على لساني مير نفسي هابت

[عادل العصيمي]

أسمك يذكرني بحاجة قديمة = قبل ثلاث أعوام أو قبل عامين
بنت ولها طابع جميل . وحليمة = قليل ما تطلع وجياتها وين

[عادل العصيمي]

السلام عليكم ورحمة الله وبركاته

أبيات في من يستحقها ...

http://www.snnam.com/upload/uploads/files/snnam-6c06f61546.mp3


الطيب ما تلقاه في كل رجال = الطيب دربه غايةٍ فالصعوبة
ما هو بضاعة سعره جنيه وريال = لن شافه الرجال خمخم جيوبه
ما حازة الا طيّب العم والخال = من عزوةٍ عند الرجال محسوبة
من صغره مضرا على زين الأفعال = بين العرب ما فيه علمٍ يشوبه
وافي وله عند الرياجيل منزال = ياجعل من رباه تغفر ذنوبه
عبدالله البعاج والحق ينقال = أنا أشهد أنه في زمانه عجوبة
لي نظرةٍ تصدق على كل الأحوال = عرق الزعامة والطناخة ينوبه
بيّن على الرجال في كل مدهال = على الوفاء والطيب تدحم جنوبه
الي الشرف في معرفة طيب الفال = ودّيت لو خاويته ابعد دروبه
لكنّ أهل جده مواردهم طوال = ما عاد لي قدرة بعد رحبوبه
صدّر قراره صاحب الأمر فالحال = الله يبيض وجه منهم سعوبه
فرحت له لو كان أنا ضايق البال = فقد الخوي على خويه عقوبة

,

[عادل العصيمي]

تعصف بي همومي كما عصف الرياح = أبا أختبي عنها ولا ألقى لي ذرا
ليل . وظلام . وهم . يازين الصباح = مدري تراه العين والا ما ترا ؟

[عادل العصيمي]

http://farm1.static.flickr.com/12/68766823_6bcf03df39.jpg (http://www.flickr.com/photos/bo_ahmad/68766823/in/photostream/)




جيّتك ما هي مثل جيّت الناس = غيرك يجي ويروح ما أحدٍ درابه
فتنتني بالزين يا أعذب أحساس = أنت الوحيد اللي يشوق الكتابه

[عادل العصيمي]

وقتي ينسّيني وقلبي يطرّيك = مدري أطيع القلب والا زماني

[عادل العصيمي]

ظلمتني . وأطلب من الله يسامحك = خايف يحاسبك الولي بالظليمة
أظلم . وسو اللي تشوفه يريحك = بعض الدعاء فيني يزيد العزيمة

[عادل العصيمي]

http://s.alriyadh.com/2010/12/22/img/313346238943.jpg


الحمد لله على السلامة


:34::34::34:

[عادل العصيمي]

أبا أختصر كل الكلام اللي يدور بداخلي = وأبا أختصر كل الدروب اللي توديني اليك

[عادل العصيمي]

أعاند الأيام وأتمنى أجيك = الوقت ما يثّر على نفسيتي
لقيت في طيفك على الطرقة شريك = يحثني أوصل وأحقق منيتي
مشتاق لعيونك ولمست راحتيك = شوفتك عيد و ....... عيديتي



:34::34::34:

[عادل العصيمي]

حلوة . وفيك من الثريا تواصيف = جديّتك تضفي عليك الزعامة

[عادل العصيمي]

يعيش الهوى فينا ليالي طويلة = ولا نقدر نخبيه مهما كتمناه

[عادل العصيمي]

سألت الليل عنها ذات مرّة = بعد ما أونست جوف القلب حرّة
بعد ما طالت الغيبة عليّه = وحزني عطّل أوقات المسرّة
وقال الليل ما أعرف شي عنها = وأنا أعرف كل سكان المجرّة
وقلت اللي هواها في عروقي = سناها شع كنّه خد درّة

[عادل العصيمي]

http://www.otaiby.com/upload/download.php?img=45 (http://www.otaiby.com/upload/download.php?img=45)


قالت سلام وقلت أنا بعد السلام = اللي يدور بخاطري في حينها
زحمة كلام ويووه ياكثر الكلام = أحروف مدري صادها من سينها
في لحظةٍ عرفت وش معنا الزحام = مشاعري ياجعل ربي يعينها

[عادل العصيمي]

الصاحب اللي راح ما عاد شفناه = قفّى ولا جتنا بعدها علومه
منهو يطمنا عنه كيف دنياه = وش لون عايش . كيف ليله ويومه
لولاه غالي عندنا ما فقدناه = القلب في بعض البشر وش لزومه
ياكثر من قفى وحنا نسيناه = والنفس لو تنسى ما هي بمعصومة
الا الصحيب اللي فريدة مزاياه = في غيبته عيني تقول مغمومة
ما شفت مثل صويحبي في حلاياه = لو حمت فوق الأرض عشرين حومة
سبحان من هو بالتواصيف خلاه = نجمٍ تعلا ّ فالفضاء مع نجومه
غلاه يشعل فالحشى شموع ذكراه = والقلب مع ذكراه ينسى همومه
القلب يانس به ويانس بطرياه = لامن طرا قلبي تغيّر عزومه
اليا ذكرته قلت لا واحلالاه = ياحظ من هو في حياته يرومه

[عادل العصيمي]

لا تقول ولا تعيد ولا تزيد ولا تهل دموع عينك دمع عينك ياعذابي لو تحدر =ابتدينا وانتهينا والنتيجة لو حسبنا وش كسبنا ما خذينا كثر ما حنا عطينا
ليه نبقى دام نشقى فالمحبة يوم نظمى نقصد الماء والمصيبة عدّنا الصافي مكدّر =هي نجاسة هي نحاسة ما لقينا ثوب يكسي حظنا يطلع مقاسة لو على ربي شكينا
كم دعيت وكم رجيت وكم شكيت وكم هدمت وكم بنيت وحظنا عزي لحاله ما تغير = ويش باقي من بواقي ما بقي غير الدموع نهلها وقت الفراقي للأسف وش في يدينا
والله اني ما تمنى يازمنا لكن الحظ امتحنى وش نسوي غير نرضي بالمقدر =المقدر شي ثاني والأماني عشرها ترجع ثماني ما تحقق لو على الرمضى مشينا

[عادل العصيمي]

الله يمسيكم بالخير

http://www.snnam.com/upload/uploads/files/snnam-3ea132c0a6.mp3


كان الأمل كبير وعيون الليالي فاتنات = ما كنت أبا امشي خطوتي لو لاه سحر عيونها
حظي حصان ولن ركض يدحم جنوب العاديات = اما وصل قدامها والا وصل من دونها
كلٍ وحظه والحظوظ أحيان تورد للممات = وأنا أحمد الله خصّها فيني وأنا مفتونها
أحبها لن سدّلت تزها بها كل الصفات = أعيش لحظتها من أولها وأنا مرهونها
عذرا سنافية وتستر نفسها تحت العبات = والعالم الله عن خفاياها وعن مكنونها
أنا الوحيد اللي يترجمها على كل اللغات = ديجورها حالك وبعض الناس ما يسرونها
مشاعري تطرب على شوف العيون الناعسات = وأقوم أغازلها وأنا عيني على مضمونها
تنشي مثل منشى السحابة بعد ما كانت شتات = منا ومنا لين ترعد فالضمير مزونها
يمطر مطرها والديار المجدبة تصبح نبات = خضرا تفوح زهورها ويسرّ عيني لونها
أفتح لها قلبي وتسكن داخله ست البنات = أسمع سوالف عشقها والناس ما يوحونها
لحدٍ يلوم القلب في معشوقته لو ما يبات = معشوقتي ليلى وليلى صرت أنا مجنونها
معشوقتي فوق الورق تشرح تفاصيل الحياة = من غيض مدري فيض بإحساسي طرقت لحونها
الله يبارك فالهجوس الواردات الصادرات = والله يجنبها دروب المعصية ويصونها
,

[عادل العصيمي]

أدري عن اللي في ضميرك من أيام = الله وهبني فالحياة الفراسة

[عادل العصيمي]

اسمع كلامك زين وأفهم معانيه = وأسوي أني ما سمعتك وأطنّش
حبك اذا من ثار ما اقدر أهديه = اخاف تجبرك اليالي تفنّش

[عادل العصيمي]

:11::11:

تعالي نعتق الماضي وننسى كل شيٍ صار = ونبدا من جديد وكننا ما قد تعارفنا
هلا يامرحبا واهلين كيف الحال والأخبار = أنا أول مرة أشوفك .انا عادل تشرفنا

[عادل العصيمي]

تعال سولف لي عن اللي بقلبك = أشوف في عينك سواليف وعلوم

[عادل العصيمي]

ياليتني في دنيتي دوم مظلوم = وياليتني ما اكون في يوم ظالم
ظلمتني ياصاحبي امس واليوم = ما ني بقايل غير عساك سالم

[عادل العصيمي]

لن قالوا العذال عادل حب غيرك ..

قلّهم عادل بري ..

عادل بري ..

عادل بري ..


.

[عادل العصيمي]

ياصاحبي ما أوحيتهم وش يقولون = يوم أنّهم سمعوا قصيد المحبّة
ليه البشر بالظن الأقشر يظنون = كلٍ على فعله يجازيه ربّه

[عادل العصيمي]

رحتي كذا . ما فيه لو كلمة وداع = تجبر بخاطر من كسرتي خاطره

[الأدميرال]

شاعر جميل ومميز ومبدع ياعادل
وانا دائما متابع لى قصائدك
رحتي كذا . ما فيه لو كلمة وداع
تجبر بخاطر من كسرتي خاطره
صح لسانك

[عادل العصيمي]

جعلني ما اعدمك اخوي فيصل


اشادتك ومتابعتك حافز لي طال عمرك لا خلا ولا عدم


صح بدنك والف شكر على مرورك


دمت


,

[عادل العصيمي]

الله يمسيكم بالخير


كيبوردية



لا تنشد المهموم عن سر همه = يمكن غفى همه وصوتك يصحيه
أنته تبى تفزع وجبت المطمه = ذكرته بشيٍ مضى كان ناسيه
صحيت أبو حزنه وخاله وعمه = حركت عبراته وبانت خوافيه
الطفل لو يبكي يدور على أمه = واذا بكى العاشق يدور لمغليه
تعال من باب المواسى وضمه = حتى تخفف شي فالصدر مخفيه

[عادل العصيمي]

راح من عندي سؤال وضاع مني ما لقيته = ما عرف درب الرجوع ولا لقى وجه الحقيقة

[عادل العصيمي]

السلام عليكم ورحمة الله وبركاته

أسعد الله أوقاتكم

http://www.snnam.net/upload/uploads/files/snnam-18675956bb.mp3


لا تعشق اللي بالردى طامعٍ فيك = ترا الهوى ما مرّ قلبه وزاره
يفرحك يوم وباقي العمر يبكيك = السالفة عنده مجرد إثارة
تافه وقلبه يشتغل بالتماتيك = يفطر بحارة ويتغداء بحارة
في يوم يبتاعك وفي يوم يشريك = الحب في قاموس فكره شطارة
في أي لحظة ممكن أنه يخليك = اذا لقى غيرك يصدر قراره
لا تعشق الا من يحبك ويغليك = هذاك لو تفداه ما هو خسارة
اللي ليا منّك دعيته يلبيك = يستاهل أنك تعشقه وبجدارة
يفهمك من نظرة ومن غير يوحيك = قلبه نظيف وتحتويه الطهارة
لن كان هذا اللي هويته وهاويك = حطه بقلبك ثم صك الستارة

,

[اوشه]

عادل العصيمي ...

حرف شعري يحلق بنا ليطرق حواجز الصمت ، ويجعل للحرف ألف هاجساً للبوح
صح حرفك شعراً ...وطاب بك البيان عطراً ...
أسمح لي يافاضلي ب الإستمتاع كل حين مع هواجيسك ...
مودتي
http://www.alfjr1.com/vb/images/smilies/srose3.gif

[عادل العصيمي]

اوشة


فاحت هواجيسي عطراً بمرورك .. وأستمد المكان نوراً من نروك


1000 هلا و1000 غلا


أهلاً وسهلاً بكِ في أي وقت


دمتي


,

[عادل العصيمي]

لا تنشد المهموم عن سر همه = يمكن غفى همه وصوتك يصحيه
أنته تبى تفزع وجبت المطمه = ذكرته بشيٍ مضى كان ناسيه
صحيت أبو حزنه وخاله وعمه = حركت عبراته وبانت خوافيه
الطفل لو يبكي يدور على أمه = واذا بكى العاشق يدور لمغليه
تعال من باب المواسى وضمه = حتى تخفف شي فالصدر مخفيه
عطه الحنان وخل عطفك يعمه = وقفتك في وقت الشدايد تقويه
ترا البشر لاهين محدٍ بيمه = لو مات ما غيرك من الناس يبكيه
أمره يهمك وأنت أمرك يهمه = كلٍ على الثاني عيونه تراعيه
واللي يصيبه من لياليه غمه = ما هو مدور غير من هو وثق فيه
يشيل معه الحمل ويروق دمه = على الحلو والمر يرضى يخاويه

[اوشه]

سلام . كيف الحال . عساك طيب = وين انت ما شفناك لك عدّت ايام
انته قريّب مير منته قريّب = ترا النبي وصى على وصل الأرحام


::
فضاءات المشاعر هنا فسيحة
تتراكم ودقاً وتنهمر بـ أجمل قصيد
::
عادل العصيمي
صح نبضك ..وعلا شآنك
يقيناً بأننا نطمع بِدوام هذا الحرف الجميل


تقديري لك

http://www.m5h5.com/vb/images/smilies/domain-391520a933.gif

[عادل العصيمي]

اوشه


صح بدنك ولا هنتي على مرورك


تقديري


,

[عادل العصيمي]

:rose:


http://www.snnam.net/upload/uploads/files/snnam-39e315e0ab.mp3


:rose:

[عادل العصيمي]

تزاحمت في جوف صدري هواجيس = ما ورّدت للصدر من غير داعي
يسوقها برقٍ شعق فالغطاليس = ياكثرها قامت توارد تباعي

[عادل العصيمي]

اللي يحب انسان حيل ويوده = ويرتاح لن شافه ويزعل ليا غاب
ما فيه داعي يشتكي للمخده = البيت قدامه يشرف مع الباب

[عادل العصيمي]

كل يوم وكل حين وكل حزة = كن قلبي ينشوي في وسط جزة
حبك اللي شب في قلبي شبوبة = ما هو بحاجة عتابٍ يستفزه
القط الملقاط والحق ما بقابه = يمكن تحصل منه لو كان مزة

[أنثى نادرة]

نفسي عزيزة ما رضة بالإهانـة

واللي يريدلها الإهانـة تهينـه

عندي عن اسباب الإهانة حصانة

ورجلي عن دروب المذلة حصينه

هواجيس مبدعـه وفي الصميـم

رائـع مادونت وصح لسانـك

[عادل العصيمي]

انثى نادرة


حياك ربي والف شكر على مرورك بهواجيسي


دمتي


,

[عادل العصيمي]

من هو قتل أسامة ابن لادن = امريكا والا مات موتت ربه

[عادل العصيمي]

من لامني في حب مريوشة العين = عز الله أنه ما يعرف المحبة

[عادل العصيمي]

لو لا الردا ما عرفنا الطيب = شفناه حاجة طبيعية

[عادل العصيمي]

كنت أشوفك شي ثاني . ماس وأعجبني بريقه = كنت أناظر فيك وأحلم . لين ما ودي أفيق
وأكتشفت أن الحقيقة . آه من مرّ الحقيقة = صاحبي وش غيرك وش فيك غيرت الطريق

[العنود البريكي]

مرحبأاااااا

عادل ياااااقو قلبك

[العنود البريكي]

عادل ليه الخاااااانااااات فاضيه

[العنود البريكي]

حطمت القاااااعده حجزت كل الخانات لي وحدي

[عادل العصيمي]

عادل ليه الخاااااانااااات فاضيه


اي خانات ؟


انتي تصفحين بالموبايل ؟


,

[العنود البريكي]

هلاااا عااااادل


أي وش دراااااك

[العنود البريكي]

عااااادل


ممكن أسألك بحاجه

[عادل العصيمي]

لا تحسبن أني مع الوقت ناسيك = اللي يحب أنسان وش لون ينسى
اصبح على طاريك وامسي بطاريك = مشتاق لك وعروق الأشواق يبسى

[آڸعـنـِود «●•]

اللي يحب انسان وشلون ينسى

روعه ماتكتبه يآ عادل

صح لسانك وبإنتظار جديدك بشوق

[عادل العصيمي]

صح بدنك اختي العنود


الف شكر على مرورك


دمتي


,

[عادل العصيمي]

السلام عليكم ورحمة الله وبركاته



أنت الوحيد اللي لقيته بهالكون = يعرف وش اللي في ضميري كتمته
وش لون تفهمني بهـ الشكل وش لون = وش لون بأحساسك قدرت وفهمته
السر في جوف المعاليق مدفون = حلم وحلمته كيف جيت ورسمته
وأنا أحسب أنه داخل القلب مكنون = ما بحت به لأنسان من يوم اقمته
كيف استطعت تعدي حصون وحصون = شيدتها لجل أحفظه من حلمته
كثير قالوا للطلاسم يفكون = محدٍ قدر يفتح مظرّف ختمته
وشعّار عجزو للمعاني يعرفون = بيت القصيد اللي بدعت ونظمته
كم واحدٍ مشتال له سيف مسنون = عوّد وهو خايب بعد ما هزمته
الا أنت من دون المخاليق يدرون = سطيت في جوف الضمير وزهمته
ياكاشف أسراري أبا اسالك بالهون = من بعد ما شكّيت فاللي زعمته
اسمك وعنوانك أبا أعرف من تكون = وكيف المخبى في ضميري علمته
ماني من اللي صار ضايق ومغبون = خذ راحتك فاللي نويت وعزمته
لك حق تقراني ولك حق مصيون = عندي وحقك حافظه ما هضمته
لكن فضولي مثل جمرة بغليون = يوم أسمع ان اللي بنيته هدمته
ما لي ومال اللي يقول ويقولون = ابيك تكشف لي عن اللي غممته
صاحبك يطلبك الصراحة وممنون = لن كان ما اعطيته مراده ظلمته

,

[العنود البريكي]

عادل
أبدعت صح لسانك

[عادل العصيمي]

8


صح بدنك يالعنود




كل ما جيت آتكلم وجمّعت الكلام = ما لقيت عقول تفهم واذانٍ صاغية
وآتحسف كيف مني جفل ظبي العدام = وأندب الحظ الردي والظروف الطاغية

[عادل العصيمي]

لا تهجر البسمة وترضخ لدنياك = اضحك وخل ايام عمرك وناسة
الابتسامة خلّها في محياك = حضك ترا ما هو بدايم نحاسة

[عادل العصيمي]

تجين وكل ما جيتي تجيبين الغلا وياك = أشوفه مثل عطرٍ فاح من مكنون فواحة
تباشر بك حنين اللي هواك ولا يزل يهواك = لو أن الليل يضوي به مثل ما كان مسراحه
يحاول يطوي الماضي ولكن ما قدر ينساك = غدى المسكين في كف الهوى والعشق مسباحة

[عادل العصيمي]

هلا بك . ياشبيه النور يوم أشرق على الأوطان = هلا بك . يارفيق الليل يوم أسدل بديجوره

[عادل العصيمي]

http://www.otaiby.com/upload/uploads/otaiby.com_13098780101.jpg


لــن قالـــه الله يـ أمي تحجين للبيـت الحـــــرام
هـــــذا عهــــد والله يقدّرنـــي ووفـّــي بالعهــــد
أبرك لقدرك وأرفعك وأمشي بك بوسط الزحام
تعبــك راحـــة والتعب لن زاد . زاد ابي الجلـد
الشمس والرمضى على قلبي مثل برد وســلام
تهون لن شفت السعادة فيــك ياوجــه السعـــد
لبّــي ولبّـــي وأطلبـــي ربــــي ينوّلك المـــــرام
وإنســـي تعـــب دنيــاك ما دام الك فالدنيا ولــد

[عادل العصيمي]

السلام عليكم ...

http://www.snnam.net/upload/uploads/files/snnam-e0fe6033f7.mp3


هجرني بعد ما كنا حبايب = وليته عاد علّم بالسبايب
تركني في بحور الشك وأقفى = وغاب . الله يرجع كل غايب
الا ياليل خبرني بحاله = عساه بخير في دنياه طايب
انا ما همني وش صار فيني = لو أني ذقت من هجره عقايب
اذا أنه عايش بدنياه هاني = سعيد ولا شكى مرّ الغصايب
دخيلك لا تذكّره بحنيني = وخلّه في عذيب الحب ذايب
عسى الله يرزقه بأنسان مخلص = وأنا قدامي الدنيا رحايب
الآه الكون ما ينسى عباده = وحب الناس من ربي وهايب

.

[عادل العصيمي]

وجدي على اللي ناوي الصيفية = في مصر والا في ربوع الشامي

[عادل العصيمي]

:SnipeR (88):


وراك ما كلمتني بالتيليفون = والا تليفونك عليه الحراسة

[عادل العصيمي]

يقول طيب قلت ماني بطيب = اطيب كيف وخاطري منك ما طاب
طيب لو انك ياحبيبي قريب = ما بيني وبينك متاريس وابواب

[عادل العصيمي]

لا تشغل أفكارك بكثر التفاكير = وتقول عادل صاحبي وش حصلّه
أنا على خبرك ولا أحتاج تذكير = والطير لو هاجر يعوّد محلّه

[عادل العصيمي]

أنتظرت العيد الأول وأنتظرت الثاني = ما وصلني منك يالغالي ولو عيديّة

[عادل العصيمي]

أحسني مشتاق لك وأنت عندي = وأحس بأن اللي أحسه تحسه

[عادل العصيمي]

صفحتي على الفيس بوك


http://www.facebook.com/profile.php?id=1367401043



,

[عادل العصيمي]

سنيني وش تساوي مع سنينك = سؤالي صعب مير الله يعينك
سؤال وينتظر منك الإجابة = وأنا أوعدك الحكي بيني وبينك
أنا من كثر ما أنته في خيالي = بديت أصوّرك وأشوف زينك
تصورتك وصوّرت انطباعي = رسمت عيونك وطلّت جبينك
حفظت الصورة بجوات قلبي = عسى الله يحفظك من حاسدينك
ولكن قبل لا تذكر جوابك = أبيك تجاوب وعيني بعينك
أنا صرت أفهمك قدام تحكي = رهنتك قبل لا أصبح رهينك
ولو قلت الجواب اللي فـ بالي = أقول الله يرحم والدينك

[عادل العصيمي]

الحاسة السادسة


ليه يطلقون عليها الحاسة السادسة من دون ما يسمونها مثل باقي الحواس الخمس ؟


اول شي وش هي الحاسة السادسة ...


اذا كنت مسرح وتحس كأن فيه شي غير طبيعي حولك واذا ناظرت تحصل واحد يناظر فيك ..


اذا مر عليك موقف واكتشفت ان الموقف هذا مار عليك من قبل ..


اذا بتنام وعندك شغل ضروري في ساعة معينة . ووقت الساعة وصحيت قبل تدق الساعة بدقيقة ..


اذا جاء على بالك واحد في نفس اللحظة أنت على باله << هذي حصولها قليل لكنها تحصل ..


اذا جاء طاري واحد وفجأه الا وهو قدامك << الذيب عند طارية ..


وغيرها امثله كثير


المشكلة في تسميتها هو عدم معرفة منبعها من وين


,

[عادل العصيمي]

تصب الزيت في وسط الهشيم وتشعل النيران = وليتك عاد يابن الناس لن كبرت تطفيها

[عادل العصيمي]

اليوم والتاريخ ما هو بعادي = عيد الوطن جعل الوطن دوم في عيد
الك التهاني يازعيم البلادي = ولكل شعب المملكة دون تحديد

[عادل العصيمي]

يامخفي إحساسك من العام لليوم = القلب ما آن الآوان يتنفس ؟

[عادل العصيمي]

تسلم يدينك ويسلم قلبك الطيب = وتسلم عيونك ويسلم ذوقك الناهي

[عادل العصيمي]

المشاعر كل ما شفتك تثور = فيك حاجة ما هي بكل البشر
البشر لا شك ما فيهم قصور = لكن أنتي حبك بقلبي خشر

[عادل العصيمي]

دندن وأنا أدندن وسمعني العود = أعزف على لحن الغلا والمودة
خل الغلا في داخل أعماقي يزود = واللي مضى من دنيتك لا تعده

[عادل العصيمي]

تنتظر ..

وانا أنتظر ..

والكل منا ينتظر !

والعمر لو حنا طلبنا ينتظر ما ينتظر ..

والعمر لو حنا طلبنا ينتظر ما ينتظر ..

[عادل العصيمي]

..
http://www.snnam.net/upload/uploads/files/snnam-e95ce7ca88.mp3


الناس واجد بالميات وبالألوف = لكن قليل اللي على سجيته
درب الصداقة بالخطر دوم محفوف = وأهل النوايا فالضمير مبيّته
قلوبنا مثل الرسايل فالظروف = والقلب رب العرش يعلم نيّته
والآدمي لن كان ما هو بمعروف = تخفى عليّه حسنته مع سيّته
عرفت من دنياي في شتى الظروف = ما احكم على الرجال من شخصيّته
بعض العرب بشته زهى فوق الكتوف = طويل بشت وقاصره عقليته
ضعيف لو ما كان من ناسٍ ضعوف = واللي يدلّه للطريق وخيته
وبعض العرب يبان من نطق الحروف = يكفيك عن كثر الحكي رديّته
للمرجله والطيب رجالٍ لهوف = عريب جد ويحتمي قاليّته
الذكر ما هو مثل ما عينك تشوف = الطيب بين الناس له ماريته
..

[عادل العصيمي]

ياخي أنته غير .. والباقين غير = ترتجف من شوفتك مشاعري

[عادل العصيمي]

لا تثقلي كاهلي أرجوك يكفي عتاب = تعبت من كثر ما الوم الزمان الردي

[عادل العصيمي]

على باب الأسى تزاحمت مشاعر الأحزان =عيوني ما قدرت من المصاب أمنع مدامعها
على شوفت أمير الخير وجه الخير والإحسان =وهو راحل عن الأحباب والدنيا يودعها

[عادل العصيمي]

ثنتين فالرجال كان الله جمعها=يفرض على كل المخاليق احترامه
المرجلة والدين واللي زاد معها =تزيد من قدره وترفع في مقامه
هذي طماعة ما يلام اللي طمعها =شف الرجال اللي تدور للزعامة

[عادل العصيمي]

كل عام وأنت بخير وتحوم ياطير = بين الظلوع وعايشٍ في كنفها

[عادل العصيمي]

,,


http://www.snnam.net/upload/uploads/files/snnam-1def31cb25.mp3



فقدتني ياريحة المسك والعود = عساك ما تفقد من الناس غالي
أبشرك طيب وفالدار موجود = مع العرب عايش وكنّي لحالي
أسج بعض أحيان من غير مقصود = أتوه فالدنيا جنوب وشمالي
ما أغيب واجد قطعة أيام وآعود = والناس كلٍ في لياليه سالي
اعدود والعالم مصادير وورود = وأنا على عدي ولو ما صفالي
دام الرجاء في رحمة الله معقود = ليه أشغل الخاطر بكثر أحتمالي
يكفيني إني سارق عيونك السود = يوم ألبس الغترة وأميّل عقالي
لن قلت لي مفقود قلت الك مفقود = في بحر حسنك ياحسين الدلالي

[عادل العصيمي]

آسف على اللي راح وآسف على الجاي = أقحمتك بليلي وفي عنفواني



:wardah:

[عادل العصيمي]

تعالي جددي فيني هواك اللي بدا ذلحين = بدا ذلحين وأحسّه بقلبي شايبٍ راسه

[عادل العصيمي]

,

http://www.snnam.net/upload/uploads/files/snnam-679e2fff12.mp3

,


تصدق اني ما دريت (أ) عن الخبر = سمعت مثل العالم اللي يسمعون
وأثره قديم وصار له عام وشهر = والظاهر اني آخر اللي يعلمون
معقوله تخبي عليّه ياقمر = لا والله الا قمت تخلف فالضنون
ياليتها جتني من أحد من البشر = ما جاتني منك أنت يمكنها تهون
من غيرك الزّلة تصيب ولا تضر = ومخيرة بين التمدد والسكون
لو انها تِزعل وتنشب فالنحر = أشرب علاها كاس شاي ويانسون
لكنها منك أنت يالغالي قهر = أمسيت من زلتك ضايق ومغبون
في خاطري دقت نواقيس الخطر = والقلب والإحساس قاموا يسألون
وش فيه وش صاير وش أسباب السهر = ليه الدمع يملا المحاجر فالعيون
عوّدت أدور لك عن أسباب وعذر = أخاف من بعض العرب لا يعرفون
الوقت يامقساه والدنيا دهر = والناس لو سمعوا خبر ما يرحمون
شرهة محب تحفها باقة زهر = للي بجوف القلب يعرف من يكون

[تركي شجعان]

رائع يابو دارين


هواجيس جميله وابداع تخطى الحدود


تسجيل اعجاب بهذا الجمال

[عادل العصيمي]

حياك ياتركي


الهواجيس منورة بوجودك طال عمرك


اعجابك وسام يالأمير


الف شكر


,

[عادل العصيمي]

كل يوم أشوفك غير ياقطعة الماس = أتاملك وأبحر بكل الزوايا
أدري بأنك حيل ناعم وحساس = وأخاف من لمسك وتصبح شظايا


:SnipeR (26):

[عادل العصيمي]

هم أسبقونا بالعطاء والمواجيب = وحنا على درب المراجل لحقنا
الله جمعنا وأنثنى بيننا الطيب = ونموت عن درب الوفاء ما فهقنا

[عادل العصيمي]

,


http://www.snnam.net/upload/uploads/files/snnam-626e807c65.mp3



,

[عادل العصيمي]

أحيان أفكر فيك وأنسى همومي = وأحيان تفزع مع همومي عليّه

[الأدميرال]

لا تثقلي كاهلي أرجوك يكفي عتـاب
تعبت من كثر ما الوم الزمان الردي

متابع لك دوم ياعادل وتسلم على الابيات الروعه

[عادل العصيمي]

الله يسلمك اخوي فيصل


ومتابعتك تزيدني شرف طال عمرك


شرفت


,

[عادل العصيمي]

آسف اذا.. إني وقفت بطريقك = والله ما أقصد أزعلك يوم وقّفت
شفتك تناديني وكني صديقك = جاوبتك وياليتني ما تلقّفت

[عادل العصيمي]

ياملهمة صدري غضى وانتي مقابيس الشرار = وأنا من الفرحة حظنتك واشتعل جمر الغضى

[عادل العصيمي]

شروق الشمس وأنسام الربيع وضحكة الأطفال = هذا بعض الشعور اللي يجيني لحظة آشوفك
أناظر فيك وأبحر في بحور الحلم والآمال = وأخاف من الغرق وأصحى قبل ما الآمس كفوفك

[عادل العصيمي]

أنته كبير ودوم تكبر بعيني = وأخاف عيني يالغضي ما تشيلك

[عادل العصيمي]

,,


لحظة صفاء فيها وفاء ...

تمحى سنين من الجفاء ...


,,

[عادل العصيمي]

اذا تحبني صدق ويدينك على عيونك خجل = أرفع يدينك خلني أملا عيوني من حلاك

[عادل العصيمي]

سكوتي صبر . وعيوني تخيل من الشفاة حروف = وحرفي لو صبر طول الزمن ما ضاع مفتاحه

[عادل العصيمي]

خلوني أحلم وآتهنى بالأحلام = احيان تلقى الحلم يصبح حقيقة

[عادل العصيمي]

اخذت مني شي يوم من الأيام = والا بمعنى صح وصلك هدية
أهتم فيه وشجعه وأعطه ألهام = وطبطب عليه بكل صبح وعشية
لا تجعله عايش على شط الأحلام = والحلم يبعدبه عن الواقعية
خايف يصير الحلم وهم من الأوهام = يمد له كفه وترجع خليّة
لا تظلمه والظلم منهي فالأسلام = وأنته حنون ولا تجي منك سيّة

[عادل العصيمي]

ما هو بعيب أنك تسويلك خطاء = الناس تخطي دايم وحنا بشر
العيب لو يبخل لسانك بالعطاء = ترا الخطاء ما يغسله غير العذر

[عادل العصيمي]

سمعت صوتك وأذعنت كل الجوارح للخفوق = رغم الصخب صوتك طغى فوق الحناجر كلّها

[عادل العصيمي]

لا والله الا جابها المــــواط = خلا هل الخمسين من دونه


:)

[عادل العصيمي]

ما ني بعشاق الخلا والمعاصير = عشقي لقيته في حياة الحضارة
مار احلب الناقة ياراع المغاتير = واعجل علانا شف بالي غضارة

[عادل العصيمي]

هيا بنا نمرح على شاطي السيف = شاطي عشقته من زمان الطفولة
بنيت فيه احلام من دون تكليف = واليوم أجددها بسن الرجولة
شاطي يذكر خاطري بالمواليف = واللي من أول كان يصعب حصوله
لو أوصفه يمكن تشح التواصيف = بالمختصر شاطي على شكل دولة
من كنت طفل يمرّّني كنّه الطيف = حتى بحلمي غير ممكن وصوله
ياليتها فالصغر جتني على الكيف = الحين ما يقطع ضمى الشوق جولة
ياهاجسي ما هو بوقت التحاسيف = خل الحسايف دامني من حمولة
ما دام مستانس تهون التكاليف = واحساسي التواق يملك سيولة
خل العلوم مظرفة بالمظاريف = الناس لا يدرون باللي نقوله
هيا بنا نمضي وهات المحاريف = يمكن نشوف أم العيون الخجولة

[عادل العصيمي]

ياعين لدّي بالنظر للمراقيب = المخطية طيب المسامح وطاها
غمرتني بالطيب ياراعي الطيب = لين استحت نفسي تذكّر خطاها

[عادل العصيمي]

ما تعرف الرجال حتي تخاويه = وان كان خاويته كتابه فتشته
اما لقيت الطيب فحوى معانية = والا لقيت من الرداء ثم كرشته
وأنا لقيت اللي عسى الله يخليه = الطيب عنده ما يطفّي سوشته
مطنوخ وعلوم الوفاء كلها فيه = اسمه مع شيوخ المراجل نقشته



.......................... الخ


:)

[عادل العصيمي]

قومٍ تجاهد في ميادين الأحرار = وعيونهم للنصر والا الشهادة
وقومٍ تبا للأمة الذل والعار = تسعى ورا المراءة وحلم القيادة

[عادل العصيمي]

اول رسالة كان فيها تلاميح = وانا بليا قصد قمت اتغيشم
شفت النخل يمسي ويصبح ملاقيح = قلت أستكن ياصاحبي لا تعيشم

[عادل العصيمي]

الله يكثر خير منهو ذكرني = ياعنك يستاهل على الخشم حبّة
ليته يشوف الصاحب اللي قهرني = وان قلت ليه ؟ يقول زود المحبة

[عادل العصيمي]

ثلاث شهور ياعمري وعمري في يد الرحمن = الف الأرض طول وعرض ادوّر سيد خلاني
وصلت أبعد مكان يكون ما جيتي على أي لسان = ولا كنت آتوقع يوم اشوفك بين جيراني

[عادل العصيمي]

ثارة دمشق وثوّرة معها حلب = الشام شام العز في ذا اليوم شام
ما ضاع حق اللي على حقه طلب = يارب تنصرهم على ولد الحرام

[عادل العصيمي]

ليه البوارج تعدي مع قناة السويس = في وقت كل الدول تدعوا لوقف القتل
الشام يغلي غلي وايران تضرس ضريس = والمصري المحترم قاعد يقطع بصل !!

[عادل العصيمي]

ذوقك خطير وإيتكيتك يجنن = خايف عليك من البشر يحسدونك

[عادل العصيمي]

اخذي الكتاب وياحمامة طيري = للجادل اللي مشغله تفكيري
ست الحسن سبحان من صورها = تصوير ربي ما هي بتصويري

[عادل العصيمي]

تكلم وأطلق عنان السوالف في ركون الصمت = تراك تمون وحروفك نغمها يطرب سموعي
تعاتبني تمازحني ما دام اني معك أسلمت = أخذ راحتك دام أنك سكنت بداخل ضلوعي

[عادل العصيمي]

ياللي تهوجس ما تهوجس على ماش = هواجس الشعار فيها لكاعة
المسألة ما هي بعيشة ونعتاش = المسالة كبر الفضاء وأتساعه
غيري سرى وأنا مع الصبح غبّاش = أحب ريح الصبح وأعشق شعاعه
على النقى ماشي ولاني بغشاش = جنبي متين ولا عرفت الجزاعة
لاني بلا هافي ولا ني ولد لاش = حتى أغدر الطيّب وأدور طماعة
ياليتني ما عشت وأبوي ما عاش = لو كان تالي تربيتنا وضاعة

[عادل العصيمي]

قلبي معك . خله معك . تراك مامون الخفوق = ما فيه غيرك شخص ثاني للخفوق أستامنه

[عادل العصيمي]

الناس مثل الشجر والموت حاطبها = وقود للنار غير اللي رحمه الله
لو كان ابا اعد موجبها وسالبها = قضيت عمري بهم وغم وبعلة
يابندر أقرب من النيرة وجاذبها = هات المعاميل عندك وأحكر الدلة
عندي نصيحة محبة ليت تكتبها = سيفٍ وفي مقبل الأيام تستلّه
لا تنطق الكلمة الا وأنت حاسبها = ما كل رجال يبيدمح لك الزلة
احذر تدج السوالف ثم تخربها = بعض السوالف حرام وما لها ملّة
لو انها حق فكر في عواقبها = اللي بقلبك ما هو كلٍ بيفطنله
كم روس زلّة وطارت عن مناكبها = لو كان من روس قوم ومابها خلّة
العوج ما أنته على العدال غاصبها = تقنع وبكره تشوف الدرب وتدلّه
دنياك هذي تعلّم من يعيش ابها = صكاتها تهدي الرجال للعلّة

[عادل العصيمي]

أسري وأنا عيني على نجمة سهيل = ما ودّي أغفل عن سهيل ونجمته

[عادل العصيمي]

الجو غايم والسماء كلّها بروق = تتعب عيون اللي يخيل البروقي
سحايبٍ تبرق ولا بينها فروق = ما عاد أميّزها وأعرف الصدوقي

[عادل العصيمي]

في خاطري كلمةٍ تطري من أمس العصر = لن جيت أبا أقولها عجزت لا أقولها

[عادل العصيمي]

لا تضن اني غشيم ولا فهمتك = لا ورب البيت فاهم وش تقول
لو قسيت أنته على حالك رحمتك = ليه تستعجل ترا ما ني عجول

[عادل العصيمي]

الله أنه لا يوفق من يضرك = من يضر الناس في قلبه غلو
أنت غير الناس في حلوك ومرك = حتى مرك ياهوى بالي حلو

[عادل العصيمي]

العائلة في مصطلح أهل العلوم = أجزائها تشبه لإجزاء ( شجرة )
تنمو وتنمو لين تخضرّ وتقوم = اعروقها الرجال والساق المرة
اذا رزقها الله بالماء كل يوم = بعد سنة تلقى بالأغصان ثمرة

[عادل العصيمي]

ياللي فقدتيني هذيك المرّة = نفسي تراودني أعيد الكرّة
وأنا ورب البيت إني أخجل = أمشي على الجرّة بنفس الجرّة
حاولت أدوّرلي طريقٍ ثاني = قلبي عصاني قال . مرّة مرّة
الظاهر أنه في هواك مغرّز = حتى دركسونه عجزت آفرّه

[عادل العصيمي]

الصباح أجمل وأحلى بإبتسامة = أبتسم والناس لجلك تبتسم

[عادل العصيمي]

عيوني فيك ما يرمش هدبها = أثر حتى العيون ابها عطاشا

[عادل العصيمي]

تذكر وش اللي قلت في آخر لقا = يوم الموادع شمس يومه شارقة
من بعدها وانا ضميري في شقا = تصلاه نيران الحنين الحارقة
ما تنفع الهقوات حتى لو هقا = والحلم في أسر الظروف المارقة
على الجبل رقا وليته ما رقا = القاع أخير من السهوم الزارقة
ياهم لو رحبت بي ما لك بقا = بقاي عند أم الوصوف الفارقة

[عادل العصيمي]

على هونك تراني ما كسبت من الهجير كنوز = ألم وإحساس بالذنب ولو اني ما علي ذنوب

دعاني داعي من الكون يومٍ الهدف مركوز = ورحت أبحث وأنا حاير على غير الدروب دروب

يجوز أبعد وأعيش بوحدتي والا الوصال يجوز = أبي فتواك لجل اني من الذنب العظيم آتوب

انا أفهم فالغرام وليت حظي في هواك يفوز = اذا مكتوب يارب السماء عجلّي المكتوب

انا ما ودي بحبٍ مثل إنجل وتوم كروز = ولا احلم في تهاويل الهلالية غزو وحروب

[عادل العصيمي]

فرحان فيك بزود لكن خايف أتكلّم = أخاف لا يدرون عذالك وعذالي

أصحى تقول يمر من عندي ولا سلّم = خوفي عليك آشد من خوفي على حالي

لن كنت تتألّم تراني مثلك أتألّم = أصبر ألين الوقت يصفالك ويصفالي

[عادل العصيمي]

,
http://www.snnam.net/upload/uploads/files/snnam-6d2c6690eb.mp3


فرحان فيك بزود لكن خايف أتكلّم = أخاف لا يدرون عذالك وعذالي
أصحى تقول يمر من عندي ولا سلم = خوفي عليك آشد من خوفي على حالي
لن كنت تتألّم تراني مثلك أتألّم = أصبر ألين الوقت يصفالك ويصفالي
الليل لو سدّل غطاليسه ولو ظلّم = بكره يجيه الصبح يشعل فيه الآمالي
وتحقق اللي كنت تسهر فيه تتحلّم = وتعانق الفرحة وتصبح فيه تختالي
,

[عادل العصيمي]

الكبير يعيش فالدنيا وهو دايم كبير = ما يلدّ بعينه الا للمواضيع الكبار

[عادل العصيمي]

جيت أقول إن الهوى صعبٍ يزول = فالضمير الحي . حي ولا يموت
ما قدرت أنساك يالطرف الخجول = كل ما أسلى يصرخ بدنياي صوت

[عادل العصيمي]

الفرق بينك وبين الشمس .
ياماخذه قلب عشاقك .
الشمس تغرب سبعة وخمس .
وانتي على طول مشراقك .

^_^

[عادل العصيمي]

تويتر


Bnajlan1@





مشتاق للكل :34:

[عادل العصيمي]

والله ولك وحشة يامنتدى عتيبة



:wardah:

[إبن ثعلي]

حياك ياعادل ووين هالغيبه ؟

[عادل العصيمي]

ابقاك الله يابن ثعلي

موجود واشقر بين فترة وفترة

تويتر وما ادراك ما تويتر

[عادل العصيمي]

على كثر الدروب أمشي وأنا عيني تناظر فيك ..
أســرت قلـــوب عشّـاق الأدب يامنتدى عتيبه ..



:wardah:

[عادل العصيمي]

يامنتدى عتيبة عليك التحيات ✋


🌹

[عادل العصيمي]

أســج .. وأبعــد .. وآتـذكر .. وأعــود
وأحن .. وأشفق .. وآتوجد .. واغادر


تحية لأبن ثعلي خااااااااصة وللجميع بدون استثناء :wardah::wardah::wardah: