هواجيســـــــــي [الأرشيف] - الصفحة 2

عادل العصيمي

01-21-2009, 08:45 PM

كلٍ يطول الا قصير الباع لا يمكن يطول = حتى ولو جبّر عظامه فالمواقف تخذله
باب النصيحة من يسدّه يعتبر شخص مهبول = مهما حصل . لا يمكن لحاله يحل المشكله
انا هنا ما ودّي اتشمّت بخلق الله .. وأقول = اللي يعاني مشكلة ؟ ما هي بعيب المساءله
يساءل ويستفسر واكيد أنّه يبا يلقى حلول = لكن مدى تأثيرها يرجع على اللي يساءله
انته معك عقلك وخلق الله بعد معها عقول = تعرف تميّز فالجزالة والردي ما تقبله
شعيل يبرك للحمول ولا يفكر فالحمول = لو مال حمله ترجع الشرهه على اللي حمّله
اللي تمادى فالخطاء يقضي حياته في نزول = لو كان يملك موهبة يمكن تفجر قنبله
هذا لأنه ما مشى حسب العوايد والاصول = حاجز عناده يمنعه وأوهام فكره تقتله

عادل العصيمي

01-22-2009, 04:31 AM

الصبح نوره نفض عني هموم الظلام = حتى العصافير تعجبني تغاريدها

عادل العصيمي

01-22-2009, 04:19 PM

سولف ترا عادل يحب السواليف = ياللي سواليفك تشتت همومي

عادل العصيمي

01-23-2009, 08:19 AM

http://www.cars-club.com/up/8-2-1/carsclub_39984299.png

تسلم يدينك ياشذى

عادل العصيمي

01-24-2009, 05:08 PM

ياللي بعيد هنااااك وأحساسك من أحساسي قريب =أشعر بنبضك قبل لا يطري ببالك تكتبه
لو كنت في صحراء لقطت إرسال قلبك يالحبيب = بيني وبينك ذبذبة ياحلوها من ذبذبه

عادل العصيمي

01-25-2009, 07:16 PM

نامت عيون الكون والعاشق عيونه ما تنام =يضرب يمينه في شماله والنجوم يعدها

عادل العصيمي

01-26-2009, 07:42 PM

ماهو غريب أني أحب .. الحب فطرة فالبشر = اللّي غريب أن البشر تستغرب من اللي يحب

عادل العصيمي

02-01-2009, 08:42 PM

بعض البشر حكيه على غير ملّه = اذا تكلم ما يثمن كلامه
واللي هذا طبعه وسلمه ودلّه = كساه ثوبٍ من ثياب الندامه

عادل العصيمي

02-01-2009, 08:44 PM

لي صاحبٍ ماهو مثل كل الأصحاب = اذا تكلم صاحبي ياحلاته

عادل العصيمي

02-01-2009, 10:36 PM

للشاعر / ضيف الله حمدان (http://www.otaiby.com/inf/voices.php?action=show&id=121)

اضغط هنـــــا (http://www.otaiby.com/inf/voices.php?action=show&id=121)

عادل العصيمي

02-03-2009, 09:12 PM

:11612_1214555534:

http://www.tntup.com/audio/audio/982a24341bb1861bf4e2bdcfa854a6e5/ليتني%20ما%20طعت%20قلبي.mp3

للتحميــــل (http://www.otaiby.com/inf/voices.php?action=show&id=123)

كنت أظن أنك معي واقف بجنبي ما سليت = كل يوم يمر أقول بخاطري بكره يمر
أصنع الأعذار لجلك وأنت عني ما دريت = العذر بعد العذر واليوم ما باقي عذر
كيف تنساني وانا اللي للمحبة ما نسيت = كيف تجفاني وأنا اللي وافيٍ طول العمر
ليه قلبك صار قاسي وانت ما عمرك قسيت = كل ما مرّك لهيب القيض زاد أبك الثمر
ياخسارة ما توقعتك تهدم اللي بنيت = كنت ما اشك ابك لو شكيت في كل البشر
كنت واثق فيك وآطيعك ولا مرّة عصيت = ليه من يوفي لخلّه يكتشف فيه الغدر
ليتني ما طعت قلبي في محبتك وهويت = كان ما مات الهوى فيني ولا زار القبر

:11612_1214555567:

عادل العصيمي

02-06-2009, 12:34 AM

الشوق متّعني بعد عنّاني =حّرك مشاعر قلبي المدفونه
أفك باب القى عشر بيباني = كل ما أشوف عيونك المزيونه
لكنّ قلبك لا يصير أناني = صاحبك خلّك دوم حسب ظنونه
طلّتك طلّة غير وشكلك ثاني = وش عاد لو قلبك لفظ مكنونه
لن شفت زولك يالحبيّب جاني = صمتي يفكّ حروفه المسجونه
من كثر ما احبك تفيض اشجاني = قيس الملوح صرت أنا كربونه
ليتك تذكّرني ولا تنساني = وتصير حسب الظن ما هو دونه

عادل العصيمي

02-06-2009, 07:03 PM

أرجوك تعذرني على كل ما صار = أنت الوحيد اللي يقدّر ظروفي

عادل العصيمي

02-07-2009, 07:44 PM

سرى الليل وعيون الهواوي مساهير = يعد النجوم السابحة في سماها

عادل العصيمي

02-09-2009, 06:55 PM

اللي فهمني بالخطاء لا عاد يفهمني خطاء = مالي على درب الخطاء جرّة ولا هو مطلبي

عادل العصيمي

02-10-2009, 08:43 PM

صرت أعاني من تسلّط صاحبي في كل يوم = كل ما فكر بحاجة صاحبي فكربها
صرت أخاف أعمّق الأفكار . وتصير العلوم = كل ما تقبل هجوس أردها مع دربها

عادل العصيمي

02-11-2009, 04:51 PM

:11612_1214554985:

http://www.tntup.com/audio/audio/c8c72bbc6c6b4ae9b5864165f43459b7/اللي%20فهمني%20بالخطاء.mp3

تحميـــــلــ (http://www.otaiby.com/inf/voices.php?action=show&id=124)

اللي فهمني بالخطاء لا عاد يفهمني خطاء=مالي على درب الخطاء جرّة ولا هو مطلبي
يمكن يكونون البشر فيهم مخاليق عبطاء = لكن انا والحمد لله ما تغير مذهبي
المعطي الله ما نبي من غير خالقنا عطاء = ما غير علاّم الغيوب اللي طلبته ويش أبي
اللي دخل بين الظلوع العوج وبقلبي سطاء = خلاني آقيس المسافه بين جهدي وتعبي
أمشي وادرّج خطوتي بالهون وآعد الخطا = وأحسب حساب المظغة اللي بين دقني وشنبي
الفكـر صافي مشربة والنبع ما فوقه غطا = حبر السنين الماضية تشرب من اعذبه كتبي
عندي طموح بداخلي ما ابطا ولا حوله بطا = يعني طبيعي لا هو بيركض ولا هو بيحبي
خطوة بعد خطوة ويعرف قبل . على أيش بيطا = أشبهه بالليث فالغابة ليا شاف الظبي
واللي فهمني بالخطاء بكره ليا حظي خطا = أقابله وأشرحله اللي صار وأعطيه سببي

:11612_1214555016:

عادل العصيمي

02-13-2009, 11:17 AM

لو نهيت القلب عنها قاللي تبطي عظم = ولو أطيع القلب فيها راح ليلي سرمدي

عادل العصيمي

02-16-2009, 04:42 PM

لو تغيب أيام وشهور وليالي = والله أني ما تأثرت بغيابك
تدري ليه القلب صاير ما يبالي = لن قلبي راح مع حضرة جنابك

عادل العصيمي

02-18-2009, 09:50 PM

:11612_1214554985:

أفقدك لن غبت ياسيد الغوالي = البشر حولي وانا كنّي لحالي
في غيابك بيض الأيام السعيدة = ودعتني واقبلت سود الليالي
انت ما تدري أنا وش كثر أعاني = كل ما نور القمر يسأل ظلالي
وين من ظلّه يخاوي دوم ظلّك = كيف كان الحال واتبدّل بحالي
انت ما تدري وش اللي صار فيني = صرت تايه في غيابك وأنت سالي
أطلق احلامي وتسري بالتمني = الخيال أصبح لحلمي راس مالي
الخيال أحيان يطغى كل واقع = لو بنو حول الحقيقة سور عالي
ليت ترحمني ولا يبطي غيابك = شوفتك ياروح روحي شفّ بالي
كيف انا ما افقدك وانته مثل روحي = مالكٍ قلبي وتسكن في خيالي
أنت تسألني وأنا اعطيت الإجابة = بعد ما جاوبت أنا بسأل سؤالي
ليه تسأل يعني ما تعرف غلاتك = كان ما تعرف غلاتك فأنت غالي

:11612_1214555016:

عادل العصيمي

02-19-2009, 06:36 PM

مالك عليه يمين اني اذا شفتك= القلب بين الظلوع تزيد دقاته

عادل العصيمي

02-20-2009, 08:32 PM

غاب القمر . والليل لن غاب القمر يصبح ظلاااام = يتعب عيون اللي عيونه صاحبت نور القمر
ياليل طمّني عن الغالي ووصلّه سلاااام = ودّ الخبر ياليل ثم عطني من الغالي خبر

عادل العصيمي

02-23-2009, 08:29 PM

من أنتي

يامن على قلبي أعلنتي

حرباً بجيوشٍ لا ترحم

تحتلّ ولكن لا تقتل

ترسم وتخطط وتنفذ

تأسر وتحرر وتجند

حتى بكياني هيمنتي

بالله عليكي من أنتي

بالأمس حياتي في رغدُُ

واليوم حياتي في كبدُ

قلبي ما عاد يواليني

أنهاه ولكن لا جدوى

أشعر وبغيركي لا أشعر

أمشي وكأني لا أمشي

أركض وكأني لا أركض

ناهيكي على منهم حولي

هل أنتي سندُ أم جهدُ

بالله عليكي من أنتي

إن كنتي سندُ إن كنتي

فأنا أحتاج إلى المددُ

فأنا الظمئان إذا عطش

وسراب البيد يعانده

يرفع بكفوفه يستسقي

وسحائب غيثكي بارقةُ

هلّي بالماء فأسقيني

حتى من مائكي ترويني

الشوق يداعب إحساسي

ذهب ياقوت أم ماسي

إن كنتي فرح قوليلي

بالله عليكي من أنتي [/font][/color]

عادل العصيمي

02-26-2009, 06:58 AM

:11612_1214554985:

أرجوا أن تنال اعجاب الجميع

صوتيــــــــــــــــــــــــــة (http://www.otaiby.com/inf/voices.php?action=show&id=131)

يالله ترزقني بعشرة ملايين = والعافية والستر فيني تزودي
وتزيدها عشرة وعشرة وعشرين = دولار ماهي بالريال السعودي
وتقوّم الحظ المعثر من سنين = ياقف على حيله ويرقى سنودي
يلطم عناد الهم والغم والدين = تقفي جموع ركابها ما تعودي
حتى يجي للعمر ورد ورياحين = مثل الربيع اللي تغشى النفودي
وأقضي حياتي في رياض وبساتين = اقطف ثمار الشوق من كل عودي
العمر رمشة عين . يارمشة العين = بالله لحظة لين أوفّي عهودي
باقي شبابي ما تهنيت به زين = باقي على منح السعادة بنودي
اللي مضالي في جميع الميادين = مثل الليالي بين بيضٍ وسودي
الحظ مدري وين رايح على وين = حظي يبيله حظ قبله يقودي
راجيك ياخالق بن آدم من الطين = وأنت الكريم اللي بجودك تجودي

:11612_1214555016:

عادل العصيمي

02-26-2009, 06:56 PM

http://www.cars-club.com/up/8-2-1/carsclub_27164232.bmp

لي صاحبٍ زعلان مني من العام = والله مدري ليش زعلان مني
ليته تأنى قبل تصدير الأحكام = يمكن يظن بظن ماهو بظني
له منزلة تبقى على مر الأيام = لو هي علي ما ودي يروح عني

عادل العصيمي

02-26-2009, 08:40 PM

اليوم أنا سهران بالحيل بالحيل = هذا لأني صاحي اليوم بدري
لكن بروح أنام ومن أول الليل = خايف أسولف معك والليل يسري
ياناصر أسمحلي وخل التعاليل = لن جاك أبن ثعلي نشد قول مدري

:p

عادل العصيمي

02-27-2009, 08:07 PM

قلت أنتظر بطفي لهيب الشوق عني لا تروح = وانا أدري ان اصعب دقايق فالحياة الأنتظار

عادل العصيمي

02-27-2009, 09:56 PM

تدرون ليه اكتب قصايد من العام = وانا قبل ما كنت أحب القصايد
السالفة يالربع يوم من الأيام = حسيت في جوفي لهيب الوقايد
هموم قلبي صارت أكوام وأكوام = حاولت أزيل الهم . ما به فوايد
حدتني الدنيا على حبر الأقلام = ما يظهر العبرات غير الشدايد

عادل العصيمي

03-01-2009, 08:36 PM

http://www.cars-club.com/up/8-2-1/carsclub_68826462.jpg

أنتظرتك تمسح دموع الألم من فوق خدّ العاطفة = باحت دموع الألم والعاطفة تشكي لهيب خدودها

عادل العصيمي

03-02-2009, 07:47 PM

:11612_1214554985:

مســـاء النــــور

اتمنى أن تنال اعجابكم

صوتيــــــــــــــــــة هنـــــــــــــــــــــــا (http://www.otaiby.com/inf/voices.php?action=show&id=134)

الصراحة كان ودك بالصراحة = أنت فرحة وأبتسامة وأنشراحه
من يشوفك تمتلي عينه وتروى = كل ما فالأرض صحراء وأنت واحه
أنت ياسمح المحيا من عرفتك = صارت أيامي سماحة في سماحه
أنت للقلب العليل أحلى مداوي = تخرج العلّة بدون أية جراحه
القدر حطك على درب المسافر = والمسافر شاف في عينك كفاحه
مدّ كفّه ودّه بلمسة جبينك = رحت عنه أبعد من الحر وجناحه
كل يوم يزيد في قلبي غلاتك = لين صار القلب لك باحه مباحه
أنت لو شفتك وأنا جندي عراقي = كان أخوض الحرب كنّي في سياحه
ما حسبت حساب بوش ولا جيوشه = أكسر جيوش العدو وأغنم سلاحه
أجمل اللحظات يومني هويتك = يوم حبك هز قلبي وأستباحه
عيدها في كل يوم وكل لحظة = خل حبك يرجع يعيد اكتساحه
بأختصار أنته حياتي ياحياتي = الصراحة كان ودّك بالصراحة

:11612_1214555016:

عادل العصيمي

03-04-2009, 04:21 PM

http://www.cars-club.com/up/8-2-1/carsclub_78299489.jpg

قول أي شي بخاطرك الاّ الفراق = الكلمة اللي ما أبيك تقولها

عادل العصيمي

03-04-2009, 09:11 PM

أشتاقلك وأنته بعيد . أشتاقلك وأنته قريب = يعني كذا والا كذا مشتاقلك مشتاقلك

عادل العصيمي

03-05-2009, 07:35 AM

أنـــــــــت

يالحبيب

بالله دقيقه لو سمحت

ابا أسألك سؤال واضح . وأنتظر منك الجواب = الليل كم ساعة ؟ وكم باقي على نور الصباح

عادل العصيمي

03-05-2009, 07:54 AM

:rolleyes:

أنـــــــــــــــــــا

الليل لو طوّل ظلامه لا تخاف ولا تهاب = ياللي تهوجس وشبك تعارض صياحي بالصياح

عادل العصيمي

03-05-2009, 08:06 AM

:)

الله الله

أدري . وأنا ياصاحبي قفلّت بيبان العتاب = لو المكافح ما تعب ما كان سموه الكفاح

عادل العصيمي

03-05-2009, 08:18 AM

:)

طيب طيب

ما بيني وبينك عتاب السيف عزه بالنصاب = ياطير حلّق بالسماء منته بمكسور الجناح

عادل العصيمي

03-05-2009, 08:33 AM

:)

ياسلام ياسلام

والله مدري كلمتك هذي خطاء والا صواب = لكن بمشيها وابااعتبرها من باب المزاح

عادل العصيمي

03-05-2009, 08:51 AM

استلــم

الشك زيله يابن عاصم لا يجي فيك ارتياب = وأن كان في قلبك عتب علي طالبك السماح

عادل العصيمي

03-05-2009, 09:26 AM

:rolleyes:

مسمـــوح

/

/

عادل العصيمي

03-05-2009, 09:32 PM

http://www.cars-club.com/up/8-2-1/carsclub_61552802.jpg

كل لحظة ينشغل بالي عليك = ليه تتركني كذا مشغول بالي

عادل العصيمي

03-07-2009, 08:25 PM

http://www.cars-club.com/up/8-2-1/carsclub_89266772.jpg

على كفوف الهم حطيت راسي = والفكر ما به سالفة غير طاريك

عادل العصيمي

03-09-2009, 08:45 PM

http://www.cars-club.com/up/8-2-1/carsclub_36422761.jpg

خلوني أحلم وآتمنى لا هو عيب ولا حرام = لو لا التمني والتفائل . ما نعيش بهاالحياة

عادل العصيمي

03-10-2009, 07:00 PM

ياهاجسي حلّق سماء والعود في عين الحسود = أهل النميمة خلّها ولا تحسب حسابها

عادل العصيمي

03-10-2009, 08:59 PM

لن كانت الدعوة معاديل وحقوق = ما اريد من راع الردى غير فرقا
ما أنته طويل اذراع واقول من روق = ولا أنته كريم سبال ترجع لبرقا

عادل العصيمي

03-11-2009, 02:20 PM

لن جتني الزلّة من أنسان مجنون = ياوين أبا القى عاقلة للمجنن

عادل العصيمي

03-12-2009, 12:22 AM

وش مزعلك وش فيك ضايق وزعلان = ليه العتب والصد ما فيه داعي

عادل العصيمي

03-13-2009, 07:18 PM

تعبت . يكفي . يازمان البهاذيل = تعبت وأتعبت الهموم وسعدها

عادل العصيمي

03-15-2009, 05:03 PM

لي صاحبٍ ما عاد يسأل عليه = مدري وش اللي يمنعه ما يجيني

عادل العصيمي

03-16-2009, 03:16 PM

أمس بدوي واليوم شفني تحضريت = كله على شانك تركت البداوة

عادل العصيمي

03-22-2009, 06:41 PM

:11612_1214554985:

مساء الخير

جديد اتمنى يحوز على أستحسان الجميع

http://www.otaiby.com/vb/uploaded/11866_1237746724.mp3

تحميل اضغط هنـــــا (http://www.otaiby.com/inf/voices.php?action=show&id=153)

الصاحب اللي شدني للهوى شد = عيّت عيوني لا تفارق عيونه
واللي جذبني له وخلاني انحد = له نفس من بين الخلايق حنونه
أعانقه بالود ويبادل الود = حتى جنوني صار مغرم جنونه
مشاعري لن غاب عني تجمد = وأعيش ليل البعد أراقب سكونه
منجوم ليل وضاع في ليلٍ أسود = البدر ما تحلا الليالي بدونه
ما هو من اللي فالهوى طبعه الصد = واللي يحبه ما يفكر يخونه
مير الزمن قاسي وخلاه يبعد = حتى تلاشت عن سمانا مزونه
ياصاحبي وين أنت ياناعم الخد = قلبي من الفرقا تزايد طعونه
بحر الهموم أجتاحني كل ما مد = غرقت فيه ولا لقيت المعونه
أصيح وأنادي ولا أوحيت لك رد = صاحبك تكفى لا تخيب ظنونه
لا بد أشوفك كل ليله ولا بد = قلبي من الاشواق تملا ركونه
غرست فيني حب صادق بلا حد = واليوم غرسك يابساتٍ غصونه

:11612_1214555016:

عادل العصيمي

03-26-2009, 05:27 PM

:11612_1214554985:

أين أنتي

يتجدد الشوق دائماً وأنتي كما كنتي

لا أكاد أرفع يميني لأحيي

إلا أستدرتي وعدتي من حيث جئتي

أشعلتي نار المحبة داخلي

وعلى وسادة ريش النعام نمتي

يااااااويلتي :52:

أكاد لا أصدق ما فعلتي ؟

هل أنتي بشرٌ هل أنتي ؟

هل يوجد في صدرك قلبُ ؟

هل يوجد في قلبك نبضُ ؟

هل يوجد في النبض مشاعـر ؟

هل هي صادقتُ أم ماذا ؟

كم مره قلتي فصدقتي ؟

كم كذبة في اليوم كذبتي ؟

كم كأساً جرعتي غيري ؟

كم روحٌ بالحب قتلتي ؟

هل أنتي راضيتٌ عن نفسك ؟

اليوم تلائلاء في عيني

روحٌ صادقتٌ طاهرتٌ

جائت وبقلبٍ لا يخدع

مسحت بيمينٍ شافيتٍ

برأت وأندثرت أوجاعي

يامنت كريمٌ ياربي

يامنت كريمٌ ياربي

:11612_1214555016:

عادل العصيمي

04-04-2009, 04:08 PM

ياحلاته ياحلاته فالعرب تندر صفاته = من يعذرب في حبيبي مات ما سوى سواته

عادل العصيمي

04-05-2009, 08:47 PM

:11612_1214554985:

صوت الأحزان

جديد اتمنى لها القبول

صوتية هنـــا (http://www.otaiby.com/inf/voices.php?action=show&id=156)

لجة ظلوعي من صدى صوت الأحزان = قام يتردد صوتها بين الأظلاع
كتمت لجّـتها على مرّ الأزمان = تعبت اروّض عنفها لجل تنصاع
ياليتها تشرى السعادة بالأثمان = مثل أي سلعة داخل السوق تنباع
أبا اشتري لي . وأشري لفلان وأفلان = عادي لو أن المال في كسبها ضاع
شوف الفرح مرسوم في وجه الأنسان = أطمع بها في وقت مشبوه الأطماع
مكسب ومن يشريه ما هو بخسران = خسران من يظحك على مرّ الأوجاع
الله وأكبر يازمن فيه نقصان = الصاع مدّ وكيلة المدّ بالصاع
شتّان بين المدّ والصاع شتّان = ياهل ترى كيف اختلف سلم الأطباع
السالفة ماهي مشاغـل ونسيان = حتى يقرّب مستوى العطف للقاع
نطرد ورى ركب التطور ولا بان = الا انمحى ما كان فينا بالإجماع
نفتح لنا بيبان ونصك بيبان = وأسهل طريقة للهرب ضغطة أصباع
مهما تطورنا ترى الأصل بدوان = هذي حقيقه واضحة يكفي خداع
وشلون يشغلنا عن الخير شيطان = كثرة شياطين البشر والخبر ذاع
قبل أمس كان بليس من دون عنوان = واليوم حصّل له أذاعه ومذياع
دمعة ألم سالت على حمر الأوجان = دمعه . ولكن كنها سيف قطاع
وقفت أراقبها وانا كلي ايمان = أن البشر فيهم على الخير فزاع
:11612_1214555016:

عادل العصيمي

04-06-2009, 06:55 PM

جتني تشيل أعذارها من جور الأيام = ودموعها تشفع على ما صار منها

عادل العصيمي

04-10-2009, 04:26 PM

سألتها عن دموع الحزن ثم قالت = أسقيبها وردتيني خوف لا تذبل

عادل العصيمي

04-10-2009, 04:58 PM

ما قهرني فالزمن غير الهياط = والمهايط شخص راعي مصلحة

عادل العصيمي

04-11-2009, 08:52 PM

:11612_1210249319:

شيلــــــــة (http://www.otaiby.com/inf/voices.php?action=show&id=157)

لو جمعنا كل كتـّاب الأدب = والهجوس تمدنا باللي نبيه
والفرايد ترضخ بطيب وغصب = كل ما مد المهوجس راحتيه
ولو نصب حروفها صب الذهب = لين يصبح كل حرفٍ عن جنيه
والله أنا ما وفينا ما وجب = لو يوفــّي كل بار بوالديه
يوم نمدح نسل عبد المطلب = ياصلاة ويا سلام الله عليه
الأمين الصادق اللي ما كذب = ما نطق الا بما يوحى اليه
أرسله ربي نذير ٍ من غضب = وأرسله ربي بشير لمتقيه
رحمةٍ للعالمين من اللهب = في نهارٍ يبعث المخلوق فيه
حارب أهل الشرك بالسيف الحدب = وأبتدى عصر العدالة تحتويه
كمّل الدين المنزل ثم خطب = وأتمم النعمة على الناس ورضيه
يارسول الله حبك ما نضب = كل منا فدوتك أمه وأبيه
ما علينا من رديّ المنقلب = من ينقص قيمتك شلّة يديه
يرسمون ويكتبون ولا عجب = ما تعرّض للكريم الا السفيه
يمكرون ألنا ومكر الله غلب = كل يوم الدين ناسٍ تهتويه
الله اللي يحفظ الدين ووهب = في عباده من طريقه نقتديه

عادل العصيمي

04-12-2009, 04:24 PM

ياكثر ما غنيت لجلك غناوي = تحت الظلام اللي عيونه مساديل
أرسل نديب العشق ويرد خاوي =ما جاء على بالك ترد المراسيل
ضميت قربك وأنت عدٍ رهاوي =وقوافل الحجاج تسري محاميل

عادل العصيمي

04-13-2009, 11:48 AM

تعال وحط عينك في عنيه = واذا جفنك تهزهز ما عليّه
واذا جفني خذلني هاك قلبي = واعمل ما بدالك ياعنيه

عادل العصيمي

04-14-2009, 07:35 PM

ليه الجفا يابو عيونٍ نواعيس = ما تدري إن الصد خطرٍ عليه
نومي غدا عقبك هموم وكوابيس = والعالم الله ويش بيصر فيه

عادل العصيمي

04-15-2009, 09:34 PM

أسمك كبير أكبر من جبال السراه = وأنته كبير بعين من يرتجي فيك
أزعل اذا شفت الردي حرك شفاه = وأفرح اذا شفت المعزة موانيك

عادل العصيمي

04-18-2009, 06:47 PM

:11612_1210249319:

من جديدي الذي أفتخر فيه لأنها في أغلا وطن

شــلــة هنــــا (http://www.otaiby.com/inf/voices.php?action=show&id=160)

ليل وظلام ووقت قاسي وغربال = ما زعزعت حلمٍ سكن قلب رجال
جاها من المشرق تقوده عزومه = معه اربعينٍ بين رجلي وخيّال
شوقه يسابق خطوته يم داره = روحه تعانقها بعد طول ترحال
جاها معزي وأفرحة يوم جاها = بالسيف شامان أنردع كل عيّال
ثم أشرقة شمسه ونادى المنادي = أستامني يادار من كل الأهوال
وحّد قبايلها تحت راية الدين = سبحان من هو بدّل الحال بالحال
على كتاب الله وسنّة محمد = رسّخ دعايمها من الجال للجال
مرحوم يارمز الشرف والشجاعة = ياجعل لك في جنة الخلد منزال
أسست دولة ما هي أيات دولة = دستورها القرآن وأقوالها أفعال
ترفع شعار الدين في كل راية = خفاق يابيرق هل المجد بالعال
يادولة الأسلام حنا جنودك = سيري وحنا معك في كل مدهال
سيري على درب الهدى والهداية = مادام أبو متعب لنا ظل وظلال
مليكنا اللي كل ابونا نحبه = في عزته نبني لتحقيق الآمال
برقابنا بيعه على العسر واللين = بيعة (ولاء) تبقى على مر الأجيال
الله يعز الدين والله يعزه = ويسدده في كل مخرج ومدخال

عادل العصيمي

04-19-2009, 05:42 PM

ليه تجبرني على كسرة يدي = في زمن مقدر أعيش بدونها

عادل العصيمي

04-21-2009, 05:50 PM

ياليل قلّـه لا يطول غيابه = قلّـه بعد فرقاه ذقت البهاذيل
له وحشةٍ حتى ولو في عتابه = قلّـه أنا مشتاق . مشتاق ياليل

عادل العصيمي

04-23-2009, 11:52 PM

:11612_1214554985:

ان شاء الله تعجبكم

شيلـــــة هنــــــا (http://http://www.otaiby.com/inf/voices.php?action=show&id=161)

ارسل عليك ولا ترد المراسيل = خليتني ما بين شكة وريبه
أتعبت حيلي لين ما عاد أبي حيل = ترا الهوى بالطيب ما هو غصيبه
صدّقت في صاحبك هرج العواذيل = عوايد العذال ما هي غريبه
انفوسهم واقلوبهم كنها الليل = الحقد لاقيله ديارٍ خصيبه
ياكثر ما عند العواذل مواويل = أحيان تخدعنا النفوس الكئيبه
اللي يحبون العنى والبهاذيل = والتفرقة بين الحبيب وحبيبه
واللي تبعهم ما يحصل محاصيل = يبعـد ولا يلقى دروبٍ تجيبه
يبطي ودمعه يمسحه بالمناديل = ويلوم نفسه ليه هذا نصيبه
أخترت أكون أنسان ما يبخس الكيل = يوفي ودورات الزمان تغديبه
يعني هذا جزاي يوم أعدل الميل = تزعل بدل ما صاحبك تقتديبه
خليتني قدامك من العراقيل = الصدق والمعروف عندك مصيبه
وآخر زمانك رحت راعي محابيل = ما ني بخابر فيك نمّه وغيبه
مسموح لو جازيتني بالغرابيل = لو كان نفسي منك تبطي صويبه
قلبٍ هواك وذاق من كفك الويل = دورت ما حصلت به غير طيبه

:11612_1214555016:

عادل العصيمي

04-25-2009, 08:37 PM

عمتي مساءً سيدتي

عمت مساءً

من فضلك قولي لها أنني هنا

حسناً

عفواً سيدي هي ليست بالمنزل

ولكنني رأيتها تدخل قبل قليل

هي قالـ ...:88: لا أعلم لا أعلم أرجوك أذهب

:59: فهمت لا تريد مقابلتي . حسناً أعطها هذه الرسالة

http://up.damasgate.com/files/h9lei905mtsa36sfmb2f.jpg (http://up.damasgate.com/)

عصفورتي

أنا مشتاق لكي

أوردتي وشراييني تتدفق شوقاً لكي

أعلم ما تمرين به .. وأقدره ولكن الى متى

جئت لكي أخرجك من ما أنتي فيه

لا أستطيع أن أراكي هكذا ولا أفعل شيئاً

أريد أن اراكي ترفرفين في السماء كما كنتي

سوف أنتظرك تحت شجرة الصنوبر :)

كوني بخير

ع أ ل

عادل العصيمي

04-27-2009, 09:45 PM

لن ضاق صدرك وأمتلى حزن وهموم = وأبطيت ما بانت عليك أبتسامه
مد الفراش وحط حرتك فالنوم = لو كان كثر النوم فيه الملامه

عادل العصيمي

04-28-2009, 04:05 PM

لن كنت مخطي . قول في ويش أنا أخطيت = ما هو بحق تضيق دون أيت أسباب

عادل العصيمي

04-29-2009, 09:19 PM

تعال عاتبني وانا اعاتبك = ونشوف منهو يغلب الثاني

عادل العصيمي

05-08-2009, 07:20 PM

ليتني ما طعت قلبـــــــي

بثوب جديــد هـنـــــــــا (http://www.otaiby.com/inf/voices.php?action=show&id=162)

/

عادل العصيمي

05-09-2009, 06:03 PM

ليه توعدني وتخلف في وعودك = والله أني ما توقعتك كذيّا
أختلف في ناضري بيضك وسودك = من فعولك كلها عندي سويّا

عادل العصيمي

05-10-2009, 04:53 PM

http://www.cars-club.com/up/8-2-1/carsclub_15342254.jpg

ماذا جرى . ياهل ترى . ماذا جرى
مالي أرى نور السماء أحمرا
في ليلةٍ هادئة غامضة
وبينما أنا أشاهد إذ أرى
ريح قوية عاتية
حتى الثرى تحمل حبات الثرى
كراستي كتبت فيها عبرتي
وضعتها هنا هنا وضعتها
أضعتها ياحسرتي أضعتها
وجدتها يافرحتي وجدتها
هيا بنا بنيتي لا تفزعي
نجلس في ظل الشجـر
نقطف حبات الثمر
أنا وأنتي وحدنا
أنا وأنتي وحدنا
أنا وأنتي وحدنا

عادل العصيمي

05-11-2009, 08:17 PM

:11612_1214554985:

كيبورديــــة اتمنى تحوز على رضــاكـــم

الهجوس طيور والجزلة فريده = لا تحسّب كل طير يطير صايد
هاجسي ما كل صيدٍ يب يصيده = هاجسي حرٍ مضرى بالفرايد
عزّك الله ياحكومتنا الرشيده = الكرم والطيب والتقدير سايد
الصدور وساع والأريى سديده = كل منا راد والرحمن رايد
ما مشينا للقريبه والبعيده = غير نطمح كل بونا للفوايد
لن قريت أسمي بصفحات الجريده = لا تصدق في علوم أهل الجرايد
صاحبك يزيد ما ينقص رصيده = لن حكمة أعدل ومن يحكم يحايد
النفوس اللي تبي تشعل وقيده = صفهم وأشعل بهم نار ووقايد
ما مشينا غير مع نهج العقيده = وأنت عالم فالعقيده والعقايد
الضعيف اللي يدوّر للمكيده = والعصيمي ما يطبّح فالمكايد
يستخير ويستشير ويوم عيده = يوم يلفي صوب دارة من يعايد

:11612_1214555016:

عادل العصيمي

05-12-2009, 07:49 PM

الهجوس طيور

http://www.cars-club.com/up/8-2-1/carsclub_36567703.bmp
شيلـــة هنـــا (http://www.otaiby.com/inf/voices.php?action=show&id=164)

عادل العصيمي

05-15-2009, 11:39 PM

ما جاء على بالك ترد المراسيل = ياللي عليك حروف شعري تهلّي

عادل العصيمي

05-17-2009, 05:13 PM

على بالي تبي ترجع وعينك كلها أشواق = حنينك يحضن الملتاع ويطبطب على قلبه

عادل العصيمي

05-18-2009, 05:32 PM

ياللي شهيقك ما يعادل زفيرك = خليتني محتار مدري وش تبي

عادل العصيمي

05-20-2009, 07:37 PM

http://www.tntup.com/audio/audio/c7cc089833a09ae8a6aa2fd5c61335fd/وش%20لون.wma

وش لون تحسبها كذا والسالفة ضحك ومزوح = والا علا بالك تحاسبني على أتفه سبب
اذا رجعنا للخطاء قلبي من أسبابك يفوح = ياكثر ما سامح وادمدم فالجروح بلا عتب
أضحك وأسلي خاطري والقلب في صدري ينوح = واللي مصبرني على حامضك حلوك ياعنب
خلك من الصح والخطاء تعال عندي لا تروح = تعال نفتح صفحةٍ بيضاء بلاش من التعب

عادل العصيمي

05-21-2009, 01:55 PM

أمانة لن خذاك الوقت لا تنسى زمانٍ فات = وقول ان جيت في بالك . عسى الله يذكره بالخير

عادل العصيمي

05-21-2009, 10:36 PM

ما أجملك

يفداك اللاش وما ملك

يا أجمل قلب في الدنيا

ياليتك قربي أسألك

من أين أتيت ومن متى

من أسم الكوكب والفلك

http://www.cars-club.com/up/8-2-1/carsclub_28723809.jpg

معذور فيك ولايم الشوق يقفي = ينصى ديارٍ خالية من ربيعها

عادل العصيمي

05-23-2009, 03:07 PM

أصعب اللحظات ؟ غير الأنتظار = يوم تجهل ليه جالس تنتظر

عادل العصيمي

05-24-2009, 11:40 AM

:)

وصلك مثل مدّ البخيل = يضن في بخله صواب
وهجرك مثل سيفٍ شطير = ياسرع ضربه للرقاب
لكن أظني بأستخير = ما من وراك الا العذاب
السر خله جوف بير = ما عاد أبي رد الكتاب

عادل العصيمي

05-24-2009, 09:45 PM

:11612_1214554985:

مساء الخير على الجميع

شيلـــــة هنـــــا (http://www.otaiby.com/inf/voices.php?action=show&id=166)

يابنت أنا قلبي من البيض مفتون = وأنتي بحبك زدتي الطين بلّة
الحال من غيبتك من دون في دون = لن طوّلت غيبتك مشكاي لله
القلب يسأل عنك واقول له هون = لن عاد يسألني أنا ويش أقلّه
تعبت أداري عنه والقلب مجنون = يمكن يصيبه لن درا عنك علّه
طال الغياب وهاجس الشك ملعون = ياكثر ما غـرّر بقلبي وتلّه
أظنون أشتتها ويطري لي أظنون = أزيح ظن وظن يسكن محلّه
أصد لأوحيت العواذل يقولون = يمكن كلام الناس ذا كذب كلّه
ماني مصدق فيك حتى يملّون = لو حالتي من غيبتك مضمحلّه
لن الوفي يوفي ولا يعرف يخون = يموت قدام الغدر يستدلّه
بيني وبينك عهد والسر مدفون = أبا أنتظر وأنته طريقي تدلّه

:11612_1214555016:

عادل العصيمي

05-26-2009, 09:01 PM

الليل راح وبارق الشوق ما لاح = تعبت عيوني من مخايل بروقه

عادل العصيمي

05-28-2009, 11:30 AM

http://www.cars-club.com/up/8-2-1/carsclub_89448406.jpg

قريت في صمته كلام

جفاء ولكنه وفاء

حسيت في قلبه خصام

ناره على قلبي دفا

سهرة مع بدر التمام

والصبح عن عيني خفا

عادل العصيمي

05-29-2009, 09:03 PM

الدلة اللي تعدل الراس عيت تفوح = بريةٍ كايفة ودي بفنجالها

عادل العصيمي

05-31-2009, 08:03 PM

بسم الله الرحمن الرحيم

مساء الخير

أليكم هذه المتواضعة أرجوا أن تنال اعجابكم

شيلـــة هنـــــا (http://www.otaiby.com/inf/voices.php?action=show&id=167)

الحلم ما هو ذنب في دين الإسلام = ما حرمه ربي بسنة نبيه
يمكن خطاي أني بنيتك بالأوهام= والحلم بعّدني عن الواقعية
يادنيتٍ فيها التمني والأحلام = أكبر جريمة فالحياة الشقية
لا تكثر اللومات لو كنت لوّام = الحلم ما يحسب حساب الخطية
لوم السنين اللي بها عرف وأحكام = باقي بها من حقبة الجاهلية
ما لي عليها فرض بشروط وإلزام = بالعكس هي تفرض قدرها عليه
أنا مجرد شخص وأحلامي أكوام = حققت معظمها وباقي بقية
تكدست عبر الليالي والأيام = واللي بقت ما لي بها مقدرية
أكذب عليك أن قلت سهلة وتنرام = ياكثرها يوم أشرب الشاذلية
أقوم أعددها وأشخّط بالأقلام = أجمع وأكسّر في هذيك وهذيه
لو التمني سهل ما كان صدام = زعيم دولة راح يوم الضحية
الحظ يلعب دور أساسي إذا قام = وبدون حظ أنا بليّا هوية

عادل العصيمي

05-31-2009, 10:26 PM

:)

اللي يحس ان الأوادم حكوا فيه= يروح للشيخ العصيمي يداويه
يقراء عليه من الصور ما تيسر = حتى يريحنا ويقصر بلاويه

عادل العصيمي

06-01-2009, 03:07 PM

مصطفى مرسل عليّه !! وش يقول ؟= قال قولٍ ما يقوله محترم
أثر بعض الناس دايخ ومهبول = تفهم الجدران وهوه ما فهم
يحسبني في مخاواته عجول = لا وربي ما يشرفني قسم

عادل العصيمي

06-03-2009, 10:39 PM

ياجار بابك منخلع وأنت نجار = يامصلح البيبان ما شفت بابك

عادل العصيمي

06-04-2009, 06:02 PM

أزعل عليك وكثر أنا ما أزعل عليك = أسامحك وأنسى الخطاء وتجدده

عادل العصيمي

06-06-2009, 08:39 PM

باقي كلامي ما أنتهى في خاطري باقي كلام = أصبر شوي أجمّعه وأدققه وأرتبه
يمكن كلامي يجرحك لكنّ من قلبي حرام = أنا عليّ الأسئلة وأنته عليك الأجوبه

عادل العصيمي

06-07-2009, 09:29 PM

:11612_1214554985:

أرجوا أن تنال اعجابكم

صوتيـــة هنـــا (http://www.otaiby.com/inf/voices.php?action=show&id=168)

أزعل عليك وكثر أنا ما أزعل عليك =أسامحك وأنسى الخطاء وتجـدده
اذا عطيت الحب يب يرجع إليك = واذا عطيت الكره كرهك تحصده
أبعد وتدعيني وأنا مجبور أجيك = وإذا قلط شوقي بقلبك تطرده
وان قمت من عندك تخطفني يديك = والدمع من عينك تحدر بسوده
تعال صارحني برحمة والديك = قلبي وراك تحاول أنك تجهده
القلب ماهو دميتٍ في راحتيك = أتمدده وتقلصه وتمدده
تبا الصراحه والله إني حرت فيك = ليتك تعلمني وش اللي تقصده
علامة استفهام ضخمة تحتويك = واللي دعمها نفسك المتمرده
تناقض أفكارك يكتّف معصميك = أستشعره من منطقك وأستشهده
لن كان في قلبك نوايا هيك هيك = تجعلك دايم للخطاء تتعمده
لا تحسبني مع طريقك بقتفيك = لن كان هذا مقصدك فأستبعده
الله يسمًح دربك ويستر عليك = شطّب على عادل وشوف اللي بعده

عادل العصيمي

06-08-2009, 08:15 PM

بليّا خيال الشعـر ما له ولا ذوق = تخيل تشوف الليل ما به نجومي

عادل العصيمي

06-09-2009, 07:23 PM

ياعيد قلّه لا يطول غيابه = ما عاد فيني حيل للصبر ياعيد
يومين ما يرسل عليه جوابه = وحنا حبايب والصوادر مواريد
هذا ثوابه كيف بالله عقابه= ياشيب عيني لو تطول المواعيد
في ذمتي لجيه وأدق بابه = لو كان دون الباب شلف وبواريد

عادل العصيمي

06-10-2009, 10:56 PM

أتعب اذا شفت الخدود الحمر غاشيها سحاب = وأقول ياربي على روس الشعاب تهلها

عادل العصيمي

06-11-2009, 07:26 AM

فيروز ...

http://www.cars-club.com/up/8-2-1/carsclub_10316433.JPG

إن العيون التي في طرفها حور= قتلننـا ثـم لـم يحييـن قتلانـا

عادل العصيمي

06-11-2009, 05:52 PM

ياحلاته يوم شفته ياحلاته = الله اللي كمّله وأحسن صفاته
أحمدك وأشكرك ياجزل العطايا = عد ما كبر مصلي في صلاته

عادل العصيمي

06-11-2009, 06:31 PM

لا تعاتب كل شي الا العتاب = العتاب يجدد جروح الزمن

عادل العصيمي

06-11-2009, 06:50 PM

كل ما جيت المكان أتذكرك = عطرك اللي فاح باقي فالمكان

عادل العصيمي

06-12-2009, 06:04 PM

إختفاء الشيء لا ينفي وجوده = وإحتواء الشيء لا يمنع ظهوره

عادل العصيمي

06-13-2009, 07:26 PM

:37:

أنت الربيع اللي زهى بعيوني = لو عرفوا العذال ما لاموني
قلبي مع الكيبورد يعرف يرطن = يرسل عليه الذبذبه ويخوني
كتبت حرف ..... أنا متأكد = وأذكر لساني ساجنه بسنوني
لكن وش اللي صار أنا مش عارف = والكارثة ما شفتها بعيوني
مؤامرة بين الجوارح ضدي = بس المهم الناس ما شافوني

عادل العصيمي

06-13-2009, 09:34 PM

يسعد صباح الهيمنة والسلطنة والفرعنة = أنا أشهد أن اللي ذكر قليل في حقك بعد
صوتك شجن همسك لحن وأحساس قلبك دندنة = قلبي وطن . حبك سكن في داخلي إلا الأبد

عادل العصيمي

06-14-2009, 09:17 PM

http://www.cars-club.com/up/8-2-1/carsclub_77760554.bmp

فاضت عيوني بحر وأروت عطاشا العروق = من طلتك ياقمر فاضت عيوني بحر
ما تلتفت ياقمر ياللي تعليت فوق = حولك نجوم السماء ما تلتفت ياقمر

عادل العصيمي

06-17-2009, 10:29 AM

مدري وش اللي فيك يجذب يالهنوف = أقفي ولا أدري غير أنا الد النظر

عادل العصيمي

06-19-2009, 08:41 AM

صباح الخير ياجرح السنين وبلسم الولهان = صباح الخير ياسرّ الغموض وفك شفراته

عادل العصيمي

06-19-2009, 10:06 PM

جاني رسالة من كريم المواجيب = ياكثر ما أرسلي ظروف ومكاتيب
حمامته جتني تشيل الرسالة = يقول مالي غير وصلك مطاليب

عادل العصيمي

06-22-2009, 06:47 PM

بسم الله الرحمن الرحيم

مساء الخير

سبحان من حنا تحت أمره ألاه العالمين =الواحد الفرد الصمد رب الخلايق كلّها

الحمد له والشكر له يومه خلقنا مؤمنين =وأرسل مراسيل الهدى حتى الدروب ندلّها

أبداء بذكره وأستعين بقدرته والله يعين =شاعر ونقاد الشعر شعري بداء ياصلّها

شاعر وأمثل كل رجل من الرجال الطيبين =ألله يعز الراية اللي نستظل بظلّها

الله يعزك يابلادي كل يوم وكل حين=في ظل من حبه قلوب المسلمين أحتلّها

في ظل أبو متعب حبيب الشعب قايدنا الأمين =قايد مسيرتنا ونهضتنا وصانع حلّها

انجدد البيعة لبو متعب وحنا واثقين =وأرواحنا دون الوطن حتى الولي ياذنلها

الحمد لله آكلين وشاربين وآمنين =نعمة كبيرة غيرنا تطمح ولا يحصلها

يدوم عز أخوان نوره رغم كيد الحاقدين =ياللي تسولف من قهر خل السوالف خلّها

نويت تزرع دابر الفتنة وحنا خابرين =قدام خمس أعوام واليومه رجعة تعلّها

حاقد وفي قلبك مرض يالله عسى حظك يشين =أبك أنت نفسك من زمانك تب تموت بذلّها

تبي تحقق غايتك تبطي عظم يابا الحصين =وين أنت مندس يوم راعيها عليك يهلّها
والثالثة ماهي على قدّك ولا شكلك بزين =هذي كبيرة منت راعيها ولا كفوالّها

الله يعز اللي ليا قالوا . لهم قولٍ ثمين =طبع التواضع والتسامح من ثوابت دلّها

خادم بيوت الله نصير الخايفين الجايعين =اللي ليا نشفت حلوق المعدمين يبلّها

هذا إمام المسلمين اللي على تقوى ودين =عينه سحايبها على حال اليتيم تهلّها

هذا زعيم الأمة وراعي بلاد الحرمين=له هيبةٍ منها سلاطين الزمان تجلّها

الله يسدد خطوته ويمد في عمره سنين =ويرد أبو خالد لنا والعافية مستلّها

ولي عهد القايد الباني وساعده اليمين =أبو يمينٍ للفقارى مدها ما غلّها

الله يرد أميرنا أدعوا معي يامسلمين=الله يرده بالسلامة والصدوف يزلها

وللنائب الثاني وزير الداخلية شاكرين =على وقوفه ضد من ينوي البلد يفتنلّها

حنا جنودك يابلادي والخلايق شاهدين =وقلوب ما فيها ولاء أحسن تموت بغلّها

حنا سواة البرق ننزل فوق روس العابثين =نخلف نواياها ونردعها ونلعن من لّها

عادل العصيمي

06-25-2009, 03:06 PM

8

8

8

شيلـــــــــة (http://www.otaiby.com/inf/voices.php?action=show&id=169)

عادل العصيمي

06-25-2009, 10:10 PM

http://www.cars-club.com/up/8-2-1/carsclub_38012566.gif

كل يوم أقول بكره .. وأنتظر منك الرسالة = خايف أني عايش بوهمٍ كبير ولا أنت داري
آآآه لو تدري عن الولهان واللي في خياله= للسهر والحزن ودروب الهوى ما هو بضاري
لا تخليني معلّق بين يمكن وأحتماله = ضعت في ليل الهموم أسير مدري وين ساري

عادل العصيمي

06-26-2009, 07:28 PM

فتشت في ماضي عطيب المضاريب = لقيت في ماضيه فتل ومعاني
وقته شحيح ويكسب الطيب بالطيب = لن جاته الأربع تضاعف ثماني
ما ينفع الأصحاب غير الأصاحيب = يومن بعض الناس صاير أناني
بالمختصر عديت كل المراقيب = لقيت في ماضيه ما جاه جاني
واليوم بعد أنه صفت له مشاريب = ليته يترجم ما حصل فالزماني

عادل العصيمي

06-29-2009, 06:41 PM

الليلة إحساسي مطر والروح من سيلة ربيع = فياضها ينبت بها من كل شكل وكل لون
ذعذع علينا يابراد الليله الخاطر وسيع = ماني بحابس فرحتي بفرح مع اللي يفرحون

عادل العصيمي

06-29-2009, 07:08 PM

يامن تنظر إلى السماء ...

تذكر ...

أن رقبتك ستئلمك إذا أطلت النظر ...

فنصيحتي اليك .. أخفظ رأسك وأنظر تحت أقدامك ...

فأنك لن تبلغ السماء

.

عادل العصيمي

06-30-2009, 05:07 PM

http://www.cars-club.com/up/8-2-1/carsclub_25027479.jpg

الصاحب اللي راح ما عاد شفناه = ما عاد يذكرنا ويسأل علينا
يمكن نسي أو يحسبنا نسيناه = والا زمانه يمنعه لا يجينا

عادل العصيمي

06-30-2009, 08:13 PM

تناظرني وأنا عندك قريب أحاكي الأطلال = تعال وشتت أطلالي وأنا بشتت أطلالك

عادل العصيمي

07-01-2009, 09:50 PM

كيف ترحل وأنت ما قلت الوداع = تترك المكسور ما تجبر صوابه

عادل العصيمي

07-02-2009, 11:20 PM

قدام أشوفك كان في صدري سواليف وكلام = جيتي وضيعتي طراطيش الكلام وصاحبه
طلتك تربشني وتدهشني يادوب أنطق ( سلام ) = لخبطتي أوراقي ما عاد أدري وش اللي كاتبه

عادل العصيمي

07-03-2009, 02:54 PM

http://www.cars-club.com/up/8-2-1/carsclub_38907585.jpg

مدري أنا مدري لكني بنتظر فصل الربيع = لين الشجر كل الشجر ينبت له أوراق وزهور
ياصبر مدري تستطيع أو تنفذ ولا تستطيع = تكفين هلّي ياسحابه وأغسليها بالطهور
كفّي تعب من مدته عجزت من بعض الصنيع = سبحان من خلا العيون تترجم اللي فالصدور

عادل العصيمي

07-03-2009, 07:30 PM

حذاري تنزل الدمعة على خدك بعد ذا اليوم = أنا ما أقدر أشوف الدمع بعيونك وأقف ساكت

عادل العصيمي

07-03-2009, 10:41 PM

بسم الله الرحمن الرحيم

مساء الخير

جديد اتمنى تنول الاستحسان

شيلـــــــــــة (http://www.otaiby.com/inf/voices.php?action=show&id=170)

مهما يدور ابنا الزمن يبقى الأمل بالله كبير = العمر رحلة والتوقف في محطات القدر
اللي صبر في دنيته يقدر يواصل فالمسير = واللي عجز من دنيته ياقف ولا يقدر يمر
يبقى التفاؤل ديدن الإنسان فالعمر القصير = الحلم وحده مشكلة . لازم يطعّم بالصبر
اللي حلم أنه يطير. يحقق الحلم ويطير = واللي تشاءم بالقدر. في دنيته يلقى قشر
بس المهم أنّك من أعماقك تعرف اللي يصير = واللي زرع شجرة بعد فترة يبي يجني ثمر
في داخل الإنسان فجوة ما يحسبها كثير = تصعب عليه السالفة لن كان ما عنده خبر
فجوة يغذيها الشهيق ولا يغذيها الزفير = مع الشهيق تحس مثل اللي شرب كأس الخمر
تعطيك نشوة داخل عروقك ولو ساقك كسير = تاقف على ساقك وكن الساق من كسره جبر
غايتك تدعمها وتجعلها بلحظة تستثير = ويصير عندك مقدرة تكسر عراقيلك كسر
هذا إذا كان التفاؤل داخل إحساسك مدير = سيطر على جوارحك يأمر ولا تعصى الأمر
المسألة ما هي بحاجة لا طبيب ولا خبير = لكل غاية قاعـدة ومن التجاريب العبر
إذا عرفت القاعدة تراك في نفسك بصير = سهل التحكم فالشعور اللي تزاحم فالصدر
اللي حلم أنه يطير. يحقق الحلم ويطير = واللي تشاءم بالقدر. في دنيته يلقى قشر

عادل العصيمي

07-04-2009, 05:57 PM

تذكر هذاك اليوم ؟؟؟

قريباً

عادل العصيمي

07-06-2009, 07:38 PM

:11612_1210249319:

مساء الخير .... جديد أتمنى لها القبول

صوتيــة (http://www.otaiby.com/inf/voices.php?action=show&id=172)

تذكر هذاك اليوم والا يالغضي ما تذكره = أنا أذكره كنّه قبل ساعة حصل والا أقل
دايم على بالي وأعيشه كل يوم أستحضره = أسمع رعوده في خيالي وأستفيق من الخجل
الصمت ذاك اليوم خيّم في ركون الثرثره = هدوء وأطراف الحيث تقول صايبها شلل
سمعت آهاتك وحرّكني شعور أستشعره = يوم أنت مطلق ذكرياتك في سماء ماضي رحل
حزين وعيونك سحابة مستهلّة ممطره = وقّفت ساعات الفرح والورد في خدك ذبل
حاولت أواسي خاطرك خوف الزمن لا يكسره = وقفت قدّامك ولا أدري كيف أسوي والعمل
مسحت بالمنديل دمعة فوق خدك مجبره = ردّيت منديلي قصيدة كلّها نقض وفتل
معها ابتسامة تسرق عيون الخلايق مبهره = حتى ولو هي معسرة . في ناظري مثل الأمل
موقف كشف سرٍ مغطى والليالي تستره = سرٍ دفنته داخل أعماقي وخاف من القتل
اللي حصل خلا القلم يشتاق حبر المحبره = يمكن لأنه في حياتي كلّها ما قد حصل
مدري ذكرته يالغضي والا تبيني أقبره = كانك تبيني أقبره ترا أقبره طول الأزل
شاعر ذكر موقف وحب يسجلة في دفتره = والشعر موقف والمواقف بعضها ما يحتمل

عادل العصيمي

07-06-2009, 10:45 PM

يالايمي ليتك على قلبي تويق = حتى تقدّر صاحبك ما تلومه

عادل العصيمي

07-08-2009, 04:44 PM

http://www.youtube.com/watch?v=xsnrJYno4OM

عادل العصيمي

07-09-2009, 01:39 PM

ما نسيته ساكن بقلبي سنة = آتأمل فيه وأسمع وش يقول
ما يقول الا من القول أحسنه = لين صاب الفكر شيء من الذهول
لن حكى تسكت جميع الألسنة = يجذب الأنظار ويشد العقول

عادل العصيمي

07-10-2009, 09:21 PM

مفاجأة

وأنا أعشق المفاجأت .. وأحسد نفسي على سعت صدري .. رغم أني توقعت أنفعالي

شكراً لهدوئي

عادل العصيمي

07-11-2009, 11:08 PM

أظلم الليل

وأصبح الظلام دامساً ولم أعد أرى من حولي

أسمع أصواتاً ... ولكنني لا أستطيع رؤيتها ... حتى الاتجاهات الأربع أضعتها

ضقت ذرعاً مما أنا فيه

أحسست أن هناك شيئاً سيحدث .. وقفت أقلب رأسي يمنةً ويسرة

http://www.cars-club.com/up/8-2-1/carsclub_11150570.bmp

وإذا به يشرق بهدوء وخجل وحولة السحب وكأنها ستائراً من حرير ملقية على وجهه

نعم أنه البدر

فلتذهب أيها الظلام

مرحباً أيها البدر لو تأخرة لكان الظلام أصبح جزاءً مني ..

فمرحباً بك

عادل العصيمي

07-12-2009, 03:06 AM

يازين شوقي عاملٍ بي عمايل = صبري ضعف عزمه من الشوق يازين

عادل العصيمي

07-15-2009, 07:08 PM

نفس الشعور اللي بقلبك بقلبي = أبا التمس لك بين الأعذار معذار

عادل العصيمي

07-16-2009, 10:24 PM

من روائع الشاعر محمد الوبيري

http://www.tntup.com/audio/audio/20e1566d1f889cd2aacb583077bc1937/تعالي%20ياحمامة%202.mp3

أو هنـــــا (http://www.tntup.com/audio/view.php?play=20e1566d1f889cd2aacb583077bc1937)

سماع تحميل هنا (http://otaiby-up.com/download.php?down=181)

عادل العصيمي

07-17-2009, 12:47 PM

أبطيت عنا ليه ما عاد شفناك = ما تدري أنك في غيابك فقيدة

عادل العصيمي

07-18-2009, 10:14 PM

ضعت فيك ولا أبي القى طريقي = ودي أقعد ضايعٍ في بحر حبك

عادل العصيمي

07-24-2009, 09:07 PM

يامرتع الإحساس وين المواصيل = قلبي على وصلك يعد الدقايق

عادل العصيمي

07-30-2009, 07:46 PM

انا واياه في دنيا المحبة من زمانٍ فات =تبادلنا أكاليل الغرام أشكال وألواني
يصحي داخلي عبرة وأصحي داخله عبرات = من هموم الزمان اللي لها أول بلا تالي

عادل العصيمي

07-31-2009, 09:38 PM

حاجة تبيها ما رضي راعيها = احذر تغرك نفسك وتقفيها
لو كان جاك الموت لا تطلبها = حتى لو أنه ناويٍ يعطيها
النفس لو تحتاج لا ترخصها = نفسٍ رخيصة ما حدٍ مغليها

عادل العصيمي

08-03-2009, 08:38 PM

خاويتلي من بين خلق الله عتيبي عازمي = الي الشرف والي الفخر في ناصر وصداقته
شفت المراجل كلها في كف هذا الآدمي = يكسب قلوب المسلمين بطيبه ولباقته
كريم من ربعٍ ليا جادوا كرمهم حاتمي = ما شافت عيوني كرم مثل كرم رفاقته
يالآد عاصي جعل يفداكم قليل الخاتمي = اللي يصك الباب لن شاف الضيوف وطاقته
يالعازمي لن جيت يم اللي قضى فاللازمي = طلق الحجاج اللي يسر ضيوفه بطلاقته
وصل سلامي للكريم الذرب جعلك سالمي = الله يكثر خير ابن عمك ويبقي فاقته

عادل العصيمي

08-04-2009, 08:08 PM

غمرني أحساسك بعد ما كنت أصلي ركعتين = أستسقي الرحمن يرزقني من مزونك مطر
غرقت . يازين الغرق في بحر همس الجمرتين = غريق وأتنفس غرامك وأمتلى منه النحر

عادل العصيمي

08-06-2009, 07:49 PM

يذوب الحزن في صفحة ويأتي بعدها صفحات = وصمت الليل يجتاح الدفاتر ثم يقلبها

عادل العصيمي

08-06-2009, 10:23 PM

:)

روّح زمان المشيخة يارياجيل = في هالزمن كل البشر راحوا شيوخ

عادل العصيمي

08-07-2009, 08:01 PM

الجادل اللي كلها حسن ودلال = لو لزمت يديني بها ما فكها
سبحان ربٍ حط فيها هالجمال = يازين طلتها ومحلا لكها

عادل العصيمي

08-07-2009, 08:33 PM

أكبر خطاء يوم اتناقش مع بزر = قليل ذوق وتربية . ما يستحي

عادل العصيمي

08-08-2009, 03:07 PM

http://www.cars-club.com/up/8-2-1/carsclub_68199208.gif

عادل العصيمي

08-09-2009, 08:38 PM

بسم الله الرحمن الرحيم

:11612_1210249319:

أسعد الله مسائكم بكل خير

ما اشتقت لي ؟ يوم المسافة بعيدة = ما اشتقت لي ؟ يوم أنقطع عنك الإرسال
ما اشتقت لأحلام الليال الزهيدة = الليل عنق وحلمنا فيه سلسال
من يوم رحت أيام عمري قصيدة = بيدين شاعر ما لقى شي ينقال
إذا كتب له بيت يرجع يعيده = الفكر يشكي من عنا شح الأمثال
حنيت لك وأخذني الحزن بيده = مشيت معه أميال وأميال وأميال
مشيت لين القلب تعّب وريده = لقيت نفسي بين همٍ وغربال
رجعت أعيد اللي مضى وأستعيده = يمكن يخفف شي من ضيقت البال
أعيد ماضينا وأفتش رصيده = محتاج فرحة لجل الأحزان تنزال
هذا لأنك ياحياتي فقيده = لن غبت ربي بدّل الحال بأحوال
نسيت أبارك لك . إجازة سعيدة = ما اشتقت لي . يوم أنقطع عنك الإرسال

عادل العصيمي

08-11-2009, 05:37 PM

Do you miss me

http://www.tntup.com/audio/audio/1843f0fa50e9f27b7601e092930262a4/ما%20أشتقت%20لي.mp3

تح مـيل (http://www.otaiby.com/inf/voices.php?action=show&id=179)

عادل العصيمي

08-14-2009, 09:00 PM

الغايب اللي علينا طول غيابه = ياليت ماهو مع الأيام ناسينا

عادل العصيمي

08-18-2009, 08:38 PM

مدري من أين أبداء على شان أصارحك = نفسي تعارض حلمها مع خجلها

عادل العصيمي

08-22-2009, 11:25 PM

صوتيـــــة هـــنا (http://www.otaiby.com/inf/voices.php?action=show&id=180)

كل ما شفتك معدّي من بعيد = ياخفيف الدم ودي أسالك
من شعاع الشمس ما ذاب الجليد = كيف يحصل عكس قانون الفلك
الأمل مدفون والأشواق بيد = أنشطر من حرقة البيد وهلك
ما قدر يصبر على الحظ العنيد = أختفى عني وهو يتأملك
كنت قبل أيام معدودة سعيد = لحت للخاطر وقام أسترسلك
أحتفى بك وأنت عنده يوم عيد = وأحتفيت بكل مرسول وصلك
أبتداء المشوار مع نبض الوريد = بعدها مدري وش اللي بدلك
كل ما قرّب مسافاتي تزيد = أفهمك لحظة ولحظات أجهلك
وأسأل الأيام قالت لا جديد = وأسأل الليل ورجع ما حصلك
ليه تبعد يابعد كل القصيد = ليه يانبض الهوى وش مللك

عادل العصيمي

08-28-2009, 11:14 PM

كم لي وأنا منتظر ! واقف وأناظر ساعتي = ساعتي من كثر ما أناظربها مني استحت

عادل العصيمي

09-02-2009, 10:41 PM

عيني تناظر نجد والخافق عيونه للكويت = وأحترت ما بين السعودية وبين كويتها
ياويل حالي . وش جرالي . لا عطيت ولا خذيت = القلب هايم والعيون الظامية ما أرويتها

عادل العصيمي

09-07-2009, 11:52 PM

الله يسامحك وأنا الله يسامحني = ياكثر ما أسامحك وتعيد غلطاتك

عادل العصيمي

09-13-2009, 12:16 AM

علامك ياهوى منته بساكن = نسيمك هبّ في كل الأماكن
نسيمك داخلي يحيي ويقتل =أحاول أخفى الآهات . لكن
عيوني تكشف المستور دايم = ولون الصبح يصبح لون داكن
عليك الله لا تنبش جروحي = ياكم من جرح جوف الصدر ماكن

عادل العصيمي

09-21-2009, 06:23 AM

عندما أراك

أنسى نفسي ولا أبالي بمن هم حولي

أتأملك .. لساعات وساعات وساعات ..

أراك

في أبهى الصور . كالبدر ..

أشعر بك .. أعيش تفاصيلك .. ألملم أشتات غموضك ..

ألوم نفسي أحياناً على ما أسرفت . ولكنني أرى في عينيك دافع وكأنك تلتمس لي العــذر

لا أعلم

ولكنني رأيت فيك كل ما هو جميل ونقي

ربما أعيد حساباتي ولكنني متأكد أنني سأجدك الوحيد في قائمتي الخاوية على عروشها :)

عندما أراك

لا أعلم ماذا أقول :)

.

عادل العصيمي

09-28-2009, 08:40 PM

تدرين عني كل ما خاطري ضاق = والمشكلة لن ضقت تدرين عني
وصلك ما يحسب وصل وفراقك فراق = حتى وصالك وأنتي بعيد عني

عادل العصيمي

09-30-2009, 10:17 PM

أشوف زولك جاي بعيونك كلام = ياكثر ما يجرح كلام العابرين
اقول في بالي صغيّر ما يلام = وأشوف بحروف الهجاء حرفٍ ثمين

عادل العصيمي

10-01-2009, 04:58 AM

أموت وأعرف وش يدور بخيالك = لكن قبل لا أموت أنا أبيك تعرف
أن السؤال أللي طرح هو سؤالك = والعين لو تذرف ترا منك تذرف

عادل العصيمي

10-02-2009, 11:09 PM

الغايب اللي علينا طول غيابه = ياليت ما هو مع الأيام ناسينا
هو ليه ياوقت يوم أنا فرحنا به = ما عاد شفناه يرسي في موانينا
قد قالوا اللي لقى أحبابه نسى أصحابه = يمكن مع الوقت يذكرنا وياتينا
اشتقت أنا لضحكته واشتقت لعتابه = من دونه الصبح ما يجلا ليالينا
أبا التمس له عذر لو طول غيابه = يمكن على باله ولا هو بناسينا

عادل العصيمي

10-04-2009, 12:17 AM

الله يرج بليس ويغربل بليس = يومه سعى ما بين آدم وحوا

عادل العصيمي

10-05-2009, 04:39 PM

وين أنت لي مدة وأنا أسمع بطاريك = أشغلت خلق الله بكثرة سؤالي
ما أشوف زولك لكن أوحي خطاويك = قريب منت بعيد ياشف بالي
أجر ونّات الوله ثم أناديك = ما جاوبنّي غير روس الطوالي
ما أستاهل اللي يصنعنّه أياديك = لكنّ تبقى عند مغليك غالي

عادل العصيمي

10-07-2009, 08:28 PM

بسم الله الرحمن الرحيم

صوتيــة هنـــا (http://www.otaiby.com/inf/voices.php?action=show&id=182)

ياهاجسي حلّق كما الطيارة = على بحور الشعر وأعمل غارة
لو كثرة الغارات فوق بحوره = كلٍ له أسلوبه بطرح أفكاره
وأنا من الشعار وألي أسلوبي = كتبت بالخط العريض شعاره
مجموعة الترديد ما ني منهم = ما أمشي بدرب ٍ ثار عج غباره
اذا مشيت أمشي طريق لحالي = ما ناش حزمه جرة السيارة
واذا لقيت اللي تناسب شفي = نخيت هاجوسي وولع ناره
وأقوم أدايرها وعيني فيها = لين إن عبرودي يصيب الشارة
في روضةٍ قد ناشها وسمية = فيها الخزامى فايحات أزهاره
تعجبني الألحان وأسري معها = يصيبني بعض اللحون بزاره
ياسرع ما يغمى عليّه وأصحى = والصبح ما فجت علي أنواره
واذا بدى بدر القصيدة كامل = والطرقي العابر وصل مشواره
ماني من اللي يبعدون السجّة = في سرمدية كنها الدوارة
يتعب عباد الله ويتعب روحه = لين العرب ما تلتفت لأشعاره
ياهاجسي تم الكلام ويكفي = خير الكلام اللي ينوب قصاره
ترجمت ما في خاطري من معنى = عزفت من نظم القصيد أوتاره

عادل العصيمي

10-11-2009, 07:59 PM

الصبر ما هو كل يومٍ يب يطيع = يمكن يجي يومٍ على القلب يعصا
واذا عصا بالله وشلون أستطيع = أعيش في غيبتك في هم وقصا

عادل العصيمي

10-11-2009, 08:05 PM

أصيح من غيبتك وأطيح بفراقك = ياطيبها الغيبه ولا طاري الفرقا

عادل العصيمي

10-12-2009, 06:15 PM

أبطيت ما شفتك وحبيت أذكرك = يوم الجفى ما هو لشرواك عادة
لو طالت الغيبة لك الله عاذرك = ما ني مدور في غيابك إفادة
بالعكس . في غيبتك يازين أبشرك = سهم المحبة مرتفع في زيادة

عادل العصيمي

10-15-2009, 01:49 PM

القلب متأكد وخالي من الشك = والعقل ما يجزم بليا دلايل

عادل العصيمي

10-16-2009, 08:29 PM

أنت نايم !!

والغلا في القلب لك قاعد وقايم . وأنت نايم !!

كيف نمت ! وصاحبك بالشوق هايم ...

ما طرا في بالك إني أفقدك ..

ما طرا لك ,, واحدٍ طيفك يفكر فيه دايم ..

يوم حبيتك شعوري ما أوصفه .. مثل فارس جاي وبكفه غنايم ..

وأثر محبوبي مثل وقتي . اذا كان الوقت ضايم صار ضايم ..

أنت نايم !! :)

.

عادل العصيمي

10-18-2009, 08:47 PM

ما عاد باقي فالمكان الا سحايب ذكريات = عيني تخايل برقها فقبالها ودبارها
أفرح اذا جتني على كف المحبة مقبلات = هذي تصدّر وآتولّع لين تقبل غارها

عادل العصيمي

10-24-2009, 08:19 PM

تطري علي وكل ما تطري بكيت = ودموع عيني دون ما أشعـر تنتثر

عادل العصيمي

10-26-2009, 08:45 PM

حاجة غريبة كيف ما جيت في بالك = ياللي معذبني ودايم على بالي

عادل العصيمي

10-31-2009, 08:23 PM

الصاحب اللي كل يوم يزيد في قلبي غلاه = لين أصبح الخافق غريق الحب في بحر الغلا
أنا أحسبٍ الزين في عينه وخده والشفاه = وأثر الحلا في صاحبي من راسه لساسه حلا

عادل العصيمي

11-01-2009, 07:25 PM

صاحبي سيّر عليه في محلي = له ثمان أيام ما سيّر عليه
يوم شفته قمت أرحب به وأهلي = مرحبا يبو العيون النرجسية

عادل العصيمي

11-02-2009, 09:46 PM

ليه ساكت ! كلها أربع حروف = قولها وأرتاح من كل الكلام
تسهر الليل وتفكر فالظروف = قول ( أحبك ) يانظر عيني ونام

عادل العصيمي

11-05-2009, 06:51 PM

عادل

شاعر يترجم ما يدور بضميـره= ويحاول أنه يكتب بدون تعقيـد
يشعر كما يشعر من الناس غيره = لكن شعوره فيه ميزة وتجديـد
الشعر عنده له مكانـه كبيـره = حدّه على نظم القوافي لواهيـد

عادل العصيمي

11-05-2009, 09:28 PM

يقولون بأخر عام وأقول ما ظنيت = يعرف القراية ما يعرف الكتابه

عادل العصيمي

11-09-2009, 06:44 PM

أثرك من العام وأنته كاتم بصدرك = كل الهوى والمحبة لي وأنا مدري
لك عام وأنته تشيل الهم ياصبرك = ياراعي الشوق هاته وأرمه بصدري

عادل العصيمي

11-09-2009, 07:11 PM

صاحبي يبطي عليه بالرساله = ما درى ان القلب شاعلبه حريقة
كان هالتأخير من سوء اتصاله = صار لازم نبحث النا عن طريقة

عادل العصيمي

11-14-2009, 08:42 PM

مدري ليه أشعر بأن الجرح يصحى كل ما شافتك عيني =مدري ليه تصحّي جروحي وعيني ما تبي ترخي نظرها
مدري ليه عيونك تقلّب مواجع مستكنّة من سنيني =مدري ليه العالم الله سحرها من كحلها والا حورها

عادل العصيمي

11-16-2009, 07:11 PM

http://www.cars-club.com/up/8-2-1/carsclub_53268294.jpg

أصوم عن حبه شهر وأفطر على حبة تمر=واذا طلبت الخوخ قال الخوخ باقي ما أستوى

عادل العصيمي

11-26-2009, 06:54 PM

غداّ عيد الأضحى المبارك

كل عام وأنتم بخير

,

عادل العصيمي

11-27-2009, 02:12 AM

جيتك وأنا من صيف الأشواق ضامي = عيني تخيل بروق وصلك وترجيه
ياللي عليك أرسل كثير السلامي = ومن خوف لا يدرون عنّك .أخبيه

عادل العصيمي

11-29-2009, 08:57 PM

أنت ياللي تهوجس بالهجوس الغريبة = ما دريت إن حبك صار حالة عجيبة
لن فرحنا مصيبة وإن زعلنا مصيبة = كيف نرضيك وأنته ما يهمك رضانا

عادل العصيمي

11-29-2009, 09:31 PM

يعجبني اسلوبك ومنطوقك ويازينك بخفّة دمك = لو قالوا العذال عادل حب غيرك قل لهم عادل بري

عادل العصيمي

11-30-2009, 06:41 PM

هلا باللي يذكّرني زمانٍ ما قدرت أنساه = أحبه لو دموع العين من ذكراه أرددها
هلا به لو جروحي تستفيق وودها ذكراه = ما دام إني عجزت أنسى طبيعي لو يجددها

عادل العصيمي

12-01-2009, 11:58 PM

بسم الله الرحمن الرحيم

كل عام وأنتم بخير

صوتيــــة (http://www.otaiby.com/inf/voices.php?action=show&id=186)

وش فيك ياعادل لك أيام مهموم = تبعد عن أصحابك وتجلس لحالك
ولن كثرة همومك تكثّر من النوم = علّه يخفف شي من ضيق بالك
ومنوّل الضحكة على مبسمك دوم = والفرفشة تنعدّ بأول خصالك
وش غير الأحوال بين أمس واليوم = حتى البشر قاموا بتشخيص حالك
هو حب غارق به ولا تقدر تعوم = أجبرك ترفع مع يمينك شمالك
لأنته بلا معطا ولأنته بمحروم = واللي جرى لأبن الملّوح جرالك
والا مواري عشق ما هو بمقسوم = عيّا عليه الوقت ما هو بفالك
عشـّمك وقتك وأنتشت فوقك حلوم = خلاك تحلم ثم فرّق خيالك
والا إن حظك طاح ما يقدر يقوم = جفاك شخصٍ مكرمه في وصالك
رجعت من ميدان الأحباب مهزوم = خسرت منهو كان لك راس مالك
يا عادل الإنسان فالوقت محكوم = ما طال خلق الله من الناس طالك
أعرف وش اللي في ضميرك ومفهوم = وأبا أعتبر نفسي مخوّل بدالك
الشعر له ضيقة على الخافق تحوم = بالمختصر هذي إجابة سؤالك

عادل العصيمي

12-04-2009, 05:35 PM

لمست في صوتك أسى وحروف محتارة = يعجز لسانك لا يجمعها ويحكيها

عادل العصيمي

12-04-2009, 06:00 PM

يا عاذلي فيها عسى الله يهديك = تعوّد لساني بدعوى الهدايه
لو قلت مهما قلت ما ني بموحيك = من بين خلق الله هذي منايه

عادل العصيمي

12-05-2009, 06:16 PM

ياصاحبي ما للزعل فيك منزال = وأنته مثال بطيبتك والسماحة

عادل العصيمي

12-10-2009, 08:29 AM

http://www.cars-club.com/up/8-2-1/carsclub_25154271.jpg

لولا المطر ياخيوط العنكبوت = يبس خفوقي ومات من الظمى

عادل العصيمي

12-13-2009, 07:30 PM

لا تختبر صبري على بعدك = ما عاد فيني صبر يالغالي

عادل العصيمي

12-14-2009, 11:06 PM

http://www.cars-club.com/up/8-2-1/carsclub_50132349.jpg

ابا اشتكي لك منك ياكامل الزين = بخلت بالماء والظمى ما قطعته
سنين وأنت تقول بعدين بعدين = خلاص يكفيني كلامٍ سمعته

عادل العصيمي

12-14-2009, 11:44 PM

تذكر هذاك اليوم يوم أنته تقول = تراك عندي لك معزة وغالي
اذا ذكرته قلت ما هو بمعقول = وش لون غالي وأنت يازين سالي

عادل العصيمي

12-15-2009, 10:27 PM

ما أعتب على غيرك أنا عتابي عليك = أنت الوحيد اللي ذخرته للزمن
أشوف كل الناس في عيني تليك = وأشوفك اللي ما تقدّر بالثمن

عادل العصيمي

12-16-2009, 10:55 PM

اسمي يبا يبطي وهو في ملفك = وأبا انحتك نحت الصخر في ملفي

عادل العصيمي

12-19-2009, 07:22 PM

من وين أبا أبداء وألأمل مثل السراب = أمدّ له كفـّي وعني يبتعد

عادل العصيمي

12-22-2009, 07:25 PM

الوقت ظاق ولا بقي لي مساحة للحراك = اسمع ظلوعي كل ما شد وقتي قبضته
ياوقت أنا عيني تخايل نجومك في سماك = عطني يمينك لين قلبي يحقق مهجته
اللي مضى من دنيتي راح ياجعله فداك = واللي بقي من دنيتي لا تضيّع منوته

عادل العصيمي

12-22-2009, 08:14 PM

ياكثر ما حاولت لكن دون جدوى = وقتي قوي عزوم مفتول العضودي

عادل العصيمي

12-23-2009, 10:49 PM

تخجل حروف الشعر من نور القمر = تخفي نواعسها ورا جلبابها

عادل العصيمي

12-24-2009, 10:58 PM

يالبا قلبه وفكره وأسم مكنونه = وأحروفه اللي يزينها بتشكيله
سمعت صوت النغم وأعجبني الحونه = تبعت صوته لقيته من ورا الشيله

عادل العصيمي

12-26-2009, 07:18 PM

بسم الله الرحمن الرحيم

اولاً أدعوا الله أن ينصر جنودنا البواسل في جنوب المملكة ومن يكيد لبلادنا أن يرد كيده في نحره

شيلـــة هنـــا (http://www.otaiby.com/inf/voices.php?action=show&id=188)

يمرٍٍ الليالي والبشر تسعى ورا الأرزاق = انا ماني بحاسدها عسى الرحمن يرزقها
لكن اللي يسبب فالخفوق المطمئن حراق = هذاك اللي نواله نيةٍ ودّه يحققها
لبس ثوب الشجاعة في زمان الأمن والميثاق = وهو عينه على بنت الشرف ودّه يصادقها
يحب الأرض لجل عيونها النجلا وهو بواق = تصد البنت عن وجه الردي لا جاء يعانقها
يعرّض كل ما يبرق سحاب الصيف بالبراق = على جمع الرجال ونيّته ودّه يوثقها
لكن الناس ما تجهل علوم المازح الســـراق= سواليفه مع الأجيال ثابتٍ حقايقها
نعرفه في نهارٍ حام فيه الطاير الخفاق = نهارٍ فيه يعرف مخلف النيّة وصادقها
حقيقه والحقيقه مثل نور الشمس فالمشراق = ولو حاول قليل العرف ما يقدر يدرّقها
اقوله والمراجل كل شغمومٍ لها سباق = تسابق غير ولد اللاش ما يقدر يسابقها
تحث اقدامها للطيّبة وتعانق الآفاق = وتبحث للعلوم الغانمة بأعلى شواهقها
تمدّ الها العطايا والمنايا ساقها الخلاق = خواتيم النفوس الطاهرة بيدين خالقها
عسى ربي يعز بلادنا دعوة من الأعماق = تحت حكم الرجال اللي على العليا بيارقها

,

عادل العصيمي

12-26-2009, 08:49 PM

المشكلة ما لقيت إنسان يفهمني = غير أنت ياللي عليك عتاب ياكبره
تركتني للزمان الشين يظلمني = ويخلي أحلام عمري للبشر عبره

عادل العصيمي

12-28-2009, 05:44 PM

بسم الله الرحمن الرحيم

في الزميل / شعلان بن شري

شيلـــــة هنــــــا (http://www.otaiby.com/inf/voices.php?action=show&id=189)

الشعر في بعض الرجال أشبه بذرّات الطحين = اللي تطير بها الهبوب وفرّقة حباتها
لولا عريبين النسب كان القوافي من سنين = تحت النصايب والنصايب ما تقوم امواتها
نعمين ياشعلان ياذخر الرجال الطيبين = وأنا أحمد الله والقصيدة جات في حزاتها
ما هو غريب الطيب من راعيه ياذرب اليمين = الناس نعرفها مع الأيام من وقفاتها
انتم عيال الشايب وتاريخكم كنزٍ ثمين = كل المراجع تفتخر بفعولكم صفحاتها
عساك ياشعلان ذخر وبالوفاء جنبٍ متين = واللي يسوي طيب ما يرجا العرب مداتها
الطيب من ساس العتيبي عند كل المسلمين = وعتيبه الهيلا قبيلة تنذكر عاداتها

,

عادل العصيمي

12-28-2009, 08:55 PM

http://www.cars-club.com/up/8-2-1/carsclub_77687198.jpg

هذا أنا جالس لحالي من جديد = يذبحني الليل الطويل ووحشته
جالس وأهوجس وأتسلى بالقصيد = الليل يانور القمر كم مدّته

عادل العصيمي

12-30-2009, 07:53 AM

شيلــــة هنـــــا (http://www.otaiby.com/inf/voices.php?action=show&id=183)

عزي لمن يفقد من الناس غالين = تصبح حياته من بعدهم حزينه
يطرون في باله من الحين للحين = واذا ذكرهم هلت دموع عينه
وتجدد أحزانه بقايا من أسنين = وجودها ينبش جروحٍ دفينه
تكتب على بيبان عمره عناوين = فكره قطار وذكرياته مدينه
ماله محطة غير ذكرى المحبين = اللي عليها يستهل بحنينه
واللي تهز القلب ذكرى القريبين = وأصعب ألم ذكرى حدا وآلدينه
ذكرى على قلبه كما حد سكين = مثل البحر لحظة مرور السفينه
يجرّها شوقه وتدمع بها العين = لحظة نزول الدمع يرخي جبينه
ذي حالة الأيام . لا شك راضين = مكتوب والإنسان وش في يدينه

عادل العصيمي

12-30-2009, 10:53 AM

سبحانك ربي ما أرحمك بعبادك

هي القصه عن شخص جاء له منادي في المنام يطلب منه يتصل برقم محدد ويطلب فلان الفلاني وياخذه لمكه للعمره .. الشخص طبعاً في اليوم الاول اعتبرها اضغاث احلام ولما تكررت لليوم الثاني سأل شيخ مسجد في حارتهم وافتاه بأن هذا نداء وبأن عليه اذا جاه النداء لليوم الثالث ان يتمعن في الرقم وينفذ الوصيه

هذا الشخص ماقصر اخذ الرقم في النداء الثالث واتصل على صاحبه وطلب فلان وقال له انا معك قال له يا اخي جاني نداء في المنام يطلب مني اخذك للعمره وانا لازم انفذ هذا الامر .. طبعاً الشخص المقصود ضحك وقال له اي عمره تعرف اني من سنوات طويله مااذكر اني حتى صليت اي صلاه

طبعاً المتصل اصر عليه وقال له انا لازم اخذك للعمره لأن هذا امر ما اقدر اخالفه وارجوك ساعدني .. وافق الاخ الثاني وقال له على شرط ان تاخذني على حسابك وكل تكاليف العمره عليك وتردني الى بيتي .. الشخص الثاني وافق واتفقوا يمر عليه في الرياض اليوم الثاني وياخذه الى مكه للعمره

راح له في الموعد المحدد بينهم ولقاه شخص مافيه اي سمه من سمات الصلاح .. اشعث واغبر وعلى مايبدو انه سكير وكان مستغرب جداً ان يأتيه نداء في المنام لمدة ثلاثة ايام لشخص بهذه الحاله

المهم اخذه الى اقرب ميقات وخلاه يغتسل ويلبس ملابس الاحرام وبعدها اخذه الى مكه لتأدية العمره والحمدلله ادوا العمره سويه وبعدما خلصوا المناسك وقصروا شعرهم قرروا العوده وبحسب الاتفاق عليه ارجاع الاخ الثاني الى بيته في الرياض .. لكنه قبل مايخرج من مكه طلب منه انه يأدي ركعتين لله لأن يمكن هذه اخر مره يدخل فيها البيت الحرام .. وهو يصلي الركعتين طول في السجود ولما نهزه اللي معه اكتشف انه مات وهو ساجد ..

ماقدر يتحمل وبكي وهو يحسده على مثل هذه الخاتمه 'يحشر الانسان على اخر شي كان عليه' ..

طبعاً غسلوه بماء زمزم وصلوا عليه في الحرم وبعدها اخذه للرياض وابلغ اهله واقاموا العزاء وبعد العزاء بثلاثة ايام هذا الشخص اتصل على زوجة المتوفي وطلب يكلمها

وسألها ايش كان يعمل زوجها حتى يلاقي مثل هذه الخاتمه اللي يحسده عليها الصالحين وردت عليه قالت والله يا اخي ان زوجي هذا من فتره طويله لم يعد يصوم او يصلي وان زجاجة الخمر هي رفيقه الوحيد في حله وترحاله ولااذكر له من المحاسن شيء الا شيء واحد

لنا جاره ارمله فقيره وعندها اطفال وزوجي هذا كل ليله يشتري لنا عشاء للبيت ويشتري لهم معنا ويمر عليها يحط اكلها في الباب ويقول لها خذي اكلك من الباب وهي تدعي له بهذا الدعاء

' روح الله يحسن خاتمتك'

يعني سبحان الله دعاء هذه الارمله المحتاجه اللي مابينه وبين الله حجاب اوصل هذا الرجل لخاتمه كل منا يتمناها

--------------

عادل العصيمي

12-31-2009, 04:20 PM

ليه ساكت والكلام بداخلك مثل السجين = كل ما يسمع نفسك يقول ياقرب الفرج

عادل العصيمي

01-02-2010, 07:20 PM

شـفت الـ ع يون الـلي هـدبـها مظاليل = تشوف عادل ياترى ! وش يسوي

عادل العصيمي

01-04-2010, 08:48 PM

http://www.cars-club.com/up/8-2-1/carsclub_64313440.gif

لو القصيد بحور فأنته سكّره = ياللي مرورك يكسب أبياتي حلا

عادل العصيمي

01-05-2010, 03:52 PM

ودي أرحل صوب من قلبي هواه = ودي أرحل لكن منين الطريق

عادل العصيمي

01-07-2010, 04:48 AM

http://www.cars-club.com/up/8-2-1/carsclub_48880436.jpg

صب فنجال المحبة قبل يبرد = وأسقني يانور عيني وأسقني

عادل العصيمي

01-08-2010, 06:54 PM

لا تحسبني عنك لاهي ومشغول = ما غير أسلي خاطري لين ترجع

عادل العصيمي

01-08-2010, 07:06 PM

اللي مسوي له جميله مع أخوه = ما عاد تحسب له ما دامه تمنن

عادل العصيمي

01-09-2010, 08:01 PM

وش اللي صار يابنت الحمايل = أصيلة من مرابيط الأصايل
عليك الله وأكبر يالبنية = نسيتي ليه عاداة القبايـل
أنا كنت أحترمك الين شفتـك = بضاعة عند تجار الهزايل
بضاعة تجذب أنظار المجنن = ولا تجذب عريبين السلايل
رضيتي بالمذلّة والمهونة = نزلتي من بروجك للزبايل
تضنين ان فعلك شي مذهل = وكل الناس تضربه مثايل
لكن الصدق فعلك شي مخزي = ولا يرضوه ذربين الفعايل
انا ما اظنك تسوين فعلك = لو يعولك من الاحرار عايل
اذا يابنت ما عندك مبادي = ترا عادي تسوين الهوايل
هوايل في مقابلها ضرايب = واولها يصير الحظ مايل
يمر العمر وانتي تندبينه = وهذا القول مثبوت بدلايل
لو ان اللي يحبك صح قوله = ما كان يخلي الطرقي يخايل
يصونك صون مندور الجواهر = ولا يقدر يطولك أي طايل
ولكن الزمن خلاك لعبة = ورحتي بين خلق الله جمايل
ترا دنياك فتنة فأحذريها = وكل اللي تشوفينه زوايل

عادل العصيمي

01-10-2010, 04:17 PM

8

8

شيلـــــــة هنــــــا (http://www.otaiby.com/inf/voices.php?action=show&id=190)

,

عادل العصيمي

01-12-2010, 08:09 PM

كل ما مديت كفي رحتي أبعد = لين خفت من البعاد أمد كفي

عادل العصيمي

01-13-2010, 09:26 PM

مدري متى تفصح عن اللي تخبيه = حتى الهوى يلقى مكانٍ يظمّه
مكان بأحضانه عن البرد يدفيه = تسكن به الفرحة وينزاح همّه

عادل العصيمي

01-13-2010, 10:41 PM

ياللي حروف الشعر لك منصاعة = لن شافتك تقول سمع وطاعة
لو للحروف لسان نادت بأسمك = تقول أنا أنا وهي ملتاعة
الحرف لا منّك بغيت تقوله = ودّه على لسانك يريّح ساعة
ما الومها معذورة المسكينة = من شاف ذا المبسم تزيد أطماعه
هذا وهي جماد راحت فيها = كيف الخفوق اللي حبيس أظلاعه

عادل العصيمي

01-14-2010, 07:37 AM

هدووووء

وأنا لا احب الهدوووووء

ليس كرهاً في الهدووووء ولكن خوفاً من العاصفة

,

عادل العصيمي

01-16-2010, 09:19 PM

قدام لا تِكثر علي المشارية = راجع وش اللي في حياتك مسوية
احيان نخطي ما نحس بخطانا = انحسّب أنه شي عادي نأديه

عادل العصيمي

01-16-2010, 09:33 PM

ما جاء على بالك نعيد اللي مضى = نجدد الماضي ونفتح صفحته

عادل العصيمي

01-17-2010, 06:42 PM

السبت

1/2/1431هـ

أسعد اللحظات يوم أنته تحقق غايتك

عادل العصيمي

01-17-2010, 08:04 PM

حاجة غريبة شفتها في ملفي = تترجم اللي دار خلف الكواليس

عادل العصيمي

01-17-2010, 09:18 PM

السلام عليكم ورحمة الله وبركاته

شيلـــــة هنــــــا (http://www.otaiby.com/inf/voices.php?action=show&id=191)

بسم اللـواء وأسـم الكتيبـة والسريـة والفصيـل =نيــابــةٍ عــن قــادة القــــوة وعــن نيّــابهـــا

نـزف باقـات الفـرح في يــوم تحصيل الحصيــل =نفسٍ تخــدم المملكـة تلقــى نظيــر أتعــابهــا

الشعر في بعض المواقف يشبه السيف الصقيل =منـــه المعانــي تنحنـي حتــى تثنـى رقابهــــا

والشاعر اللي ما ذكر داره هـذه شاعــر بخيـــل =لو كـان رايـة شاعـر المليــون راح وجابهـــا

حان الوعد ياهاجسي عطني من القول الجزيـل = ابيات شعــرٍ تطرب الجمهور سـاع أوحابهــا

هـات البيـوت الوافيـة واللـي تناسب كـل جيــل = ما نـي بقايلهـا على الصحــراء ولا مرقابهـــا

بعـدّها عــدّ الجواهـر وأسمـع الجمــع المهيــل =بين الرجـال ووسط ميدان الشرف وأزهابهــا

سلام يا دار الفخــر والمجـد والـورث الأصيــل = يــاقبلــة الأمـــة ويامهبــط عظيـــم كتــابهـــا

سلام ياديــرة هــل العوجـاء مـزبّنــت الدخيــل = ما للوفاء الا وفاء الاصحاب عنــد أصحابهــا

استــامنــي يــادارنا والله علــى قولــي وكيـــل = ولا تهمّــك حيـــةٍ قـــامــت تحــد أنيـــابهـــــا

الحـــاقدين اللـــي يبــون النــار تشعل بالفتيــل = بأمــر الولــي قامت تشب النار وسط ثيابهــا

والزمرة اللي تفتل أشناب الغـدر. صبـرٍ جميـل = لن قاله الله بأمــر أبــو متعب نقص أشنابهــا

يامخبلك ياللــي تعادينــا . تبـــا تـرجــع ذليـــل = ما تـدري ان الدار رب العرش صان ترابهــا

أرواحنا ترخص وغير النصر ما نرضى بديـل = نهـوى الشهـادة والشهـادة جــالهــا طــلابهــا

استامني وأهني وقــرّي عين فاليــوم الفضيــل = رجعــت ابــو خالـد بشايــرها تحـثّ ركابهـــا

ما دام ابو خالد رجع يالله عسى عمره طويــل = كل الأمــور بعين أبــو متعــب تحـل أسبابهــا

القايــد اللــي منجــزاتــه مثــل همّــال المخيــل = يسوقهــا الرحمــن فـي شتى بقــاع اقطابهــا

المملكــة من هيبتـه عــذرى تمشّط فالجــديـــل = لن هب ذعذاع الهــوى قامـت تفوح أطيابهــا

يشـد من أزر الوفـي لن شــاف حملــه ما يميـل = واللــي تميــل حمولهــا تلقــى شديـد عقابهــا

الله يعــــز أخــوان نـــورة طايليــن المستحيــل = آل السعـــود اللــي زعامــات الزمـان تهابهـــا

لن ما حمــانا دارنا بالسيــف من غـدر العميــل = والله مــا نستاهــل انــا نعيش فــوق ترابهــــا

عادل العصيمي

01-20-2010, 04:10 PM

السلام عليكم ورحمة الله وبركاته

آآخر الهواجيس

صوتيــــة هنـــــا (http://www.otaiby.com/inf/voices.php?action=show&id=192)

ما عاد باقي شي حتى نقوله = كل الكلام اللي نعرفه حكيناه
ما عاد باقي غير كلمة خجولة = تِخجل عيون وتِخجل خدود وشفاه
ما هي بكلمة عابرة ومعسولة = فيها من الاحساس ما قد عطيناه
في داخل الأعماق شبه معزولة = ظاق الخفوق ابها ونادى حناياه
كلمة كبيرة ما تمر بسهولة = الكون يسمعها من أقصاه لأدناه
يعيش منها شعب وتقوم دولة = فيها الملك يقصر بعنوة رعاياه
ياصاحبي ودّك بدور البطولة = والا آخذه وأنهي سنين المعاناه
العمر أشوفه قام يسرج خيوله = ياويل حالي لو عطانا مقفاه
العمر مرة والليالي عجولة = لن راح ما تلحق خطانا على خطاه
ايوالله أحبك ونفسي ميوله = عليك وأنته غاية القلب ومناه

عادل العصيمي

01-20-2010, 10:00 PM

قلب الخوي شايل معك هم الأيام = لا تحسب أنك شلت همك لحالك

عادل العصيمي

01-20-2010, 11:16 PM

طويت صفحات الليـال القديمـة=سنين أفتشها ولا بـه محاصيـل
ياحظي أقلط دام جاتـك عزيمـة=دسم شواريب السنيـن المقابيـل
أغنم مع اللي يغنمـون الغنيمـة=وأشهر حسامك للسيوف المصاقيل

عادل العصيمي

01-25-2010, 10:26 AM

ناديتها يوم انها توسطة بين الجموع = كلٍ ينادي وأسمعتني يوم أنا ناديتها
ثم وقفت وألتفّت وفاظت مدامعها دموع = تهون دمعتها ولا ميقاف يخرب بيتها

عادل العصيمي

01-25-2010, 10:04 PM

http://www.cars-club.com/up/8-2-1/carsclub_36412493.jpg

زاد همي ليلة البارح بعد ما أنته سريت = ما كسبت بجيتك غير السهر والبهذلة

,

عادل العصيمي

01-27-2010, 10:28 PM

ياليل خبّر صاحبي لا يحاتي = ما ني بناسي وقفته لا عدمناه

عادل العصيمي

01-28-2010, 10:36 PM

ياما يجي بين الخلايق مواقيف = ترسل بعضها صوت مثل المنبه
المدح والا السبّ . ما هي على الكيف=والسبّ في بعض المواقف محبه

عادل العصيمي

01-30-2010, 08:04 PM

http://www.cars-club.com/up/8-2-1/carsclub_87689408.jpg

صاحبي لن غاب عني ما نسيته = يشهد الله ما نسيته لو نساني
لن لفاني مرحبا والبيت بيته = منزله محفوظ له بين المحاني

عادل العصيمي

01-31-2010, 08:23 PM

علميني أيّت أحسن الخطاء والا الصواب = علميني كيف أسوي كان أنا شفت الخطاء
علميني يوم نخطي ما نحسّب له حساب = علميني هو تهاون بالخطاء والا سطاء
علميني ليه نخطي دامة نعرف الجواب = علميني ليه نعطي ناس ينسون العطاء

عادل العصيمي

02-01-2010, 06:17 PM

فتّش على حبـي بداخـل حنايـاك=صحّـه حبيبـي لا يطـوّل سباتـه
لن كان باقي حي حـرّك شفايـاك=ولن كان مات أرجوك عطني وصاته

عادل العصيمي

02-02-2010, 07:03 PM

(771) يوم :11ight:

عدّي معي ( واحد , ثنين , وثلاثة ) = ألين سبع أمية وواحد وسبعين

عادل العصيمي

02-03-2010, 07:50 PM

يا اللي عليك جموع الأشواق تنقاد = ما جاء على بالك تضيف ضيوفك

عادل العصيمي

02-04-2010, 08:04 PM

أول لقاء . يازين ذاك اليوم يوم أتذكّره = من أجمل اللحظات لحظات التلاقي والعناق
يوم الإرادة ترخي عنان العزم والمقدرة = والشوق صاح بداخل الأعماق والحلم أستفاق
كل المشاعر واقفة ترقب وهي مستبشرة = نظراتها من شافها فيها الوله والإشتياق
أول لقاء . يازين ذاك اليوم يوم أتذكّره = ما جاء على البال أذكره الا بعد حلّ الفراق

عادل العصيمي

02-07-2010, 12:36 PM

الحمد لله كل يوم وكل حين = كساني الرحمن ثوب العافية

عادل العصيمي

02-07-2010, 06:28 PM

لي صاحبٍ يفهم علي يوم أحاكيه = وهذا الذي خلاه بالحيل غالي

عادل العصيمي

02-08-2010, 07:30 PM

قولو لها لا تبطي الغيبة ترا قلبي رهيف = يخاف من جور الليالي والليالي جايرة

عادل العصيمي

02-19-2010, 02:12 PM

صور من محافظة القنفذة أجمل الشواطي على البحر الأحمر

http://www.cars-club.com/up/8-2-1/carsclub_11054653.jpg

http://www.cars-club.com/up/8-2-1/carsclub_15790572.jpg

http://www.cars-club.com/up/8-2-1/carsclub_32494183.jpg

http://www.cars-club.com/up/8-2-1/carsclub_69011282.jpg

http://www.cars-club.com/up/8-2-1/carsclub_47184784.jpg

http://www.cars-club.com/up/8-2-1/carsclub_25255919.jpg

http://www.cars-club.com/up/8-2-1/carsclub_88868070.jpg

http://www.cars-club.com/up/8-2-1/carsclub_39579352.jpg

http://www.cars-club.com/up/8-2-1/carsclub_56646343.jpg

http://www.cars-club.com/up/8-2-1/carsclub_30516920.jpg

http://www.cars-club.com/up/8-2-1/carsclub_68519100.jpg

http://www.cars-club.com/up/8-2-1/carsclub_69613445.jpg

http://www.cars-club.com/up/8-2-1/carsclub_62817685.jpg

http://www.cars-club.com/up/8-2-1/carsclub_80814890.jpg

http://www.cars-club.com/up/8-2-1/carsclub_16710786.jpg

http://www.cars-club.com/up/8-2-1/carsclub_43243987.jpg

http://www.cars-club.com/up/8-2-1/carsclub_10195897.jpg

عادل العصيمي

02-20-2010, 08:19 PM

تقول ويش آخر علوم القصايد = ما عاد شفنا منك ياعادل أبيات
قلت القصيد اللي بليّا فوايد = أقفت هواجيسه والى اليوم ما جات

عادل العصيمي

02-23-2010, 06:58 PM

يلوح البرق في وسط السماء ويشوّق الزراع = لو الزراع ما يشكي هموم الوقت وأوجاعه
عيونه ترقب مزونه وقلبه يعشق المرباع = ومن هو ما يشوقه وآبل الوسمي ومرباعه
طبيعه فالبشر حب المطر مير القلوب أنواع = وكلٍ يرقب البارق وعينه تكشف أطباعه
احد يرقب وهو ساطي وأحد يرقب وهو مرتاع = وأحد يرقب وهو بين السطا ويلامس الراعة
يقولون البنادم من خلقه الله وهو طماع = وأنا أقول الرجاء في رحمة الله رافع شراعه
ولولا رحمته كان الأوادم فالحياة جياع = ونفسٍ تطلب الله رحمته ما هي بطماعه
قوانين الزمان ترغّب الهاوي على المطلاع = يمد الشوف ويخيل المطر في راس مطلاعه
تحثّه فطرة الانسان يرقب والدروب وساع = وعينه للسماء ما يرخي الأنظار للقاعه
على الله يازمانٍ فيه لا زلنا على الاطباع = ولا فينا على الاطباع شراية وبياعه
يلوح البرق لا ترهب تخيل البرق يازراع = وقلبك من مخيلك للسماء لا ترجف أظلاعه

عادل العصيمي

02-25-2010, 06:31 PM

ياقلب ما لك غير ربك تناجيه = والا البشر ياقلب ما يسمعونك

عادل العصيمي

02-27-2010, 11:35 AM

السلام عليكم ورحمة الله

بدون مناسبة مجرد فكرة

اتمنى تروق لكم رغم سوداويتها :) , لكن يبقى الأمل بالله كبير

http://www.snnam.com/upload/uploads/files/snnam-405e113f3d.mp3

صعب أن حلمك ينكسر ساقه على أعتاب الوصول = لا أنته بقادر تجبره ولا تواصل فالمسير
تاقف وعينك حايرة . ترجي من الله الحلول = حتى يدب الياس في قلبك ويصبح به خشير
يبدا على كل الحواس الخمس في جسمك يجول = شايل بكفه قشّة وعينه على ظهر البعير
يعزف وعزفه يبتدي على وتر صعب الحصول = لين الطموح يسلم سلاحه ويرضخ كالأسير
يكتب على باب التفائل غير مسموح الدخول = يكسر مجاديف الأمل والموج في مدّه كبير
موقف يصيب القلب بالدهشة وشيء من الذهول = يالله دخيلك من رداة الحظ ما غيرك نصير

عادل العصيمي

02-27-2010, 06:02 PM

ياملهمة كل القصايد والأشعار = ربي كتب لك تستثيرين شعري
تذوب من شوفت محياك الأحبار = أكتب بيوت الشعر من غير مدري

عادل العصيمي

03-03-2010, 10:44 PM

حيرة . وطعم الفرح لا زال عالق يالسنين العجاف = أستطعمه والعيون الحايرة ترقب مزون المطر
ريقي نشف من سنيني والزمن قلبه حجر ما يخاف = ياليت قلبي مع الأيام يتحول ويصبح حجر

عادل العصيمي

03-05-2010, 06:18 PM

جديدة أتمنى تروق لأذواقكم

http://www.snnam.com/upload/uploads/files/snnam-acf5640e7e.mp3

تعال وناظر جروحي عليها من الزمان غبار = تمر سنين ما يطري عليك تضمّد جروحي
تناثر فوقها وأصبح على كل الجروح خمار = ولكن الوجع باقي بروحي يابعد روحي
تجدد كل ما يطري على بالي من التذكار = واقوم أجاذب التذكار بالونات وآنوحي
سهوم عيون حسّاد البشر تفرض علي حصار = شفايفهم تحرّك يوم أجي للحيّ وآروحي
سكوتي جمر والنشّاد يشعل وسط جمري نار = يخلي كل ما في داخلي من غيظه يفوحي
أنا مدري من أين أجيب لغيابك سبب وأعذار = أجيب العذر مير أصحى الصباح ألقاه مذبوحي
سنين العمر قامت ترتجف من قسوة الأقدار = وأنادي حظي الأول لكنّ الحظ ما يوحي
أنا خابر قبل كم عام كانت ضحكتي مزمار = صداها فالفضاء صبح ومساء من كثرة مزوحي
فقدت الضحكة الحلوة ولا أدري بعدها وش صار = تمر أوقات وأسمع جوف صدري صوت مبحوحي
أضنه صوت ضحكة ما لقت وسط الحشى مقدار = خنقها الحزن ياعزاه ما تقدر على البوحي
غيابك صعب وأصعب من غيابك ماش عنك أخبار = أنا خايف بعد هالصبر ما القى علاج لجروحي