فيض المشاعر داخل القلب وهاج

[عتيبة لبنان]

خلُلقت يالإنسان من نطفه أمشاج
ولو تنكر لذلك من الرب محجوج
تفسد بأراضي إلله وتزيد الأنتاج
إلا خيار ٍ ماسلكوا منهج العوج
يالله تجعل لي من الضيق مخراج
ومجلاسي أبيتي كرامه ولا أدوج
من عالم ٍ تؤمن بتنجيم الابراج
مدت تحضرها من أفنيق وعلوج
وقت الشتاء تقول تسكن بالادراج
وبالصيف عريانه تنسل من أدروج
صدق الجمال يرد بالروح الإبهاج
من بعد مابال الفتى كان مزعوج
هذا بنظره من عيونه للاغناج
وشلون لو بادله بسمه مع هروج
في جو هادي مابه إحراج وإزعاج
يبهر جماله دون مكياج والروج
فيض المشاعر داخل القلب وهاج
تعبير بين أثنين وأهات وخلوج
مثل السجين اللي مبشر بالافراج
وقبل يتحرى أعدام والباب مزلوج
هاذي غريزه في أبن أدم بلا أحراج
إلا لشخص ٍ فيه عيب ٍ ومحروج
وشرع الولي حلل تعدد بالازواج
وميزان قلبه لو عدل مايل الزوج
وليش الأطبا قالوا انسان يحتاج
شريك هدى الطيش ويزيد منتوج
والرجل أله نظره ومدخل ومنهاج
وحب العذارى ماضي الوقت منهوج
لكن بالعفه ويفرض له سياج
قابيل وش سوى بهابيل مرجوج
للحب بين أثنين بالقلب مدراج
طعم الشهد صافي ولا هوب ممزوج
هذاك قبل الغيد لاتحط مكياج
وتعرض محاسنها بالاسواق وأتروج
هذا يسمى حب خرفان ونعاج
وخيل ٍ بليا عنان وحصن ٍ بلا سروج

للشاعر / مهلي بن مسعود الدلبحي العتيبي
(سفارة المملكه ببيروت)