بـــلا حـــــدود ,،,،,

[عبدالله المرشدي]

الحر طار وجا مكانه دجاجه=ماعاد تفرق بين عاقل ومرجوج
العقل نعمه والسماجه سماجه=ياشينها لاقالو الناس ملبوج
ماشوف لي بمقرد الخلق حاجه=بيني وبين المعمعه باب مزلوج

[عبدالله المرشدي]

الكلام الحلو يثر فالسموع=يقنع اللي يسمعه لو ماقنع
كم ربوعٍ راح مع دربة ربوع=وانت توعدني على قلة سنع

[عبدالعزيز الفرج]

وانت توعدني على قلة سنع
وأنت توعدني على قلة سنع



صح لسانك ياعبدالله وجدد إعجابي بك يالذيب ،، لاهنت

[عبدالله المرشدي]

لاهنت ياعبدالعزيز تشجيعك يسعدني ويحفزني ومرورك ببلاحدود يشرفني
وهذي هي كملت يالذيب


الكلام الزين يثر فالسموع=يقنع اللي يسمعه لو ماقنع
كم ربوعٍ راح مع دربة ربوع=وانت توعدني على قلة سنع
اتحرا من سبوع اليا سبوع=كل يوم اقول عقبي وش صنع
كم سهرت الليل واضويت الشموع=في حراوي قطف وردٍ ماينع
مادريت انك من اولها قطوع=كنت اقول اكيد يعطي لو منع
اخذ الوجهه على الموعد قطوع=واكتفي بالعذر لو هو مصطنع
لكن الشرهه على قلبٍ قنوع=ليه من كثر التردد ماقنع

[عبدالله المرشدي]

البارحه مامرحت لين اصبح الصبح =سهرت ليلي كن ماني بصاحي
سبحت بافكاري على راحتي سبح =لين التمست النور فاول صباحي
كبحت مايطري على خاطري كبح=وحاولت اعدي ليلتي بارتياحي
العاديات اللي لهن بالوطا ضبح=في خافقي خيالهن ماستراحي
اسمع حنين الزمل ومخالطه نبح=والقى الموده قبل اشوف المتاحي
احدٍ على مد النظر يبعد الشبح= واحدٍ تعود نظرته فالمراحي
كم واحدٍ يذبح ولايحسن الذبح=وكم ناجحٍ ماهوب ويا النجاحي
ياكثر ماضيعت يامدور الربح=مار اطلب الله رحمته والسماحي

[عبدالله المرشدي]

رد التحيه فرض في دين الاسلام=واجب على المسلم يرد التحيه
وحد الجفا والهجر ثلاثة ايام=ثم عقبها كلٍ يصالح خويه

[عبدالله المرشدي]

كامل الاوصاف جابت لي هدية=بس كانت غير عن كل الهدايا
بنت شيخٍ ماتناظر للرديه=عينها تاقع على اللي به مزايا
الكفوف البيض مدتها سخيه=كن ربي مبتليها بالعطايا
يوم جتنا زايره عيد الضحية=بارك الله فالعياد وفالضحايا

[عبدالله المرشدي]

الله يذكر صاحبي بالخير=اللي طرى ذكره على بالي

[عبدالله المرشدي]

ياربعنا ياللي على الشر عجلين=ردو طلايع جيشكم فالحدايق
مادامني موجود من حين لا حين =مافيه داعي تقلبون الحقايق
انا لها وان عودة للبراهين =عندي على قولي دليل وثايق
ماتلحق الشكات غير الرديين=لكنَ اشوف الوضع ماهوب لايق
اشره على اللي يقلبون الموازين=وام الغطا مالي عليها طرايق

[عبدالله المرشدي]

الدلبحي مكرم الضيفان =ياسعد منهو تعزوابه
فارس ليا بارو الصدقان=يجيك فازع بمشعابه

[عبدالله المرشدي]

بعض الرسايل تسد النفس لاجاتك=ماعاد ودك تناظرها وتقراها

[عبدالله المرشدي]

لا اله الا الله اثمن مانقول=حق مافيها شكوك ولاجدال

[عبدالله المرشدي]

ان طعتني ناسب المطران=واقرب من الطيب تحظى به
قبيلةٍ قدرها له شان=تلقابها انمور وذيابه
ماهمها كاينٍ من كان=للعز والمجد كسابه
قبيلة امطير والعتبان=بالقول والفعل تتشابه

[عبدالله المرشدي]

موج البحر يغرق الغطاس=وين انت ياللي تبى الدوره
الموج الازرق ظفر بالكاس=من عادته سّيد الكوره
حاضر وماضي عريق الساس=قليل في حقه اسطوره
يستاهل الفوز والنوماس=يستاهل قلوب جمهوره

[عبدالله المرشدي]

مرحبا يامرحبا مرحبا يامرحبا =ياهلا ثم ياهلا ياهلا باصحابنا

[عبدالله المرشدي]

والله لتبطين وانتي في خفوقي=جالسه باقصى الضلوع متكيه

[عبدالله المرشدي]

اشوف واسكت كني احيان ماشوف=اصد كني رحت ماشفت حاجه

[عبدالله المرشدي]

ارخصت نفسي واشوف انك تجاهلني=ماكني اسهر واعاف النوم باسبابك
انا من الصد والهجران متعني=اهواك يافاتني واموت واحيابك
تخطي عليه وتزعل ماتحملني=ماتعتذر عن خطاك وترحم احبابك
حتى ولو كان طبعك صعب جاملني=تراك بالعذر ماتصرف من حسابك
بادلتك الود وش بك ماتبادلني=كنك عليه تشح اليا ضحك نابك
اعطيتك القلب يوم انك تئملني=بالحب والشوق غيره ماتهقوابك
احيان تصفي معي مبسوط متهني=واحيان مدري وش اللي جاك وارتابك
تسج عني وكنك بالهوى تمني=كنك تقول انت غادي والبخت جابك
احس كنك قريب وتبتعد عني=لاجيت بالشوق تبعد ماتهنابك
مدري هذا كره والا ماتمني=ماودك اشواق قلبي حين تخلابك
تعال كلك كذا علك تطمني=لاتخفي اللي بصدرك داخل حجابك
ماتدري انك لحالك قاربٍ مني =والا انا قبلها ماكنت بشقابك
والا قل ارحل عزيز ولاتبهذلني=مافيه داعي توقفني على بابك
قلها صراحه طلبتك لاتجنني=ماعاد بي حيل جنب وابعد احرابك
اعلن خضوعي لحبك بس مكني=والا عن الصد صرح واشعب ركابك

[عبدالله المرشدي]

يبقى الهلالي رفيع الراس=ويفاجى الكل بحضوره
انجازه اصبح حديث الناس =كلن يبي يظهر شعوره
موج البحر يغرق الغطاس=وين انت ياسابح بحوره

[عبدالله المرشدي]

بين النسا بالشكل تلقى بديله=فرق بسيط وجوهر الشكل لازال
الفرق يظهر بالصفات النبيله=بالعقل والاخلاق ماهو بالازوال

[عبدالله المرشدي]

علمو محبوبتي تعطف عليه=لا يطول غيابها اكثر من كذا
العنود اللي مباديها نقيه=حبها فالقلب موذيني وذا

[عبدالله المرشدي]

البارحه حلمت حلمٍ خيالي=واصبحت ادور للخيالات تاويل
حلمت كني فالطويله لحالي=واجر من عذب القوافي مواويل
وشفتك بعد غنيت تمشي قبالي=وتقول عندي لك علوم وتهاويل

[عبدالله المرشدي]

السكارى بعد نص الليل يرقون الرصيف=لابدا التركيز يضعف في مسارات الخطا
وانت عاقل لك عيونٍ مبصره مانت بكفيف=كيف في عز القوايل جيت عايم بالخطا
لاتحط اللوم من فعلك على ظهر العسيف=وانت تركب لك جوادٍ طول عمره مامتطا
عمر خيل الكذب يذبل كنه اوراق الخريف=باطل ماكان باطل لو على غيره سطا
الظروف الها صحيح احيان تيارٍ عصيف=تجبر الرجال ينزل من بروجه للوطا
بس يبقى الحق حق وسيف مامثله وصيف=لاتدنى بالسفايف ثم بها تتورطا
العتب واللوم للي مقصد افعاله نضيف=واضح مبداه راسه مايدسه بالغطا
مانلوم اللي من اصله لو كبر عقله خفيف=لو يشوف النار قدمه وسط جمرتها وطا
مشكله لاصرت صاحي بس تفكيرك ضعيف=ماتعرف ان التعامل فن فيه اخذ وعطا
الحياه دروس فيها موقف صعب وظريف=والمواقف تفهم الجهال مع طول البطا

[عبدالله المرشدي]

ياصاحبي وين انت عني وانا وين=كم لي وانا انطر جيتك واتحراك
اراجع المكتوب من حين لاحين=واقول عجل لاتاخر بلقياك

[عبدالله المرشدي]

كم واحدٍ يذبح ولا يحسن الذبح=وكم ناجحٍ ماهوب ويا النجاحي
ياكثر ماضيعت يامدور الربح=مار اطلب الله رحمته والسماحي

[عبدالله المرشدي]

ثلاث سنين وضحى تشتكي من حب بن عجلان=وتطلب ربها وترجيه يكشف عنها الاحزاني
وبن عجلان عانا من غثى الاشواق والحرمان=وتصبر لين ربي جابله مكحول الاعياني

[عبدالله المرشدي]

الجادل اللي حبها ساطين في=ماضنتي من حبها الحال يبرى
لاشفتها ودي بمركاز وعصي=كني ضرير تايه وسط غدرى

[عبدالله المرشدي]

اشوف واسكت كني احيان ماشوف=اصد كني رحت ماشفت حاجه
حتى لو ان الوضع بين ومكشوف=اقول مالي في علوم السماجه
المشكله لاشافها شخص ملقوف=قفابها عجلٍ يسابق عجاجه

[عبدالله المرشدي]

ماعاد عندي شي وش ودك اقول=كل الذي يطري على البال قلته

[عبدالله المرشدي]

كن خصره من قليل الحال عاري=فوق ردفٍ ماشكا جوع وعرا
نابي الردفين والبطن متواري=مدمج الساقين مشيه بخترا
كن في صدره مثل بيض القماري=يجرحه لبس الحرير من الطرا

[عبدالله المرشدي]

لا له الا الله احسن مانقول=حق مافيها نزاع ولا جدال

[عبدالله المرشدي]

ياصاحبي ليتك توسم حلالك=عشان ياخذ راحته في مفاليه
اخاف لايرعاه راعن بدالك=وندخل بدايرة العتب والمشاريه
اما جنوبن منك والا شمالك=خله قريب وخل عينك تراعيه

[عبدالله المرشدي]

خلك مع اللي تالي الليل يسهرك=وانس الذي لجلك سهر كل ليله
دامك تبيع وتشتري في مشاعرك=من حقي ادور بدالك خليله

[عبدالله المرشدي]

اهلا هلا يامرحبا في محياك=ترا الجماعه كلهم محترينك
ماغير نرقب جيتك ونترياك=تبي الصراحه كلنا فاقدينك

[عبدالله المرشدي]

بكنها باقصى خفوقي لاني=ماني على ظلم الرفيق متسرع

[عبدالله المرشدي]

ياصاحبي كمل طريقٍ بديته=لاتمشي بنصه وتاقف على جنب
بيتٍ على بيض النوايا بنيته=لاتتركه قدم الهوا ناقصه طنب
ليت الذي خطيت عقبك قريته=من شان ماتحمل على صاحبك ذنب

[عبدالله المرشدي]

الحقد من طبع النفوس الضعيفه =والعفو دايم شيمةٍ للكريمين
الله على ذيك النفوس النظيفه=اللي تجازي فاعل الشين بالزين
مال الخطا في دايرتنا وظيفه=لو زورو عنا بالاوراق سطرين
لاباوله نخطي ولا بالرديفه =ولانبتدي بالشين مبطي وهالحين

[عبدالله المرشدي]

ودي بخلن مايعرف يتضايق=عن مرتع الضيقات دايم يهجي
مهما يصر الحال تلقاه رايق=ولا يحب المسكنه والترجي

[عبدالله المرشدي]

يامرحبا باللي يشرف مروره=تشريفته والله ماهي باي تشريف

[عبدالله المرشدي]

دورت لك في صفحة الفيس ياهيس=فتشت بين الناس ماشفت لك رمس
اكن لك قدر المعزه بلاقيس=دايم وانا انشد عنك واتلاه قبل امس

[عبدالله المرشدي]

شكرا على التقييم يامقيميني=شكرا من الاعماق من غير تحديد

[عبدالله المرشدي]

حبيبي هويتك وروحي فداك=بقلبي لحالك ولالك خشير
امانه خيانه وراك اش بلاك=تجمع تفرق تبعد كثير
جرحني ذبحني فضحني غلاك=وصرت البصير الضرير الكسير
سلكني ملكني هلكني حلاك= عيونك ظنونك فنونك تجير
كلامك سلامك غرامك جفاك=يحير يغير كبير وصغير
سليتك نسيتك رجعت لولاك=اسيرٍ كسير بجرحه يسير
كاني كأني وانا اركض وراك=ضريرٍ تبصر ببصرة بصير
افكر اقدر افسر هواك=يصير الجفا منك لامايصير

[عبدالله المرشدي]

يكفي مرورك لاتسجل حضورك=يكفي ليا من جيت من غير داعي

[عبدالله المرشدي]

يامرحبا باللي يشرف مروره=تشريفته والله ماهي باي تشريف
اللي ليا من مر سجل حضوره=بيني وبينه مانحسب المعاريف

[عبدالله المرشدي]

ياكثر ماتخطي عليه واسامحك=الى متى قلي وانا ادمح خطاياك

[عبدالله المرشدي]

تعبت من وقتٍ تطاير عجاجه=مهما تحاول فيه مامنه منتوج
مافيه غير المعمعه واللجاجه=بابه على زيف الحضارات مفجوج
الحر طار وجا مكانه دجاحه=ماعاد تفرق بين عاقل ومرجوج

[عبدالله المرشدي]

يقول شاعر منتدى عتيبه=شكرا من الاعماق ياساده
شعري واعرفه زين وادريبه=يستاهل التكريم وزياده
لكن غيري من الشعار يحريبه=ابتركه للذي يستاهل شداده

[عبدالله المرشدي]

ياحلو حرفٍ يكتبه متولي=كنه على جم الجزل متدلي
مايكتب الا مايجوز لفكره=كنه يبا اللي من وراه يحلي
يجيبها مدري تجيه الفكره=لامن بغاها دربها يدلي
الله يطيب سيرته طيبنا=من قبل حنا لانقوم نصلي

[عبدالله المرشدي]

مارات عيني شبيهك حتى اخوك=عن جميع البيض يفرق مستواك
اعشقك بجنون احبك كلبوك=والصراحه عاد ذابحني غلاك
كان تبغى القلب يالمحبوب دوك=دوك قلبي دام انا كلي فداك
اخذن مني على قلبي صكوك=لو تجاهل ماعتقد حبي خفاك
الدروب اللي مشيتي مانسوك=يوم تمشي ينبت الزهر بذراك

[عبدالله المرشدي]

ادري واعرف اللي بخاطرك واقراه=احس فيك وعارفك زين يازين
انت الذي بالبيض تندر حلاياه=وانت الذي مسكنك في داخل العين

[عبدالله المرشدي]

كلت متوني من البشت الحساوي=يوم اشيله فوق كتفي والبسه
لجل عين اللي لها طبعٍ حياوي=كل ماشافت كمومه تلمسه

[عبدالله المرشدي]

عندك البستان لامني طلعت =صك بيبانه وخلك حارسه
ودي القا جرتك لامن رجعت=وانت قافي بالغرام تفارسه

[عبدالله المرشدي]

حلمت باني ماسكن في يدي كنز=والناس من حولي تبي منه قطعه
اللي معه ذيدان واللي معه عنز=لطعتهم في تالي الحلم لطعه

[عبدالله المرشدي]

ياصاحبي غض النظر لاتمشيت=لاتاخذ وتعطي مع اللي بالاسواق
اخاف لامنك نظرت وتماديت=تسمع كلام شين من كل الاذواق

[عبدالله المرشدي]

ياصاحبي مافيه داعي للقلق والقروشه=لاتطلق عنان الظنون يصير فكرك مندوش
صاحبك من طبعه يحب التسليه والفرفشه=يعني يحب الناس من حوله تعيش وتنتعش

[عبدالله المرشدي]

الخوض في بعض المجالات نكبه=خصوص لامن دار مابين جنسين

[عبدالله المرشدي]

يانجمة الصبح عاليت المراقيبي=ياعزة الشم في تفكير رعبوبه
يامصدر الشعر في هاجس مكاتيبي=يامنية القاف ياملحه ومطلوبه
ياقمة العقل ياست الرعابيبي=ياعفةٍ في بياض الطهر مكتوبه
يا آية الحسن ياوصف التعاجيبي=في صورةٍ من بنات الحور مسحوبه
رقه ودقه دلال وحسن تاديبي=غنج ودلع منتقى من راقي اسلوبه
في هامة الزين لك حسبه وتحسيبي=بين العذارا لحالك بس محسوبه
ياقبلة البيض يكفي منك تعذيبي=خافي من الله يجيك بذنبي عقوبه
مدري متى معك تصفيلي مشاريبي=واشرب قراح الهوا من صافي عذوبه
لولاك لولاك مازادت تناحيبي=ولاكتبت الشعر لعيون محبوبه
ولاعرفت الهوا قبلك ولا اجيبي =شوقٍ دعاني على زاده ومشروبه
انت الذي بالخفوق تعيد ترتيبي=حبك يشوش على التفكير باعجوبه
مافيه غيرك توفي لي مطاليبي=كل العذارا بهن تظليل وكذوبه
استخسر البيض في طبعي وتهذيبي=واستخسر الشعر في غيرك يجي صوبه
كم لي وانا اشوف لي كذب وتلاعيبي=في عشرة البيض والعشاق منكوبه
بس انت غير البني يامنبع الطيبي=فيك الخصال الحميده جات مسكوبه
يابنت من طال عمره بالمواجيبي= شيخٍ ولد شيخ ثوب العز من ثوبه
بالمختصر كل شيٍ فيك يسريبي=في بحر وصفك وازود القاف ماجوبه
بس ارحم الحال يكفي لاتهذريبي=لاتترك القلب للاشواق لعبوبه
ادري بما في خفوقك وانت تدريبي=والكل منا يدل الثاني دروبه
اختاري اللي تبي من عقب تجريبي=مانتي على الحب والتجريح مغصوبه
وان كان غبتي رقيت بشمخ النيبي=واعلنت للبيض عن طرد الهوى توبه
تميت قافٍ سليم من العذاريبي=لعيونك السود طوله بس عذروبه

[عبدالله المرشدي]

عندي على بعض المخاليق شرهات=من دافع الغيره ومن دافع الشوق
ليه التنازل ياحبيبي سلامات=خابرك دايم عالي الفكر والذوق

[عبدالله المرشدي]

الظاهر اني بالعناوين غلطان=والا رقدت وقمت حلمان لي حلم
اعيش باحداثه من العام للان=واصوره بيات شعري على فلم
الله لايجزا الغلا وين ماكان=يدخلك حالة حرب لو كنت في سلم
ياصاحبي صاحبك لو صابه جنان=لاتعتذر وتقول ماعندنا علم
اما ارحمه والا قل الوقت ماحان=لاتتركه بالشكل هذا ترا ظلم
يهديك مسك وورد مع عذب الالحان=ويحتاج منك الود والصبر والحلم
قله ترا غاليك ناسيك يافلان=مار انتبه تراك مازلت في حلم

[عبدالله المرشدي]

قصة غرام سجلت ضد مجهول=محدٍ عرف هي حلم والا حقيقه

[عبدالله المرشدي]

آخر رسالـة ود ماهـي ترجـي=كتبتها والفكر شايـش ومنـرج
للفاتن اللي عن غرامـي يسجـي=واذا تذكـر قـال لايمكـن اسـج
صعبٍ على غيره لمثلـه يحجـي=عنده حلول اليا بغى كيف يحتـج
القلب في وادي غرامـه يدجـي=يادج حالي من هوا صاحبـي دج
الى متى يازيـن وانتـه تهجـي=ماغير احدك يم الاشواق وتهـج
لو كان بيدي فوق كتفي تحجـي=ترقى على كتفٍ تمنـاك وتحـج
انت الحبيب اللي وصاله ينجـي=نج الغريق اللي معك تسحبه نـج
خل المشاعر من خفوقك تزجـي=زج الغلى والشوق في مهجتي زج
اطلق عنان الـود خلـه يلجـي=ترا الذي يهواك بالشـوق منلـج
فج الضلوع اللي لها الشوق فجي=تلقى قليبٍ من غلاك انت منفـج
منته من اللـي للمكـارم يمجـي=يخدعك بالظاهر ولو تكرمه مـج
فيك الوفا والحسن ريحه يعجـي=للزين والعفه على هامتـك عـج
طاغي جمالـك للعـذارا يشجـي=كل البني سبب جمالك لهم شـج
اقر المشاعر صح خـل التهجـي=ماهو سوي لمثلك القـاف يتهـج
امـا تعـال بـدون ذل وترجـي=والا بلاش ارجوك يكفي لنـا رج
عبدالله المرشدي

[عبدالله المرشدي]

خلي علامه مايمر الحديقه=ماشفت له جره ولا اوحيت له رمس
ليته يمر المزرعه في طريقه=يجلس دقايق ويتضلل عن الشمس

[عبدالله المرشدي]

شهادتك ياصاحبي راس مالي=كم لي وانا اذاكر وادور شهادتك

[عبدالله المرشدي]

لي صاحبٍ حوله ثلاثين صاحب=وانا احسب انه بالموده صحيبي
لامن حضر قالو له اهلا مراحب=كلٍ يقول انته لحالك حبيبي

[عبدالله المرشدي]

ياصاحبي دامك مع فلان وفلان=رح خلهم ياصاحبي ينفعونك
اللي يقول انته وانا شبه خلان=واللي يقول بحق تسلم عيونك
تاخذ وتعطي كنكم ربع واخوان=ولاحسبت حساب منهم يبونك

[عبدالله المرشدي]

والله لتبطين وانتي في خفوقي=جالسه باقصى الضلوع متكيه

[عبدالله المرشدي]

تقول داوم قلت ماني مداوم=لاني مسجل في خفوقك دوامي
غريق في حبك واحاول اقاوم=ياطيب السيره بديع القوامي

[عبدالله المرشدي]

شكرا من الاعماق لمقيميني=تقييمكم والله ماهوب اي تقييم

[عبدالله المرشدي]

كن باهدابك مثل عسكر ملوك=رمش عينك من نظر غيرك حماك
وان مشيتي كن رجلك فوق شوك =تقصر الخطوات يامحلا خطاك
الدروب اللي مشيتي مانسوك =يوم تمشي ينبت الزهر بثراك

[عبدالله المرشدي]

البارحه مابين ساهي وفاهي=شربة من كاسة جفاك وتضايقت
المرشدي

[عبدالله المرشدي]

انطعتني يافلان ريح وترتاح=الصمت اخير من امتهان الفتاوي

[عبدالله المرشدي]

في ركني الهادي حبست شجوني =عن محتمل تاويل فكرٍ غادي
لاهي واغني من جديد لحوني=والناس من حولي علي تنادي

[عبدالله المرشدي]

الله يسامح خطاك ويغفر ذنوبك=ياللي علا اخوك جبت العيد ماتدري

[عبدالله المرشدي]

تعال كلك كذا علك تطمني =تعال انا من زمان فات اناديلك

[عبدالله المرشدي]

المصيبه لاطعنك اللي تعزه في ظهرك=وانت غافل مادريت الا بعد رمحه طعنك

[عبدالله المرشدي]

البارحه مامرحت لين اصبح الصبح=سهرت ليلي كن ماني بصاحي
سبحت بافكاري على راحتي سبح =لين التمست النور فاول صباحي
كبحت مايطري على خاطري كبح=وحاولت اعدي ليلتي بارتياحي
والعاديات اللي لهن بالوطا ضبح= في خافقي خيالهن ماستراحي
اسمع حنين الزمل ومخالطه نبح=والقى الموده قبل اشوف المتاحي
احدٍ على مد النظر يبعد الشبح=واحدٍ تعود نظرته فالمراحي
كم واحدٍ يذبح ولايحسن الذبح=وكم ناجحٍ ماهوب ويا النجاحي
ياكثر ماضيعت يامدور الربح=مار اطلب الله رحمته والسماحي

[عبدالله المرشدي]

سبحانك اللهم وبحمدك اشهد انه لااله الاانت استغفرك واتوب اليك=

[عبدالله المرشدي]

هلكني ملكني سلكني حلاك=وصرت البصير الضرير الكسير
كأني كاني وانا اركض وراك=ضرير تبصر ببصرة بصير

[عبدالله المرشدي]

تجولي في داخلي لادخلتي =اهم شي اليا دخلتي تسمين
اخاف لامنك بقلبي حللتي=تستعمرينه مثل دولة فلسطين
اعرفك لارقتي ولامن زعلتي =واقول ياشين الزعل للمزايين

[عبدالله المرشدي]

دورت لك في صفحة الفيس ياهيس=واليوم رحت ادورك في تويتر

[عبدالله المرشدي]

ترا التواضع من مزيايا هل الطيب=يعني ليا مريت يازين سلم

[عبدالله المرشدي]

خلنا نبقى على خط الرسايل=لين حزات الضروره ونتكلم
لوطرالي ماطرا ماني بقايل=لين اصحصح من غرامك واتلعم

[عبدالله المرشدي]

ياصاحبي خاف ربك لاتسهرني =كم ليلة تسهر عيوني على شانك
ليتك بعد كل ماقلته تعبرني=وتشيلني عن عيون الناس باعيانك

[عبدالله المرشدي]

ياصاحبي صاحبك لو صابه جنان=لاتعذر وتقول ماعندنا علم

[عبدالله المرشدي]

من بنات الفكر روضت الاصايل=والاصايل فاخر الجوله تفوز
لاسرجت خيول فكري بالجزايل= قامت الجزله قدم عيني تنوز
عن جزيل القاف مارضى بالبدايل =مايجوز بنظرتي مالايجوز
يوم غيري فكرته شابت تمايل=بنت فكري ناضجه ماهي عجوز
لاكتبت اكتب من احساسي مثايل=تعجب اللي يهتوي فك الرموز
من قصيد اليوم دم الشعر سايل=ليت بعض الناس عن نظمه يجوز
من طراله قاف جاب القاف عايل=ماعليه من الترابط والنشوز
لو يقولون العرب ماني بقايل=غير قولن للرضى منكم يحوز

[عبدالله المرشدي]

اغليك واحبك واعزك واقدرك=واموت في ريحتك واعشق ثراكا

[عبدالله المرشدي]

اليوم قررت ابتعد عن حراويل=من عقب مادروت لك بالحراوي
ماقول اببعد عنك وارجع واراضيك=اقول انا فعلا على البعد ناوي

[عبدالله المرشدي]

نايم ياقافي وخلك مستريح=ماحدٍ يمك تغطى ثم نم
والحقيقه مايصح الا الصحيح=تسقط القوات لاطاح العم

[عبدالله المرشدي]

اصبحنا واصبح الملك لله

[عبدالله المرشدي]

الحقيقه حلم والواقع خيال=كيف تلمس واقع في وسط حلم

[عبدالله المرشدي]

كلمة احبك مالها اي تبرير =غير الغلا والا التلاعب بالاعصاب

[عبدالله المرشدي]

كامل الاصاف مرسلةٍ هديه=بس كانت غير عن كل الهدايا
بنت شيخٍ ماتناظر للرديه=عينها تاقع على اللي به مزايا
الكفوف البيض مدتها سخيه =كن ربي مبتليها بالعطايا
يوم جتنا زايره عيد الضحيه =بارك الله فالعياد وفالضحايا

[عبدالله المرشدي]

ياصاحبي لو تغير نكك احسنلك=ثوب البنيات مايصلح مع ثيابك

[عبدالله المرشدي]

ان كان لاجيتك تجي جيت يمك=وان كان اجيك ولاتجي مت ماجيك
ماني بخوك اصغر ضني ابوك وامك=حرن علي ماطالني منك اجازيك

العطاوي

[عبدالله المرشدي]

وين انت ياللي فاقدك لي يومين=قلي عسى ماشر وينك سلامات

[عبدالله المرشدي]

ياهـلا يامرحبابـك يـاهـلا يامرحـبـا=اقلط اقلط في خفوقي دام مفتاحـه معـك
اعتبر قلبي حلالك سـو فيـه اللـي تبـا=مابه احدٍ في حلالك بـاي حجـه يمنعـك
ماحدٍ ياصل مكانـك لـو بـرك والا حبـا=انت من قدك مادام ان المحانـي مربعـك
ابرك الحزات عندي يوم اشوف احلى الضبا=راتعٍ باقصى الخفوق اللي على نبضه دعك
يانسيم الـورد لاهبـت ذعاذيـع الصبـا=ياشبيه البدر في ليلٍ كشف بـه مطلعـك
والله ان القلب في حبك ترعرع ثم ربا=لين حطيته مثل خاتمك في وسط اصبعك
في وصوفك لي جوادٍ بالقوافي ماكبا=وانت في صدي وردي بالتجافي ماسرعك
لاتخلي صادق احساسي معك يذهب هبا=التفت بعيونك النجلى لمنهو يتبعك

[عبدالله المرشدي]

سبحانك اللهم وبحمدك اشهد ان لااله الا انت استغفرك واتوب اليك

[عبدالله المرشدي]

ماتهز الريح هامات الجبال=شامخه في وقت حرب ووقت سلم

[الأدميرال]

صباح الخير يابو بدر

مبدع ماشالله عليك وقصيدك جزل وبنتظار جديدك وتقبل مروري

[عبدالله المرشدي]

هلا وغلا

وصباح النور ياهلا بالغالي فيصل

مرورك نور متصفحي
والشاهد الله

ومازال عندي مشكله في نافذة تسجيل الاعجاب

تفتح معي ولا استطيع اضافة رد

لاهنت مرورك يزيدني تالق

تحياتي لك

[عبدالله المرشدي]

اسمع كلامي لاتقول انـت فاهـم =ترى الحياة دروس واحزان وافراح
حافظ على دينك وبالخير ساهــم= خلك لفعــل الخيـــر مرشـــد ونصاح
احفظ صلاتك قبل موتك يداهــم= طيع الولي في كل حـزه وترتــــاح
والوالدين احرص ودور رضاهــم=لاتنتظر تبر احدهم اليــا طـاح
وجنب عن اللي قاصرات يداهــم=خويهم ما ينفعونه ليـــا صاح
الرفقه اللي ماتجي بالتفاهــــم=الا على مبداء المصالـح والارباح
لاصار عندك مال تكسب غلاهم= وان قل مـالك مالقو فـــــيك مصـــلاح
الضيف مايهنى بلقمة عشاهــم= ولا للطراقي عندهم حـــق ومــراح
دايم على الغرات تاقع خطاهـم= ومن يتبع الغرات للـــسر فضـاح
تعجز تميز مرهم من حلاهم =ينسونك الغلطات من كـــثر الالحاح
اقطع علاقتهم وفارق اذاهم= ترى مجالسهم على الــــشر فتــاح
خلك مع اللي تستريح بلقاهـم=لاجيتهم مهموم روحت مرتـــاح
ربعٍ يشرف فعلهم من لفاهـم=بيض الوجيه مزبنــــة كل صيــاح
ربي على فعل المكارم هداهـم=على طريق الخير ممسى ومسـراح
فكر بعقلك لاتقول انت واهــم =ترى الحياة دروس واحزان وافراح

[عبدالله المرشدي]

قدام حرفك تخجل حروف حرفي=واحاول ابطل كتابة قصايد
اكتب من افكاري على قد عرفي=واخاف لاقع فالخطا والنقايد

[عبدالله المرشدي]

يامرحبا ياهلا لعيون جمهوري=ترحيبة نابعه من داخل اعماقي

[عبدالله المرشدي]

عذروبها تاخذ وتعطي وهي بنت=والا عدى هذا حشاها عذاريب
المعذره لو كان في حقها منت =لكن كثير الهرج في سلمنا عيب

[عبدالله المرشدي]

ياللي على روس المراقيب وقتي=نجمك بدا يشع في كل الافاق
عندي نصيحة حق لو كان ضقتي=مستقبلك والطهر والغي بسباق
شومي عن اللي يتبعك كان فقتي= من بهرجة عاشق وخاين ولفاق
تراك دره نادره لو صدقتي=مع هاجسٍ ياتيك من بين الاعماق
جوزي عن اللي يطردك لاسبقتي=وارضى صدوق الود من كل الاذواق
ريع الذياب يلوثك لو مرقتي=للرجل في تالي مهاويه مزلاق
كثر المعارف ترشحك لاعرقتي=وترميك في داخل ملفات وانفاق
ارقي على ظهر الجبل لاشرقتي=كبي عديمين المبادي والاخلاق
بكره يجيك العلم لامن غرقتي=في وحل من زيف المشاعر والاشواق
ذكرك يملونه ليامن فرقتي=عن الطريق اللي له العقل يشتاق
عطرك يفوح وينتشر لا برقتي=وتطلع بصامات الفشل فوق الاوراق
الدرب قدمك فكري لازرقتي =امشي بجنب الحيط لاترفعي ساق
سبقك تعدا كل سابق وفقتي=من كان قبلك سيرته تبني اطباق
هذي شهادة حق كانك وثقتي=في قول من حده على القول ميثاق
انتي لحالك بالتميز لحقتي=اللي سبق قبلك ومن جاك لحاق
كل الكروت اللي لغيرك حرقتي=سلبتي الموضات من وسط الاسواق
اقسم قسم من جد بنك طرقتي=كل الخيول اللي على الزين سباق
لاتهميلن الراي مادام ذقتي =طعم الغدر لاجاك في شكل ترياق
انتي لحالك بس للجزل رقتي= مافيه غيرك قط في نظرتي راق
في عين من عزك على طول لقتي=جبتي مزاج الشاعر اللي ماينطاق
اعلن خضوعي كان للشوق طقتي=وانا منول ماطرد اللي نوا فراق
تم الكلام وكان غيري عشقتي=قولي وخلي جاري الدمع دفاق
وان كان هرجي ماعجبك وانحرقتي=قولي جزاه الله بالخير ماباق

[عبدالله المرشدي]

ياصاحبي ليتك لهالحين صايم=الصوم به صح لراسك ومعدتك

[عبدالله المرشدي]

لي رفيقٍ بالمعاذير استبيحه=بس عذري ماتوديه الرسايل
ودي ارسله من اشواقي ذبيحه=بس ماودي يشوف الدم سايل
خابره حساس واحساسه فضيحه=مايجي لاضاق صدره بالتحايل

[عبدالله المرشدي]

اقسم بعزة من خلقـك وخلقنـي=محدٍ ملك روحي من الله خلقهـا
الا انت بس اللي غرامه حرقنـي=جمّع معاليق الحشا ثـم حرقهـا
حبك فرق حدب الضلوع وسرقني=فتش مخابي مهجتي ثم سرقهـا
رمح الهوا في ظرف ساعه زرقني=فتت سويداء القلب لحظة زرقهـا
ياطرق حالي من غـرامٍ طرقنـي=طرق الزوالي في يد اللي طرقهـا
قلبي ليا من جيت يمـك سبقنـي=كنه على شوفك عيونـي سبقهـا
مدري من الله ذنـب والا رزقنـي=يوم ان مثلك في غرامي رزقهـا

[عبدالله المرشدي]

يامرحبا باللي يشرف مروره=تشريفته والله ماهيب اي تشريف
اللي ليا من مر سجل حضوره=عساه يسلم ماتجيه الصواديف

[عبدالله المرشدي]

ماحسبت حساب مسعود وسعد=لجل يطلع لي سعيد مع سعيد
باسطٍ كفي على كف السعد=وكل عيد اقوله عيدك سعيد
والردي وش عاد وان قام وقعد=مايسرك من قريب ومن بعيد

[عبدالله المرشدي]

قلبي وروحي والمشاعـر عطيتـك
احساس شاعر صدق حبك وهاواك

بعت العـذارا كلهـن واشتريتـك
صارن جميع البيض فدوه لماطـاك

[عبدالله المرشدي]

الهاجس اللي بالخفا موتلجني=يطري عليه كل ماعسعس الليل
لازل نص الليل همي رهجني=واصبحت من زود العنا فاقد الحيل

[عبدالله المرشدي]

ماغير انا وياك والثالث ابليـس=وش تنتظر لا صار معنا شياطين
اما دخلنا بالهـوى فالدهاليـس=والا طلعنا مـن لقانـا مجانيـن
نتبادل النظره لفحص المقاييـس=وفي كل نظره للمحبـه عناويـن
الشوق زايد والمشاعر محابيس=حتى وحنا بالوصـال متفانيـن
مادام انا وياك خلف الكواليـس=بعطيك عن صادق غرامي براهين
حلمٍ حلمته حلم ماهو كوابيـس=اني انا ويـاك بالـود صافيـن
يافاتني مالك ومال الوساويـس=كل الذي حولك بالاشواق لاهيـن
مصيبة الشعار في عرش بلقيس=يبنون من طوب المشاعر دكاكين
القاف خاوي والمعاني مفاليـس=ماتنقري لو جمعت في دواويـن
راحت قصايدهم بوسط القراطيس=ولا قراها ربع روضـه وداريـن
وانا قصيدي في وصوفك نواميس=لجل ان حسنك للقوافي نياشيـن
استغفر الله واتعوذ مـن ابليـس =اظن لاشفتك تغيـب الشياطيـن

[عبدالله المرشدي]

اشوف ذنبي في عيوني ليا اذنبت=ينشر ظلامه في مسالك دروبي
يضيق صدري لاتفكرت واسهبت=واندم على مافات واعزم واتوبي
انسى واعاود للخطا ماتادبت=يغويني بليس اللعين الكذوبي
اطيح فالزله وانا توي اصبت=كني على دوس الخطايا مغصوبي
استغفر الله للخطا ماتعصبت=يعلم بنياتي عليم الغيوبي
تكبر ذنوبي لاحسبت وتحسبت=واصغر بعيني يوم اناظر ذنوبي
يالله ياللي لك توجهت وانبت=طالبك تغفر لي وتستر عيوبي
ياواحدٍ لرضاه تقت وتطلبت=طالبك يامولاي تكشف كروبي

[عبدالله المرشدي]

ان كان جيتك جنبي واتركيني=لاني اعرف القلب يمك مهايف
لاتذكرين الحب لاترحميني=خليني اصبر تاليتها خفايف
حتى بمنامي حاولي ماتجيني=ردي طيوفك لاتجيني ردايف
واذا صحيت انسى عناي وحنيني=واحاول انسى حب ناب الردايف
حتى ولو جوي تعكر ..يزيني=واعيش جوٍ مثل جو المصايف
هذا قراري راضيٍ مايجيني=من عقب عديت الطوال النوايف
شم الجبال اللي حجاها حصيني=عديتها وهموم قلبي لفايف
في مرقبي راجعت ماضي سنيني=واخذت عبره من ليالٍ طوايف
درب الهوى يابنت ماله ضميني=ياكثر مابه من علوم وطرايف
في سيرة العشاق سرٍ دفيني=وهمومهم باقصى الضلوع النحايف
نهارهم مابين شوق ونيني=وليلاتهم مابين ساهر وحايف
حال الهواوي مثل حال السجيني=دايم على خده دموعه ذرايف
ابيك والله وادري انك تبيني=بس اجزمي خلاص ماني برايف
بودعك يافاتني واذكريني=اذا قريتي هاجسي بالصحايف
ارجوك يابنت الحلال اعذريني=وانسي مع الايام ماكان طايف
يكفي دلع بالله لاتحرجيني=قلت الك انا من سيرة الحب خايف.

[عبدالله المرشدي]

قد قلت لااقفيت قفيت كلي=ولا اقتنعتي في كلامٍ سمعتيه
هزيتي براسك على ماحصلي=ونويتي الفرقى وحبي نسيتيه
كله من أسباب الدلع والتغلي=تصدعت جدران حبٍ بنيتيه
خارت قوى حبك وعصره مولي=ماعاد يخفى كل عيبٍ سترتيه
كنك تحسبين المحبه تسلي=تمتعي بالحب لو ماعطيتيه
قلبك بخل ماعطى ولا قدّ ملي=من صادق الاحساس للي هويتيه
مل الكلام وزايف الشوق ملي=من كثر ماشوقك لغيري وصفتيه
حبل الوصل بالود كان متدلي=وانتي بليا ذنب جاك وقطعتيه
واليوم انا ارحب وابارك واهلي=بفصل الغرام اللي بكذبك ختمتيه
السوق دولي والبضاعه محلي=سعرك يجي من يخفظه لارفعتيه
مادام راسي للمتون متعلي=ماطا برجلي في ترابٍ وطيتيه
القصد واضح والبيان متجلي=خليك مع دربٍ برجلك مشيتيه
وانا اطلب الله كل ماجيت اصلي=واعوذ به من شر جرحٍ جرحتيه
والحمد لله صادق الراي دلي=وعرفت رسمٍ بالضحايا رسمتيه
لاني بخلٍ لك ولاانتي بخلي=ذنبك على جنبك بفعلك جنيتيه
يعني خلاص اقولها رحت كلي=جاك الكلام اللي من اول سمعتيه

[عبدالله المرشدي]

المزنه اللي بالدجى برقها لاح=اغنم مطرها لايفوتك مطرها
مادام جت بحماك لاتروح ياصاح=وان روحت مع دربها قص اثرها
ماكل برقٍ يجذبك معه لا راح=بعض البروق الله يكافي قشرها
خل البروق اللي تعدى لها ضاح=لوسيلت منته بجاني ثمرها
حتى لونك بس بالقول مزاح=تتعب عيونك من متاعب نظرها
لاصرت في شعر الغزل شبه مرتاح=حبيبتك شعر التغزل دمرها
احرص عليها قبل ترحل وتنزاح=احرص تراها درةٍ من دررها
محميتك فيها اطيب الورد فواح=من صغرها مافيه حيٍ سبرها
بالطهر والعفه لها ستر ووشاح=درة بحر منقيةٍ من بحرها
مالك ومال اللي لها نوح وصياح=اللي مع العربان ذايع خبرها
ياسيدي قلبي بنار االهوى ساح= والحال باسبابك تزايد خطرها
لو كان للحدب المغاليق مفتاح=حبك بلا مفتاح طب وكسرها
الحق ترى محبوبتك سدها باح=حتى لو انك بالحنان تغمرها

صح لسان الشاعره نسمة غلا

[عبدالله المرشدي]

نام ياقافي وخلـك مستريـح=ماحدٍ يمـك تغطـى ثـم نـم
لا تجر الصوت لاتقعد تصيح=مايجيب الصوت من صابه صمم
شوفني مثلك على شانك طريح=احتمي بيتك واقاسمك الالم
لاكتبت الشعر ودي بالفصيح=ولادعاني قلت له حاضر وسم
اكتب الابيات بحساسٍ جريح=ان تطرقت الغزل والا حكـم
وجد والا نصح والا بالمديح=هاجسي لامن طلبته قال تـم
مايعيبه لو وصفت ابه المليح=اوكتبته في مدح راع الهمم
ارفع القيفان عندي ماتطيـح=دايما تاقف على ساق وقـدم
هكذا دايم يجي شعري صريح=ويتعلى بي على روس القمم
بالنهايه مايصح الا الصحيح=تسقط القوات لاطـاح العلـم


سبحانك اللهم وبحمدك اشهد انه لااله انت استغفرك واتوب اليك

[عبدالله المرشدي]

حق غيري ويش ابي به=مالتفت له لوينادي
حق غيري من نصيبه=لو تبعته صرت غادي

[عبدالله المرشدي]

تم مسح الرسايل مع ملف الصور=مابقى لك بفكري غير ماخزنه

[عبدالله المرشدي]

مستحيل انساك لو كلٍ نسـاااك
كيف ابنسى نور عيني لو نسا
الوفاوالود من قلبـي نصـاك
لوجزيتـه بالتعالـي ماقسـا
الله اللي قمة احساسي عطـاك
لين حبي لاكبر عيوبـك كسـا
جاك خفّاقي على المطلوب جاك
طير يكفخ بالصباح وبالمسـا
تجرحه . تدميه . ماهمه جفاك
المهم انه علـى حبـك رسـا
الك بس القلب وعيوني فـداك
غيرك من البيض تـــ ,,و،،

[عبدالله المرشدي]

كان جـت للجـد مافيهـا كـلام=ضاع وقت الناس في طرد السراب
البروق اللـي تكاشـف بالظـلام=هما التجريح فـي خـد السحـاب
مادرت عن دمعة مـزون الغمـام=ولا درت عن حال مضمين الركاب

[عبدالله المرشدي]

النجمه اللي في سمايه تضوي=مامثلها بين النجـوم بسمايـه
لاشفتها ناديـت ياليـل تـوي=لاني اشوف بتالي الليـل آيـه
كني على الجنبين منها متكوي=تدري بلاش تقول هذي دعايه
ماحبها الا حبها صـار جـوي=لا والله اغليها فقط دون غايه
ياصاحبي ليتك ثواني تخـوي=ممكن تصير اجمل واعز خويايه

[عبدالله المرشدي]

يامرحبا باللي يشرف مروره=تشريفته والله ماهي باي تشريف
اللي ليا من مر سجل حضوره=ماقال اخاف عيون ناسن ملاقيف

[عبدالله المرشدي]

تجولي في داخلي لادخلتي =اهم شي اليا دخلتي تسمين
اخاف لامنك بقلبي حللتي=تستعمرينه مثل دولة فلسطين
استمتعي بالوقت لامن وصلتي=وترفقي بالاورده والشرايين
حتى لوانتي عابره مانزلتي =القي فقط نظره على ماتشوفين



سبحانك اللهم وبحمدك اشهد ان لا اله الا انت استغفرك واتوب اليك

[عبدالله المرشدي]

ياصاحبي شكلك كذا سارقها=باين عليك معدلٍ معناها
الوزن والمعنى كذا حارقها=ليتك مخليها على مبناها
لو قلت لي مايختفي بارقها=والله لتبطي ماحدٍ ينساها

[عبدالله المرشدي]

اهلا هلا ياقبلة الدار حياك=وسط الخفوق اللي لعبَه هواكا
القلب بيتك والمعاليق مرباك=مالك ورا حد المحاني شراكا
استمتع بوقتك عسى الله يرعاك=فل الحجاج وغن محدٍ معاكا
والله مابه شي بالعين يسواك=ولاحدٍ ملك عقلي وقلبي سواكا
كل العذارا بعتهن لجل عيناك=لايلحقك شكه تراهن فداكا
انت الذي في داخل الجوف ملفاك=تامر وتاخذ بالهوى مبتغاكا
ماكنت اعرف الحب والشوق لولاك=انت الذي علمتني من غلاكا
تفداك روحٍ عدها من ضحاياك=ان كان مالله للمواصل هداكا
ياعين ابوي انته عسى الروح تفداك=ارفق علي شوي ماقوى جفاكا
كل الجوارح تشتهي فيك تبغاك=على غرامك بالخفوق اشتباكا
ينتابني لامر بالسمع طرياك=نوبة جنونٍ تنتهي في لقاكا
مجنون في بعدك وعاقل بلقياك=ماقدر اعيش العمر لحظه بلاكا
انت الذي تزعل واجيك اطلب رضاك=ازعل جميع الناس واكسب رضاكا
ياروح روحي لو تراكم خطاياك=تضيع لامن شفت باهي حلاكا
محلاك ياسيد الغنادير محلاك=الزين جمع فتنته واحتواكا
كل الوصوف النادره من مزاياك=ربي من انواع المحاسن عطاكا
مالك شبيه يشبهك في حلاياك=متميزٍ حتى بجرة خطاكا
المسك ريحك والعسل داخل شفاك=بين البرد والجمر معسول فاكا
مثل البدر لابان طلت محياك=لاحولت سود الجدايل وراكا
الورد في خدك وشامتك تزهاك=علامةٍ يدلها من غواكا
اذا هرجت الهرج ذايب على فاك=كنك تكلم من طوارف شفاكا
احيان صوتك يسمعه من توحاك=واحيان من سمعك يجيه ارتباكا
غنج ودلع باسلوب راقي وفتاك=خلى حبيبك خاتمٍ في يداكا
ماودي ان الناس بالوصف تقراك=دام الغرام اللي دهاني دهاكا
تسلم يمين اللي على الطهر رباك=انا اشهد انه بالنعومه غذاكا
اغليك واحبك واعزك واهواك =واموت في ريحتك واعشق ثراكا
جزل القوافي في قصيدي تبناك =هاك المشاعر ياهوا البال هاكا
هذا الكلام اللي يسرك اليا جاك=من شاعر بالجزل قافه يحاكا

[عبدالله المرشدي]

آهن على آهين وآهن على آآآآآآآآه=يااونتي ياما تعبت وتغربت
آهن على مافاتني واتمناااااااااااه=وآه على مابالصراحه تعذبت
ياونتي ونت جريحٍ من اقصاه=يجرها ماعاد ينفع بها كبت
ضاع الوفا والصدق ماعاد تلقاه=لكن على الله كل ماخطيت واصبت


سبحانك اللهم وبحمدك اشهد انه لااله الا انت استغفرك واتوب اليك

[عبدالله المرشدي]

رد الثنا بالشكر ماهوب تطنيش=كلمة وفا لا قلتها تبرد الجاش
ماقلت بدي شين والا مابديش=كلمه بدت من خاطري قلتها كاش
ياصاحبي لا صار بالفكر تشويش=يحس من كيفه ويضرب على ماش
ماكل قولٍ تسمعه تفتهم ويش=من هرجة الشعار تنصاب برباش
محدٍ بسامع لك ليا قلته له ليش=ولانته بفاهم لين تتعب وتنداش
اقر السطور وخل عنك الخرابيش=ناظر بعينك زين لاترمش رماش
اقلط على الواجب واكب العراميش=ولاصدت صيد اترك على دربي عراش
نفسي لها عن ماكر العز تنبيش=وعيني سما لو كنت جالس على فراش
طبعي وفا مافيه كذبٍ وتغشيش=قرمٍ شجيع وقلبي ابيض من الشاش
يشدني برق المزون المراهيش=اطرب ليا من شفت جايٍ له رعاش
القصد واضح ماخدش القيل تخديش=قولٍ سليم ولا بدا فيه وشواش
اترك زمان اللعب والحب والطيش=لاتصير خبلٍ من ورا الناس تعتاش
مافيه باللفات نقطه وتفتيش=دربك خضر ليتك مع الدرب تنحاش

[عبدالله المرشدي]

لي مهرةٍ تجمح ماهيب معسوفه=عزة على الفرسان محدٍ عسفها
من رادها نال التعب والكلوفه=يرجع ونفسه تشتكي من كلفها
من صغرها بستانها به قطوفه=تزهر وتبقى فيه محدٍ قطفها
بالحسن من بين البنات معروفه=محدٍ جهل مقدارها لاعرفها
جمالها يبهر وتسحر وصوفه=يعجز يوفي وصفها من وصفها
قدامها ياقف ويبطي وقوفه=واله الشرف في وقفته لاوقفها
ودي بها شعري يعزف معزوفه=ياعلها تطرب خفوقٍ عزفها
الصوت منها ذايباتٍ حروفه=كم كلمة ذاب اللسان وحرفها
البدر كنه وجهها لو تشوفه=لامن فقدت البدر بالله شفها
رجيحةٍ بالعقل ماهي مخفوفه=لاسلهمت بالعين جنب وخفها
اللي عداها ماعليها حسوفه=الها فقط نفسي تزايد حسفها
متاعب الاشواق فيها مخلوفه=فدوه لها لو كان مالله خلفها
مادام هي كانت ماهيب معسوفه=تسوا حياة الفارس اللي عسفها

[عبدالله المرشدي]

من لا عرف قدرك ليا غبت يفقدك=ويبكيك لا صكت عليه النوايب
لا ذاع صيتك قاصر الباع يحسدك=ويفرح بذكرك عزوتك والقرايب
وان فاض مالك نايد الخلق تاردك=وان قل مالك قالو الناس عايب

[عبدالله المرشدي]

المصيبه لاطعنك اللي تعـزه فـي ظهـرك=وانت غافل مادريت الا بعد رمحـه طعنـك
من ذهول الصدمه اللي عشتها ياقف شعرك=خص لامن جات من شخصٍ رفيق لك ومنك
تظلم الدنيا بعينـك ماتقـدا فـي بصـرك=تنغبن والعقل كنه بالحلـول يغيـب عنـك
تبتلش بين الشجاعه والرفيق اللي خسـرك=ياترد الصـاع والا تنغبـن باقـي زمنـك
راح يبقى في خفوقك جرح ذكرا من غدرك=وبصمةٍ سودا على وجهٍ حشمته وامتحنـك
يامقر الطيب قلي بالطفايس وش حشرك=وش يجيبك وسط ناسٍ خبثها سيله دفنك
عشرة الجهال والانذال فيها وش جبرك= خلاها تولي وتلقى رفقةٍ تعرف ثمنك
يازمان الغدر يكفي لاتوريني قشرك=لاتراهني كفايه فكني واكسب رهنك
يازمن يدور يومك مع سنينك مع شهرك=وبالنهاية تفجع اللي ماعرف قدرك ومنك

[عبدالله المرشدي]

شف طريقك وين لاتمشي كـذا=امسك الدرب الصحيح اليا مشيت
لاتطب النار لـو تلبـس حـذا=تنكوي بالجمر لامنـك وطيـت
مالـك ومـال اللقافـه والـوذا=خل خلق الله وناظر وش جنيت
لا لقيـت الغانمـه منهـا خـذا=واشتر الغالي ليامنـك شريـت
لاتقول ابـي هـذا وابـي هـذا=لازمن بالضبط تعرف وش بغيت
لاتفـك الـلـي بـيـدك الا اذا=صرت ماسك في يدينك مالقيـت
القناعـه كنـز للعاقـل غــذا=مو صحيح انك تحصل ماشتهيت
كل شي مكتوب من قبلـك لـذا=لاتحسر لجـل شـيٍ ماجنيـت
اغلب ورود الجنان الهـا شـذا=بس فيها فرق كانـك مادريت

[عبدالله المرشدي]

مضطر اغادر واترك الحي والدار=ماعاد لي مقعاد يانور عيني



سبحانك اللهم وحمدك اشهد انه لااله الا انت استغفرك واتوب اليك

[عبدالله المرشدي]

يامرحبا فيك لو انك سبب جرحي=وشلون اهلي وارحب وانت نهابي
سرقت قلب العنا واقفيت بالفرحي=وانا اتحراك كاني فاقد اعصابـي

[عبدالله المرشدي]

الهرج واجد والفوايد قليله=وقت الصمايل تختلف بعض الاقوال
قولٍ بليا فعل وش ترتجي له=ضربٍ من التظليل وازعاج واجدال
احدٍ يحصل من كلامه فشيله=واحدٍ تشيله كلمته فوق ماطال
اللي يبي درب الخنا والرذيله=يطلق عنان النفس ويعاشر انذال
على طريق الغي يلقى زميله=والكل منهم لاسود الفعل يحتال
واللي يبا العليا يروم الطويله=يسعى لها ويثبت اقوال بفعال
يمشي على درب الشرف والفضيله=ماينحني لو فيه كف الدهر مال
يسعى لكسب الغانمه والجميله=ويحط له في ماكر العز منزال
اللي يبي قطف الزهر ينحني له=ماتكفي النيه لتحقيق الآمال
نيل المنى لابد له من وسيله =بالصبر والمجهود يتغير الحال
من غاص في غب البحور المهيله=لابد يصبر لين ياقف على الجال
لاصرت في غربه يبي لك دليله=بس البلا لاصار في مخك هبال
مايقنعك شرح العميل لعميله=يبلش بك اللي مقصده ينصح الضال
الحر في دربه يخاوي مثيله=والبوم ماله بالمراقيب مدهال
ممشى الهبيل بجنب ناسٍ هبيله=لو يعرفون الدرب مافيهم الدال
العاقل ان ماجاك حاول تجي له=احذر تماشي في مماشيك جهال
ترى الخوي لازم خويه يشيله=واحد من الاثنين لابد ينشال
النفس تهوى كل برقٍ تخيله=لاهملتها ترميك في وسط الاهوال
احذر تطاوعها بما تشتهي له=اضغط عليها لين ترضى بالاحوال
ترى القناعه للنفوس العليله =تحصين حتى عن مرض جمع الاموال
اد الصلاه الواجبه والنفيله=صم وتزك وحج ياطيب الفال
احرص على الارحام واللي تعيله=وامك وابوك اجزل لهم كل مكيال
والجار له حقٍ حرامٍ تزيله=وفه حقوقه واعذره كل ماعال
البخل رسمٍ بالوجيه البخيله=يبين لاجا صاحبه يدفع ريال
والبيض يكفي من هواهن حليله=تحفظك في غيبتك وتربي اجيال
بين النساء بالشكل تلقى بديله=فرقٍ بسيط وجوهر الشكل لازال
الفرق يظهر بالصفات النبيله=بالعقل والاخلاق ماهو بالازوال
احرص على بنت الرجال الاصيله=السالمه من هرجة القيل والقال
اسئل عن المنزال قبل تعني له=ماكل شجره ينوجد تحتها ظلال
ماكل وادي لو تسايل مسيله=تطلع بوادر بذرته عقب ماسال
وقت الرخا يطلع لك الفين حيله=تلقى الخوي والجار والعم والخال
ووقت الشدايد تنصدم بالحصيله=يطلع لك النصاب والنذل والذال
تلقى خويٍ شهم يسوى قبيله=والا الدويني منظره بس تمثال
الطيب ميزه والفعول تهدي له=ماكل من يلبس من الشمغ رجال
قافٍ دعاني مابغيت ارتكي له=فجر بجوفي من عنى الوقت زلزال
حاولت ابين زبدته وتحليله=في نص ساعه سقته اقفاي واقبال
قلته وقلبي فوق صلو المليله=وارتاح بالي يوم روضت الامثال
وصلاة ربي عد وبل المخيله=على الصدوق الصادق بكل ماقال

[عبدالله المرشدي]

تراي مازلت انتظر واتحراك=علك تجي في تالي الليل غادي
استقبل طيوفك وانا اقول حياك=مثل الكريم اللي لضيفه ينادي
لو ماتجي طرياك فالبال طرياك=تغدي بفكري معك في كل وادي
اراجع الماضي واحسب نواياك=واقول ماعينت علم وكادي
ترضى وتزعلني وانا ادور رضاك=وامشي واقول بسلم الاحباب عادي
يابري حالي يوم اناظر سواياك=تضحك وتغرس حربتك بالفوادي
ياللي شبيه البدر طلة محياك=والليل عن غرتك جاله سوادي
ياجامع انواع الحلا في حلاياك=وش لون تقتل نظرتك وانت هادي
رح وين ماتبغى وعود لمرباك=وانا انتظر جيتك مع كل بادي

[عبدالله المرشدي]

لاهاض جاشي واشتعل فيه لاهوب=قامت هواجيسي توارد عليّه
منها جفن عيني عن النوم مقضوب=وباقصى خفوقي كيةٍ فوق كيه
صورتها من واقعٍ شبه مقلوب=ومفهوم يتغير على كل نيه
جرحٍ عطيب وخافقي منه معطوب=وحلمٍ كبير يمر صبح وعشيه
ليلٍ بهيم وصبح وشروق وغروب=واربع فصول وكورةٍ دايريه
برد ودفا وافراح واتراح وحروب=بين الضديد وبين ضده لضيه
مشاكلٍ مابين سالب ومسلوب=لابد تطحن في رحاها ضحيه
كرّه وفرّه بين غالب ومغلوب=كل على ماراد يرمي رميه
آهات مع حسرات والدمع مسكوب=باسباب جرح وعلةٍ داخليه
وساعة صفا فيها الوفا ماله اسلوب=ولا للامان بدايرتها قضيه
نجمات تتراقص على لحن مسحوب=وغضنٍ تهزع مع لحن سامريه
زرعٍ يموت وباذره توه حبوب= ووردٍ ذبل محتاج رد العطيه
لذه ورى لذه يجي وقت وتذوب=في غبة الاحزان تنسى الهنيه
نسيان في نسيان واوزار وذنوب=باسباب نفسٍ في هواها شقيه
بين الهوى والنفس واشواق محبوب=دارة مدارات العلوم الخفيه
مطامع ولذات شهوات وقلوب=ولاكثرو الرعيان تفنى الرعيه
تفكير في تعمير طوبٍ ورى طوب=اخذ وعطا واحلام نفسٍ رضيه
تخالف الهقوات في كل مضروب=وتقطع مسافه والنوايا مطيه
موج الظروف اشكال والموج سالوب=يسلب مفاهيم العقول الذكيه
تسابق الاقدار والغيب محجوب =وكف الليالي بالحوادث نديه
احداث مرت في حظارات وشعوب=والمقبله ليلاتها سرمديه
لحظه تمر وتالي الوقت مطلوب=تستوفي وتوفي حساني وسيه
رحله عمر تلقى لها درب ودروب= في سكةٍ بين المنى والمنيه
مفهوم يبقى كل مافات محسوب=واللي يجي في علم رب البريه
واجب تطيع الشور يالعبد وتتوب=مادام باقي بالليالي بقيه
تب للذي شانه من الخلق مهيوب=عساه يغفر مامضى من خطيه
قلته وانا ماني على القول مغصوب=اخذ من الجزله واكب الرديه
وختامها آخر بيت بالمسك مكتوب=صلوا على المختار مليون ميه

[عبدالله المرشدي]

الله اكبر الله اكبر والله اكبر الله اكبر=كبرو يأمة الاسلام في كل الدياااار

[عبدالله المرشدي]

يالله ياللي بالخفيات تعلم =ياوحد كل الخلايق تهابه
يامغرق فرعون في غبة اليم=ياسايق بامره بشاير سحابه
يافارج الكربات ياكاشف الغم=افرج لمن همه بقلبه سطابه
اسرج خيول الفكر واصحا واحلم=في واقع مر لذيذ شرابه
اقالب الافكار من يم لايم=واميز الحاصل ولوبه تشابه
اشيل ماينطاق واصبر ولا اهتم=حتى ولو جوي تطاير ترابه
اصد كني بعض الاحيان مافهم= لوبالتفت من جد صارت طلابه
اشوف لي خلج ترازم على الجم=في صحصح مافيه غير الذيابه
الخبل مايقنع ولوقلت له تم =تبلش معه حتى بشرح الاجابه
ماهوب مثل الحر لاقلت له سم=قدر ولافكر بمن هو حكابه
سود النوايا كثرها يجلب الهم=وبيض النوايا طب مرضى الكآبه

[عبدالله المرشدي]

اليا ذكرني صاحبي لجل حاجه=ماهوب عيب اتذكره كل ماحتجت
مادامنا عند اللزوم نتواجه =اليا تحجج بالمصالح تحججت

[عبدالله المرشدي]

يانفس ياللي بالملـذه غارقـه=عن مرتع اللذات شومي وارتقي
صدي عن مزون الذنوب البارقه=عوذي من الشيطان بالله واتقي
النشوة اللي تعتريـك مفارقـه=يبقى اثرها بالضميـر المتقـي

[عبدالله المرشدي]

الشعـر لا خيـل براسـي خيـالـه=يسيل من وبـل الجزيـلات واديـه
بنـات فكـري مـن بعيـد تحدالـه=لاقبل لقى جـزل المعانـي تناديـه
من واقع التجريـب يفتـح مجالـه=وفي صحصح المعقول يطرب تماديه
امـا يجيـه الجـزل والا عنـالـه=على طريـق الحـق دايـم مقاديـه
البارحـه فكـري تـعـدا خيـالـه=خيل خياله واسـود الهـم حاديـه
نوه غشاء الساحـه وماجـا قبالـه=وسيله جلى عن صافي الشعر صاديه
لقيـت حـال الشعـر كـلٍ رثالـه=من يوم ضيع في طريقـه مباديـه
ياشين بعض الشعر ياشيـن حالـه=ياقـل مـدلّـه وياكـثـر غـاديـه
قافه وطاروقه علـى الجـزل عالـه=كن المعاني فـي حروفـه تعاديـه
تنسـد نفسـك لاسمعـت لمقـالـه=ماعـاد ودك ترتبـط فـي نواديـه
لـولاي اسلـي خاطـري برتجالـه=والله مدافع عنـه لحظـه واهاديـه
القاف شـاب ونكـروا بـه عيالـه=مامنهـم اللـي بالمصالـح يفاديـه
من عقـب ماكانـت تـورد حبالـه=تقطعـت ماقـد تجـاوز بـواديـه
كـل يبـي ياصـل بشعـره منالـه=كلٍ يبـي يكتـب وينشـر دواديـه
بالمـال والا الجـاه يرفـى خمالـه=تصفيـف هـرجٍ بالقوافـي يقاديـه
حتيـش لـو شعـره تبيـن بمالـه=مايخدع اهل العرف لجـة رواديـه
واللي حفـظ قـدره تحيـز لحالـه=عافه بعـد شافـه وكفكـف اياديـه
لكن بقـى شعـره علـى مابقالـه=واذا قريتـه فـاح مسكـه وكاديـه
راح القصيد اللـي يشـرف مقالـه=حمايتـه كلـوا وملـوا معـاديـه
مرحوم ياشعـر الفخـر والجزالـه=سبة سهـوم غارقـه فـي ثناديـه
تكفون ياهـل المعرفـه والاصالـه=ارثـو لحالـه دام جاكـم منـاديـه
قلتـه وانـا فكـري تعـدا خيالـه=خيل خياله واسـود الهـم حاديـه

[عبدالله المرشدي]

قالت عزيز وقلت مابغـى معـزه=ابغى الغلا اللي داخل الروح للروح
قالت يجي له يابن الاجواد حـزه=يمكن يكون الحين ماهوب مسموح
مع هرجها المعسول فزيـت فـزه=من زود فرحي بالغلط كنت ابا نوح
قلت الذي يمك طيوفك توزه= تراه من سبة تجافيك مفضوح
الشوق لجلك ثاير الشعر دزه=في خافقٍ ينزف من الوقت مجروح
حسنك غلاك بوسط قلبي يكزه= كز الهوا والموج للي على لوح
ياصاحبي سببت فالوضع هزه=اخاف منها اغلط بطاريك وابوح
احرص على اللي عن سواك يتنزه= قبل يتعقد من تغليك ويروح
يشفي غليله من شفاياك مزه= وتنعش خفوقٍ بالغلا وسطه جروح
من عين قلبك صدق محتاج قزه= نظره من الاعماق تشفى بها قروح
والله لو انك كنت باطراف غزه =لاصلك لو مالي بديرتك مصلوح
وان كان ماعجبك القصيد ومفزه=بلاش اجل ماعاد يحتاج لشروح
اببتعد والشوق بالصبر الزه=لين احتوي حبك ولو شيد صروح
ترا الغلا والحب غير المعزه=مثل الذي في داخل الروح للروح

[عبدالله المرشدي]

ياصاحبي لاتكثـر الشيـل والحـط=محدٍ سكن في وسط الاضلاع غيرك
لو قلت جبلي من عنادك لبن بـط=جبت الك مايسعد بشوفـه نظيـرك
لاتحسب اني فـي هـواك اتعبـط=تراي ماشٍ صح في خـط سيـرك
نظام فكري مـن عرفتـك تلخبـط=شوش رداري يوم طيـرت طيـرك
تبعد وانا اللي في غـلاك اتشبـط= كني دخيلٍ زابنك يستجيرك
ارسلت قيفاني بوصفك توسط= وجتني عليها من بقايا عبيرك
بعض الحروف اشوف من تحتها خط=والبعض الاخر مايحدد مصيرك
تدري باني عاد من خلقتي قط=محدٍ اسرني لكن اصبحت اسيرك
ان كان يرضيك بهواك اتمرمط = قلها صراحه كثر الله خيرك
بقول لك خلاص في نومتك غط=واذا صحيت الشوق يمي يديرك
اببتعد وانته على ماتبي حط= ماني بجايك بالفراق استشيرك
حتى لو الاخلاق لارحت تشتط=اصبر وصلفات الليالي تثيرك

[عبدالله المرشدي]

لا تنظرون الزين لامـن تسـوَح=خلوه يشفي علة القلـب ويـروح

يرتع قدم عيني واذا صحت روّح= وان راح تلقاني من الوجد مطروح

مادام حبه من ورى الحدب طوَح=اكيد باني له بقلب العنا صروح

ماني بقايـل فيـه مثـل الملـوح=حتى لو اكتب حرف قافي على لوح

لن الحروف لعطر وصفه تروَح=واخاف اذيع بخافي السر وابوح

من كثر ماغلي صاحبي قمت ابوّح=ببيات شعر قافها ينعش الروح

الشاهد الله بالمفاتن تشوّح=تقدر تقول بزايد الحسن مفضوح

فيه الوصوف بكف حسنه تلوّح=للطهر والعفه على هامته ضـوح

قلبي بحبه ياهـل العـرف فـوّح=فوح الدلال الصفر لا جالها فوح

مالي جدا ياكود اهوجس وانوّح=واجاوب القمري على عالي الدوح

صحيح من زايد غلاه آتآوِّح=لكن اقول انه بلا شـك مسمـوح

تميت قافٍ جزل صدره على أوّح=من شان عينه صار عجزه على اوح

[عبدالله المرشدي]

احفظ لسانك وثمن ماتقول=قبل ماتنطق ويكتبها الملك
راقب الله في سكونك والفعول =زين الاعمال في مستقبلك
كل شيٍ من على الدنيا يزول =ينتهي في حين ويزول الفلك
من يطعيع النفس في غير الاصول =اقتدا ببليس يسلك ماسلك

سبحانك اللهم وبحمدك اشهد انه لا اله الا انت استغفرك واتوب اليك

[عبدالله المرشدي]

جوي مثل جو الرياض بعجاجه=لاغبت عني ثار بالفكر عجه

[عبدالله المرشدي]

لاتخليني على جمـر الغـرام=ظفنـي بحمـاك والا فكـنـي
تدري التعزير فالمسلم حرام=لاتسن الرمح يكفي ذكني
التعامل فالمحبه باحترام=مايصير تحدني وتضكني
ياحسين الدل يافـرخ الحمـام=ليـه دايم بالوعود تركني
في مواعيدك احضر بنتظام=خوف راسي من غلاك يصكني
لا لقيتك صارت احوالي تمام=ولافقدتك ضيق صدري تكني
منك ماتحظى وعودك باهتمام=غير صدفه والصدف ماتمكني
سحرك اللي بان من تحت اللثام=لاذكرته في خفوقي دكني
وخدك اللي كنه بروق الظلام=سكني برقه ثواني سكني
لاتكاشف وانكشف حد الحسام=بان جمرٍ لانظرته شكني
يابديع الوصف يابدر التمام=ذبت من هرجتك يوم تلكني
اطرب لذكرك ليا مر الكلام=وغيرك ليا مر جلدي حكني
دام حكم الضرب فالميت حرام=طالبك هالحين تكفى فكني

[عبدالله المرشدي]

من الارشيف
ابعتـذر واتـرك الاشـراف

بالذات في مجلس الخيمـه

مرتاح معكم ولابي خـلاف

مادام لـي عندكـم شيمـه

بس الصراحه نبي انصاف

والشعـر لابـد تقييـمـه

ماقدر اجي عندكم منشـاف

مادام لـي عـزه وشيمـه

لازم اعدي على المشـراف

والراجـع ازيـد تقديـمـه

اوضـح الحـق للـعـراف

والجاهـل اعيـد تعليمـه

والعذر لو كان فيه اجحاف

او بيت ماعـدت ترميمـه

احاول ارضى هواء الاطراف

مع قـل وقتـي وتقسيمـه

ارضى البشر زين ماينعاف

والنـور ياشيـن تعتيمـه

مالي مقاصـد ولا اهـداف

مير الغبي كيـف تفهيمـه

كلٍ يبي ياصـل الميقـاف

والمـوج زادت تلاطيـمـه

القلـب للغانمـه ميـلاف

لـوزاد جرحـه وتحطيمـه

ابعتـذر واتـرك الاشـراف

بالذات في مجلس الخيمـه

[عبدالله المرشدي]

والا زمان الصدق ماعاد تلقاه =غطى عليه الكذب مع كل نسناس

[عبدالله المرشدي]

لي صاحبن بالوفا مافان=مافيه مثله مع اصحابه