علي آل عبدالله
02-19-2008, 08:06 AM
من هجر سلمى يا التميمي للأحباب
تعرف الشاعر عبدالرحمن العطاوي العتيبي على الشاعر الكبير عبدالله العلي آل صقيه التميمي عن طريق سماع شعره من الإذاعة في برنامج البادية ولما يقرأه من شعره في دواوينه المطبوعة فاشتاق إلى رؤيته وزيارته ومجالسته وفي ذات يوم فاجأ العطاوي ابن صقيه في منزله في الصفرات وبعد مدة وفي ليلة عيد الفطر 1402هـ أرسل له ثلاث أبيات من الشعر هي أول قصيدة العطاوي الأتية وأنه سيزوره على الجيش وهي ماوصفها العطاوي بقوله :
حمرا وسمرا واشعل شامخ الناب=والرابع اقرب ماتحليه ريمي
وبعد وصول العطاوي سلم قصيدته لابن صقيه وأجاب عليها ابن صقيه بقصيدته التي مطلعها :
يامرحباً باللي لفو فوق هراب=ترحيب من قلبٍ مودٍ سليمي
وإليكم أولاً قصيدة العطاوي :
ياركب دنوا يوم الاثنين دراب=اربع كما اقواس اللواعيب هيمِ
حمرا وسمرا واشعل شامخ الناب=والرابع اقرب ماتحليه ريمي
يازين هجتهن مع الدرب صولاب=يشدن تخافق مبعدات الهزيمِ
جول النعام ان ذارهن حس الاطواب=وتخافقن الربد قدم الظليمِ
نبي نعايد فوقهن زاكى الانساب=عبدالله العلي الصقيه التميمي
عليه يجذبني من الشوق جذاب=هاك القبال اللي لضيفه نديمِ
عن هاجسي راع الصفرات ماغاب=وعندي كتابه كل يوم كليمِ
لقيت في معناه طب للألباب=بكمٍ يوافق لبها للحليمي
عوبٍ عسيرات التفاسير وصعاب=شرد المعاني متعبات الغريمِ
طاعن عبدالله على كل هنداب=عواصي ما تنقضب للغشيمِ
أقسى من الفولاذ واخطر من الداب=وبالرقه الين من عليل النسيمِ
شاب التميمي والمثل عنه ماشاب=ينقاد له قود الحصان الهميمِ
جن العجايز في تعابيره أشباب=يغرن طلاب الهوى بالرهيمِ
كان أنت للعجز المحاديب حباب(1)=أنا هوايه سايجات البريمِ
وان كان من صرف النيا شفت الأعجاب=أنا تراني كل وقتي مسيمِ
ماعاد يدمي الصيد ناب ومخلاب=الله لحد راعى الولع مستضيمِ
من هجر سلمى يالتميمي للأحباب=هذا رحل مقفي وهذا مقيمِ
الحضر تشكي هجر سلمى والأعراب=عقب التودد ناكرت كل شيمِ
هذا ويا من هو للأمداح كساب=يابخيل ضيف ومعزب كريمِ
جيناك يجذبنا عليك الترحاب=يوم انت واف للصداقة حميمِ
يعصر لها في كبسة الرز ليمي
فأجاب الشاعر عبدالله بن علي آل صقيه على قصيدة الشاعر عبدالرحمن العطاوي الآنفة الذكر :
يامرحباً باللي لفو فوق هراب=ترحيب من قلبٍ مودٍ سليمِ
سليم من كل الدغايل للاصحاب=والا لضد الجد صالي جحيمِ
لاهل الركاب ارقب على كل مرقاب=الكل منهم عند مثلي حشيمِ
جيش يذكرني مفتلة الاشناب=وساع الطعون مسيحين الاديمِ
جيش العطاوي تجتلد كنه ذياب=وطن شعيب الفاقعه والنظيمِ
بوداي وتر(2) والحنو(3) مرن هذراب=اوفي محرقة(4) عشن شتيل وجميمِ
دار لنا مهي بدارٍ للاجناب=حامينها جداننا من قديمِ
وضحى مع دقله تقلب تقلاب=ركابها تشوف قصر الدعيمي(5)
والعصر عند اللي للامجاد متعاب=فدغوش بن شنوف هيف الدسيمِ(6)
وعلى الصفره حولت توثب اوثاب=للي نوت من عند راعى النسيمِ
اهلا وسهلا بالمطاليق وركاب=من شفتهم كني بجنة نعيمِ
ياجدي يوم سهيل بعد العشا غاب=عتيبي شهم كريم حليمِ
من لابة يوخد لها باللقا حساب=أولاد روق منزحين الخصيمِ
هوازن يرسون لى كلح الناب=من فعلهم تلقى المدلل يتيمِ
وخلاف ذا جانا من الشرق نباب=يذكر لنا خيم على الشمس غيمِ
وحاش الغنم من داخل السوق قصاب=عرب ونجد فيها سمان وهليمِ
ونادو على الكرمه مشبب وشباب=من العصير جلوس لين العتيمِ
وملا بها بيض الطيس كل حلاب=من خلفة تمسح وترزم رزيمِ
صارت بخت بياع سمته والأجناب=راعي الشهامه ترمحه والعديمِ
الذيب في بعض الغنم مدمي الناب=والحصن ركبتها وكاد الحريمِ
كلاب الرعايا نومت بين الاطناب=تقول طلح في شعيب هشيمِ
ما ادري متى يصفي فلك تلع الأرقاب=نجل العيون محايلات الرحيمِ
يلومني دحش للاعراض قضاب=مربعن كنه خروف نعيمي
سبهللٍ خبل على ماش نصاب=خالي عقل في كل وادي يهيمِ
يامن لبرية اليمن شاب شراب=ماجور يالاوي على الراس سيمِ
يانيم قم حول غريرٍ بمحراب=وارشد عن التيهه عتل زنيمِ
طليان مخضار تزايم لها اذناب=يعصر لها في كبسة الرز ليمِ
دلو يجاذبها غشيم بمغراب=في كيسىٍ مافيه جيم وميمِ
ذا قول من ضده زمانه والاقراب=عزيز نفس ما ينادم ذميمِ
شلفا ذياب اللي يذكر بها ذياب=من سو حظي وقعت بالصميمِ
لولاب فكري فر له كم دولاب=والله بما تخفي الضماير عليمِ
ديوان التميمي
نقلاً من العضوا
ولد نجد
من منتديات بني تميم
____________________
(1) المعجزات من الشعر .
(2) وادي صلبوخ حالياً .
(3) وادي ملهم حالياً .
(4) حليفه .
(5) قصر في دقله للدعيمي من بني خالد .
(6) عريني من عرينة تميم .
تعرف الشاعر عبدالرحمن العطاوي العتيبي على الشاعر الكبير عبدالله العلي آل صقيه التميمي عن طريق سماع شعره من الإذاعة في برنامج البادية ولما يقرأه من شعره في دواوينه المطبوعة فاشتاق إلى رؤيته وزيارته ومجالسته وفي ذات يوم فاجأ العطاوي ابن صقيه في منزله في الصفرات وبعد مدة وفي ليلة عيد الفطر 1402هـ أرسل له ثلاث أبيات من الشعر هي أول قصيدة العطاوي الأتية وأنه سيزوره على الجيش وهي ماوصفها العطاوي بقوله :
حمرا وسمرا واشعل شامخ الناب=والرابع اقرب ماتحليه ريمي
وبعد وصول العطاوي سلم قصيدته لابن صقيه وأجاب عليها ابن صقيه بقصيدته التي مطلعها :
يامرحباً باللي لفو فوق هراب=ترحيب من قلبٍ مودٍ سليمي
وإليكم أولاً قصيدة العطاوي :
ياركب دنوا يوم الاثنين دراب=اربع كما اقواس اللواعيب هيمِ
حمرا وسمرا واشعل شامخ الناب=والرابع اقرب ماتحليه ريمي
يازين هجتهن مع الدرب صولاب=يشدن تخافق مبعدات الهزيمِ
جول النعام ان ذارهن حس الاطواب=وتخافقن الربد قدم الظليمِ
نبي نعايد فوقهن زاكى الانساب=عبدالله العلي الصقيه التميمي
عليه يجذبني من الشوق جذاب=هاك القبال اللي لضيفه نديمِ
عن هاجسي راع الصفرات ماغاب=وعندي كتابه كل يوم كليمِ
لقيت في معناه طب للألباب=بكمٍ يوافق لبها للحليمي
عوبٍ عسيرات التفاسير وصعاب=شرد المعاني متعبات الغريمِ
طاعن عبدالله على كل هنداب=عواصي ما تنقضب للغشيمِ
أقسى من الفولاذ واخطر من الداب=وبالرقه الين من عليل النسيمِ
شاب التميمي والمثل عنه ماشاب=ينقاد له قود الحصان الهميمِ
جن العجايز في تعابيره أشباب=يغرن طلاب الهوى بالرهيمِ
كان أنت للعجز المحاديب حباب(1)=أنا هوايه سايجات البريمِ
وان كان من صرف النيا شفت الأعجاب=أنا تراني كل وقتي مسيمِ
ماعاد يدمي الصيد ناب ومخلاب=الله لحد راعى الولع مستضيمِ
من هجر سلمى يالتميمي للأحباب=هذا رحل مقفي وهذا مقيمِ
الحضر تشكي هجر سلمى والأعراب=عقب التودد ناكرت كل شيمِ
هذا ويا من هو للأمداح كساب=يابخيل ضيف ومعزب كريمِ
جيناك يجذبنا عليك الترحاب=يوم انت واف للصداقة حميمِ
يعصر لها في كبسة الرز ليمي
فأجاب الشاعر عبدالله بن علي آل صقيه على قصيدة الشاعر عبدالرحمن العطاوي الآنفة الذكر :
يامرحباً باللي لفو فوق هراب=ترحيب من قلبٍ مودٍ سليمِ
سليم من كل الدغايل للاصحاب=والا لضد الجد صالي جحيمِ
لاهل الركاب ارقب على كل مرقاب=الكل منهم عند مثلي حشيمِ
جيش يذكرني مفتلة الاشناب=وساع الطعون مسيحين الاديمِ
جيش العطاوي تجتلد كنه ذياب=وطن شعيب الفاقعه والنظيمِ
بوداي وتر(2) والحنو(3) مرن هذراب=اوفي محرقة(4) عشن شتيل وجميمِ
دار لنا مهي بدارٍ للاجناب=حامينها جداننا من قديمِ
وضحى مع دقله تقلب تقلاب=ركابها تشوف قصر الدعيمي(5)
والعصر عند اللي للامجاد متعاب=فدغوش بن شنوف هيف الدسيمِ(6)
وعلى الصفره حولت توثب اوثاب=للي نوت من عند راعى النسيمِ
اهلا وسهلا بالمطاليق وركاب=من شفتهم كني بجنة نعيمِ
ياجدي يوم سهيل بعد العشا غاب=عتيبي شهم كريم حليمِ
من لابة يوخد لها باللقا حساب=أولاد روق منزحين الخصيمِ
هوازن يرسون لى كلح الناب=من فعلهم تلقى المدلل يتيمِ
وخلاف ذا جانا من الشرق نباب=يذكر لنا خيم على الشمس غيمِ
وحاش الغنم من داخل السوق قصاب=عرب ونجد فيها سمان وهليمِ
ونادو على الكرمه مشبب وشباب=من العصير جلوس لين العتيمِ
وملا بها بيض الطيس كل حلاب=من خلفة تمسح وترزم رزيمِ
صارت بخت بياع سمته والأجناب=راعي الشهامه ترمحه والعديمِ
الذيب في بعض الغنم مدمي الناب=والحصن ركبتها وكاد الحريمِ
كلاب الرعايا نومت بين الاطناب=تقول طلح في شعيب هشيمِ
ما ادري متى يصفي فلك تلع الأرقاب=نجل العيون محايلات الرحيمِ
يلومني دحش للاعراض قضاب=مربعن كنه خروف نعيمي
سبهللٍ خبل على ماش نصاب=خالي عقل في كل وادي يهيمِ
يامن لبرية اليمن شاب شراب=ماجور يالاوي على الراس سيمِ
يانيم قم حول غريرٍ بمحراب=وارشد عن التيهه عتل زنيمِ
طليان مخضار تزايم لها اذناب=يعصر لها في كبسة الرز ليمِ
دلو يجاذبها غشيم بمغراب=في كيسىٍ مافيه جيم وميمِ
ذا قول من ضده زمانه والاقراب=عزيز نفس ما ينادم ذميمِ
شلفا ذياب اللي يذكر بها ذياب=من سو حظي وقعت بالصميمِ
لولاب فكري فر له كم دولاب=والله بما تخفي الضماير عليمِ
ديوان التميمي
نقلاً من العضوا
ولد نجد
من منتديات بني تميم
____________________
(1) المعجزات من الشعر .
(2) وادي صلبوخ حالياً .
(3) وادي ملهم حالياً .
(4) حليفه .
(5) قصر في دقله للدعيمي من بني خالد .
(6) عريني من عرينة تميم .