قصيده للشاعر سالم بن حرقان العريدي في الشيخ فيحان بن تركي بن ربيعان

[روقي قرم]

بسم الله الرحمن الرحيم

هذي القصيدة للشاعر سالم بن حرقان العريدي الثبيتي في الشيخ فيحان بن تركي بن ربيعان على ماقام به من مجهود في اعتاق رقبة الحميدي بن صاهود العريدي وماهي غريبه على ابونايف ولا على الرباعين كافه وهذي القصيده بين اياديكم


جـعـلك تـعود بـخير يايـوم الاثـنـــيــــن = والله يــعيدك يـالنــهار السـعيـــدي
كـل القـبيلة فـيك الادنـى والاقـــــصيـن = تباشروبـه كــنهم يـوم عـــيــــــدي
تــبادلــوا فــيك البــشايــر مــهـــنـيـــن = يــومن ربي فـــك راس الحميـــدي
والــحمد لله يــوم جــتنـا عـلى الــــزين = بــأمره وتدبـيـــره ولـــي العبيــدي
مـابين كـاف ونــون يقضيه من حـــين = يـحـكم ويـفـعل مـايـشاء ويـريـــدي
ويالله لاتــقطع شجــرة الـربـــــاعـــين = قـــد قالها قــــبلي مغني القصــيدي
الشـجـره الي فـي ذراهــا مــــتـــذرين = دون السمـوم ودون بـرد الجلــيدي
ذخـاير محـصن ســلايـل ســلاطــــين = الــهم مــواريث ومـجــد تــليـــــدي
شيخــة قــرون مــؤرخــــه للـــميامين = ياقــاري التـاريخ تـــلقى الوكــيدي
ماهـيب شـيخــــة جـــد والا بجــــدين = والا كــبير بخــوت والا عـــقـيـدي
لوالله الا مــن على بـــدر وحــنـيـــــن = إســم يــنادى بـه وساسٍ جـــويـدي
يـغـيب نـجم ويـبـتدي نـجـم ويــبــــين = والنــار حـيه في وهـجـهـا تــزيـدي
مـن مـثلهم يـعتق رقـاب الـــمساجيـن = وسـلطان في غـمران فعلــه فـريـدي
والـيـا زبـنهم مـجرم ينـسي الـــديـــن = يــرتــاح فــي نــومه وبــاله يهيدي
لـمـدور الاحـسان بالـحـيل حـــلـويـن = ويــامـــرهم للـــي رويــسه عنيـدي
وان كـان قـيل اجاويد العــرب ويـن = اســم زهــاهم ماخــشرهــم نـديـدي
وابــن ســبيل قــال مــاهــم قصييــن = والــياعــطو مامــدهـــم بالزهـــيـدي
واهل الكرم والجود في العسرواللين = وجـاهٍ ومــعروفٍ وراي ســــديــدي
عـز لاخــو نـوره ونصرة هل الدين = أهــــل الــوفـــا ماينقضون العهيـدي
ولاخــيــر فــي مــدح بـلــيا براهين = يــشهد عــلي الله وخــلقــه شـــهيـدي
والمدح حــان وزان وابـديه هالحين = في مــدح ابــو نـــايف يزين النشيـدي
فــيــحان بـن تــركي سليل المسمين = يـــم الثــريــا مــجـــدهم بــل يـزيـدي
فـــيـــحان يــاشــيخ زهــته النياشين = كـــل العــلـــوم الـــطيبه لـــه تـعيدي
يــاشــيخـنا ياذخــرنا ياأحــمر العين = يـادرعــنا الــضافي كــعام الضديدي
يـــاعــزنا يـاســيــفنا يــاأبـــو حدين = الــي مــضاريــبه تــقـــص الحديدي
ياضـلعنا الي نــزبنه لاحــصل شين = يامــزبـن الي يلتـجـي بــك ضــهيدي
نـلــدلــك لاصـارت الـعــــشر ثنتين = ونــنــاخــك لاوصلت لحبل الوريدي
يامـحـتمي القـالات طـلق الحجاجين = فــي حــال والا حــال نـــار الوقيدي
يالــكــاســر الضرغام ليث الميادين = ياكـاسب الطــالات فــعــلـك حـميدي
وانته ولـــد تركي صعوط المجانين = خـيـال سـبـلا ذاخــرا لـك رصـــــيدي
يشهد له الاقـصين مــن قبل الادنين = ليـا ثـارت الـهــيجـاء عـمـدها عميدي
يشهد له الـي ذابــح فـــوق تـــسعين = ابـن قــطيــم الــي ســهــومــه تصيدي
والي يـبــا تــفـصـيل عــد الاكاوين = في شعــر بــن عيسان لـيــته شــديدي
ولوبندر بن سرور من ضمن حيين = ان كــان ســـوا مــلــحــمه من جديدي
والمــدح يــزهــا مــلـحقين المخلين = يــانــعــم بـالــوالــد ونــعــم الــوليدي
ويالله تحـفــظ شـيـوخـنا قولوا آمين = ويـالله عــسى فـيحان عــمـــره مديدي
نــبــذة وفــاء تهــدا لــكــم يالوفيين = تــحمـل مــشـاعر كل شخص عريدي

[ناصر بن سعدي]

الغالي


روقي قرم ..


بيض الله وجهك على النقل الرائع والجزل ..


وبيض الله وجه الشاعر /سالم بن حرقان العريدي الثبيتي


ويستاهل الشيخ /فيحان بن تركي بن ربيعان ..

والله يجزاه خير على موقفه النبيل اللغير مستغرب عليه ..

وهذه المشاعر والمدح قليله في حق شيوخ عتيبه يستاهلون أكثر ..


وعندي طلب تعيد النظر في الأبيات فيها أخطاء مطبعيه بسيطه ..



وتقبل خالص تحياتي ,,

[روقي قرم]

اخوي ناصر بن سعدي
اشكرك على مرورك وردك يالغالي
ماشفت اي خطأ مطبعي
او ممكن شفته ومدري انه خطـأ

ارق التحايا لك

[محمد العريــدي]

الأخ / روقي قرم .. ..


بيض الله وجهك يابعدي .. على نقلك قصيدة الخال / سالم بن حرقان العريدي .. .. اللذي إن دل فأنما يدل على طيب ذاتك .. ..

قصيدة لايعلى عليها .. .. تضمنت الجزاله من إلى .. .. ..


ويستاهل الشيخ /فيحان بن تركي بن ربيعان .. على مجهوده .. ولاهي غريبة على أبونايف ,, لا أوّل ولاتالي .. ..

والحمد لله على كل حال .. ..


تقبل تحيات بناخيك / محمد العريدي .. . .

[ރسلايـل المجـدރ]

بيض الله وجهك على النقـل وصح السان بن حرقـان ولا هو مستغرب على ابو نايـف الفعل الغانم ولا هو كثير في ربعـه

[داود الكسر]

يعطيك العافية على النقل تحياتي لك

[روقي قرم]

الاخ محمد العريدي

كل الشكر لك لمرورك وردك يالبناخي

ارق التحايا لك

[روقي قرم]

الاستاذ سلايل المجد

اشكرك على الشكر على تعطيرك صفحتي بمرورك العطـر

لاهنت يالذيب

لاخلا ولا عدم

ارق التحايا لشخصك

[روقي قرم]

اخوي داوود الكسر
الله يعافيك

شاكر لك مرورك وردك

اطيب التحايا

[بيارق نجد]

اخي روقي قرم

صح السانك و السان الشاعر الكبير سالم بن حرقان

و يستاهل المدح راعيه ابو نايف راعي الجمايل و العلوم الطيبه

و الله ما يوفيه لاقول و لافعل

اختك / بيارق نجد

[روقي قرم]

صح بدنك اختي بيارق نجد

لاهنتِ على تعطير الصفحه بمرورك العطر وردك

عسى الله يطول عمر ابونايف وجميع شيوخنا

ارق التحايا واطيبها لك

[فلان الفلاني]

وانته ولد تركي صعوط المجانيـن...خيال سبلا ذاخرا لـك رصيـدي


صح لسان بن حرقان مليون
ويتساهل ابو نايف المدح
الله يطول في عمره


روقي قرم تسلم يمناك
على نقل الجزل
ومدح اللي يستهلون المدح .
ابو نايف لو كتبت فيها معلقات
لن توفيه حقه ..


تحيتي لك

[روقي قرم]

صدقت يافلان مهما قلنا ماحنا موفين ابو نايف حقـه

اشكرك عزيزي على مرورك ومشاركتك..

لاعدمتـــك..

[! الروقي !]

السلام عليكم ورحمة الله وبركاته
بيض الله وجيهكم

[روقي قرم]

وجهك ابيـض..

لاهنت على ردك اخوي..

تحياتي..