أشتقت للمحاوره وبدعت هذه الأبيات

[احمد الزايدي]

أشتقت للمحاوره وبدعت هذه الأبيات

عساها تنال أعجابكم



سلام يارجال الوفا ياربعنا ياأهل اللزوم* * تقضون لازم من نصاكم ورث ورثه الجدود


فيكم ترى طنخه وفزعه مارمافيكم رخوم* * ذباحة الحايل وفي وقت الوغا عمى الحسود

[عادل العصيمي]

هلا وغلا بالاخ

احمد الزايدي

واستلم لا هنت


هلا يامرحبا والضيف اله عند الرجال سلوم = ندسم شاربه بام الشحم والجود فالماجود

والطيب مثل العد يا أحمد بين خلق الله عموم = والناس حول العد تاردله مصادير وورود

[احمد الزايدي]

سلمك الله وابقاك

أستلم يابن عجلان

يدوم إلك البقا وانا اعرف انك من رجا ل اقروم *** تمد الجزله بيمناك كريم وبالكرم معهود

وراع الطـيـب خــلــد لـه ذكـر بين العرب يــد وم*** وكل يذكره بالطيب واللي يفعله محمود

[ابن مسلم]

الزايدي وبن عجلان


صحت السنتكم

وواصلوا

[عادل العصيمي]

الاخ احمد

العفو لاكن ( تاكد من الوزن )

واستلم لا هنت


تشوّق للبنيه والبنية شوقها الزيزوم = وابن عجلان شاعرها ليا جا يومها الموعود

ليا لديت عيني للسماء ما شوف غير انجوم = ولن طلعت عليها الشمس وانته عارف المقصود

[احمد الزايدي]

يابن عجلا لاهنت

عقب على الشطر الأول من البيت الثاني (وتاكد من الوزن)

وستلم لاهنت

أنا شوق البنيه من زمان فات قبل اليوم*** وأبن عجلان يشهدلي ومثله يشهدون شهود

ليـالـديت عـينـك شفت قـدامك عقيد القوم*** عقيد القوم يقبل عذرك وتسلم من المنقود

[عادل العصيمي]

اخوي احمد

الاختلاف في الراي لا يفسد للود قضية

واصل واستلم


انا ما شفت الك جرة نهار الماقف المعلوم = ولو جرتك جره كيف تدفنها هبوب النود

عقيد القوم لن قفى البعير اللي علاه اوسوم = وهذي سالفه نسمعبها من عابد وعبود

[احمد الزايدي]

أستلم

أنا في ماقفي وافي واصلي بالعرب واصوم***وابن عجلان ماشفنا فعوله فالليال السود

عقيد القوم له ماقف وكيد انته سمعت اعلوم*** اقـرأله أنت قبل أن العرب تقـرلأهل الجود

[عادل العصيمي]

استلم استلم



ابن عجلان يسبح في بحور المعرفة ويعوم = وغيره يسمع الكلمة ويرسلها بلا مردود

يبن سعدي يبن مسلم ياعبدالله يبن منجوم = ترى ما لاح الي برق السحاب ولا سمعت ارعود

[إبن ثعلي]

صح السان الشاعرين ولاهانوا المتابعين

[احمد الزايدي]

أستلم

أنا سيفي يقص ارقاب وانته سيفك المثلوم*** لاتجحد كل فارس فالمعارك يحتزم بفرود

ترى المسحاه يارجال مخـتلفه عـن القــدوم*** وكل أنسان يارجال اله غايه وله مقصود

[عادل العصيمي]

استلم استلم

مقصود ( سرت )


ياراع السيف سيفك جوف غمدك ياكثير النوم = تسدّح والعرب مابين موت وبين قدح ازنود

يابو مسحاه مسحاتك ترى ما تنصر المظلوم = تشيّل فالمساحي والعرب بمشوك العبرود

[احمد الزايدي]

لاتخاف لاتخاف

أســــتلــــــم

تراني صقر متعلي عن أطيور الرخم والبوم*** لاتصبح صيدة في مخلبي ياطيريامقرود

نويت افجرك بالمخلب المتفجر الملغوم*** ياكم من واحد وده يصيد ويصبح المصيود

[كان موجود]

ياراع السيف سيفك جوف غمدك ياكثير النوم = تسدّح والعرب مابين موت وبين قدح ازنود

يابو مسحاه مسحاتك ترى ما تنصر المظلوم = تشيّل فالمساحي والعرب بمشوك العبرود

الله الله ..
صحت السنتكم ,,

لاهنتوا جميعا ً

والطير المقرود هذا اول مره اسمع به لكن صوره رائعه :)
والمعنى في بطن الشاعر :)

تحياتي لكم جميعا ً ..

[عادل العصيمي]

الاخ ماهر النمر

صح بدنك ومشكور على المرور

تحياتي

[عادل العصيمي]

استلم استلم

علامك قمت تحفر عن نصاب السيف يالمهموم = تطبّع ثم ترجع يم طبعك ياقليل الفود

الا ياسلعت التجار لا يكثر علاك السوم = انا خابرك يادار اليمن ما فيك غير زيود

[ناصر بن سعدي]

متابع ,, من بعيد ..

وأقول صحة ألسنتكم ..

همسه لـ أحمد الزايدي ,,

أبياتك الأولى يبغى لها إعادة نظر ..:)

ودمتم بخيـــر ..

[احمد الزايدي]

استلم

نويت اطعنك انا بسيفي يارجال يامـسقوم ** لا تصبح جثةٍِِ جوف الكفن ياصاحبي ملحود

على الصفيان تعطيها عشاها كل يوم ألحوم ** ومن لايستحي يفعل كما ماتفعل انت و زود



صح السانك

يابن عجلان

ولقد سعدت

بالمحاوره معك

جزاك الله خير

تقبل تحــيــاتــيـ

[عادل العصيمي]

استلم استلم


انا بالشعر ابا اكتم صاحبي راع البصل والثوم = ولو تنشد ترى ما ينفعك في ماقفك منشود
تقوله والعصيمي حازلك بين القسوم اقسوم = ابا احوزلك راس الثار ولا لحمة العجرود

وصح بدنك

والى لقاء آخر باذن الله