أعتذار!!!! ياموقع أعتيبه

[رعــ الهموم ــد]

بسم الله الرحمن الرحيم

السلام عليكم ورحمة الله وبركاته

اخواني وأخواتي مشرفين واعظاءوزوار هذا الصرح العظيم

امسي عليكم بالخير عسى ان تكونو بأتم صحه

أعتذر لغيابي اللذي حصل بسبب ظروف اجبرتني على الغياب

وان شاالله اني باقي في قلوبكم وأذهانكم

بصراحه يعجز اللسان عن التعبير وتستحي كلمات الخجل من كشف الستار

لذا أرجو المعذره منكم جميعآ

تقبلوا مني هذه الكلمات المتواظعه



أخذتلي مده عساها قليله=لاشالني وقتي رجعت أشيله
ياموقع إعتيبه يالولا أشغالي=ماغيب عنكم بالتواصل ليله
أخذت مده والمقدر حاصل=الشخص يجري والزمن يجريله
أول أبي فالعيد إلكم رده=لاكن حصل فالوقت بعض الميله
ودي أعايدكم لو إتأخرنا=واللي زعل منكم ترا بجيله
كل عام وأنتم بالسنين بصحه=والعذر منكم لونقصت الكيله
واللي حصل (عودي) حصله حادث=طلبتكم قولوا نبي ندعيله
عساه يطلع بالسلامه لأهله=وأحب راسه وأكثر إبتقبيله
رافقت عنده بالشميسي مده=وأبطيت عنكم ياهل التعليله
وقبله بمده فالمزاين وأعدي=أكمل اللي باقين تكميله
في ملتقى مزاين عيال الهيلا=ظلعن تحدر مع مسيله سيله
الله يجمعهم بعز وطاعه=جيلن بعزه يرتكيله جيله
والحمد لله كل شين طيب=وجينا وعن المكتوب مابه حيله


تقبلو ود الرعــــــــد


رعـــــــــــــــــــــــــــ الهموم ــــــــــــــــــــــــــــــــد

[إبن ثعلي]

ياهلابك يارعد الهموم ومعذوروالله يعافي شايبك ويسلمه من كل شر
تحيتي لك

[ابن مسلم]

الاخ رعد الهموم

الحمدلله على سلامة شايبك

وأعذرنا على القصور والله ماعندنا خبر ولاكان زرناه


وحياك الله

[جابر الثبيتي]

من جا مبطى على ما قالوا

حياك الله وحيا ما قدمت

تقبل مروري

لك

تقديري

[مسفر الجعيد]

معذور ومشكور ولا حصل منك قصور

صح السانك وعلا شانك

نص راااائع بروعة حضورك الكريم

صح قلبك ودام نبضك ولاهنت

تحيااااااااتي

[عبدالله المرشدي]

حياك الله


ومعذور


وصح لسااااااااااااااااانك


وحمد لله على سلامة الوالد

تحيتي لك

[ذيب الينوفي]

الله يحييك يارعد الهموم ويعافي الوالد

وصح لسانك على هالقصيده الرائعه

[ابوسـعد]

الحمدلله على سلامته وسلامتك...وطهور ان شاء الله..وياهلاااوغلاااا

[سلطان بن دحيم العطاوي]

رعد الهموم


صح لسانك وعلا شانك جزله من راس جزل

[الذويبي العتيبي]

ياهلابك اخوي رعد الهموم ومعذور

والله يعافي شايبك ويسلمه من كل شر وان شاء الله طهور

وصح الساااانك على ماقدمت

تحيتي لك

[نادر النمر]

صح السانك

صح السانك


صح السانك



..



وحياك الله .. ولا جاء منك قصور يالغالي ..


وحمد لله على سلامة الولد .. ولاادري الا من الردود الحين ..


الا انت اللي اعذرنا ع القصور ..


..



..



تحيتي وتقديري ..



..

[رعــ الهموم ــد]

إبن ثعلي



الله يعافيك ولايوريك مكروه


وعساك تسلم




رعــــــــــــــ الهموم ــــــــــــــــــــــــــد

[رعــ الهموم ــد]

ابن مسلم



الله يسلمك


ماحصل قصور الله لايريكم مكروه

رعــــــــــــــــــــ الهموم ــــــــــــــــــــــــد

[رعــ الهموم ــد]

النجم


الله يسلمك ويحييك



هذا من طيبك




رعــــــــــــــ الهموم ــــــــــــــد

[رعــ الهموم ــد]

مسفر الجعيد


صح بدنك

الله يسلمك


رعـــــــــــــــ الهموم ــــــــــــــــــد