معركة عيدة بين مطير والسهول وانتصار السهول على مطير

[الحصان]

غزى الشخ سلطان بن الحميدي الدويش شيخ قبيلة مطير بجمع ٍ كبير من قبيلته على قبيلة السهول لمغادرت اغلبهم من منطقة العرض الى مناطق العارض وبرك وسدير والعويريض والمحمل فصار كونه عليهم في يوم العيد وهم على خبراء البرازات و خبراء البرازات موقع معروف في شرق القويعية ذكرها الشيخ البليهد في كتابه (( ماتقارب سماعه)) وهي خبراء تجتمع فيها السيول وهي سابقاً من ديار برازات السهول وجرت عليها المعركة وصارت الكسيرة على مطير والنصرللسهول وفيها يقول : الشاعر عبدالله بن بعيجان السهلي


انا هاضنى يوم علينا من الدوشان = عيال الحميدي والملابيـس تتليهـا
غزونا على خبرا البرازات بالظفران =وقمنا عليهـم والله اللـى يقديهـا
حديناالسبايا بالمزاريج والفرسان =يجى الحول مابريت مداحى سماريهـا
حديناه لين انه تحول وراطاسان =وخلا الطماعه عقب له شقـوهٍ فيهـا
وياويلهم من سربه جرها عرهان =الى صاح بالبلهـا وحنـت تواليهـا
ترى الخيل جاها بدر وشلاش بن لحيان =وراحت باهلها ماتسنع مواطيها
ابمدح بها سموالبرازات والظهران=قروم الرجال التى تنومس عزاويها
انا من بنى عامر ليا عسكر الدخأان = ليا حل عند الخيل سو البـلا فيهـا
والي لابه مرباعها يمه الصمان =سهول تعشى الطير من جـدع اياديهـا
مصاييفها في نجد فالعرق والوديان =مع البل جنبها دايـم ٍ ما تخليهـا

1ـ الدوشان : شيوخ شمل قبائل مطير .

2 - عيال الحميدي هم سلطان واخوانه أبناء الحميدي بن فيصل بن وطبان الدويش ( امير شمل قبائل مطير في وقته ) توفي سنة 1274هـ .
3 - البرازات : فخذ من قبيلة السهول .
4 - طاسان : اغلب الظن انه جو في الصمان .
5 - عرهان : هو عرهان بن باتل السهلي , والبلها هي عزوته وهي احدى الخيل الاصيلة في نجد ولقد اشتهرت في نجد شهرة واسعه وكبيرة , وهو من البرازات من السهول قال ابن بليهد : ابرق عرهان : وعرهان المضاف اليه الابرق رجل من قبيلة السهول وهوصاحب الحصان الاصيل الذي اشتهر في نجد يؤتى اليه بالخيل الاصايل من كل ناحيته وقال ايضا : وعرهان رجل من قبيلة السهول كان عنده حصان اصيل تشبيه الاعراب خيلها وبناته من عراب الخيل ويقول الشاعر مطلق بن زيد بن حشر الجبعاء الدويش عن عرهان بن باتل السهلي :


لحقوا على حمر بناتن لعرهان =ياويل راعي التالية في نحاها

6 - بدر وشلاش بن لحيان : من شيوخ فخذ البرازات من قبيلة السهول .
7 - البرازات والظهران : من افخاذ قبيلة السهول .
8 - بني عامر : ترجع قبيلة السهول الى بني عامر بن صعصعه من هوازن من قيس عيلان من مضر من عدنان

[حسام هوازن]

مشكور ولاهنت يالحصان

على المعلومات القيّمة

والنعم بمطير والنعم بسليلة هوازن

قبيلة السهول العريقة

تقبل تحياتي ياالحصان

[خيال البويضا]

لا هنت يا الحصـان

على ذكر هذه الوقعة بين السهول ومطير ... لكن هنــاك خطا في ورد القصيدة مع الوقعة ...

1_هذه القصيدة اللي انت اوردت هي في وقعة ((خبرا البرازات)) وليست في وقعة عيده فوقعة خبرا البرازات جرت بين قبيلتي البرازات والظهران من السهول وبين الدوشان ومن معهم من مطير ..... وهي في خبرا البرازات المعروفة في نجد ...

2_وقعة عيده جرت بين الشيخ علوش ابن جلعود المحيميدي وجماعته وبين الدويش ومن كان معه من مطير وهي في نهار العيد ولكن ما ادري وين الوقعة بالضبط وكان مع آل محيميد في هذه الوقعة قبيلتي المحانيه وآل منجل من السهول.... قال الشاعر راشد بن ختلان المحيميدي السهلي في هذه الوقعة :


يا الله يا اللي عالين في رفاعه=يا عالم وش ذا الخلايق بيسوون
احدن لبس درعه وشمر ذراعه=واهل السبايا بالهنادي يعرضون
اللي يبينا ما نجي له طماعه=يرجع بعد عزه من الذل مغبون
الآد حمدان ضربهم بالوقاعه=لا غورت الاصوات عيوا يغورون
الا ان قال :
جانا من آلاد العقيلي مشاعه=والآد سلطان على الهوش يرسون

آلاد العقيلي عزوة قبيلة آل منجل من السهول
آلاد سلطان عزوة قبيلة المحانية من السهول

[خيال البويضا]

3_ وتقول طال عمرك في موضوعك : البلها وهي عزوته وهي احدى الخيل الأصيله في نجد ... وهذا خطا كبير

وياويلهم من سربـه جرهـا عرهـان *** الى صـاح بالبلهـا وحنـت تواليهـا

فالحنين كما تعرف هو للبـــل ما هوب للخيل ... البلها هي ابله وعزوته المشهوره ** خيال البلها عرهان**

اما حصانه اللي ضرب شهرته الآفاق .. فهــو حصانه عبيـــان ..

قال الشاعر عبدالله بن سبيل يمازح الشاعر حنيف بن سعيدان المطيري:

العير عير حنيف عيا يبيعه ** ما كنه الا كاسبن غوج عرهان

وقال الشاعر سعود بن سفر السهلي :

لا زعزع البلها على حصان عرهان ** كل السباع الضاريه يسجدوني

وقال الشاعر محمد بن مطلق السهلي يمدح بها الفارس عرهان :

يطوع كل عاصي لا تعزوا واعتلا اعبيان *** يعسف القوم فالوقفات والروحات والجيه

والقصيد والابيات والقصص في الفارس المغوار : عرهان بن باتل آل شامان البرازي السهلي تطول ولكـــن في حلقة قادمه ....



فمان الله

[عادل العصيمي]

مشكور يالحصان

والله لايهينك

[الحصان]

اخي راعي البويضا مشكورعلى التوضيح وبخصوص عزوة عرهان البلها انا اعرف انه ابله ولكن الموضوع منقول من منتديات السهول ونقلته كماهو ولم اعدل فيه
تحياتي

[الذابح الجارح]

بارك الله بك , شكراً أخي الكريم

[ابوعبيد]

ونعم بمطير والسهول

[الـمطيري]

ونعم بطير والسهووووووووووووول ..

وكل يد وحدهـ ،،،

[الطارقي]

ونعم مطير والسهول