معاناة سفر خارج السعودية

[عبدالله الجرهدي]

هذي الابيات قلتها عند ماسافرة لاحد الدول العربيه فوجت العادات والتقاليد تفتخت عن عاداتنا مثل الاختلاط بين الجنسين كذاك اذا اذن الموذن عندنا تسكر جميع المحلات. عكس ماهوعندهم. ارسلت القصيده الى جاري يقاله ابو عبدالله فهو شاعر من قبية سبيع وارد علي لاكني لم احفض رده.....
اقول بالابيات

ابي اشرح القصه لبو عبدالله من اولها=ابدا بتفاصيلهـا ليـن انـي انهيهـا
لقيت ناسن سلوم الاجـواد تجهلهـا=هنود وخواجـات ولانعـرف بواقيهـا
رجالهـم مـع مرتهـم كنـه البلهـا=المره تمشي عاريه والرجـل يتليهـا
ناسـن اضـن ربـي ماهـو قابلهـا=زي البهايـم تـدوج فـي مفاليـهـا
ماتفرق زول المره من زول عاملهـا=مختلطن يافـلان عاميهـا لشاميهـا
في وقت الاذان تلقاهـم فـي الملهـا=وصـلاة رب البيـت مافكـرو فيهـا
رحلتي يمهـم ماعـاد ابـى اكملهـا=يازين والله ديرتـي هـي واهاليهـا
لو جيت كـل الـدول مالقـا بدايلهـا=النفس من عقبها ما حـدن يسليهـا
يابو عبـدالله دارنـا عاشـو اهلهـا=نطلـب لهـا العـز ون الله يحميهـا
ديرة عرب ديرة وفاء ياناس ماجملها=شريفتـا حضرانهـا مـع بواديـهـا
الشاعر/عبدالله الجرهدي

[رشيد الكسر]

الشاعر الجرهدي

صح قلبك وكلك

عندك خلل بالوزن اتمنى اعادة النظر بالقصيده

كل التقدير

رشيد الكسر

[إبن ثعلي]

مشكور يالجرهدي والقصيدة جيده من ناحية المعنى والافكار لكن الوزن اختل ومثل ماتعرف ان الوزن هو روح القصيدة ولو تعيد مراجعتا افضل
تحيتي لك

[عبدالله الجرهدي]

كان القصيده وزنها صار مكسور=تفضلو يالمشرفين احذفوها
لانا ولانتم على الشين مجبور=الشاذه لصحابها رجعوها
مشكور يالمشرف ومشكورمشكور=انجتك مره ثانيه هملوها عبدالله ضحوي الجرهدي الشمري

[رشيد الكسر]

ههههههههههههههههه

ياابو ضحوي والله والف نعم فيك وفي شمر انت شاعر متمكن وانا لمست هالشي من كم بيت من قصايدك عشان كذا قصيدتك مااحنا حاذفينها لكن انت ليه؟ ماتعدل الكسر اللي بقصيدك لان الكسور ماهي كثيره في ابياتك وبامكانك تعدلها ..

اقول لك شي في ابياتك الثلاثه:)

البيت الثاني مو موزون ياابو ضحوي .. انت عندك مشكله وهي انك تستعجل لا تستعجل اخوي ترىالعجله ماهي زينه في كل شي

[عبدالله الجرهدي]

ياخ رشيد الكسر ...تصدقني لو القي القصيده امامك لقلت مافيها شي لان اللهجه تختلف بالكتابه ..وبعدين قصيدة الفكس ار امل ان تحذفها ولاتكون
في المواهب. لان هذي اخر مشاركه لي لاني ماجيت هنا لكي اتعبكم بالاوزان وغيرها بيض الله وجيهكم ولاقصرتم.

[كان موجود]

صح لساااانك يا عبدالله وعلا شااانك ,,
ابيات جميله ورائعه ,,
الله لا يهينك ,,
وبالنسبه للكسر اموره بسيطه وتقدر تعلها وانا اخوك ,,
وحنا كلنا في هالمنتدى نتعلم ونستفيد من خبرات بعضنا ,,
وجميعنا معرضين للخطأ واللي يوجه لنا نصيحه نشكره ونحاول ناخذ بها ,,
مالك حق تزعل لأنك انت المستفيد ,,
ياخوك من يحصل النصيحه في هالايام ووبلاش :)
اللهجه مالها اي علاقه بالوزن ,,
وانا اعرف ان مشكلتك ياعبدالله مثل مشكلة ناس واجد وهي ان الكسر يمر عليهم في الالقاء وبعضهم في اللحن ,,
حاول تحفظ من الطواريق وتحفظ لحنها وتلحن قصايدك على اللحن اللي يناسب بحر قصيدتك ,,
ماعليك من الالقاء الحين .. مع الوقت مجرد انك تسمع القصيده تعرف وين الكسور اللي فيها ,,
وانت شاعر ما شاء الله عليك ,, تراكيبك ومعانيك حلوه وقويه ,,
.. لكن الشعر ..
وزن وقافيه ومعنى ,,
اذا فقد شي منها مايصير شعر ويعتبر صف كلام او خواطر ,,
اتمنى لك التوفيق ,,
واتمنى انك تواصل وتطلع أكثر وان شاء الله بتستفيد من اخوانك الشعراء في المنتدى ,,
آسف على الاطاله وانا اخوك ,,
وحياك الله يالشمري ,,

[نسمة غلا]

الاخ عبدالله


صح لسانك


وعلا شانك ماشاء الله عليك

ويترائ لكل قارئ جمال قصيدتك ويبدو ان الكسور بسيطه


وحلو ان الانسان كما قال الاخوة يجدون احدا يهدي له النصيحه


وانا اشوفها جمال يتغشاه جمال

لاهنت ياخوي لاهنت

[الأميره الناعسه]

أنا مو شاعره ولا اعرف بالشعر شئ
بس اقول صح لسانك وعلا شانك
وبيض الله وجك

:)

[عبدالله المرشدي]

اخوي عبدالله الشمري

صح لسانك وعلى شانك

وحياك الله عند اخوانك

والاخوان ترا يبون يوضحو لك للفائده

القصيده فعلان بها الكثير الكثير من الكسور

واستاذنك في نقلها للمواهب

لانه مكانها الصحيح حسب ضوابط المنتدى

وياليت نشوف لك مشاركات اخرى


تحيتي لك

[رشيد الكسر]

اخوي الغالي والعزيز عبد الله الشمري

لن ازيد على ماقاله اخي الشاعر ماهر النمر . لانه بصراحه ماترك لنا شي نقوله ولكن ترى المنتدى منتداك ومنتدى الجميع والزعل الله لايجيبه ولو درينا انك بتزعل يمكن ننقلها للمواهب بدون نقد لكن احنا حبينا تعرف وين الكسر في ابياتك حتى في المرات القادمه لاتقع فيه . ومثل ماقال اخوي ماهر انت المستفيد بالاخير . وليس كل من تعرض للنقد ليس بشاعر بالعكس الشاعر هو الذي يتقبل النقد بصدر رحب وبدون زعل ودون اصرار على رأيه . وانت تبقى اخ وعزيز وغالي علينا ، حياك الله بين اخوانك

تقبل جل تقديري واحترامي

اخوك

رشيد الكسر

[نادر النمر]

رجالهـم مـع مرتهـم كنـه البلهـا=المره تمشي عاريه والرجـل يتليهـا

\

\

\


هههههههههههه زين ان فيه احد يتليها ..


العلم اللي مااحد يتليها :p


..


صح السانك ..


قصيده جميله ..


..



تحيتي ..,,