نصيحة الجرهدي

[عبدالله الجرهدي]

اليكم اعزائي هذه البيات النصيحه امل ان تحوز على رضاكم
يا طالب الخيرات دوك الافـاده=ابيات شعـرا للمشاهـد نهـذه
انصحك تال الليل فـي العبـاده=الله يـا فيهـا خشوعـا ولـذه
تحس لاصليت طعـم السعـاده=فكرك مركز ما يجي فيه شـذه
اسجد لربك واطلبـه ثـم نـاده=قلبك على الطاعه والاذكار غذه
والنفس خلك قايمن في جهـاده=والسانك الاقشر عن الشين عذه
ازرع ليومن ترتجي من حصاده=والعمر لابـد الليالـي تجـذه
كلن يموت ولايحصـل مـراده=ولو طالت الايام حيلـك تبـذه
[color=#4169E1]الشاعر عبدالله الجرهدي

[عزوتي عتيبه]

اول شي حياك الله اخوي عبدالله بالمنتدى

وصح لسانك على هالقصيده الطيبه والله يجزاك كل خير ولآهنت يالقرم

[كان موجود]

الله يجزاك خير يا عبدالله على النصيحه ,,
وصح لسانك وعلا شانك ,,
انت عندك مشكله في الاملاء وتخلينا نقراها مكسره ,,
البيت الثاني الشطر الأول منه مدري علامه ياعبدالله فيه خلل ,,
انصحك تال الليل في العبـاده .. يمكن اني قريته خطأ .
الا يالي >> الليالي تكتب تسذا وانا اخوك ,, انت حطيت مساحه وضيعتنا عن الكلمه ,,

لكن ما تمنع من جمال النصيحه والله يجزاك خير ويبارك فيك ويكثر من امثالك ,,

شكرا لك يالجرهدي وبيض الله وجهك ,,

[عبدالله الجرهدي]

اخوي ماهر النمر اولا شكرا لك على الترحيب الطيب وعلى التنويه
لاكن ياخوي النمر مافيه مانع لو صغة البيت الذي ترا انه مكسور بطريقتك الخاصه. من اجل التوضيح... لاني انا شمالي واللهجات تختلف بالكتابه
بالشعر العامي..شكري واتقديري لك

[عبدالله المرشدي]

صح لسانك ياعبدالله


وعلى شانك

قصيده رائعه

وياليت مثل ماقل اخوي ماهر

تعدل البيت لانه مهما كان من لهجه راح يكون فيه ثقل

وبيض الله وجهك على النصيحه القيمه وكثر الله من امثالك

تحيتي لك

[مسفر الجعيد]

حياك الله اخوي عبدالله بالمنتدى

وصح لسانك على هالقصيده الطيبه والله يجزاك كل خير ولآهنت يالقرم

[ناصر بن سعدي]

صح لسانك يالشمالي


وحياك الله ..

والعين أوســع لك من الدار ..

[ذيب الينوفي]

صح لسانك يالجرهدي وجزاك الله خير على النصائح بس وش معنى كلمة نهذه في البيت الاول:

يا طالب الخيرات دوك الافـاده
ابيات شعرا للمشاهـد نهـذه

[عبدالله الجرهدي]

الاخ ذيب معنىنهذه يعني اللاقاء مثل قول هذ القصيده الفلانيه .يعني سمعنى القصيده

[قوت القلوب]

بدالله الجرهدي صح لسانك
لاهنت

[قوت القلوب]

عبدالله الجرهدي صح لسانك
لاهنت

[الذويبي العتيبي]

اول شي حياك الله اخوي عبدالله بالمنتدى

وصح لسانك على هالقصيده الطيبه والله يجزاك كل خير ولآهنت

وان شاء الله ماتحرم من الاجر والثواب

اما ماهر عنده حق

وتقبل الود والتقدير