قصيدة خالد العتيبي(الحمى)

[غيمار العطاوي]

الحـظ مفتـاح الـدروب المغاليـق

او قفـل بيبـان الليـال وخطـاهـا

من ليلـة الحمى..لقتـك المعاليـق

في ثلجها..في جمرها.. فـي لظاهـا

واسكرك ياهم ورى الحدب.. وتفيق

كـل الطعـون المرمسـات وعناهـا

ومن وين اببدى يا جداد الطواريـق

وانتي مواريث الجـروح.. وذراهـا

من ضيعة السجه..ومـر المذاويـق

والا مـن عيونـي سهرها..وماهـا

بعض العلوم يجف من دونها الريـق

وبعض العلوم يجف ريقـي وراهـا

كحلت عيني مـن وجيـه المخاليـق

للساعه اللي ينثنـي مـن عصاهـا

ويومي زبنت العين في موقف الضيق

لقيـت مـن كحـل طرفها..عماهـا

(بعض اللحى)عز بوجـه المطاليـق

(وبعض الوجيه) اكبر خزاها..لحاهـا

تغـرك ازوال الرجـال المطافـيـق

لو انهـا مـا تختلف..عـن نساهـا

(هزايلٍ) تلهث ورى الهرج وتضيـق

من قبـل تخلق..والزمـان يهجاهـا

اللـي ليـا حملتـهـا بالمواثـيـق

تضعضعت..يسبـق ميلهـا رغاهـا

يا ليل..وان مريت راعي العشاريـق

غـب الهموم..اللـي تزايـد بلاهـا

قل له طروش القلب جمع..وتفاريـق

ذودٍ وطى قفـر الضلوع..ورعاهـا

ومابين مزموم الورق..والشواهيـق

ضيـع دروب وان نزلها..رقـاهـا

[ناصر بن سعدي]

الغالي

غيمار ..

ونقل رائع ..

لـ شاعر كبيــــــــر ..الله يوفقه ..


وتقبل خالص تحياتي ,,

[كان موجود]

صح لسانه ولسانك يا غيمار ,,
ولاهنت على النقله الرائعه ,,
مع امانينا بالتوفيق لشاعرنا القدير ,,

[زيـاد الدعجـاني]

سلمـت يمينك أخوي الغالي
غيمـار
على هذا النقل الأكثر من رائع

وصح لسان شاعرنا المبدع
أبو فهد
والله يوفقه في مسيرته ويوفق من معه

[الحساسه]

أنشالله محداً بيرفع البيرق الا ولد العتبان خالد العتيبي وسبع تنعام نشكرك على هي القصيده الحلوه

[الحساسه]

والله ان قلبنه معاك ياخالد والله يشهد ان حنه انصوتلك بدمنه وروحنا




تحيات بنت المقاطي

[غيمار العطاوي]

نــاصــر بــن ســعــدي


مــاهــر الــنــمــر


زيــاد الــدعــجــانــي


الــحــســاســه

شاكر لكم مروركم ولا هنتوا ,,



اخوكم:غـــيـــمـــار الـــعـــطـــاوي