ألفية منتدى عتيبه ارجو من جميع الشعار والشاعرات المشاركه

[ناصر الحربي]

جاء في بالي نسوي الفيه لمنتدى قبيلة عتيبه من شعراء وشاعرات الموقع .. بس خلو بالكم ترى ابن مسلم هو المسئول عن الالفيه .





الفً اولف من كلام على الكيف=من شاعرً غنا بروس المشاريف
بسم الله الرحمن فتح المظاريف=تفظلوا ياهل البيوت الجزيلات

[ذيب الينوفي]

والبا بلايه حب غض النهودي=غض(ن) على الخفرات زينه يزودي
خلاني اطلع عن محيط الحدودي=واطلع الخافي وانا حبي اسكات

[عبدالله المرشدي]

والتا ترفق ياريش العين بالناس=ترا الهواوي من سبايبك منحاس
ياقايد الغزلان ياضبي الاطعاس=انت الذي تستاهل الحب بالذات

[آهات الوله]

والثا ثمن حبك دفعنا زكاته=بسكات هات القلب لاهنت هاته
ان كنت ماتقدر تنفذ وصاته=لاعاد تطمع في رضا قلب آهات

[البارع]

والجيم جاني بعدها هم واحزان=احس كن بداخلي فيض بركان
يالله زين خاطري بعد ماشان= انت العظيم اللي عليك السهالات

[ناصر بن سعدي]

والحا حبيبي مايرد السلامي=ماعاد يقبلني ويقبل كلامي
بسم الله الرحمن مدري علامي=وش صار مني وأبشـر أجيك بإثبات

[مسفر الجعيد]

والخاء خفيف الدم قام يتغلا=واللي تغلا في مكانه يخلا
ماهمني لو كان رحب وهلا =النفس طابت والليالي متاهات

[نسمة غلا]

والدال دلعته على كيف كيفه=وانا اتقلب بين برده وصيفه
وان غاب عني دز مرسول طيفه=كنه عليّه حارس بكل الاوقات

[ولــ منجوم ـــد]

والذال ذوبت الخفوق بحلاتك=ياريت تسمح لي بلقطة شفاتك

ولا تعلمني وش اخرنهاتك= ياب العيون الناعسه والمميتات

[الذويبي العتيبي]

والرا ء روينا من بحور الشكاله = في منتدى عتيبه عسى الطيب فاله

وعزي لمن عنها تقصر حباله = من لا يجيد إبها الحروف السمينات

[قوت القلوب]

والزاء زواني حب شخصٍ هويته=ياليتني للحين ماقد لقيته
ساعة صدفته بالنواعس رميته=واقفيت من عنده وانافي حسرات

[من عتبان الكويت]

والسين سوابي جماله سوايا = ياليتني ماشفت بيض الثنايا
الغالي الوافي حسين السجايا=اللي عليه من البراءه علامات

[ابراهيم العسيري]

والشين شاغل يا جماعه خيالي=واحرم عيوني من سبات الليالي
ياليت غض العود يلطف بحالي =يسمح لنا بالمعرفه والزيارات

[كان موجود]

والصاد صدّه ياجماعه غبني = من بعد ما الغالي بزينه فتني
انا اشهد انه بالغرام امتحني = محبة ٍ ما سطرتها الروايات

[عبدالله المرشدي]

والضاد ضاعة حيلتي من يديني=مادام ملهوف الحشـا مايبينـي
مالي جدا ياكود كثـر الونينـي=ولامر طيفه قلت هيهات هيهات

[رشيد الكسر]

والطا طواني صاحبي طي قرطاس =وخلاني ببحر الهواجيس محتاس
حبه بقلبي ياملا ماله قياس =متمكنٍ بين الضلوع النحيفات

[الذويبي العتيبي]

احبتي السلام عليكم ورحمة الله وبركاته
قمت بجمع المشاركات هنا لتسهل على المشاركين ومدري
لا يكون عملي مزعج لكن من باب المشاركه لكم لا نتاج عمل جميل
والشكر لصاحب الفكره والمشاركين
ناصر الحربي
جاء في بالي نسوي الفيه لمنتدى قبيلة عتيبه من شعراء وشاعرات الموقع .. بس خلو بالكم ترى ابن مسلم هو المسئول عن الالفيه .

( ناصر الحربي)

الفً اولف من كلام على الكيف=من شاعرً غنا بروس المشاريف
بسم الله الرحمن فتح المظاريف=تفظلوا ياهل البيوت الجزيلات


( ذيب الينوفي )


والبا بلايه حـب غـض النهـودي=غض(ن) على الخفرات زينه يزودي
خلاني اطلع عن محيـط الحـدودي=واطلع الخافي وانـا حبـي اسكـات

عبد الله المرشدي )

والتا ترفق ياريش العين بالناس=ترا الهواوي من سبايبك منحاس
ياقايد الغزلان ياضبي الاطعـاس=انت الذي تستاهل الحب بالـذات
(آهات الوله)


والثا ثمن حبك دفعنـا زكاتـه=بسكات هات القلب لاهنت هاته
ان كنت ماتقدر تنفـذ وصاتـه=لاعاد تطمع في رضا قلب آهات
( البارع )


والجيم جاني بعدها هم واحزان=احس كن بداخلي فيض بركـان
يالله زين خاطري بعـد ماشـان=انت العظيم اللي عليك السهالات

( ناصر بن سعدي )


والحـا حبيبـي مايـرد السلامـي=ماعـاد يقبلنـي ويقبـل كلامـي
بسم الله الرحمن مـدري علامـي=وش صار مني وأبشر أجيك بإثبات


( سعد لافي )

والخاء خفيف الدم قام يتغلا=واللي تغلا في مكانه يخـلا
ماهمني لو كان رحب وهلا=النفس طابت والليالي متاهات

( نسمة غلا )

والدال دلعته على كيـف كيفـه=وانا اتقلب بين بـرده وصيفـه
وان غاب عني دز مرسول طيفه=كنه عليّه حارس بكل الاوقـات

( ولــ منجوم ــد )


والذال ذوبت الخفوق بحلاتك=ياريت تسمح لي بلقطة شفاتك
ولا تعلمنـي وش اخرنهاتـك=ياب العيون الناعسه والمميتات

(الذويبي العتيبي)


والرا ء روينا من بحور الشكالـه=في منتدى عتيبه عسى الطيب فاله
وعزي لمن عنها تقصـر حبالـه=من لا يجيد إبها الحروف السمينات

( قوت القلوب )

والزاء زواني حب شخصٍ هويته=ياليتني للحين ماقد لقيته
ساعة صدفته بالنواعس رميته=واقفيت من عنده وانافي حسرات


( من عتبان الكويت )


والسين سوابي جماله سوايا=ياليتني ماشفت بيض الثنايـا
الغالي الوافي حسين السجايا=اللي عليه من البراءه علامات

( ابراهيم العسيري)

والشين شاغل يا جماعه خيالي=واحرم عيوني من سبات الليالي
ياليت غض العود يلطف بحالي=يسمح لنا بالمعرفه والزيـارات

( ماهر النمر )


والصاد صدّه ياجماعه غبني=من بعد ما الغالي بزينه فتني
انا اشهد انه بالغرام امتحني=محبة ٍ ما سطرتها الروايات
( عبد الله المرشدي )


والضاد ضاعة حيلتي من يديني=مادام ملهوف الحشـا مايبينـي
مالي جدا ياكود كثر الونينـي=ولامر طيفه قلت هيهات هيهات
( رشيد الكسر )



والطا طواني صاحبي طي قرطاس=وخلاني ببحر الهواجيس محتـاس
حبه بقلبـي يامـلا مالـه قيـاس=متمكنٍ بيـن الضلـوع النحيفـات

[عبدالله المرشدي]

لاهنت يالذويبي

فعلك سليم

وراح تجمع ايضا بعد الانتها

تحيتي لك

وانتظار حرف

الظا

[الذويبي العتيبي]

والظا ظهر فالوجه شيب الولايف=واصبحت من فرقاه بالحيل خايف
يالله ترجع لي جميل الوصايف=اللي من اسبابه عيوني سهيرات

ومشكوور يالمرشدي على التوجيه وجاك حرف الظا

[ناصر الحربي]

العين عادت بعد غيبه طويله= تقول ابشفي قلب زايد غليله
قلت الله الله بالعلوم الجميله= والعمر يفنى واليالي طويلات

[آهات الوله]

والغين غنى الطير فوق الغصوني=وانا على صوته تهيض شجوني
والدمع سيل كحلتي من عيوني=على زمانٍ فات كله مسرات

[كان موجود]

والفا فرحت بشوفته يوم جاني = من فرحتي كني جمدت بمكاني
مدري وش اللي صابني وابتلاني = يالله تستر يا بديع السموات

[عبدالله المرشدي]

والقاف قف لي ياريش العين طالبك=تراى فوادي مندمـر مـن سبايبـك
خاف الولي باسباب ذنبي يحاسبـك=اعقل خلاص ارجوك يكفي حراكات

[الذويبي العتيبي]

والكاف يكفي ماحصل ياحبيبي =جرحتني وانته لجرحي طبيبي
هات الدوى وخلك بجنبي قريبي=ترى الوصل طب الجروح الخفيات

[كان موجود]

واللام لو تعرف وش اللي جرالي = بعد الغياب وبعد قطع الوصالي
ياويل حالي منك ياويل حالي = وريتني بالصد كل النهايات

[ناصر الحربي]

والميم مالك حق تزعل علينا= تزعل اليا رحنا اون كان جينا
تدري ترانا من غلاك انتهينا= شف لك طريقً فيه عدت مسارات

[عبدالله الجرهدي]

والنون نوم الناس حارب عيوني= يصاحبي ترفقو ورحموني
حرام ياغض النهد تذبحوني=وش ذنب مثلي يسهر الليل مابات

[رشيد الكسر]

والها هذاحالي وحالي بينْحل = وحالٍ تردى كل يومٍ بينَحل
يامن يجاوبني ويعطيني الحل = واجزاه بالدعوات في كل ركعات

[نادر النمر]

والواو وينك ياحبيبي ترا أبطيت = ماتدري اني من بعادك ترديت ؟
حتى بنومي يالغضي ماتهنيت = حالي يفرح كل عاذل وشمات

[كان موجود]

والياء يقول الشاعر اللي نهاها = تحيتي للشاعر اللي بداها
واللي من افكاره رفع مستواها =شعارنا أهل الكرم والمروات

[نادر النمر]

أخي الغالي ..


فارس المفـــرده ..


(()) ناصر الحربي (())


بيض الله وجهك ع الفكره والمبادره ..

التي لا تقل جمالا ً عن خلقك الكريم ..

وعن مفرداتك الشعريه الفذه ..


..

وأنا بدوري أطلب تثبيت الموضوع ..

من الاداره الكريمه مشكورين ..

..

وتقبل أخي ناصر أحر التحايا


وجل الاحترااام ..,,

[ناصر الحربي]

صح لسان كل شاعر وشاعره


شاركوا بأبياتهم الجزله والراقيه والحقيقه الجميع ماقصروا على العكس كل الابداع وجدته هنا

بيض الله وجيهكم جميع


اخوووووكم

[ناصر بن سعدي]

أشكر الجميــع على التفاعل ..

كما أِشكر صاحب الفكره وصاحب هذا الموضوع ..

الغالي

ناصر الحربي ..

والشكر موصول لـ إخوي نادر (العنيــد) على المطالبه بالثبيت ..



وتم تثبيتها بعدما نسقها مشكوراً الغالي

ماهر النمر ..

ولـ الجميع خالص تحياتي ,,