مصافحه صغيره .. لهذا المنبر الكبير

[سعود المطيري]

لاتعتذر منـت بعلـى الصـد معـذور
ــــــــــــــــــــــــــ وش عاد لو كثـرت علـي المعاذيـر
تعبـت أسايرهـا وهّديـك وتـثـور
ـــــــــــــــــــــــ واسووق رجلي في سـراب المشاويـر
ياصاحبي .. ماني على الصبر مجبور
ـــــــــــــــــــــــ ولولاك تسوى .. مارقيـت المحاذيـر
يوم الغلا .. جاله على القلـب منثـور
ــــــــــــــــــــــــــ سقت الثميـن ولاحسبـت المخاسيـر
جيتك وانـا كلـي بساتيـن وزهـور
ــــــــــــــــــــــــــــ وانفـاس هيـلً بالـدلال المباهـيـر
يحدنـي يمـك .. احاسيـس وشعـور
ـــــــــــــــــــــــــ وجيـوش عشـقً بالحنايـا طوابيـر
قلبً يضمّك وانـت بالقلـب محصـور
ــــــــــــــــــــــــ وريضان وجدك بالضمايـر مزاهيـر
وطعوونك اللي كلهـا آلآلآم وكسـور
ــــــــــــــــــــــــ مّرت علي ضيـوف دار ومساييـر !!
اشيلها راضـي ولاعنـك .. مذخـور
ــــــــــــــــــــــــــــ واصيـر دونـك بالليـال المعاسـيـر
واليوم .. ضاعت بك محيطات وبحور
ــــــــــــــــــــــــــــ لفـت بـك الدنيـا شتـات ومقاديـر
قامـت تلفـك لـف وتلـف وتــدور
ــــــــــــــــــــــــــــ مابيـن ضايعهـا وشّــح التدابـيـر
ورجعت لي ضامـي وتايـه ومقهـور
ـــــــــــــــــــــــ عقب البطا .. شمّيت ريـح التباشيـر
ماعاد لك عندي ... مراتيع وقصـور
ـــــــــــــــــــ أتلى العهد .. يومك حرقت المخاضير!!




كل الورد لقلوبكم

[أحـمـد الـروقـي]

الأخ / سعود المطيري صح لسااااااانـك .. يعطيك العافيه ، تحياتي لك ، تقبل مروري

[ساحر الكلمه]

يعطيك العافية

الساحر

[إبن ثعلي]

يحدنـي يمـك .. احاسيـس وشعـور
ـــــــــــــــــــــــــ وجيـوش عشـقً بالحنايـا طوابيـر
لاهنت يااخ سعود المطيري وصح السانك قصيدة لايعلى عليها
تحياتي لك

[ރالزيــاديރ]

أخوي سعود بيض الله وجهك وسلمت يمناك يالغالي..تحياتي لك..

[الرومنسي]

يعطيك العافية

[سعود المطيري]

لاهنت اخوي احمد
تسلم على المرور العاطر

[سعود المطيري]

تسلم اخوي ساحر الكلمه
شاكر لرووحك تواجدك

[سعود المطيري]

مرحباا اخوي ابن ثعلي
تسلم يابعدي
لاهنت على تواصلك

[سعود المطيري]

ياهلا ببدر
عزيز وغالي يابعدي
سلمت سلمت

[سعود المطيري]

الرائع مجول
تحيه لقلبك الندي
لاهنت لااهنت