خالد العتيبي ومشاركته الأولى

[مراسلكم]

http://www.up.00op.com/data/visitors/2007/12/25/storm_1225265422_466437030.gif




ضمن الجوله الثانيه من شاعر المليون .


تميز كالعاده الشاعر الكبير والمبدع والمتألق


خالد محمد العتيبي


http://www.alyaum.com/images/11/11136/11136_217_1.jpg


وكانت مشاركته في أفضل من وطأت قدمه على الأرض .

في رسول الله صلى عليه وسلم ..

نترككم مع هذه الدره .


دعت سمرالجدايل وانتخت بالقذلة الهلة=تبي مني عروس للقصيد ازريت لاغويها
ويوم اني لقيت لها الخلود وجيت ابوصل له=تنحرك الكلام اللي فهقها دون مغليها
خضع لك راس مسبوق القصايد وانحنى كله=وانا بك شاعرالدنيا ومشغلها وماليها
يذكرني رحيلك مجلس باق على حله=مداهيل الرجال اللي تنومسنا مواطيها
هنا سليت سيف يوفي الثارين من سله=هنا علقت رمح يطعن الجوزا ويطفيها
هنا بينت مصحفك الكريم ودلنا دله=معك نبدا مواعيد الكلام وننتهي فيها
هنا ساقيت غصن من غلا كنا تحت ظله=نسولف بالغنا يا بايع الدنيا وشاريها
هنا كان الرجال جبال ما تقبل خنا الزلة=عمايمها سحاب وابله باقي مواضيها
رجال لو تشوف الماء غدر ما شربته لله=نبت عشب الرضا يا سيدي بأول مغازيها
هل التوحيد وكنوز العلوم ونصرة الملة=رجال يضحك التاريخ لولها وتاليها
هنا ماضيك ورياض الخليل اللي رعى خله=شربنا عذبها مدري لعبنا في مغانيها
هنا تخنقني العبرة وانا اكتب يا رسول الله=على قبرك نسيت الناس حاقدها وحانيها
وابو قبر يتيه من الفخر بالبيد وتجله=على حسد تبين من سمايمها وصاليها
ويهناك الوفا قبر يضمك في ثرا تله=ما دامه بين فردوس الجنان وبين منشيها
وانا لا من ذكرت فراقك اللي في يدي غله=نسيت ان الليالي شيبتني من بلاويها
على بعد الزمان اللي يعقد الحبل ويحله=ليامني ذكرتك طاحت الدمعة وراعيها
سلام الله ما هز الصبا نسرينه و فله=على الطفل اليتيم اللي عطى الدنيا معانيها

بالتوفيق لشاعرنا المتألق

[ناصر بن سعدي]

لاهنت يامراسلنا ,,


والشاعر الكبير

خالد العتيبي


شاعر كبير ومعروف ونراهن على عليه في كسب اللقب ,

وحفظنا قصيدته عن ظهر غيب ,,


في المصطفى صلى الله عليه وسلم ..

والله يوفقه ,,

[أبو سعد الدلبحي]

با التوفيق للشاعر خالد العتيبي

[شموخ النايفات]

اللهــم صلــي وسلــم على رســول اللــه..

قصيــدة رائــعه من شــاعر رائــع

صح لسان شاااااااعرنا


خالد محمد العتيبي ..



ابدع باختياره لهذه القصيده ..



وفاله المليون ..والتوفيق والبيرق




مرسلنا الله يعطيك الف عافيه


:)

[عبدالله المرشدي]

مراسلنا


بيض الله وجهك

وافي ومتابع

الله لايهينك

وبالتوفيق للشاعر خالد محمد


تحيتي لك

[إشراقات]

المـدح في الشاعر خالد العتيبي قليل ..

ويعطيك العافيه مراسلنا على المتابعه لشعرائنا في برنامج شاعر المليون ..

[مراسلكم]

مديرنا لاهنت على المرور

ونتمنى لشاعرنا التوفيق رغم ظلم الللجنه له مساء هذا اليوم

[مراسلكم]

مديرنا لاهنت على المرور

ونتمنى لشاعرنا التوفيق رغم ظلم الللجنه له مساء هذا اليوم

[البارع]

والله ان هالادمي تحبه من تشوف وجهه...عقل,,وثقل,,ورزانه

ومبتعد عن المهاترات والغزل الفاحش الله يوفقه وفاله البيرق...

[ضيف الله الغنامي]

لاهنت يامراسلنا ,,

وخالد شاعر كبير وغني عن التعريف

ونتمنى له التوفيق