وينكم ياشعارالمنتدى

[عادل العصيمي]

السلام عليكم ورحة الله

ارجوا ان تقبلوا هذا اللغز الخفيف مع فائق التقدير والاحترام








انشدك عن شي(ن) يقودك والحبل يقتادة = مالك عليه احقوق وانته ملزم(ن) بحقوقه

مضّاه سيدنا محمد والكفر والساده = كلّ(ن) يغنيله وكل(ن) معجبه طاروقه

اخوكم

عادل بن عجلان

[ولــ منجوم ـــد]

ابن عجلان

حياااااااك الله

لغز استوقني كثير

واتمنى من العموم التفاعل والمشاركة

وبالنسبة لي

جارررررررررري التفكير

لاعدمتك

[عادل العصيمي]

ولد منجوم

يسعدني مرورك وانت شاعر ما يحتاج وعساك على القوه


انا كتبت اللغز وطاح منه حرف في الشطر الأول ( والحبل ) اسف


ومبروك الترقيه نقيب

تمام يفندم

ههههههههههه

[عبدالله المرشدي]

بن عجلان

صح لسانك

على هاللغز الطيب

وتم رفع الحرف اللي طاح

وان شاء الله نلقى له حل

تحيتي لك

[نسمة غلا]

حياك الله يابن عجلان

هلا بك وبلغزك

ونتشرف بالرمعات في صفحات الالغاز

وانا اتوقع والله اعلم حل لغزك (( الموت))

وننتظر باقي الاعضاء

[عادل العصيمي]

عبدالله المرشدي

نسمة غلا

هلابكم وهلا برمعاتكم

الاخت غلا مالك لوى

تحياتي

[ناصر بن سعدي]

الغالي


إبن عجلان ,,


لغز محبوك ,,,


ورمعه لـ التحفيز ,,(ربما بكون القرآن)



وتقبل تحياتي ,,

[عادل العصيمي]

الاخ بن سعدي

مرررررحبابك في محللك

رمعتك طيبة ( لاكن مالك لوى )

[نسمة غلا]

يابن عجلان لغزك لاخفيف ولا قاله الله

الا وش ثقله


طيب مافيه اختيارات
ههههههههههههههههههههههههههههههه

طيب هو معنوي والا محسوس

[عادل العصيمي]

الاخت غلا

والله ان اللغز اذا اتوضح اثر من كذا راح ( تنفقع عينه )

لاكن انا بوضضضضضح ( اللغز معنوي ومحسوس ) والله يستر

[نسمة غلا]

كثر خيرك تصدق كذا صار سهل

(( معنوي ومحسوس))

مرررررررررررررة صار واضح

طيب الغز قديم والا جديد

[رشيد الكسر]

والله انا عندي رمعه ياابن عجلان


ان كان ماهوبــ ( العمر )


اتمنى تكون صائبه


كل التقدير

[عادل العصيمي]

الاخت غلا

اللغز جديد باسلوب قديم

هلحين مالللللللللك عذر مرررررره

الاخ رشيد

الرمعه طيبة ولالك لوى

[إبن ثعلي]

اعتقد يابن عجلان انه الطريق
وحقوق الطريق
وغناء الركبان مع الطريق
واذا لم يكن الطريق فهو الراحله تمشي على الطريق وتقودك الى هدفك وهي الحبل يقودها
وتحياتي لك

[رشيد الكسر]

طيب عندي رمعه اخرى


ان كان ماهو بـ ( الديانه ) الدين

كل التقدير

رشيد الكسر

[عادل العصيمي]

الاخ بن ثعلي

الاخ رشيد

شكرا على المرور

ومالكم لوى

[عادل العصيمي]

توضيح

يتكون من خمسة احرف

له علاقة بالديانات

[عبدالله المرشدي]

بن عجلان

صح لسانك

بس لاعاد توضح اكثر

وان شاء الله لي عوده

[خالد511]

شكرا على اللغز يابن عجلان
و:confused:عندي رمعة وعلى الله ( هوى النفس )

[ناصر بن سعدي]

هلابك مره أخرى ,,


ورمعتي ((العقــل))


ودمت بخيـــر ,,

[عادل العصيمي]

الاخوان

عبدالله المرشدي

في الانتظار

خالد 511

بن سعدي

شكرا على التفاعل

ومالكم لوى

[ناصر بن سعدي]

,,

وش رايك ,,

بحبل الســـر عند المولود,,



ودمت بخيــــــر ياعزيزي ’’

[رشيد الكسر]

ابن عجلان


هاك الرمعه هذي وعساها تصيب ماتخيب


((( الـــوقــــت )))



كل التقدير والاحترام


رشيد الكسر

[عادل العصيمي]

الاخوان

بن سعدي

رشيد

شكرا على التفاعل ومالكم لوى

[عبدالله المرشدي]

بن عجلان


ماهو صلة الرحم

تحيتي وتقديري

[عبدالله المرشدي]

ان ماصبت رمعتي الاولى

يمكن يكون الاسم

[عادل العصيمي]

المرشدي

تحياتي لك دقق اكثر وتمعن في اللغز ( اعتبره بيت محاورة ) وانا متأكد انك اذا فصلت اللغز شطر شطر

راح تلقى الجواب

وتقبل تحياتي

[رشيد الكسر]

طيب ياابن عجلان


هاك هالرمعه



(((( السفر )))


تقديري

رشيد الكسر

[عادل العصيمي]

الاخ رشيد

شكرا على التفاعل ومالك لوى

وتقبل تحياتي

[أبــو ولـــــيد]

وشالغزالصعب يا بن عجلان
ما هى وضحى يا بن عجلا ن وتقبل مرور
ابو وليد

[أبــو ولـــــيد]

وشالغزالصعب يا بن عجلان
ما هى وضحى يا بن عجلا ن وتقبل مرور
ابو وليد
الحل هو العهد او الميثا ق عند العرب

[عادل العصيمي]

ابو وليد

شكراً على التفاعل والمشاركة

ومالك لوى

[أبــو ولـــــيد]

الحل ماهو بالدين يابن عجلان
تقبل رمعة ابو وليدراعى العوجا

[عادل العصيمي]

كفو ياراعي العوجا

وحياك الله يبو وليد الجواب له علاقة بسيطة بالدين

تحياتي

[أبــو ولـــــيد]

ونعم ببن عجلان خذالرمعه التا ليه
اما العقد اوميعا د اجل الدين
لاهنت يا بعدى
اخوك ابو وليدراعى العوجا

[عادل العصيمي]

ابو وليد اشكرك على الاصرار

ومالك لوى

تحياتي

[أبــو ولـــــيد]

بن عجلان لاهنت
ارمعه التا ليهالحض او النصيب
وتقبل مرورى
راعى العوجاء

[عادل العصيمي]

ابو وليد

تسلم على المرور وحياك الله ومالك لوى

تحياتي

[جبل النور]

الله يعطيك العافيه يا ابن عجلان

وعندي رمعه وهي الصوم

تقبل مروري

[عادل العصيمي]

الاخ جبل النور

يامرحبا تراحيب المطر والسيل

ومالك لوى

تحياتي

[أبــو ولـــــيد]

محبا جبل النور
الحمد للله على لسلامه
وما جورومتى الوصول
من ارض الكنا نه
ابو وليدراعى العوجا

[جبل النور]

محبا جبل النور
الحمد للله على لسلامه
وما جورومتى الوصول
من ارض الكنا نه
ابو وليدراعى العوجا


الله يسلمك

ولكن يا راع العوجا

شكلك تعرفني ولكن انا الى الان ما تشرفت

[أبــو ولـــــيد]

ان رغبت فى الشرف
فقد وصلت وعليك الا ستمرار
راعى العو جا

[خالد511]

بن عجلان

عندي رمعة انشاء الله تكون صح ( الذلول )

تقبل مروري

[عادل العصيمي]

الاخ خالد 511

اشكرك على التفاعل المستمر ومالك لوى

تحياتي

[جبل النور]

ان رغبت فى الشرف
فقد وصلت وعليك الا ستمرار
راعى العو جا


لقد سبقتني انت الى الشرف وعليك ان تحافظ عليه

ومع ذلك فأنت مخطي الدليل ومضيع يا راعي الدهماء