عاد عيدك يايبه!!!

[نسمة غلا]

السلام عليكم ورحمة الله وبركاته

http://www.mrakb.com/up/uploads/ea77b1fa7c.gif (http://www.mrakb.com/up/)
الاخوة والاخوات اعضاء منتدى عتيبه
يطيب لي ان اضع هذه الكلمات في شخص
يستحق مني كل الوفاء والحب
بالرغم من انها لاتوفيه حقه علي مهما قلت
ومن غير والدي الله يحفظه ويطول بعمره
وحبيت تشاركوني في الابحار معها

http://www.mrakb.com/up/uploads/ea77b1fa7c.gif (http://www.mrakb.com/up/)


يابوي من بنتك سلامٍ وتحية=مرسولةٍ تاصلك في أول العيد

في آخر العشره بعيد الضحيه=اقول يابويه عسى عيـدك يعيـد

ياراعي النخوه وراعي الحميه=ياطيب السيره وفيي المواعيد

منك الذرا والستر يضفي عليه=واشوف نفسي غير عن ساير الغيد

انت الشجيع الشهم زبن الونيه=لاجا نهارٍ فيه حمل البواريد

وانت الكريم اللي كفوفه نديه=نبع الوفا والجود مابك مناقيد

من بنتك سويره بيوتٍ نقيه=فيها الغلا والود جاله عناقيد

سجلتها من بوح فكري هديه=لاغلى بشر في دنيتي جعله اسعيد
http://www.mrakb.com/up/uploads/ea77b1fa7c.gif (http://www.mrakb.com/up/)

[ابوسـعد]

عند طلبها بارك الله فيها وفي شعرها الجزل...